- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو حالىق ساياسي ءماسليحات كەڭەسى ىلە قازاق اۆتونوميالى وبلىستىق 12-كەزەكتى كوميتەتى تۇراقتى كوميتەتىنىڭ قىزمەتىنەن بايانداما
(ساياسي كەڭەس ىلە قازاق اۆتونوميالى وبلىستىق 12- كەزەكتى كوميتەتىنىڭ 4 -ماجىلىسىندە 2015- جىلى 2 - اقپاندا جاسالدى)
اۆتونوميالى وبلىستىق ساياسي كەڭەستىڭ ءتوراعاسى سابىر ايتجان ۇلى
2015.02.04 14:08
ءبىر جىلدان بەرى وبلىستىق ساياسي كەڭەس وبلىستىق پارتكومنىڭ پارمەندى باسشىلىعىندا، وزەكتى توڭىرەكتەپ، جالپى جاعدايعا قىزمەت وتەپ، وبلىستىق ساياسي كەڭەس 3- جالپى ءماجىلىسىنىڭ تالابى بويىنشا وبلىسىمىزداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرىن ىنتىماقتاستىرا باستاپ، ساياسي جاقتان كەڭەسۋ، دەموكراتيالىق جولمەن باقىلاۋ، ۇكىمەت ىسىنە ارالاسۋ، كەڭەس بەرۋ فۋنكتسياسىن مۇقيات اتقارىپ، بايلانىستى سايكەستىرۋ، كۇش - قۋاتتى ۇيىستىرۋ، اقىل - كەڭەس بەرۋ، جالپى جاعدايعا قىزمەت وتەۋ رولىن تولىق ساۋلەلەندىرىپ، ىنتىماقتى دا ورنىقتى، حالقى باي، وبلىسى قۇدىرەتتى، ەكولوگياسى كوركەم ىلە قۇرۋ، اۆتونوميالى وبلىستىڭ قوعامدىق ورنىقتىلىعى مەن باياندى تىنىشتىعىن ىلگەرىلەتۋ جولىندا ەسەلى ۇلەستەر قوستى.
1. پارتيا باسشىلىعىنان جازباي، دۇرىس ساياسي بەتالىس مىقتى يگەرىلدى
اۆتونوميالى وبلىستىق ساياسي كەڭەس پارتيا باسشىلىعىندا تاباندى بولۋدى قاشاندا ساياسي كەڭەس جۇيەسىىنىڭ يدەيالىق، ساياسي، ۇيىمدىق قۇرىلىسىنىڭ ماڭداي الدى ورنىنا قويا وتىرىپ شىنايى مىقتى يگەرىپ، پارتكوممەن يدەيا، نىسانا، ارەكەت جاقتاردا ءبىر اۋىزدىلىقتى ساقتاۋعا شىنايى كەپىلدىك ەتتى. ءبىر جىلدان بەرى ءبىز جالپى ءماجىلىس، تۇراقتى كوميتەت ءماجىلىسى، جاعدايدان حابار تاپتىرۋ ءماجىلىسى، اڭگىمە ءماجىلىسى، عىلمي تالقى ءماجىلىسى سياقتى فورمالار ارقىلى ساياسي كەڭەس مۇشەلەرىنە، ورگان كادرلارىنا، دەمالىسقا، پەنسياعا شىققان ساقا كادرلارعا پارتيا 18-قۇرىلتايىنىڭ جانە 18-كەزەكتى ورتالىق كوميتەتى 3-، 4- جالپى ماجىلىستەرىنىڭ، ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسىنىڭ جانە باس شۋجي شي جينپيڭنىڭ ءبىر قىدىرۋ ماڭىزدى سوزدەرىنىڭ رۋحىن دەركەزىندە جەتكىزىپ، ج ك پ شينجياڭ ۇيعۇر اۆتونوميالى رايوندىق 8-كەزەكتى كوميتەتىنىڭ بىرنەشە رەتكى جالپى (كەڭەيتىلگەن) ءماجىلىسىنىڭ، وبلىستىق پارتكوم قىزمەت ءماجىلىسىنىڭ رۋحىن ۇيرەنىپ جانە دايەكتىلەندىرىپ، ساياسي كەڭەس مۇشەلەرىنىڭ جانە ساياسي كەڭەس ورگانىنداعى كادرلاردىڭ ساياسي جاقتاعى تاباندىلىعى مەن سەزگىرلىگىن قۇلشىنا جوعارىلاتىپ، شينجياڭ قىزمەتىنىڭ باس نىساناسى ەتىلگەن قوعامدىق ورنىقتىلىق پەن باياندى تىنىشتىقتى قورعاۋ جانە «جاۋاپكەرشىلىكتى ساياسي كەڭەس قىزمەتكەرى بولۋ» جونىندەگى تۇسىنىك پەن تانىمدى تەرەڭدەتە ءتۇسىپ، يدەيانى بىرلىككە كەلتىرىپ، ورتاق تانىم قالىپتاستىرىپ، دۇرىس ساياسي بەتالىستى مىقتى مەڭگەردىك.
