- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە وبلىسىندا 10 تيۆتىك ماسەلە جونىندە حابارلاندىرۋ جاريالاندى
2015.03.11 15:36 كەلۋ قاينارى : حالىق تورابى
ءىشىنارا اۋىل – قىستاق كادرلارىنىڭ زاڭدىق تانىمى كەمشىل، ءىستى ادىلدىكپەن ىستەمەي، قولىنان كەلسە قونىشىنا باسىپ، بۇقارانىڭ ۇقىق – مۇددەسىنە زيان جەتكىزەدى، بۇل ماسەلەلەرگە بۇقارانىڭ اڭىسى كۇشتى. ءتىلشىنىڭ 9 – ناۋرىزدا شينجياڭ ۇيعۇر اۆتونوميالى رايوندىق باقىلاۋ مەكەمەسىنىڭ تورابىنان ۇعىسۋىنشا، 2014 – جىلى ىلە وبلىستىق ءتارتىپ تەكسەرۋ كوميتەتى ىلە وبلىسىنا توتە قاراستى ورىنداردا اۋىل – قىستاقتارداعى باسشىلاردىڭ بۇقارانىڭ ۇقىق – مۇددەسىنە زيان جەتكىزۋىنە قاتىستى ماسەلەلەردى تەكسەرىپ ءبىر جاقتىلى ەتۋ پارمەنىن كۇشەيتكەن ءارى 10 تيۆتىك ماسەلە تۋرالى اتىن اتاپ، ءتۇسىن تۇستەي وتىرىپ حابارلاندىرۋ شىعارعان.
حابارلاندىرۋ شىعارىلعان تيۆتىك ماسەلەلەر ىشىندە، بەيقۇت ءۇي قۇرىلىسى، ەڭ تومەنگى تۇرمىس دەڭگەيىن قامتاماسىزداندىرۋ، استىق وندىرۋشىلەرگە تىكەلەي كومەك قاراجاتىن بەرۋ، اۋىل شارۋاشىلىعىنا ىستەتىلەتىن ءتۇرلى جابدىقتارعا جۇمسالاتىن قاراجات جاعىنان كومەكتەسۋ قاتارلى اۋىل شارۋاشىلىعىن كوركەيتىپ، حالىققا تيىمدىلىك جەتكىزۋ ساياساتتارىنا بولىنگەن قاراجاتتاردى تاراتۋ – باسقارۋ بارىسىندا اۋىل - قىستاقتاعى ءىشىنارا كادرلاردان بايقالاتىن «ءىشىپ-جەۋ ، ساۋعا الۋ، ءىس بىتىرمەۋ، تارتىپ قالۋ، اقى دامەتۋ» ارەكەتتەرى، تۋىس – تۋعان، دوس – جارانىنا بۇيرەگى بۇرىلۋ، كوللەكتيۆتىڭ «ءۇش قاراجاتىن» قىمقىرۋ، قولىنان كەلگەنشە قونىشىنا باسۋ، جالعان مالىمدەۋمەن ارتىق تولەم اقى الۋ قاتارلى ماسەلەلەرى قامتىلعان، بۇل ارەكەتتەر بۇقارانىڭ ۇقىق – مۇددەسىنە اۋىر زيان سالدى.
قۇلجا اۋدانى بايتوقاي اۋىلى جوعارعى جەتىون قىستاعى پارتيا ياچەيكاسىنىڭ ورىنباسار شۋجيى ءارى ءدىن ىستەرىن سايكەسە باسقارۋعا جاۋاپتى كادرى ۋەي فۋرۇڭ قىزمەت قولايلىلىعىنان پايدالانىپ، قازىنا قارجىسىنا قيانات جاساعاندىقتان، وعان پارتيادا قالدىرىپ ءبىر جىل بايقاپ كورۋ جازاسى بەرىلىپ، تارتىپكە قايشى قىمقىرعان قاراجات قايتارىپ الىندى.
شاپشال اۋدانى جاعىستاي اۋىلى تومەنگى جاعىستاي قىستاعى قىستاق كوميتەتىنىڭ مەڭگەرۋشىسى سىدىقجان قىزمەت قولايلىلىعىنان پايدالانىپ، ءبيداي وسىرۋگە بەرىلگەن كومەك قاراجاتتى، كەدەيلەردى سۇيەمەلدەۋ كومەك قاراجاتىن، جەردى وتكىزىپ الۋ تولەم قاراجاتىن جالعان مالىمەتپەن الداپ العان نەمەسە باسقالاردىڭ ۇلەسىن ءوز قالتاسىنا قىمقىرعان، وعان پارتيادان شىعارۋ جازاسى بەرىلىپ، بەلگىلەمەگە قايشى يەلەنگەن قاراجاتتارى قايتارىپ الىندى.
