«جۇڭگو مەن ورتا ازياداعى بەس ەل» تۇڭعىش رەت سىرتقى ىستەر مينيسترلەرىنىڭ كەڭەسىن وتكىزدى
2020.07.17 14:01 كەلۋ قاينارى : حالىق تورابى
شينحۋا اگەنتتىگى، 7 – ايدىڭ 16 – كۇنى، بەيجيڭ (ءتىلشى: چىڭ شين) «جۇڭگو مەن ورتا ازياداعى بەس ەل» 7 – ايدىڭ 16 – كۇنى كەسكىندى تاسىلمەن تۇڭعىش رەت سىرتقى ىستەر مينيسترلەرىنىڭ كەڭەسىن وتكىزدى. مەملەكەتتىك ىستەرى جوراسى ءارى سىرتقى ىستەر مينيسترى ۋاڭ ي كەڭەسكە قاتىناستى ءارى كەڭەستى باسقاردى، قازاقستاننىڭ سىرتقى ىستەر مينيسترى مۇحتار تىلەۋبەردى، قىرعىزستاننىڭ سىرتقى ىستەر مينيسترى ايداربەكوۆ، تاجىكستاننىڭ سىرتقى ىستەر مينيسترى مۇحريدين، تۇركىمەنستاننىڭ ورىنباسار زۇڭليى ءارى سىرتقى ىستەر مينيسترى مەرەدوۆ، وزبەكستاننىڭ سىرتقى ىستەر مينيسترى كاميلوۆ كەڭەسكە قاتىناستى.
ۋاڭ ي بىلاي دەدى: جۇڭگو ۇكىمەتى ورتا ازياداعى ءار ەلمەن ستراتەگيالىق سەرىكتەستىك قارىم – قاتىناستى دامىتۋعا ايرىقشا ءمان بەرەدى. جۇڭگو مەن ورتا ازيانىڭ سەلبەستىگىنىڭ نەگىزى — ەكى جاقتىڭ ورتاق قاجەتى، ءۇشىنشى جاققا قاراتىلمايدى، وڭىرلىك كوپ جاقتى سەلبەستىكتەرگە ىقپال ەتپەيدى.
ۋاڭ ي مىناداي ءتورت ءتۇرلى ۇسىنىستى ورتاعا قويدى: ىندەتتى قول ۇستاسا وتىرىپ جەڭىپ، ادام عۇمىرى مەن دەنساۋلىعىنىڭ قورعاۋشىسى بولايىق؛ ەكونوميكانىڭ قايتا گۇلدەنۋىن بىرگە ىلگەرىلەتىپ، ءوزارا تيىمدىلىك جەتكىزەتىن جانە ورتاق يگىلىككە كەنەلەتىن سەلبەسۋشىلەردەن بولايىق؛ وڭىرلىك حاۋىپسىزدىكتى قورعاپ، جاڭا حاۋىپسىزدىك كوزقاراسىن ءامالياتتا ايگىلەۋشىلەردەن بولايىق؛ كوپ جاقتى سەلبەستىكتەردى كۇشەيتىپ، تەڭدىك پەن ادىلدىكتىڭ قورعاۋشىلارى بولايىق.
بەس ەلدىڭ سىرتقى ىستەر مينيسترلەرى مىنانى ءبىلدىردى: ورتا ازياداعى بەس ەل جۇڭگومەن تاتۋ كورشى، ساياسي جاقتاعى ءوزارا سەنىمدىلىك دەڭگەيى جوعارى، ءوزارا تيىمدىلىك جەتكىزەتىن سەلبەستىكتەردىڭ ءورىسى ۇزدىكسىز كەڭەيۋدە. جۇڭگو ىندەتكە توتەپ بەرۋ شارالارىن باتىل اتقاردى ءارى بۇل شارالارى ءونىمدى، ناتيجەسى كورنەكتى بولدى، بۇل حالىقارالىق قوعامنىڭ ىندەتكە توتەپ بەرۋىنە ۇلگىلىك رول اتقارادى. ءارقايسى جاقتار دۇنيە جۇزىلىك دەنساۋلىق ساقتاۋ ۇيىمىنىڭ ماڭىزدى رول اتقارۋىنا قولداۋ كورسەتەدى، ىندەتتى ساياسيلاندىرۋعا باتىل قارسى تۇرادى. سىرتقى ىستەر مينيسترلەرى «ءبىر بەلدەۋ، ءبىر جول» ۇندەۋىن ورتا ازياداعى ءارقايسى ەلدەردىڭ دامۋ ستراتەگياسىمەن ۇشتاستىرىپ، وڭىرلىك تۇتاستىرۋ – توعىستىرۋدى ىلگەرىلەتىپ، ادامداردىڭ بارىپ-كەلۋىنە ارنالعان «قولايلى ءدالىز» بەن جۇك وتكىزۋگە ارنالعان «جاسىل ءدالىز» قۇرۋدى قولدايدى. سىرتقى ىستەر مينيسترلەرى حاۋىپسىزدىك جاعىنداعى سەلبەستىكتەردى اناعۇرلىم كۇشەيتۋدى قالايتىندىقتارىن باسا دارىپتەدى.
ماجىلىستە «‹جۇڭگو مەن ورتا ازياداعى بەس ەل› سىرتقى ىستەر مينيسترلەرىنىڭ كەسكىندى ماجىلىسىندەگى بىرلەسكەن مالىمدەمە» ماقۇلداندى ءارى جاريالاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