ءبىر جىلدان بەرى ءبىز وبلىستىق پارتكومنىڭ شۋجيى حۋاڭ سانپيڭنىڭ ساياسي كەڭەس وبلىستىق 12 - كەزەكتى كوميتەتى 3 - ماجىلىسىندە سويلەگەن سوزىندە العا قويعان تالابى بويىنشا وبلىسىمىزداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرىن باستاپ، «جاعدايدى ويداعىداي مىقتى يگەرىپ، جاۋاپكەرلىك پەن مىندەتتى ادا ەتۋ جاعىندا تىڭ تانىم ورناتۋعا؛ ۇلتتار ىنتىماعىن بەكەمدەپ، ورنىقتىلىقتى قورعاۋ جاعىندا تىڭ رول اتقارۋعا؛ رەفورمانى جەبەۋ، تەرەڭدەتۋ جاعىندا تىڭ ونىمدىلىك جاراتۋعا؛ وزەكتى قىزمەتتى توڭىرەكتەپ، دامۋعا قىزمەت وتەۋ جاعىندا تىڭ ۇلەس قوسۋعا؛ حالىق تۇرمىسىنا نازار اۋدارىپ، بۇقارامەن بايلانىس ورناتۋ جاعىندا تىڭ ناتيجە جاراتۋعا قۇلشىنىپ، ناقتى ارەكەتىمىز ارقىلى جاۋاپكەرلىكتى تىڭعىلىقتى اتقارىپ، وبلىستىق پارتكومنىڭ قىزمەت ورنالاستىرۋىن مۇقيات تياناقتاندىرىپ، قايراتتانا العا ىلگەرىلەۋ رۋحىمەن، يدەيا - ساياسي جانە ارەكەت جاعىنداعى جاڭا قالىپپەن، رەفورمانى جاپپاي تەرەڭدەتۋ مەن مەملەكەتتى زاڭمەن جونگە سالىپ، جۇڭگو ارماننىڭ ىلە تاراۋىن ايشىقتى جازۋدىڭ ۇلى امالياتىنا شىنداپ كىرىستىك.
2. پارتيانىڭ بۇقارالىق لۋشيان تاربيەسى جانە امالياتتىق قيمىلى ىشكەرىلەي ورىستەتىلىپ، وزىندىك قۇرىلىس جاپپاي كۇشەيتىلدى
اۆتونوميالى رايوندىق، اۆتونوميالى وبلىستىق پارتكومداردىڭ ءبىر تۇتاس ورنالاستىرۋى بويىنشا پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ ءتۇرلى مىندەتتەرى تىڭعىلىقتى ورىندالدى. پارتگرۋپپا القاسىنىڭ قۇرامىنداعىلار جانە ورگانداعى پارتيالى كادرلار تەرەڭ تاربيە الىپ، مۇرات - سەنىم شىنايى بەكەمدەلدى. ساياسي بەكەمدىلىك جانە «ءتورت بۇرىس ستيل» جاعىنداعى كورنەكتى ماسەلەلەر ۇتىمدى شەشىلىپ، مىندەتتى جاۋاپكەرلىكپەن وتەۋ رۋحى ساۋلەلەندىرىلىپ، تاربيە مەن امالياتتىق قيمىلىندا كوزدەگەن نىساناعا قول جەتكىزىلدى.
بىرىنشىدەن، باسشىلىق كۇشەيتىلىپ، ۇقىپتىلىقپەن ورنالاستىرۋ جاسالىپ، القانىڭ تاربيە جانە امالياتتىق قيمىلىنا باسشىلىق ەتۋ گرۋپپاسى الدىن الا قۇرىلىپ، اتقارۋ جوبالارى جاسالىپ كەمەلدەندىرىلدى. ەكىنشىدەن، ساياسي بەكەمدىلىك كورنەكتىلەندىرىلىپ، ۇيرەنۋ مەن تاربيە باستى ورىنعا قويىلىپ، قيمىلدىڭ تۇتاس بارىسىندا الۋان فورمامەن ىشكەرىلەي دايەكتىلەندىرىلدى. ۇشىنشىدەن، قيمىل اشىق فورمادا جۇرگىزىلىپ، ساياسي جاقتاعى بەكەمدىلىك پەن «ءتورت بۇرىس ستيل» جاعىنداعى كورنەكتى ماسەلەلەر كوزدە ۇستالىپ، ءتۇرلى وبيەكتىلەرگە باعىتتاي الۋان فورما قولدانىلىپ، كەڭ كولەمدە پىكىر تىڭدالدى. تورتىنشىدەن، باسشىلار باستاماشى بولۋدا تاباندى بولىپ، سالىستىرىپ تەكسەرۋ ماتەريالىن مۇقيات جازىپ، وزدەرىن ەگجەي - تەگجەيلى بورشالاپ، ورىن تەپكەن ماسەلەلەردى ىشكەرىلەي ورتاعا سالدى. ارناۋلى دەموكراتيالىق تۇرمىس جيىنىندا سىن جانە ءوز - وزىنە سىن ايتۋدى قاتاڭ دا مۇقيات ورىستەتىپ، قاتاڭ دا بەرەكەلى مەرەيدە يدەيالارىن تازارتىپ، ورتاق تانىمعا كەلىپ، بەرەكە - بىرلىكتى نىعايتتى.
