قازاقستان سەناتى جاڭا سەنات ءتوراعاسىن سايلادى

2020.05.06 17:05   كەلۋ قاينارى : حالىق تورابى

　　حالىق تورابى، 5 – ايدىڭ 6 – كۇنى، بەيجيڭ. شينحۋا اگەنتتىگىنىڭ 5 – ايدىڭ 4 – كۇنى (ءتىلشى رىن جۇن) نۇر – سۇلتاننان بەرگەن حابارى. قازاقستان سەنات سايتىنىڭ حابارىنا قاراعاندا، قازاقستان سەناتى 5 – ايدىڭ 4 – كۇنى سەنات ءتوراعاسى سايلاۋىن وتكىزدى، ماۋلەن اشىمبايەۆ جاڭا كەزەكتى سەنات ءتوراعاسى بولىپ سايلاندى.

　　حابارعا قاراعاندا، 5 – ايدىڭ 4 - كۇنى تاڭەرتەڭ قازاقستاننىڭ پرەزيدەنتى توقايەۆ بۇيرىققا قول قويىپ، اشىمبايەۆتى سەنات دەپۋتاتى ەتىپ سايلادى. سەنات ىلە - شالا ءماجىلىس اشىپ، اشىمبايەۆتى جاڭا كەزەكتى سەنات ءتوراعاسى ەتىپ سايلاۋدى ءبىر اۋىزدان ماقۇلدادى.

　　توقايەۆ سول كۇنى سەنات ماجىلىسىنە قاتىناسقاندا بىلاي دەدى: سەنات قازاقستاننىڭ ساياسي جانە قوعامدىق ومىرىندە ماڭىزدى رول اتقارادى، اشىمبايەۆ مول مەملەكەت ىستەرى تاجىريبەسىنە يە، سەنات ءتوراعاسى مىندەتىن وتەي الادى.

　　اشىمبايەۆ 1971 - جىلى تۋىلعان، بۇرىن پرەزيدەنتتىڭ كومەكشىسى مىندەتىن اتقارعان، بيلىك باسىنداعى پارتيا نۇر – وتان پارتياسى ءتوراعاسىنىڭ ورىنباسارى، پارلامەنت مۇشەسى بولعان، 2019 - جىلى 12 –ايدان باستاپ پرەزيدەنت كەڭسە مەڭگەرۋشىسىنىڭ ءبىرىنشى ورىنباسارى مىندەتىن اتقارعان.

　　5 – ايدىڭ 2 - كۇنى توقايەۆ بۇيرىققا قول قويىپ، سەنات ءتوراعاسى داريعا نازاربايەۆانىڭ سەنات دەپۋتاتى مىندەتىن كۇشىنەن قالدىردى.

　　كەلۋ قاينارى: حالىق تورابى