قىرعىزستان پرەمەر مينيسترىنىڭ ورىنباسارى: جۇڭگو قىزمەت گرۋپپاسى قىرعىزستاننىڭ ىندەتكە توتەپ بەرۋ قىزمەتى ٴۇشىن ماڭىزدى ۇلەس قوستى
2020.04.27 17:07 كەلۋ قاينارى : حالىق تورابى
حالىق تورابى، 4 – ايدىڭ 27 – كۇنى، بەيجيڭ. شينحۋا اگەنتتىگىنىڭ ٴتىلشىسى گۋان جيان ـ ۋدىڭ 4 – ايدىڭ 26 – كۇنى بىشكەكتەن بەرگەن حابارى: قىرعىزستان پرەمەر مينيسترىنىڭ ورىنباسارى يسمەرۆا 4 – ايدىڭ 26 - كۇنى بىلاي دەدى: جۇڭگونىڭ قىرعىزستانعا جىبەرگەن بىرلەسكەن قىزمەت گرۋپپاسى قىزمەت پوزيتسياسىن جانە ەلدەن ەرەك كاسىپتىك ساپاسىن ايگىلەپ، قىرعىزستاننىڭ ىندەتكە توتەپ بەرۋ قىزمەتى ٴۇشىن ماڭىزدى ۇلەس قوستى.
قىرعىزستان دەنساۋلىق ساقتاۋ مينيسترلىگى سول كۇنى جۇڭگونىڭ قىرعىزستانعا باراتىن بىرلەسكەن قىزمەت گرۋپپاسىنىڭ قىرعىزستاندا قىزمەت قورىتىندىلاۋ سيپاتتى ٴماجىلىسىن وتكىزدى، يسمەرۆا، جۇڭگونىڭ قىرعىزستاندا تۇراتىن باس ەلشىسى دۋ دىۋىن، قىرعىزستان پرەزيدەنت كەڭسەسى مەڭگەرۋشىسىنىڭ ٴبىرىنشى ورىنباسارى كەنەنبايوۆ، قىرعىزستان دەنساۋلىق ساقتاۋ مينيسترى ابدىعاليوۆ، قىزمەت گرۋپپاسىنىڭ بارلىق مۇشەلەرى، سونداي ـ اق قىرعىزستان مەديتسينا ۋنيۆەرسيتەتى، مەملەكەتتىك شيپاحانا سياقتى ەمدەۋ قۇرىلىمدارىنىڭ ۋاكىلدەرى مەن مەديتسينا ماماندارى قاتىناستى. ابدىعاليوۆ قىزمەت گرۋپپاسىنىڭ بارلىق مۇشەلەرىنە قىرعىزستان ەرەكشە ۇلەس قوسۋ وردەنىن جانە كۋالىگىن تاراتتى.
يسمەرۆا قىرعىزستان ۇكىمەتى اتىنان جۇڭگونىڭ قىرعىزستانعا بىرلەسكەن قىزمەت گرۋپپاسىنا العىس ايتىپ، جۇڭگو ماماندارىنىڭ قىزمەت پوزيتسياسى مەن ەلدەن ەرەك كاسىپتىك ساپاسىن جوعارى باعالادى. ول بىلاي دەدى: جۇڭگو جاقتىڭ ماماندارى قىرعىزستاننىڭ ەمدەۋ قۇرىلىمدارىنان حال سۇراۋ، جەلىدە وقىتۋ سياقتى تاسىلدەر ارقىلى قىرعىزستاننىڭ ماماندارىمەن ىشكەرىلەي، ەگجەي ـ تەگجەيلى پىكىر اۋىستىرىپ، قىرعىزستاننىڭ ىندەت جاعدايىنا ماڭىزدى ۇلەس قوستى.
دۋ دىۋىن بىلاي دەدى: قىزمەت گرۋپپاسى جۇڭگو مەن قىرعىزستاننىڭ ىندەتتەن ساقتانۋ سەلبەستىگىن تەرەڭدەتۋدە جانە جۇڭگو مەن قىرعىزستاننىڭ دوستىعىن بەكەمدەۋدە ەرەكشە ماڭىزدى رول اتقاردى. دۋ دىۋىن قىرعىزستاننىڭ قىزمەت گرۋپپاسىنا قولايلى شارت ـ جاعداي ازىرلەگەنىنە العىس ايتىپ، جۇڭگو مەن قىرعىزستاننىڭ ەكى ەل باسشىلارىنىڭ تاياۋدا تەلەفوندا سويلەسىپ كەلىسكەن ماڭىزدى ورتاق تانىمى بويىنشا، ۇزدىكسىز ٴبىر ـ بىرىنە قارايلاسىپ، ٴبىر ـ بىرىنە كومەكتەسىپ، قول ۇشىن بەرەتىنىن باسا دارىپتەدى. سونىمەن بىرگە، ەكى جاق «ٴبىر بەلدەۋ، ٴبىر جولدى» بىرگە قۇرۋ سەلبەستىگىن اناعۇرلىم تەرەڭدەتىپ، ەكى ەل حالقىنا باقىت جاراتۋى كەرەك ەكەندىگىن ايتتى.
كەنەنبايوۆ قىرعىزستاننىڭ پرەزيدەنتى جيەنبەكوۆتىڭ قىزمەت گرۋپپاسىنا دەگەن شىنايى العىسىن جەتكىزىپ، قىرعىزستاننىڭ جۇڭگونىڭ ىندەتكە قارسى تۇرۋ تاجىريبەسى مەن كاسىپتىك ٴبىلىمىن ىندەتتەن ساقتانۋ امالياتىنا قولدانىپ، ىندەت جاعدايىن ەرتەرەك جەڭۋگە قۇلشىناتىندىعىن اتاپ كورسەتتى.
قىزمەت گرۋپپاسىنىڭ باستىعى، شينجياڭ ۇيعۇر اۆتونوميالى رايونى قىزىلسۋ قىرعىز وبلىسى باستىعىنىڭ ورىنباسارى عايىپنۇر ۇسەن قىرعىزستاننىڭ ىندەتكە قارسى تۇرۋ شاراسىن بەلسەندى باعالاپ، قىزمەت گرۋپپاسى ەلگە ورالعاننان كەيىن دە قىرعىزستاننىڭ ماماندارىمەن تىعىز بايلانىستى ساقتاپ، ىندەتكە بىرگە قارسى تۇرۋدى قالايدى دەدى .
جۇڭگونىڭ قىرعىزستانعا جىبەرگەن بىرلەسكەن قىزمەت گرۋپپاسى 4 – ايدىڭ 20 - كۇنى بىشكەككە جەتكەن، 4 – ايدىڭ 27 - كۇنى ەلگە قايتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