شاپشال اۋدانى كەن اۋىلىنىڭ ورىنباسار مەڭگەرۋشىسى ءارى عۇلام قىستاعىنىڭ پارتيا ياچەيكا شۋجيى ابدۋحەلەل تۇرسۇن پاكتىك، تەجەمدىلىك تارتىبىنە قايشىلىق جاساعاندىقتان، وعان پارتيا ىشىندە قاتاڭ ەسكەرتۋ بەرىلىپ، تارتىپكە قايشى يەلەگەن قاراجاتتارى قايتارىپ الىندى.
قورعاس اۋدانى لۋساۋگۋ قالاشىعى يۋانباۋشان قىستاعى قىستاق كوميتەتىنىڭ مۇشەسى ما جينساي قىزمەت قولايلىلىعىنان پايدالانىپ، باسقالارعا بەرىلەتىن ەڭ تومەنگى تۇرمىس دەڭگەيىن قامتاماسىزداندىرۋ قاراجاتىنا قيانات جاساعاندىقتان ءارى ءتۇرلى سىلتاۋمەن تەكسەرۋگە سايكەسپەگەندىكتەن، وعان پارتيادان شىعارۋ جازاسى بەرىلدى.
قورعاس اۋدانى سانداۋحى اۋىلى قالاشىق پەن قىستاق قۇرىلىسىن جوسپارلاۋ ورتالىعىنىڭ مەڭگەرۋشىسى التىنبەك قوجاي ۇلى قىزمەت قولايلىلىعىنان پايدالانىپ پارا الىپ، كومەككە بەرىلگەن زاتتاردى ساتقاندىقتان؛ كومەك قاراجاتى مەن كومەككە بەرىلگەن زاتتاردان، سونداي – اق، كەپىلگە الىنعان اقشادان تارتىپ قالعاندىقتان، وعان پارتيادا قالدىرىپ ءبىر جىل بايقاپ كورۋ جازاسى بەرىلىپ، تارتىپكە قايشى قىمقىرعان قاراجاتتارى قايتارىپ الىندى.
توعىزتاراۋ اۋدانى قوي فەرماسى بۇرىنعى 2 - اترەتىنىڭ ياچەيكا شۋجيى گاۋ باۋلان قىزمەت قولايلىلىعىنان پايدالانىپ، ءبيداي وسىرۋگە بەرىلەتىن قوسىمشا كومەك قاراجاتتى جالعان مالىمەتپەن ەسەلەپ العاندىقتان، وعان پارتيادان شىعارۋ جازاسى بەرىلىپ، تارتىپكە قايشىلىق جاساپ قىمقىرعان قاراجاتتار قايتارىلىپ الىندى.
نىلقى اۋدانى مىس اۋىلى كوركەيۋ قىستاعى قىستاق كوميتەتىنىڭ مەڭگەرۋشىسى جەڭىسبەك تولەش ۇلى قىزمەت قولايلىلىعىنان پايدالانىپ، تارتىپكە قايشىلىق جاساي وتىرىپ تۋىستارىن ەڭ تومەنگى تۇرمىس دەڭگەيىن قامتاماسىزداندىرۋ كولەمىنە ەنگىزگەن؛ قىستاقتىڭ كوللەكتيۆ جەرىن سىرتقا ءوز بەتىمەن مايعا بەرگەن ءارى ماي اقىسىن قولما – قول جۇمساپ وتىرعان، وعان پارتيادا قالدىرىپ ءبىر جىل بايقاپ كورۋ جازاسى بەرىلىپ، تارتىپكە قايشى قىمقىرعان قاراجاتتارى قايتارىپ الىندى.
موڭعۇلكۇرە اۋدانى ۇزىنبۇلاق اۋىلى سەكسەن قىستاعى قىستاق كوميتەتىنىڭ ورىنباسار مەڭگەرۋشىسى شاعانبايىن بىرنەشە مالشى وتباسىنىڭ جەرىن مايعا الۋ اقىسىن ۋاعىندا بەرمەگەن، كوك قورۋشىلاردىڭ ەڭبەكاقىسىن زاڭسىز يەمدەنگەن، وعان پارتيادا قالدىرىپ ءبىر جىل بايقاپ كورۋ جازاسى بەرىلىپ، تارتىپكە قايشى قىمقىرعان قاراجاتتارى قايتارىپ الىنىپ، جەرىن مايعا بەرۋ اقىسى كەشەۋىلدەتىلگەن مالشىلارعا ماي اقىسى تۇگەلدەي تولەندى.
كۇنەس اۋدانى كەڭسۋ اۋىلى قازاق ءمالى قىستاعىنىڭ پارتيا ياچەيكا شۋجيى، قىستاق كوميتەتىنىڭ مەڭگەرۋشىسى ءومىرزاق ساتىبالدى ۇلى قىزمەت قولايلىلىعىنان پايدالانىپ، قىستاقتىڭ كوللەكتيۆ قاراجاتىن يەمدەنگەندىكتەن، وعان پارتيا ىشىندەگى قىزمەتىنەن قالدىرۋ جازاسى بەرىلىپ، تارتىپكە قايشى قىمقىرعان قاراجاتتارى قايتارىپ الىندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
