بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ءدىني ۇشقارى يدەيانى باتىل الاستاپ، ىلەنىڭ قوعام ورنىقتىلىعىن قورعاۋ جونىندە ۇندەۋ حات

2014.11.11 13:41    

  اۆتونوميالى وبلىسىمىزداعى بارلىق اقپارات قىزمەتكەرلەرىنە:

  اقپارات قىزمەتكەرى - ءداۋىردىڭ دامۋى مەن وزگەرىسىن ەستەلىككە الۋشى ءارى وسى زامان مادەنيەتىن تاراتۋشى، پارتيانىڭ باعىت – ساياساتتارىن ۇگىتتەۋشى، قوعام ورنىقتىلىعىن جەبەۋشى. اۆتونوميالى وبلىستاعى اقپارات قىزمەتكەرلەرى بولعان ءبىز اۆتونوميالى وبلىستىڭ قوعام ورنىقتىلىعى مەن باياندى تىنىشتىعى ءۇشىن بەلسەنە ۇلەس قوسۋعا مىندەتتىمىز، جاۋاپتىمىز. 15 – رەتكى جۋرناليستەر مەرەكەسى بايلانىسىمەن اۆتونوميالى وبلىستىق اقپاراتشىلار قوعامى بۇكىل وبلىستاعى اقپارات قىزمەتكەرلەرىنە مىناداي ۇندەۋ حات جاريالايدى:

  ءبىرىنشى، ۇيرەنۋدى كۇشەيتىپ، تۇرعىنى بەكەمدەپ، ورتالىقتىڭ، اۆتونوميالى رايوننىڭ، اۆتونوميالى وبلىستىڭ قوعام ورنىقتىلىعى مەن باياندى تىنىشتىق جونىندەگى شەشىمدەرى مەن ورنالاستىرۋلارىن باتىل قورعاۋ. وبلىسىمىزداعى اقپارات قىزمەتكەرلەرى پارتيا 18 – كەزەكتى ورتالىق كوميتەتى ءتورتىنشى جالپى ءماجىلىسىنىڭ، ورتالىقتىڭ شينجياڭ قىزمەتى جونىندەگى 2 – رەتكى اڭگىمە ءماجىلىسىنىڭ، ج ك پ اۆتونوميالى رايوندىق 8 – كەزەكتى كوميتەتى 7 – جالپى (كەڭەيتىلگەن) ءماجىلىسىنىڭ رۋحىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ «20 – تامىز»، «8 – قىركۇيەك» سوزدەرىنىڭ رۋحى مەن بيىل قازاننىڭ 9 -، 10 – كۇندەرى ىلەدە تەكسەرۋ – زەرتتەۋ جۇرگىزگەندە سويلەگەن ماڭىزدى سوزدەرىنىڭ رۋحىن جانە اۆتونوميالى وبلىستىق پارتكومنىڭ ورنالاستىرۋلارىن ىشكەرىلەي ۇيرەنىپ جانە ۇگىتتەپ، ءدىني ۇشقارى يدەيالاردىڭ جالبىزبالاپ كىرۋىن تەجەپ، بولشەكتەۋشىلىككە، لاڭكەستىككە قارسى تۇرۋ كۇرەسىنىڭ ۇزاق ۋاقىتتىلىعىن، كۇردەلىلىگىن جانە قيانكەسكى ەكەندىگىن، ۇلتتار ىنتىماعىن ويداعىداي ىستەۋ، «ۇشقارىلىقتى الاستاۋ» ۇگىت – تاربيە قيمىلىنىڭ ماڭىزدىلىعىن جەتە تانىپ، ساياسي تۇرعىنى بەكەمدەپ، ۇلتتىق بولشەكتەۋشىلىككە ايقىن تۋ ۇستاي وتىرىپ قارسى تۇرىپ، ءدىني ۇشقارى يدەيالاردى باتىل الاستاپ، زورلىقتى كۇش لاڭكەستىك قيمىلدارىنا قاتاڭ سوققى بەرۋى كەرەك.

