- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«اڭساتى» ماركالى ونىمدەر مەملەكەتتىڭ ازىق ـ تۇلىك ساپا حاۋىپسىزدىك رۋحسات كۋالىگىن الدى
2014.01.14 15:59 كەلۋ قاينارى : حالىق تورابى
قايروللا كومانتاي ۇلى حابارلايدى. التاي قالاسى سارقۋسىن اۋىلىنداعى ۇلتىمىز ايەلدەرى 7 ميلليون يۋان قارجى قوسىپ قۇرعان ەرتىس قازاقى ازىق ـ تۇلىك مانەرلەۋ ەگىنشى ـ مالشىلار كاسىپتىك كووپەراتيۆى 2013 ـ جىلى قاراشادا مەملەكەتتىك ازىق ـ تۇلىك ساپا حاۋىپسىزدىگى(QS) رۇحسات كۋالىگىن الدى. بۇل «اڭساتى» ماركالى قازاقى ازىق ـ تۇلىك ونىمدەرىنىڭ ساپا حاۋىپسىزدىك دارەجەسىنىڭ مەملەكەتتىك ولشەمگە جەتكەندىگىنىڭ بەلگىسى.
2012 ـ جىلى بۇل كاسىپتەستىك سەلبەستىك كووپەراتيۆى بۇكىلدەي اۆتوماتتى قوراپتاۋ، ديزەنفەكسيالاۋ قاتارلى وزىق ٴوندىرىس اسپاپتارىن كىرگىزىپ، بۇرىنعى ماندىمى از ادام كۇشىمەن قوراپتاۋ سىندى قاراپايىم جۇمىس ادىستەرىنە حوش ايتىپ، مەملەكەتتىك ازىق ـ تۇلىك ساپا حاۋىپسىزدىگى رۇحسات كۋالىگىنە ءٴوتىنىش بەرگەن بولاتىن. ولاردىڭ بۇل ءٴوتىنىشى 2013 ـ جىلى قاراشا مەملەكەتتىڭ قاتىستى تاراۋلارىنىڭ قاتاڭ سارالاۋىنا ءٴساتتى ٴوتىپ، مەملەكەتتىڭ ازىق ـ تۇلىك ساپا حاۋىپسىزدىگى رۇحسات كۋالىگىن الدى.
قاراپايىم ەگىنشى ـ مالشى ايەلدەرىنىڭ قۇلشىنىسىڭ ارقاسىندا شاڭىراق كوتەرگەن بۇل كاسىپتىك سەلبەستىك كوپەراتيۆى ىلگەرىندى ـ كەيىندى قىمىران، قۇرت سۇزبەسى، سارى ماي قاتارلى 10 نەشە ءٴتۇرلى «اڭساتى» ماركالى جەلىلەس ازىق ـ تۇلىك ونىمدەرىن ٴءوندىرىپ بازارعا سالعان ءٴارى بۇل كاسىپتىك سەلبەستىك كووپەراتيۆى قۇرىلعاننان بەرى، قۇرىلمدى كەمەلدەندىرىپ، سەرىكتەستىك تيجارات جۇرگىزۋ تۇزىمىنە قاراي بەت الىپ، «اڭساتى» ماركالى قازاقى ونىمدەر تۇتاس شينجياڭ جانە ەلىمىز كولەمىندە بازاردان ويىپ ورىن الدى.
قازىر، «اڭساتى» جەلىلەس ونىمدەرى جەرلىك بازاردان ءٴۇرىمجى، ىشكى ولكە بازارلارىنا، ٴءتىپتى قازاقستان قاتارلى ورتا ازيا بازارلارىنان بوي كورسەتىپ، ساتىلىمىن جوعارىلاتتى. سونىمەن بىرگە، 2014 ـ جىلىڭ باسىندا التاي قالاسى سارقۋسىن اۋىلى ەرتىس قازاقى ازىق ـ تۇلىك مانەرلەۋ ەگىنشى ـ مالشىلار سەلبەستىك كوپەراتيۆى رەسمي سەرىكتەستىك بولىپ قۇرىلىپ، التاي قالاسى «اڭساتى» ازىق ـ تۇلىك شەكتەۋلى سەرىكتەستىگى بولىپ بەكىتىلدى.
بۇل سەرىكتەستىك 2012 ـ جىلى كاسىپتىك سەلبەستىك كووپەراتيۆى بولىپ قۇرىلعاننان بەرى 40تان استام ەگىنشى ـ مالشى ايەلىن كاسىپتەندىرىپ، اۋىلداعى ارتىق ەڭبەككۇشتەردىڭ كاسىپتەنۋ بازاسىنا اينالعان. التاي قالاسى «اڭساتى» ازىق ـ تۇلىك شەكتەۋلى سەرىكتەستىگىنىڭ باس ديرەكتورى كۇلشيرا بۇقايقان قىزى تىلشىگە بىلاي دەدى: «2012 ـ جىلى العاش شاڭىراق كوتەرگەن كەزىمىزبەن سالىستىرعاندا قازىر ٴءوندىرىس كولەمىمىز بارىنشا كەڭەيىپ، باسقارۋ قۇرىلىمى كەمەلدەنىپ، بۇگىنگى سەرىكتەستىككە اينالدى. العاشىندا قاراپايىم عانا ەگىنشى ـ مالشىلار اتىندا قۇرىلعان سەلبەستىك كووپەراتيۆى بولعاندىقتان، شيكى ماتەريالدى مانەرلەۋ بارىسى مەن ءٴوندىرۋ بارىسىنىڭ بارلىعى ادام كۇشىمەن ىستەلەتىن، جۇمىس ونىمدىلىگى دە تومەن ەدى. ال قازىر رەسمي سەرىكتەستىك بولىپ قۇرىلىپ، قازاقستانداعى ءٴىرى ازىق ـ تۇلىك سەرىكتەسىكتەرىمەن ساۋدا كەلىسىمنە كەلىسىپ، ءٴوندىرىس كولەمىن كەڭىتتىك. سونىمەن بىرگە، وندىرگەن ازىق ـ تۇلىكتەرىمىزدىڭ ساپاسىنا دا باسا ءٴمان بەرىپ، حالىق قالاۋىنا شىعاتىن سارا ٴءونىم وندىرۋگە قۇلشىنامىز».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
