بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

جاڭا جىل، جاڭا كىتاپ، تىڭ باستاما

2014.01.14 15:55     كەلۋ قاينارى : حالىق تورابى

  قايروللا كومانتاي ۇلى حابارلايدى. 30 – جەلتوقساندا، التاي ايماقتىق پارتكوم ۇگىت ءبولىمى مەن ايماقتىق ادەبيەت – كوركەمونەرشىلەر بىرلەستىگى التاي ۇلتتار مادەنيەت ورتالىعىىندا «التايدىڭ ۇزدىك ادەبيەت - كوركەمونەر تۋىندىلارىن باسپادان شىعارۋدى قارجىلاندىرۋ ينجەنەرياسىنىڭ» قولداپ ـ قۋاتتاۋىندا باسپادان شىققان ءبىر ءبولىم ادەبي كىتاپتاردىڭ تاراتىلۋ سالتىن وتكىزدى. ايماقتىق پارتكومنىڭ مۇشەسى، ۇگىت ءبولىمىنىڭ باستىعى رازبەك قامزا ۇلى كىتاپ تاراتۋ سالتىنىڭ لەنتاسىن قيىپ، شىعارماسى جارىق كورگەن اۆتورلاردىڭ ەڭبەگىن قىزۋ قۇتتىقادى.

  بۇل شارا التاي ايماقتىق پارتكوم مەن اكىمشىلىك مەكەمەسىنىڭ پارتيا 18 – قۇرىلتايى مەن 17 ـ كەزەكتى التىنشى جالپى ءماجىلىسىنىڭ رۋحىن جاپپاي تياناقتاندىرۋ جانە اۆتونوميالى رايوندىق پارتكومنىڭ 8 ـ كەزەكتى پارتيا قۇرىلتايى مەن اۆتونوميالى رايوندىق پارتكومنىڭ مادەنيەت قىزمەت جيىنىنىڭ رۋحىن تولىق دايەكتىلەندىرۋ، التاي ايماعىنىڭ ادەبيەت ـ كوركەمونەر ىستەرىن دامىتۋ جانە گۇلدەندىرۋ، التايداعى جەرلىك اۆتورلارىنىڭ ۇزدىك ادەبيەت ـ كوركەمونەر ءتول تۋىندىلارىن نەگىز ەتكەن، از ساندى ۇلت جازۋشىلارىنىڭ شىعارمالارىن حانزۋ تىلىنە، حانزۋ تىلىندەگى شىعارمالاردى از ساندى ۇلتتار تىلىنە اۋدارۋداي جاسامپازدىق قيمىلىنا قول ءۇشىن بەرىپ، ولاردى شابىتتاندىرىپ، ىنتالاندىرۋ ارقىلى يدەيالىعى، كوركەمدىگى، تارتىمدىلىعى ءبىر تۇلعالانعان اناعۇرلىم كوپ ادەبي سارا تۋىندىلاردى مولىنان جاراتىپ جانە باسپادان شىعارىپ، ءار ۇلتتىڭ مادەنيەتى مەن ادەبيەتى تۋراسىندا ءوزارا تاجىريبەلەرىن الماستىرىپ، اۋىس ـ كۇيىس جاساۋدى كۇشەيتۋدى باستى ماقسات ەتكەن كەلەلى شەشىمى.

  ۇعىسۋعا قاراعاندا، بۇل كەلەلى جۇمىستى قولعا العان ايماقتىق پارتكوم مەن اكىمشىلىك مەكەمەسى ايماعىمىزداعى ءار ۇلت حالىق بۇقاراسىنىڭ رۋحاني تۇرمىسىن بايىتۋ جانە ادەبيەت ـ كوركەمونەر تۋىندىلارىنا بولعان رۋحاني قاجەتىن قاناعاتتاندىرۋ ءۇشىن 2012 ـ جىلدان باستاپ، ايماقتىق قازىنادان ءبىر ءبولىم قارجى بوساتىپ، «التايدىڭ ۇزدىك ادەبيەت ـ كوركەمونەر تۋىندىلارىن باسپادان شىعارۋدى قارجىلداندىرۋ ينجەنەرياسىن» اتقارىپ، اتالعان ينجەنەريانى سول جىلعى ايماقتىڭ 25 تيىپتەگى 120 ءتۇرلى ءتۇيىندى حالىق تۇرمىسى ينجەنەرياسىنىڭ ارناۋلى نىسانى ەتىپ تۇراقتاندىرعان ٴارى بۇل ينجەناريانى ۇزاق ۋاقىت جالعاستى جۇرگىزۋدى ۇيعاردى.