  ەكىنشى، وزەكتى توڭىرەكتەپ، جالپى جاعدايمەن ساناسىپ، اۆتونوميالى وبلىسىمىزدىڭ قوعام ورنىقتىلىعى مەن باياندى تىنىشتىعىن قورعاۋدا تاباندى بولۋ. وبلىسىمىزداعى اقپارات قىزمەتكەرلەرى اۆتونوميالى وبلىستىڭ «ۇشقارىلىقتى الاستاۋ» ۇگىت – تاربيە قىزمەتىنە بەلسەنە اتسالىسىپ، اۆتونوميالى وبلىستىڭ بارىنشا ۇگىتتەۋ، لەكسيا ۇيىمداستىرۋ، سىن تەزىنە الۋ، زور تالقى ورىستەتۋ، ىنتىماقتاسۋ سياقتى قيمىلدارىنا بەلسەنە قاتىناسىپ، ىنتىماقتاسۋعا جىگەرلەندىرۋدى، ۇنامدى جاقتان ۇگىتتەۋدى باستان – اياق نەگىزگى پرينسيپ ەتۋدە تاباندى بولىپ، «تاربيە ارقىلى تازارتۋدى دا مىقتى يگەرۋ»، «ءتيىمدى، ءونىمدى بولۋ» پرينسيبىندە، «ءۇشتى ۇشتاستىرۋ» پرينسيبىندە تاباندى بولىپ، سوتسياليستىك وزەكتى قۇن جۇيەسى كوزقاراسى مەن شينجياڭ رۋحىن بارىنشا ساۋلەلەندىرىپ، ۇلتتار ىنتىماعى ۇلگىلى تيۆتەرىن، قوعامدىق ۇيىتقىلىق قۋاتتى، مەملەكەتتىڭ زاڭ – ەرەجەلەرىن، پارتيانىڭ ۇلت، ءدىن ساياساتىن، پارتيا باسشىلىعىنداعى ءار ۇلت حالقىنىڭ شىت جاڭا تۇرمىسىن، جاڭا وزگەرىسىن كەڭ كولەمدە ۇگىتتەپ، «ءۇش ءتۇرلى كۇشتى»، ءدىني ۇشقارى يدەيالاردىڭ كەرتارتپا ءمانى مەن جيىركەنىشتى كەيىپ - كەسپىرىن ىشكەرىلەي سىن تەزىنە الىپ، ءدىني ۇشقارى ەلەمەنتتەردىڭ اتالمىس «عازاۆات سوعىسىندا شەيىت بولعاندار بەيىشكە كىرەدى» دەيتىن ساندىراعىن اشكەرەلەپ، نەگىزگى ساتىعا بارىپ ءار ۇلت كادرلارى مەن جۇرتشىلىقتىڭ ءدىني ۇشقارى يدەيالارعا، لاڭكەستىككە قارسى تۇرىپ، ورنىقتىلىقتى قورعاۋ جاعدايىن دەركەزىندە اڭىس ەتىپ، ءارقايسى اۋدان - قالالاردىڭ «ۇشقارىلىقتى الاستاۋ» تاجىريبەلەرىن، ادىستەرىن بارىنشا ۇگىتتەپ، اۆتونوميالى وبلىسىمىزدىڭ قوعام ورنىقتىلىعى مەن باياندى تىنىشتىعى ءۇشىن تاماشا جاماعات پىكىرى اۋانىن قالىپتاستىرۋ كەرەك.