بەسىنشىدەن، جوعارى ولشەم، قاتاڭ تالاپقا ساي، جايىپ سالىنعان ماسەلەلەر جونىندە تۇزەتۋ تىزىمدىگى جاسالىپ، تۇزەتۋ شارالارى مەن ۋاقىت كەستەسى العا قويىلدى. ارناۋلى وڭاۋ، رەتتەۋ قيمىلى ورىستەتىلدى. سونداي - اق تۇزەتۋ، تياناقتاندىرۋ مىندەتى تىزىمدىگى تۇرعىزىلىپ، ورىندالعاندارى «تىزىمدىكتەن ءوشىرىلىپ» وتىردى. سونىمەن بىرگە، باياندى مەحانيزم ورناتىلىپ، تۇزىمدىك قۇرىلىس شىنايى كۇشەيتىلدى. التىنشىدان، «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قيمىلى ويداعىداي ورىستەتىلدى، تومەنگە تۇسكەن كادرلاردىڭ قىزمەت، تۇرمىس جاعدايلارى دەركەزىندە يەلەنىپ، ورىن تەپكەن ماسەلەلەر مەن قيىنشىلىقتاردى شەشۋىنە كومەك بەرىلدى.
3. ابزالدىق ساۋلەلەندىرىلىپ، قوعام ورنىقتىلىعىن قورعاۋعا بارىنشا كۇش سالىندى
(1) مۇقيات ۇيرەنىپ، تانىمدى جوعارىلاتۋ ارقىلى قىزمەتتىڭ كوزدەۋ ءتۇيىنى مەن كۇش سالۋ ءتۇيىنى قوعامدىق ورنىقتىلىق مەن باياندى تىنىشتىقتى قورعاۋ جاعىنا قويىلدى.
ءبىر جىلدان بەرى ءبىز ورتالىق كوميتەت پەن باس شۋجي شي جينپيڭنىڭ شينجياڭنىڭ ورنىقتىلىعىن قورعاۋ جونىندەگى ماڭىزدى نۇسقاۋلارىنىڭ رۋحىن مۇقيات ۇيرەنىپ جانە يگەرىپ، اۆتونوميالى رايوندىق، اۆتونوميالى وبلىستىق پارتكومداردىڭ شەشىمدەرى مەن ورنالاستىرۋلارىن باتىل دايەكتىلەندىردىك، بولشەكتەۋشىلىككە قارسى تۇرۋدىڭ ءبىرىنشى شەبىندە بۇلجىماي تۇرىپ، وبلىسىمىزداعى ءار دارەجەلى ساياسي كەڭەس ۇيىمدارىن جانە قالىڭ ساياسي كەڭەس مۇشەلەرىن اشىق پوزيتسيا ءبىلدىرىپ، زورلىقتى لاڭكەستىك ارەكەتتەردى قاتاڭ ايىپتاۋعا جۇمىلدىردىق. يدەيا ماسەلەسىن يدەيالىق ادىسپەن، مادەنيەت ماسەلەسىن مادەنيەتتىك تاسىلمەن شەشۋ، سالت - سانا ماسەلەسىنە قۇرمەت ەتۋ پوزيتسياسىن ۇستانۋ، زورلىقتى لاڭكەستىك ماسەلەسىن زاڭ بويىنشا جونگە سالۋ جانە قاتاڭ سوققى بەرۋ تاسىلىمەن شەشۋ، ءدىن ماسەلەسىندە ءدىني قاعيدا بويىنشا ىستەۋ سىندى «بەس تەتىكتى» ويداعىداي يگەرۋدە تاباندى بولىپ، ماسەلەنى وسى تەتىك بويىنشا شەشۋگە قۇلشىندىق.
(2) ورنىقتىلىقتى قورعاۋداعى ناقتى قىزمەتتەر تىڭعىلىقتى ىستەلدى.