  اۋەلى، ايماقتان ارناۋلى باسشىلىق گرۋپپاسى مەن شىعارمالاردى ارناۋلى سارالايتىن ماماندار گرۋپپاسى ۇيىمداستىرىلىپ، التايداعى ءار ۇلت جازۋشىلارى مەن كوركەمونەرشىلەردىڭ ادەبي ءتول شىعارمالارىن جيناۋ جۇمىسىن جالپى بەتتىك قولعا الىپ، بۇكىل ايماق كولەمىنەن جينالعان 100گە جۋىق ادەبي تۋىندىلاردىڭ (كىتاپتىڭ) ىشىنەن ءادىل، اشىق، باسەكەلى تۇردە 2013 ـ جىلى باسپادان شىعاتىن 10 تۋىندىنى (كىتاپتى) تاڭداپ الىپ، قارجىلاي كومەك كورسەتۋ ارقىلى شينجياڭ حالىق باسپاسىنان باسپادان شىعارۋعا ۇسىندى. شىعارما جيناۋدا ءٴار قايسى اۋداندىق (قالالىق) پارتكومنىڭ ۇگىت ٴبولىمى مەن اۋداندىق (قالالىق) ادەبيەت ـ كوركەمونەرشىلەر بىرلەستىگى ءٴوز اۋدانىنداعى (قالاداعى) ۇزدىك اۆتورلاردىڭ شىعارماسىن جيناۋعا، سارالاۋعا؛ ايماقتىق ادەبيەت ـ كوركەمونەرشىلەر بىرلەستىگى ايماققا توتە قاراستى ورگاندارداعى اۆتورلاردىڭ شىعارماسىن جيناۋعا، سارالاۋعا جاۋاپتى بولىپ، سوڭىندا، ايماقتىق پارتكوم ۇگىت ٴبولىمى مەن ايماقتىق ادەبيەت ـ كوركەمونەرشىلەر بىرلەستىگى جالپى جينالعان ادەبي شىعارمالاردان 10 اۆتوردىڭ شىعارماسىن رەتتەپ، باسپادان شىعاتىن شىعارمالاردى تۇراقتاندىرعان.

  سونىمەن، 2012 ـ جىلى سارالانعان شىعارمالاردان قابدەش ٴجانابىل ۇلى، تۇرسىن قازەز ۇلى، ٴابدىراحمان قاليوللا ۇلى قاتارلى 10 اۆتوردىڭ 10 كىتابى 2013 - جىلدىڭ سوڭىنان باستاپ باسپادان شىعا باستاعان.

  «ۇزاق ۋاقتتان بەرى قولىنا قالام الىپ، سۇبەلى تۋىندىلار جازىپ، ايماعىمىزدىڭ ادەبيەت ـ كوركەمونەر ىستەرىنىڭ ۇزدىكسىز العا باسۋىنا ءٴۇنسىز ۇلەس قوسىپ كەلە جاتقان جەرلىك اۆتورلارىمىزدىڭ شوعىرى مول. ٴءبىراق، وتباسى ەكونوميكالىق قۋاتىنا بايلانىستى شىعارمالارىن ارناۋلى جيناق رەتىندە باسپادان شىعارا الماي كەلە جاتقان اۆتورلارىمىز دا ٴءبىر توبە. ءبىزدىڭ بۇل ينجەنەريانى اتقارۋداعى ماقساتىمىز: اۆتورلارىمىزدىڭ ۇزدىك تۋىندىلارىن باسپادان شىعارۋىنا كومەكتەسىپ، ايماعىمىزدىڭ ادەبيەت ـ كوركەمونەر ىستەرىن دامىتۋعا ۇلەس قوسىپ كەلە جاتقان جەرلىك اۆتورلارىمىزعا راقىمەت ايتۋ جانە ولاردى جالعاستى ورەسى بيىك ادەبيەت ـ كوركەمونەر تۋىندىلارىن جاراتۋعا شابىتتاندىرۋ» دەيدى ايماقتىق پارتكوم ۇگىت ٴءبولىمىنىڭ ورىنباسار باستىعى، ايماقتىق ادەبيەت ـ كوركەمونەرشىلەر بىرلەسىتىگىنىڭ ٴءتوراعاسى اقاي كادىرقان ۇلى كىتاپتىڭ تاراتىلۋ سالتىندا قىسقا دا نۇسقا قايىرىپ.

  2013 ـ جىلى دا ايماعىمىزداعى ۇزدىك اۆتورلاردىڭ 10 كىتابى باسپاعا ۇسىنىلعان. مولشەرمەن 2014 ـ جىلدىڭ سوڭىندا وقىرماندارمەن جۇزدەسەتىن بولادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.