- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قايىرىمدى جاندار قاسىمىزدا
2014.03.03 13:05
ەرىكتى ءتىلشى گۇلميرا داۋلەتبەك قىزى حابارلايدى. 26 - اقپاندا، التاي قالاسى ءابيتان قالاشىعى شىڭىراۋ قىستاعىنىڭ تۇرعىنى مامەت نياز ۇلى بالاسىنا جاقىننان جاردەم بەرگەن التاي قالالىق 3 - ورتا مەكتەپتىڭ وقىتۋشىسى مۇقيات جاپان ۇلىنا العىس تۋ ۇسىندى.
التاي قالاسى ءابيتان قالاشىعى شىڭىراۋ قىستاعىنىڭ تۇرعىنى مامەتتىڭ بالاسى جانىبەك 2005 - جىلى كەنەتتەن تالىپ اۋىرىپ جىعىلىپ قالادى. ايماقتاعى شيپاحانالارعا كورسەتكەندە تالما دەپ دياگنوز قويادى.«قىسقاءجىپ كۇرمەۋگە كەلمەگەندىكتەن» جوعارى ورىندارعا بارىپ، ناۋقاسىن كورسەتۋگە امالسىز قالادى. بالاسىنىڭ ناۋقاسى كۇننەن - كۇنگە اسقىنىپ، جاعدايىنان الاڭداعان مامەت بيىل ۇرىمجىدەگى شيپاحانالارعا اپارىپ كورسەتكەندە، «كۇرە تامىر تۇيىلگەن، وپەراتسيا جاساتۋ كەرەك، وپەراتسيا قاراجاتى ءۇشىن 100 مىڭ يۋان دايىندايسىڭ»،-دەيدى.
قاراپايىم ديقان ءۇشىن 100 مىڭ يۋان وڭايعا سوقسىن با، قولىنداعى بار مالىن ساتسادا، اۋىلداستارى كومەكتەسسەدە، 100 مىڭ يۋان تابا الماي قاتتى قينالادى. ونىڭ وتباسىنىڭ جاعدايىن، بالاسىنىڭ ناۋقاسىن كورگەن التاي قالالىق 3 - ورتا مەكتەپتىڭ وقىتۋشىسى مۇقيات جاپان ۇلى مامەتكە: «بالاڭىزدىڭ ساقايىپ شىعۋى ءۇشىن 55 مىڭ يۋان كومەك قاراجاتىن بەرەيىن، 40 مىڭ يۋاندى قولىڭىزعا قاراجات تۇسكەندە قايتارارسىز، 15 مىڭ يۋاندى بالاڭىزدىڭ ساقايىپ شىعۋىنا بەرگەن كومەگىم بولسىن»،- دەيدى.
مۇقياتتىڭ ادامگەرشىلىگىنە ءدان ريزا بولعان مامەت اقساقال جىلاپ جىبەرەدى. سونىمەن، اقپان ايىنىڭ باسىندا مامەتتىڭ بالاسىنىڭ وپەراتسياسى ءساتتى بولىپ، اۋىلعا قايتىپ كەلەدى. مامەت:« قيىنشىلىققا جولىققاندا بالامنىڭ جانىن الىپ قالعان مۇقياتتىڭ ادامگەرشىلىگىنە قاتتى ريزا بولدىم، قينالعاندا جانىمنان تابىلعان بۇل ازاماتتىڭ كومەگىنە العىس تۋ ۇسىنۋ ازدىق ەتسەدە، جاقسىلىعىن ماڭگى ۇمىتپايمىن».
مۇقيات پەن جولداسى قاراپايىم حالىق وقىتۋشىسى بولا تۇرسادا، قيىنشىلىعىن ايتا كەلگەن، كومەككە ءزارۋ بولعان جاندارعا جاقىننان جاردەم بەرىپ، ازاماتتىق تانىتىپ، ادامگەرشىلىك كورسەتتى. مامەت اقساقالعا بەرگەن قولىنداعى 55 مىڭ يۋان قاراجاتى ءۇي الۋ ءۇشىن دايىنداپ قويعان بانكەدەن العان قارىز سوماسى ەكەن. ارينە، قولىنداعى قارىز العان سوماسىن باسقالاردىڭ ءومىرى ءۇشىن كومەككە اتاۋى، ولاردىڭ اسقان ادامگەرشىلىگىنىڭ بەينەسى ەكەندىگى شىندىق.
ءتىلشىنىڭ قىزمەت ورنى: «التاي گازەتى» تىلشىلەر ءبولىم
كەلۋ قاينارى: التاي اقپارات تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