ورنىقتىلىق قىزمەتىن شىنايى ۇتىمدى تۇردە ويداعىداي ىستەۋ ءۇشىن ءدىني ۇشقارى يدەيانىڭ ىلەگە جالبىزبالاپ كىرۋ جاعدايى، قۇلجا قالاسىنداعى ۇلتتاردىڭ قويان - قولتىق قونىستانۋ قۇرىلىمى جاعدايى جونىندە ىلگەرىندى - كەيىندى تەكسەرىپ - زەرتتەۋ جۇرگىزىلدى. بۇدان قالىپتاسقان تەكسەرىپ - زەرتتەۋ دوكلادتارى تۇراقتى كوميتەت ماجىلىسىندە قارالىپ، وبلىستىق پارتكومعا جولداندى، وعان نەگىزگى باسشى بەكىتۋ سالدى ءارى ول قاتىستى تاراۋلاردىڭ مۇقيات كادەگە جاراتۋىنا ءتۇسىرىپ بەرىلدى. ۇلتتار ىنتىماعى مەن قوعامدىق ورنىقتىلىق نەگىزگى تاقىرىپ ەتىلگەن تۇراقتى كوميتەت ءماجىلىسى اشىلىپ، قوعامدىق جالپى جاعدايدىڭ ورنىقتىلىعىن قورعاۋ ءۇشىن اقىل - كەڭەس بەرىلدى. سونىمەن بىرگە، ۇلتتار ىنتىماعى تاربيەسى قيمىلى جالعاستى، تىڭعىلىقتى ورىستەتىلدى. وقۋ - اعارۋ، مادەنيەت، دەنساۋلىق ساقتاۋ، دەنەتاربيە جانە جان سانى، بايلىق، ورتانى قورعاۋ كوميتەتى ءبىر ءبولىم مۇشەلەر مەن مادەنيەت، كوركەمونەر سالاسىنىڭ قىزمەتكەرلەرىن ۇيىمداستىرىپ، نەگىزگى ساتىلاردا ساباق ءوتۋ، تارتىمدى كونسەرت قويۋ سىندى قيمىلدارىن ورىستەتىپ، پارتيانىڭ ۇلت ساياساتىن ۇگىتتەپ، نەگىزگى ساتىداعى بۇقارانىڭ مادەنيەت تۇرمىسىن بايىتتى.
(3) «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت اترەتتەرىنىڭ نەگىزگى ساتىلاردىڭ ورنىقتىلىعىن قورعاۋداعى ماڭىزدى رولىن ويداعىداي ساۋلەلەندىرۋگە كۇش سالىندى.
«حالىق جاعدايىن ۇعىسۋ، حالىققا تيىمدىلىك جاساۋ، حالىق تىلەگىن توعىستىرۋ» قىزمەت اترەتتەرىنىڭ نەگىزگى ساتىلاردىڭ ورنىقتىلىعىن قورعاۋداعى رولىنا ايرىقشا ءمان بەرىلدى. «حالىق جاعدايىن ۇعىسۋ، حالىققا تيىمدىلىك جاساۋ، حالىق تىلەگىن توعىستىرۋدا» قۇلجا قالاسىنداعى جانە قورعاس اۋدانىنداعى قىزمەت ۇيىرمەسىنىڭ باستىعى مىندەتىن اتقارعان ەكى ورىنباسار ءتوراعا نەگىزگى ساتىلارعا ىشكەرىلەي ارالاسىپ، بۇقاراعا «ۇلتتىق بولشەكتەۋشىلىككە قارسى تۇرۋ، قوعامنىڭ ورنىقتىلىعىن قورعاۋ» نەگىزگى تاقىرىبىندا تالاي رەت بەتپە - بەت لەكسيا سويلەدى. تاربيە العان بۇقارا 10 مىڭ ادام - رەتتەن استى. قىزمەت اترەتىنىڭ مۇشەلەرى نەگىزگى ساتىلارعا ىشكەرىلەي ارالاسىپ، وتباسىلارىن ارالاپ، حالىق جاعدايىن ۇعىسىپ، ولارمەن بۇكپەسىز اڭگىمەلەستى. ماڭىزدى مەرەكەلەردەن، ۇلتتار ىنتىماعى تاربيە ايىنان پايدالانا وتىرىپ، ءار الۋان، باي مازمۇندى بۇقارالىق مادەنيەت، دەنەتاربيە قيمىلدارىن ورىستەتىپ، ورتالىقتىڭ، اۆتونوميالى رايوننىڭ، اۆتونوميالى وبلىستىق پارتكومنىڭ ماڭىزدى ماجىلىستەرىنىڭ رۋحىن، پارتيانىڭ ۇلت - ءدىن ساياساتى مەن زاڭ - ەرەجەلەرىن جانە ۇلتتىق ءداستۇرلى مادەنيەتتى ۇگىتتەپ، وزىق مادەنيەتتىڭ جەتەكشىلىك رولىن كۇشەيتىپ، ءار ۇلت بۇقاراسىنىڭ ءدىني ۇشقارى يدەيانى سانالى تەجەۋدەگى ىرىقتىلىعىن جوعارىلاتتى.
4. پارتكومنىڭ وزەكتى قىزمەتى ارقاۋ ەتىلىپ، ساياسي كەڭەستىڭ فۋنكتسياسى بەلسەنە اتقارىلدى
(1) ءماجىلىستىڭ اقىل - كەڭەس بەرۋ ونىمدىلىگى جوعارىلاتىلدى.
ءبىز ءتۇرلى ماجىلىستەردى مۇقيات ۇيىمداستىرۋ ارقىلى اقىل - كەڭەس بەرۋ ساپاسىن جوعارىلاتتىق. 12-كەزەكتى كوميتەتتىڭ ءۇشىنشى جالپى ءماجىلىسى كەزىندە، مۇشەلەردەن 487 ۇسىنىس جوبا قابىلدانىپ، ودان 457 سى تۇراقتاندىرىلدى. ارناۋلى تاقىرىپتا تۇراقتى كوميتەت ماجىلىستەرى اشىلىپ، تەكسەرىپ - زەرتتەۋ دوكلادتارى ءتۇيىندى قارالدى.