  ءۇشىنشى، وزىمىزدەن باستاپ قاتاڭ تالاپ قويىپ، ءدىني ۇشقارى يدەيانىڭ جالبىزبالاپ كىرۋىن سانالىلىقپەن تەجەپ، ىلەنىڭ قوعام ورنىقتىلىعىن قورعاۋ. وبلىسىمىزداعى اقپارات قىزمەتكەرلەرى وبلىسىمىزدىڭ وسىزامانعى مادەنيەتىنىڭ جەتەكشىسى، ۇلتتار ىنتىماعىنىڭ ۇلگىسى بولۋعا تالپىنىپ، ءدىني ۇشقارىلىقتى تەجەپ، قوعام ورنىقتىلىعىن قورعاۋدىڭ ۇلگىسى بولىپ، ءدىني ۇشقارى ەلەمەنتتەر مەن ءدىني ۇشقارى يدەياعا ىرىقتىلىقپەن قاتاڭ پوزيتسيا ۇستانۋى كەرەك. سونىمەن بىرگە، ءوزىمىزدىڭ تۋىس-تۋعاندارىمىزدى، دوس-جاراندارىمىزدى ءدىني ۇشقارى يدەيا مەن زاڭسىز ءدىني قيمىلداردان اۋلاق بولىپ، ءدىني ۇشقارى ەلەمەنتتەر مەن زورلىقتى كۇش لاڭكەستەردىڭ قىلمىستىق ارەكەتىن باتىل اشكەرەلەپ، ۇلتتار ىنتىماعى مەن قوعامنىڭ ورنىقتىلىعىنا زيان جەتكىزگەن ادام مەن ىسكە باتىل قارسى تۇرۋعا جەتەكتەپ، وسەك ـ اياڭعا قارسى تۇرۋ، وسەك ـ اياڭعا سەنبەۋ، وسەك ـ اياڭ تاراتپاۋ، زورلىقتى كۇش لاڭكەستىك پەن زاڭسىز ءدىني قيمىلدارعا قاتىستى دىبىس ـ كەسكىندەردى كورمەۋ، «حيدجاپ»، «ليچەك»، جۇلدىز، اي بەدەرى تۇسىرىلگەن كيىمدەردى كيمەۋ، ۇلتتار ىنتىماعىنا ءتيىمسىز سوزدەردى سويلەمەۋ، ۇلتتار ىنتىماعى مەن قوعام ورنىقتىلىعىنا زيان جەتكىزەتىن ىستەرمەن شۇعىلدانباۋ، توراپ، ميكرو بلوگ، ۇنحات، قولفون كەلتە حات سياقتى جاڭا اقپارات مەديالارىنان پايدالانىپ زياندى ينفورماتسيا تاراتپاۋ سياقتىلاردى وزىنەن باستاۋى كەرەك. «ءۇشتىڭ ءبىر ـ بىرىنەن ايىرىلا الماۋ» يدەياسىن بەرىك ورناتىپ، ۇلتتار ىنتىماعىن كوزىمىزدىڭ قاراشىعىنداي قورعاپ، ءار ۇلت حالقى ىنتىماقتى، بەرەكەلى، قوعام جاراسىمدى تاماشا جاعدايدى بارىنشا قاستەرلەۋى كەرەك.

  ءدىني ۇشقارى يدەيانى تۇبەگەيلى الاستاپ، قوعام ورنىقتىلىعىن قورعاپ، باياندى تىنىشتىقتى جۇزەگە اسىرۋدىڭ مىندەتى جاپالى، جاۋاپكەرلىگى اۋىر، بورىشى داڭقتى. سوندىقتان دا وبلىسىمىزداعى اقپارات قىزمەتكەرلەرى ءبىر نيەتپەن ىنتىماقتاسىپ، اپارات كوزى مەن قارىمدى قالامى ارقىلى ىلەنىڭ بەرەكە – بىرلىگىنىڭ، جاراسىمدىلىعىنىڭ، گۇلدەنگەن باقۋاتتى تۇرمىسىنىڭ، وركەنيەتى العا باسۋىنىڭ، مامىراجاي تىرشىلىگىنىڭ تىڭ داستانىن جازۋى كەرەك.

  ىلە وبلىستىق اقپاراتشىلار قوعامى

  2014-جىلى قاراشانىڭ 6-كۇنى

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.