- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2102-جىلى ما، الدە 2012-جىلى ما
سۋرەتتى اڭىس
2013.10.29 11:32 كەلۋ قاينارى : حالىق تورابى
بيىلعى قۇربان ايت دەمالىسىنىڭ سوڭعى كۇنى، التاي قالاسىنداعى ءشارىپحان باقشاسىن ارالادىق. باقشانىڭ كۇزگى كورىنىسىن تاماشالاپ جۇرگەندەر از ەمەس ەكەن. ءيا، ءبىز اۋا ساپاسى وتە جاقسى دەپ التاي قالاسىن، قالانى كەسىپ وتەتىن قىران وزەنىن ماقتان تۇتىپ كەلە جاتقانىمىزدا، باقشانىڭ كورنەكتى ورنىنا ورناتىلعان مىنا جارناما تاقتانىڭ قازاقشا جازىلعان بەتى بىردەن مەنىڭ نازارىمدى وزىنە بۇرىپ اكەتتى.
اينۇر وراز قىزىنىڭ «ماڭدايشالىقتاعى قاتەلىكتىڭ سەبەپتەرىنە ۇڭىلسەك» («ءتىل جانە اۋدارما» جۋرنالى 2013-جىلعى 3-سانى) دەگەن ماقالاسىنداعى «...ەرەجە- بەلگىلەمە بويىنشا جازۋ قولدانبايتىن، ۇلت تىلدەرىندەگى جازۋلار مەن حانزۋ جازۋىن بىردەي قولدانعاندا سالىستىرماسى تەڭسىز بولاتىن، اۋدارماسى ءدال تۇسپەيتىن، ورىن ءتارتىبى ولشەمدى بولمايتىن، ەملەسى دۇرىس جازىلمايتىن، ءارىپ نۇسقاسى دۇرىس تانىلمايتىن جايتتەر ءومىر ءسۇرىپ وتىر» دەگەن قاتەلىكتىڭ، كەمىندە، سوڭعى تورتەۋى وسى جارناما تاقتادا مەنمۇندالاپ تۇر. مينيسترلىگى (مەكەمە-ورىن) دەگەن مينيسترى (ادام) بولىپ بۇكىلدەي قاتە اۋدارىلعان. ءاسىلى بۇل جارناما تاقتاداعى مازمۇننىڭ تاقىرىبىن «التاي قالاسىنىڭ اۋا ساپاسى مەملەكەتتىك ءبىرىنشى دارەجەگە جەتىپ، مەملەكەت بويىنشا الدىڭعى ورىندى، شينجياڭ بويىنشا ءبىرىنشى ورىندى يەلەدى» دەپ اۋدارىلۋى كەرەك ەدى. امال نەشىك، «يەلەدى» دەگەن وتكەن شاقتىڭ ورنىنا «يەلەيدى» دەگەن كەلەر شاق قولدانىلعان. مۇنان سىرت، 2012-جىلى دەگەن جىل رەتى ەكى ورىندا 2102-جىلى بولىپ قاتە جازىلعان. ىشكى مازمۇنىنان دا ءبىرتالاي قاتەلىك كورىنىپ تۇر. ونى بۇل شاعىن سۋرەتتى اڭىسقا تىقپالامادىق، سانالى وقىرمان ءوزى-اق ءبىلىپ الار دەگەن ويدامىز.
التاي قالاسىنىڭ بەتكە باسار نەگىزگى ساياحات كورىنىس ورنىنىڭ ءبىرى بولعان ءشارىپحان باقشاسىنداعى وسى جارناما تاقتاسىنا قاتىستى ورىنداردىڭ ءمان بەرىپ، تەز ارادا تۇزەتۋىن ءۇمىت ەتەمىز. سۋرەتتە: جارناما تاقتانىڭ قازاقشا جانە حانزۋشا بەتى.
سۋرەتتى اڭىستى جولداعان التاي گازەتىنىڭ ءتىلشىسى ساعىنبەك رابات ۇلى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