(2) ىشكەرىلەي تەكسەرىپ - زەرتتەۋ جۇرگىزىلىپ، ۇكىمەت ءىسىن كەڭەسۋدە ناقتى ونىمدىلىككە قول جەتكىزۋ جەبەلدى.
ءبىر جىلدان بەرى ءبىز پارتكومنىڭ وزەكتى قىزمەتىنە ۇشتاستىرا وتىرىپ، ءبىر ءبولىم تەكسەرىپ -زەرتتەۋ تاقىرىپتارىن باعىتتامالى تاڭداپ، ونى تارباعاتاي، التاي ايماقتىق ساياسي كەڭەس قىزمەت كوميتەتتەرىنىڭ جانە وبلىستىق ساياسي كەڭەستىڭ ارناۋلى كوميتەتتەرىنىڭ ءدىن ىستەرىن زاڭ بويىنشا باسقارىپ، قوعامنىڭ جاراسىمدىلىعى مەن ورنىقتىلىعىن جەبەۋ، قولجا قالاسىنداعى ۇلتتاردىڭ قويان - قولتىق قونىستانۋ قۇرىلىمى جاعدايى، وبلىسقا توتە قاراستى ونەركاسىپ ورىنداردىڭ جەرگىلىكتى از ۇلت قىزمەتكەرلەرىن ىستەتۋ جاعدايى، اۆتونوميالى وبلىستىڭ جىبەك جولى ەكونوميكالىق بەلدەۋىندەگى كوپىرلىك رولىن قالاي ساۋلەلەندىرۋ، ۇلتتاردىڭ توعىسۋىن جەبەپ، جاراسىمدى تارباعاتاي قۇرۋ، تەجەمدى سۋ يگىلىگى تورابى ينجەنەرياسى قۇرىلىسىن كۇشەيتىپ، سۋ ۇنەمدەيتىن جوعارى ءونىمدى اۋىل شارۋاشىلىعىن جاڭالىق جاراتا دامىتۋ، مەكتەپ اۋلاسىنداعى جانە ونىڭ توڭىرەگىندەگى ازىق - تۇلىك حاۋىپسىزدىگىن باقىلاپ - باسقارۋ جاعدايى، اۆتونوميالى وبلىستىڭ ورتانى قورعاۋ جاعدايى، ءدىني ۇشقارى يدەيانىڭ ىلەگە جالبىزبالاپ كىرۋ جاعدايى، تىنىشتىق قۇرىلىسىن تىڭعىلىقتى ىلگەرىلەتىلىپ، تارباعاتايدىڭ باياندى تىنىشتىعىن جەبەۋ، اۆتونوميالى وبلىستاعى مالشىلاردىڭ وتىرىقتانۋ جانە ونىڭ سوڭعى جۇمىستارىن سۇيەمەلدەۋ جاعدايى، اۆتونوميالى وبلىستاعى ومارتاشىلىق كاسىبىنىڭ دامۋ جاعدايى سىندى 12 تاقىرىپ بويىنشا جەكە - جەكە تەكسەرىپ - زەرتتەۋ جۇرگىزۋىنە تابىستادىق، بۇدان قالىپتاسقان دوكلادتار تۇراقتى كوميتەت ءماجىلىسىنىڭ قاراۋىنان وتكىزىلگەننەن كەيىن ۇسىنىستىق جوبا رەتىندە وبلىستىق پارتكومعا جولداندى. وعان پارتكومنىڭ نەگىزگى باسشىسى ماڭىزدى بەكىتۋ سالىپ، پارتكوم مەن ۇكىمەتتەگى جاۋاپتى باسشىلاردان ونى دەن قويا كورىپ، دوكلادتا العا قويىلعان ماسەلەلەر مەن ۇسىنىستار جونىندە قاتىستى تاراۋلارمەن بىرلىكتە سايكەستى جوسپار -جوبا الىپ شىعۋىن تالاپ ەتىپ، قاتىستى ماسەلەلەردىڭ شەشىلۋىن جەبەدى.
(3) ۇسىنىس جوبا قىزمەتى ويداعىداي ىستەلىپ، ۇسىنىس جوبالاردىڭ ءبىر جاقتى ەتىلۋىن كەڭەسۋ كۇشەيتىلدى.
ۇسىنىس جوبا قىزمەتى ساياسي كەڭەس قىزمەتىنىڭ ماڭىزدى كۇن تارتىبىنە شىنايى ەنگىزىلىپ، ۇسىنىس جوبالاردى ءبىر جاقتى ەتۋگە تاپسىرۋ ءماجىلىسى وبلىستىق ۇكىمەت پەن وبلىستىق ساياسي كەڭەس اتىنان بىرلىكتە اشىلىپ، ءۇشىنشى ماجىلىستە تۇسكەن ۇسىنىس جوبالاردى ءبىر جاقتى ەتۋگە تاپسىرۋ قىزمەتى ءساتتى ورىندالدى. ۇكىمەت ءىسىن كەڭەسۋ ءتۇيىندى ۇسىنىس جوبالاردىڭ ءبىر جاقتى ەتىلۋىنە قۋزاۋشىلىق ەتۋ جولىمەن ورىستەتىلدى.
