- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىڭگىل اۋدانىندا قازاق توبەتىن باعالاۋ جانە قۇس سالۋ جارىسى وتكىزىلەدى
2015.01.26 13:05 كەلۋ قاينارى : حالىق تورابى
حالىق تورابى، 26 – قاڭتار، بەيجيڭ. 2015 – جىلى 30 – قاڭتاردان 31 – قاڭتارعا دەيىن شىڭگىل اۋدانى ارالتوبە قالاشىعى كوكتاستا قازاق توبەتىن باعالاۋ جانە قۇس سالۋ جارىسى وتكىزىلەدى.
30 – قاڭتار تۇستەن كەيىن وتكىزىلەتىن جارىستا بۇركىتتى شىرعاعا شاقىرۋ شەبەرلىگىنە، بۇركىتشىنىڭ كيىم – كەشەگىنە، ات – ابزەلدەرىنە قاراي ءنومىر قويىلادى، قازاق توبەتىن باعالاۋ جارىسى دا سول كۇنى وتكىزىلەدى. 30 – قاڭتارداعى قارا جارىستا سارالانعان بۇركىتشىلەر مەن قىراندار 31 – قاڭتاردا وتكىزىلەتىن شەشۋشى جارىسقا جولداما الادى. شەشۋشى جارىستا بۇركىتتى ءتىرى اڭدارعا سالىپ، ناعىز كوك سەرىسى سارالانادى.
30 – قاڭتار تۇستەن بۇرىن قۇسبەگىلىككە قاتىستى عىلىمي تالقى ءماجىلىسى اشىلىپ، كوركەمونەر نومىرلەرى قويىلادى، كوكپار تارتىلىپ، ۇلتتىق بۇيىمدار، ۇلتتىق ازىق – تۇلىكتەر جارمەڭكەسى وتكىزىلەدى، قۇسبەگىلەردىڭ ولجاسى باسەكەلەستىرە ساتىلادى، قازاق توبەتىن ساتۋعا جانە ساتىپ الۋعا بولادى.
ناقتى قيمىل جونىندەگى ورنالاستىرۋ:
1. 30 – قاڭتار تۇستەن بۇرىن (بەيجيڭ ۋاقىتى 10:30دان 14:00كە دەيىن) شىڭگىل اۋداندىق پارتيا – ۇكىمەت امبەباپ عيماراتىنىڭ 2 – قاباتىنداعى ءماجىلىس زالىندا حالىقارالىق قۇسبەگىلىك تالقى ءماجىلىسى اشىلادى.
2. 30 – قاڭتار كۇنى تۇستەن بۇرىن (بەيجيڭ ۋاقىتى 11:00دەن 14:00كە دەيىن) قۇس سالۋدان دايىندىق جارىس وتكىزىلەدى.
3. 31 – قاڭتار ءبىر كۇن (بەيجيڭ ۋاقىتى 11:00دەن 20:00عا دەيىن) جۇڭگو شىڭگىل قازاق مادەنيەتى ساياحات فەستيۆالى ـــ قازاق توبەتىن باعالاۋ جانە قۇس سالۋ جارىسى وتكىزىلەدى.
(1) ساعات 11:00دەن 11:30عا دەيىن اشىلۋ سالتى مەن الاڭعا كىرۋ سالتى، مەملەكەت جانە اۆتونوميالى رايون دارەجەلى قۇسبەگىلىك مەكەنىنە ۋيۆەسكا تاپسىرۋ سالتى مەن شينجياڭ «مادەنيەت جانە جاعراپيا» جۋرنالىنىڭ فوتوگرافتار بازاسىنىڭ ۋيۆەسكاسىن ءىلۋ سالتى وتكىزىلەدى.
(2) 11:30دان 12:00گە دەيىن كوركەمونەر نومىرلەرى قويىلادى.
(3) 12:00دەن 13:00گە دەيىن قازاق توبەتى، قازاق ءۇي جانە ءدامدى تاعام باعالاۋ قيمىلى وتكىزىلەدى.
(4) 13:00دەن 15:00گە دەيىن قۇسبەگىلىك شەشۋشى جارىسى وتكىزىلەدى.
(5) 15:00تەن 16:00عا دەيىن قۇسبەگىلەردىڭ ولجاسى باسەكەلەستىرە ساتىلادى، باعىمعا بەرىلەدى.
(6) ساياحاتشىلار ات شاناعا وتىرىپ سۋرەتكە تۇسەدى، كوكپار جارىسى وتكىزىلەدى.
(7) 16:00دان 16:30عا دەيىن سيلىق تاراتۋ سالتى وتكىزىلەدى.
(8) 21:00دەن 22:00گە دەيىن ساحنالىق ويىن نومىرلەرى قويىلادى، ورنى: شىڭگىل اۋداندىق تەاترحانا (جوعارىداعى ۋاقىتتاردىڭ بارلىعى بەيجيڭ ۋاقىتى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
