- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توعىزتاراۋ اۋدانى ساياسات سيپاتتى قامتاماسىزداندىرۋ بويىنشا شارۋالارعا 10 ميلليون 120 مىڭ يۋان تولەم قاراجات بەردى
2015.02.05 13:50
توعىزتاراۋ اۋدانى بيىل اۋىل شارۋاشىلىعىن ساياسات سيپاتتى قامتاماسىزداندىرۋ قىزمەتىنە وسكەلەڭ دارەجەدە ءمان بەرىپ، قامتاماسىزداندىرۋ ساياساتىن دايەكتى تياناقتاندىرىپ، ەكپەشىلىك پەن باعىمشىلىق كاسىبىنىڭ زيانىن ازايتىپ، كوپتەگەن شارۋالاردى تيىمدىلىككە كەنەلىتتى.
بىلتىرعى كوكتەم ماۋسىمىنان بەرى توعىزتاراۋ اۋدانىندا ۇسىك، بوران، قۋاڭشىلىق سىندى جاراتىلىستىق اپاتتار ارت - ارتىنان تۋىلىپ، ەگىس داقىلدارى تۇرلىشە دارەجەدە زيانعا ۇشىرادى. جايىلىم جامىلعىسى دا اۋىر قۋاڭشىلىق اپاتىنا ۇشىراپ، ءتورت تۇلىك مالدىڭ شىعىنى وتكەن جىلدارداعىدان جوعارى بولدى. اۋدان ساياسات سيپاتتى قامتاماسىزداندىرۋعا تولەم قاراجات بەرۋ ساياساتىن دايەكتى تياناقتاندىرىپ، شارۋالاردىڭ زيانىن ەڭ تومەنگى شەككە ءتۇسىرۋ ءۇشىن، جۇڭگو حالىق مال - مۇلىك قامسىزداندىرۋ سەرىكتىگىنىڭ توعىزتاراۋ اۋدانىنداعى بولىمشەسى مەن جۇڭحۋا قامتاماسىزداندىرۋ سەرىكتەستىگى بىرلەسىپ، تولەم قاراجات بەرۋ ولشەمىنە ساي اپاتقا ۇشىراعان شارۋالارعا تولەم اقشا بەردى.
ءدوڭمالى اۋىلىندا تۇراتىن ۋ جيڭبياۋ بيىل 25 مۋ جەرىنە ءبيداي ەككەن بولاتىن. وتكەن جىلى ماۋسىمنىڭ 25 - كۇنى تۋىلعان بوران اپاتىندا ورىپ الۋعا از ۋاقىت قالعان ءبيداي اتىزى اپاتقا ۇشىراپ، تاقىر جەرگە وتىرىپ قالا جازداعان ەدى. ۋجيڭبياۋ :
«اپاتقا ۇشىراعانىمدى قامتاماسىزداندىرۋ سەرىكتەستىگىنە مالىمدەپ ەدىم، ولار جاعدايدى كوزدەن كەشىرىپ، تۇراقتاندىرعان سوڭ، قامتاماسىزداندىرۋ تولەم قاراجاتىن بانكە كارتوچكاما قۇيىپ بەردى. قامتاماسىزداندىرۋ سەرىكتەستىگىنىڭ قىزمەتىنە ءدان ريزا بولدىم، كەلەر جىلى دا قامتاماسىزداندىرۋ قاراجاتىن ۋاعىمەن تاپسىرماقشىمىن. وسىلاي بولعاندا شىعىمدى ازايتۋعا بولادى ەكەن» - دەدى.
ساۋىن سيىر باعىمشىلىعىمەن شۇعىلدانعانىنا 20 جىلدان اسقان يىن يۋپيڭ بۇرىن ساۋىن سيىرلارىن قامسىزداندىرۋعا قاتىناستىرماعاندىقتان، سيىرى ولسە، شىعىندى ءوزى كوتەرەتىن، 2010 - جىلدان باستاپ ساۋىن سيىرلارىن قامتاماسىزداندىرۋعا قاتىناستىرىپ، ءار باس سيىرعا جىلىنا 30 يۋاننان قامتاماسىزداندىرۋ قاراجاتىن تاپسىرعان ول بيىلعى كليماتتىڭ اسەرىمەن ىندەتكە ۇشىراپ ولگەن 8 باس سيىرىنا 48 مىڭ يۋان تولەم قاراجات الىپ، باعىمشىلىقتان تارتقان زيانىنىڭ ورنىن تولىقتادى .
ول: «باعىمشىلىقپەن شۇعىلدانعانىما 20 نەشە جىل بولدى، جاقىنعى جىلدارى سيىرلارىمدى قامسىزداندىرۋعا قاتىناستىردىم ، بيىل 8 باس سيىرىم ءولىپ ەدى، قامتاماسىزداندىرۋ سەرىكتەستىگى تولەم قاراجاتىن بەردى، بۇگىن تاعى ءبىر سيىرىم ءولدى، ءبىر اپتادان سوڭ قامسىزداندىرۋ سەرىكتەستىگى تولەم قاراجاتىن كارتوچكاما قۇيىپ بەرەتىن بولدى، مالدى قامتاماسىزداندىرۋعا قاتىناستىرۋ باعىمشىلىقپەن شۇعىلداناتىنداردىڭ زيانىن ازايتادى»- دەدى.
اۋىل شارۋاشىلىعىن ساياسات سيپاتتى قامتاماسىزداندىرۋ قىزمەتىنىڭ جەبەلۋى شارۋالاردىڭ ەكپەشىلىكپەن، باعىمشىلىقپەن شۇعىلدانۋ سەنىمدەرىن بەكەمدەۋمەن بىرگە، ەگىن، مال شارۋاشىلىعىن دامىتۋدا بەلسەندى رول اتقاردى.
جۇڭگو مال - مۇلىك قامتاماسىزداندىرۋ سەرىكتىگى بولىمشەسىنىڭ ديرەكتورى ديڭ زان بىلاي دەدى: «توعىزتاراۋ اۋدانىنىڭ 13 اۋىل، قالاشىق ، الاڭىنداعى 362 مىڭ 300 مۋ ەگىستىك، 23 مىڭ 400 باس ساۋىن سيىر بيىل قامتاماسىزداندىرۋعا قاتىناستىرىلدى. قازىرگە دەيىن 8 ميلليون 340 مىڭ يۋان تولەم قاراجات بەرىلىپ، بۇدان 8 مىڭ 380 وتباسى يگىلىكتەندى. ەگىن شاراشىلىعى مەن مال شارۋاشىلىعىن ساياسات سيپاتتى قامتاماسىزداندىرۋ استىق ءوندىرىسى مەن مال شارۋاشىلىعىنىڭ دامۋىن پارمەندى كەپىلمەن قامدايدى».
قازىرگە دەيىن توعىزتاراۋ اۋدانى بيىلعى ساياسات سيپاتتى قامتاماسىزداندىرۋعا قاتىناستىرىلعان اۋىل شارۋاشىلىعىنا 10 ميلليون 120 مىڭ يۋان، مۇنىڭ ىشىندە ەكپەشىلىككە 4 ميلليون 980 مىڭ يۋان، باعىمشىلىققا 5 ميلليون 140 مىڭ يۋان تولەم قاراجات بەرگەن، قامتاماسىزداندىرۋ تولەم قاراجاتىنىڭ سوماسى وتكەن جىلداعىدان 720 مىڭ يۋان ارتقان. زايرا ءابىلوقاس قىزى
كەلۋ قاينارى: ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