ءتوراعا، ورىنباسار ءتوراعالار ءتۇيىندى ۇسىنىس جوبالاردىڭ ءبىر جاقتى ەتىلۋىنە قۋزاۋشىلىق ەتىپ، ۇسىنىس جوبالاردى ءبىر جاقتى ەتۋدەگى ءىس جۇزىندىك ماسەلەلەردىڭ شەشىلۋىنە كومەكتەسىپ، ۇسىنىس جوبالاردىڭ كادەگە جاراتىلۋىن جەبەدى. ۇسىنىس جوبالاردىڭ بارىنە بەلگىلەنگەن ۋاقىتتا جاۋاپ قايتارىلدى. ساياسي كەڭەس وبلىستىق 12-كەزەكتى كوميتەتىنىڭ ءبىرىنشى ماجىلىسىنەن بەرگى ۇسىنىس جوبا قىزمەتىندەگى تاجىريبەلەر اۋىستىرىلدى جانە قورىتىندىلاندى، ايماقتىق، اۋداندىق، قالالىق ساياسي كەڭەستەر جانە ۇكىمەت تاراۋلارى ۇسىنىس جوبا قىزمەتىندەگى تاجىريبەلەردى اۋىستىرۋ جونىندە سوزگە شىعىپ، ۇسىنىس جوبالاردىڭ ءبىر جاقتى ەتىلۋ جاعدايىن حابارلاندىردى. قۇلجا قالاسىنىڭ ۇسىنىس جوبالاردى ءبىر جاقتى ەتۋ جەتىستىكتەرىنىڭ كادەگە جاراتىلۋىنداعى ناقتى مىسالدارى ناق مايداندا كوزدەن كەشىرىلدى. ۇسىنىس جوبا قىزمەتىن ىلگەرىلەتۋ ءماجىلىسى اشىلىپ، ايماقتىق، اۋداندىق، قالالىق ساياسي كەڭەستەر ارا پىكىر اۋىستىرىلىپ، ۇسىنىس جوبالاردى ءبىر جاقتى ەتۋ ساپاسى مەن ونىمدىلىگى جاقسارا ءتۇستى.
5. بورىشتى اتقارۋ قابىلەتى قۇرىلىسى كۇشەيتىلدى
بىرىنشىدەن، نەگىزگى ساتىلارداعى ساياسي كەڭەس قىزمەتىنە جەتەكشىلىك كۇشەيتىلدى. ءبىر جىلدان بەرى ءبىز تارباعاتاي، التاي ايماقتىق ساياسي كەڭەس قىزمەت كوميتەتتەرىنە باسشىلىقتى جانە اۋداندىق، قالالىق ساياسي كەڭەستەرگە جەتەكشىلىكتى كۇشەيتىپ، نەگىزگى ساتىلارداعى ساياسي كەڭەس قىزمەتىندە تىڭ تابىستارعا قول جەتكىزۋدى شىنايى ىلگەرىلەتتىك. نەگىزگى ساتىلارداعى ساياسي كەڭەس باسشىلارىن تۇراقتى كوميتەت ماجىلىسىنە سىرتتاي قاتىناسۋعا ۇسىنىس ەتۋ ارقىلى نەگىزگى ساتىلارداعى ساياسي كەڭەستەردىڭ فۋنكتسياسىن اتقارۋداعى بەلسەندىلىگى مەن ىرىقتىلىعىن جوعارىلاتتىق؛ اۆتونوميالى وبلىستىق ساياسي كەڭەستىڭ قىزمەت ءماجىلىسى، ۇسىنىس جوبالاردى ءبىر جاقتى ەتۋگە تاپسىرۋ ءماجىلىسى، ۇسىنىس جوبا قىزمەتىن ىلگەرىلەتۋ ءماجىلىسى، تاريحي ماتەريالدار قىزمەتى جونىندەگى اڭگىمە ءماجىلىسى سياقتى ماجىلىستەردى اشۋ، مۇشەلەردى زور جيىندا سوزگە شىعارۋ، گرۋپپالاردا تالقى ورىستەتۋ، ماتەريال كورۋ سياقتى فورمالار ارقىلى تارباعاتاي، التاي ايماقتىق ساياسي كەڭەس قىزمەت كوميتەتتەرى، وبلىستىق ساياسي كەڭەستىڭ ارناۋلى كوميتەتتەرى جانە وبلىسقا توتە قاراستى اۋداندىق، قالالىق ساياسي كەڭەستەر ارا پىكىر اۋىستىرۋدى كۇشەيتىپ، ءتۇسىنىسۋ، ءوزارا ۇيرەنۋ، قىزمەتتى ىلگەرىلەتۋ ماقساتىنا جەتىپ، جاڭا داۋىردەگى ساياسي كەڭەس قىزمەتىن ويداعىداي ىستەۋدىڭ بىرىككەن كۇشىن نىعايتتىق.
بەسىنشىدەن، قوعامدىق جاعداي، حالىق تىلەگى جونىندەگى ينفورماتسيا قىزمەتى كۇشەيتىلدى. ءداستۇرلى جانە جاڭاشا اقپارات دانەكەرلەرىنەن تولىق پايدالانۋ نەگىزىندە، ينفورماتسيا قىزمەتىنىڭ سىرتقا باعىتتالعان ۇگىتى كۇشەيتىلدى.
التىنشىدان، ءتۇزىم قۇرىلىسى ماڭىزدى ءتۇيىن ەتىلىپ، ورگان ستيلى قۇرىلىسى كۇشەيتىلدى. پارتيانىڭ بۇرالىق لۋشيان تاربيەسى جانە امالياتتىق قيمىلىنا ۇشتاستىرىلىپ، ەرەجە - تۇزىمدەر مۇقيات رەتتەلىپ، ون نەشە باسقارۋ ءتۇزىمى قايتادان كەمەلدەندىرىلدى. قاتىستى تۇزىمدەر دايەكتى اتقارىلىپ، نەگىزگى ساتىلاردا تەكسەرىپ - زەرتتەۋ جۇرگىزۋ، كوزدەن كەشىرۋ قيمىلدارى اناعۇرلىم مۇقيات ورنالاستىرىلىپ، ناقتى ونىمىنە ءمان بەرىلدى. نەگىزگى ساتىلاردىڭ قابىلداۋ، كۇتىپ الۋ جۇمىستارى قاراپايىمداستىرىلىپ، اۋىرتپالىعى جەڭىلدەتىلدى. جيىن ستيلىندە بۇرىلىس جاساۋ دارىپتەلىپ، جيىننىڭ كولەمى، دارەجەسى جانە قاراجاتى قاتاڭ تەجەلدى. جيىننىڭ ۇيىمداستىرىلۋى اناعۇرلىم جۇيەلى، قاراپايىم بولىپ، كەڭەسۋ ساپاسى جوعارىلاتىلدى. قۇجات - ماتەريال جازۋدا شىندىققا جاناسىمدى بولۋ، نەگىزگى تاقىرىپتان الشاقتاماۋ، ءىس جۇزىندىك ماسەلەلەردى شەشۋ جونىندەگى ۇسىنىستار ۇتىمدى بولۋ باسا دارىپتەلدى. وسىلاي ىستەلۋ ارقىلى ورتالىقتىڭ «8 ءتۇرلى بەلگىلەمەسى» جانە اۆتونوميالى رايوندىق، اۆتونوميالى وبلىستىق پارتكومداردىڭ قاتىستى بەلگىلەمەلەرى شىنايى، ناقتى تياناقتاندىرىلدى. ورگاننىڭ قىزمەت ونىمدىلىگى بارىنشا جوعارىلاپ، ستيل قۇرىلىسى تاعى ءبىر تىڭ بەلەسكە كوتەرىلدى.
2015 -جىلعى قىزمەتتىڭ وي جەلىسى جانە شارالارى
2015- جىل _ ىلەنى زاڭمەن جونگە سالۋ جاپپاي ىلگەرىلەتىلەتىن العاشقى جىل، « 12- بەس جىلدىق» جوباداعى نىسانا - مىندەتتەردى جۇزەگە اسىرۋدىڭ سىرگە جيار جىلى ءارى اۆتونوميالى وبلىستىڭ قوعامدىق ورنىقتىلىعى مەن باياندى تىنىشتىعىن قورعاۋدى اناعۇرلىم جوعارى دەڭگەيدە ىلگەرىلەتىپ، جاپپاي دوڭگەلەك داۋلەتتى قوعام قۇرۋعا بەرىك نەگىز قالايتىن شەشۋشى جىل ەسەپتەلەدى. جاڭا ءبىر جىلدا اۆتونوميالى وبلىستىق ساياسي كەڭەس وبلىستىق پارتكومنىڭ پارمەندى باسشىلىعىندا وبلىستىق پارتكوم قىزمەت ءماجىلىسىنىڭ جالپى تۇلعالىق ورنالاستىرۋى بويىنشا «قوعامدىق ورنىقتىلىق پەن باياندى تىنىشتىق» سىندى باس نىسانادان جازباي، زاڭمەن جونگە سالۋ، ىنتىماقتاسا ورنىقتىرۋ، باياندى كوركەيتۋ باس ستراتەگياسىندا تاباندى بولىپ، ساياسي بورىشتىڭ، ورنىقتىلىقتى قورعاۋدىڭ، ەكونوميكانى دامىتۋدىڭ، قوعامدى وڭاۋدىڭ جاڭا قالپىنا ۇيلەسىپ، ىنتىماقتىلىق، دەموكراتيا سىندى ەكى ۇلكەن تاقىرىپتان جازباي، ساياسي كەڭەستىڭ فۋنكتسياسىن تىڭعىلىقتى اتقارىپ، حالىقتىق ساياسي كەڭەستىڭ كەڭەستىك دەموكراتياداعى نەگىزگى ارنالىق رولىن تولىق ساۋلەلەندىرىپ، وبلىستىق پارتكومنىڭ قىزمەت ماجىلىسىندە العا قويعان كۇرەس نىسانالارىن ورىنداۋ جولىندا اناعۇرلىم زور ۇلەستەر قوسۋى كەرەك.
1. ۇيرەنۋدى كۇشەيتىپ، ورتاق تانىم قالىپتاستىرۋ.
2. ىنتىماقتىلىق پەن دەموكراتيادا تاباندى بولىپ، ىنتىماقتىلىقتى قورعاۋدىڭ جاڭا قالپىنا سايكەسىپ، قوعامدىق جالپى جاعدايدىڭ ورنىقتىلىعىن قورعاۋعا كۇش سالۋ.
3. ساياسي كەڭەستىڭ ابزالدىعىن ساۋلەلەندىرىپ، فۋنكتسياسىن اتقارۋ قىزمەتىن ۇزدىكسىز تەرەڭدەتۋ.
بىرىنشىدەن، ماسەلە باعىتىنان جازباي، رەفورمانى جاپپاي تەرەڭدەتۋگە جانە ىلەنى زاڭ بويىنشا جونگە سالۋ قۇرىلىسىنا قاتىستى ءتۇيىندى ماسەلەلەردى توڭىرەكتەي وتىرىپ، ىشكەرىلەي تەكسەرىپ - زەرتتەۋ جۇرگىزۋ، ارناۋلى تاقىرىپتا كوزدەن كەشىرۋ جانە ۇكىمەت ءىسىن كەڭەسۋ قيمىلىن ىشكەرىلەي ورىستەتۋ. ەكىنشىدەن، ءماجىلىس ساپاسىن جوعارىلاتۋدىڭ تىڭ جول، سونى ادىستەرىن بەلسەنە قاراستىرىپ، كەڭەستىك دەموكراتيانى كەڭ كولەمدى، كوپ ساتىلى، تۇزىمدەندىرىپ دامىتۋدى ىلگەرىلەتۋ. ۇشىنشىدەن، ۇسىنىس جوبا قىزمەتىن ونان ارى ويداعىداي ىستەۋ. قوعامدىق ورنىقتىلىق، حالىق تۇرمىسى، ۇلتتار ىنتىماعى سياقتى جاقتارعا ساياتىن ماسەلەلەرگە قاداعالاي نازار اۋدارىپ، ۇسىنىس جوبا بەرۋ جانە ونى ءبىر جاقتى ەتۋ ارقىلى قاتىستى قىزمەتتەردىڭ ورىستەتىلۋىن جەبەۋ.
4. پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ تابىستارىن بەكەمدەپ، وزىندىك قۇرىلىستىڭ تاعى ءبىر تىڭ بەلەسكە كوتەرىلۋىن ىلگەرىلەتۋ.
بىرىنشىدەن، مۇشەلەردى باسقارۋ جانە ولارعا قىزمەت وتەۋدى كۇشەيتىپ، مۇشەلەر قيمىلىنىڭ تىڭ فورما، سونى ادىستەرىن بەلسەنە قاراستىرىپ، مۇشەلەرمەن بايلانىستى ۇزدىكسىز قويۋلاتىپ، مۇشەلەردىڭ ۇكىمەت ءىسىن كەڭەسۋ تەبىنىن كۇشەيتۋ. ەكىنشىدەن، ستيل قۇرىلىسىن تۇتقا ەتە وتىرىپ ورگان قۇرىلىسىن كۇشەيىتپ، ورگاننىڭ پارتيا قۇرىلىسىن ءتۇيىندى تۇردە ويداعىداي يگەرىپ، پارتيا مۇشەلەرىنىڭ العا باسارلىعىن ماڭگى ساقتاۋ. ۇشىنشىدەن، ارناۋلى كوميتەتتەردىڭ نەگىزدىك رولىن شىنايى ساۋلەلەندىرىپ، ىرىقتىلىقپەن ىستەۋ، جاڭالىق جاراتا ىلگەرىلەتۋ جانە تياناقتاندىرۋدى مىقتى يگەرۋ تانىمىن كۇشەيتۋ. تورتىنشىدەن، سالالىق ۇيىم قۇرىلىسىن كۇشەيتۋ، سالالىق قيمىل گرۋپپالارىن قۇرۋ، سالالاردىڭ رولىن ساۋلەلەندىرۋ جوبالارىن جاساپ، سالالىق قيمىل گرۋپپالارىنىڭ سايكەستى تۇزىمدەرىن ورناتۋ جولدارىن قاراستىرىپ، سالالىق قيمىل گرۋپپالارىنىڭ قىزمەت نىساناسى، قىزمەت جاۋاپكەرشىلىگى، قىزمەت فورماسى، ۇيىمدىق قۇرىلىمى، قىزمەت وتەۋ قامتاماسىزدىعى، تەكسەرىپ باعالاۋ ءادىسى سياقتىلاردى ايقىنداپ، ساياسي كەڭەس سالالارىنىڭ رولىن ساۋلەلەندىرۋدى ۇيىمدىق كەپىلمەن قامتاماسىزداندىرۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
