- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
موڭعۇلكۇرە اۋدانى «وقىرمان كىتاپ ساتىپ السا، اقشاسىن قايتارىپ بەرۋ» سىندى بۇقاراعا تيىمدىلىك جاراتۋ قيمىلىن ورىستەتتى
مەكەمە، ورىندارمەن سەلبەسىپ، وقىرمانداردىڭ قاجەتىن قامتاماسىزداندىردى
2015.04.09 13:23
ناۋرىزدىڭ 23-كۇنىنەن باستاپ موڭعۇلكۇرە اۋدانى ەكى ايعا جالعاساتىن «وقىرمان كىتاپ ساتىپ السا، اقشاسىن قايتارىپ بەرۋ » سىندى بۇقاراعا تيىمدىلىك جاراتۋ قيمىلىن ورىستەتىپ، وقىرماندار اۋداندىق شينحۋا كىتاپ دۇكەنىنەن ءوزى ۇناتاتىن كىتاپتى ساتىپ السا ءارى موڭعۇلكۇرە اۋداندىق مادەنيەت-دەنەتاربيە -راديو-كينو-تەلەۆيزيا مەكەمەسىنىڭ تاڭباسى باسىلعان تالون جازدىرسا، كىتاپتى وقىپ بولعان سوڭ، ەشقانداي جەرىن بۇلدىرمەي اۋداندىق كىتاپحاناعا تابىس ەتسە، تالونعا ساي كىتاپ ساتىپ العان اقشاسىن قايتارىپ الاتىن، كىتاپتى اقىسىز وقيتىن بولدى.
وسىنداي يگىلىكتى قيمىل قالايشا ورىستەتىلدى؟ بۇل سۇراۋعا موڭعۇلكۇرە اۋداندىق پارتكوم ۇگىت ءبولىمىنىڭ ورىنباسار باستىعى، اۋداندىق مادەنيەت-دەنەتاربيە-راديو-كينو-تەلەۆيزيا مەكەمەسىنىڭ جاۋاپتىسى دىڭ تيڭجۇن مىناداي تۇسىنىك جاسادى: ءار جىلى اۋدانىمىز كىتاپحانامىزدىڭ كىتاپ ساتىپ الاتىن قارجىسى جەتكىلىكتى بولسا دا، كوپتەگەن وقىرمان ءوزى ۇناتاتىن كىتاپتى كەزىكتىرە الماي داعداراتىن. وسىعان نەگىزدەلە وتىرىپ ءوزىمىز ساتىپ العان كىتاپتاردىڭ وقىلۋ جاعدايىنا تەكسەرۋ جۇرگىزگەنىمىزدە كەيبىر كىتاپتاردى وقىرمانداردىڭ قارىز الىپ وقۋ سالىستىرماسىنىڭ از ەكەندىگىن، كەيبىرەۋلەرىنىڭ ءبىر رەت تە قارىزعا الىنىپ وقىلماعانىن بىلگەننەن كەيىن قايتكەندە وقىرمانداردىڭ ءوزى ۇناتاتىن كىتاپتى تاۋىپ وقۋىنا قولايلىلىق جاراتا الامىز؟ دەگەن ماسەلە جونىندە ويلانىپ-تولعاندىق ءارى قاتىستى ورىندارمەن سەلبەسىپ، كىتاپ تۇرلەرىن كوبەيتىپ، وقىرمانداردى ءوز ەركىمەن كىتاپ تاڭداپ ساتىپ الۋعا شابىتتاندىرۋدىڭ ەڭ تاماشا ءادىس ەكەنىن ءبىلىپ، بيىل مەكەمە جاعىنان 60 مىڭ يۋان قارجى ءبولىپ، «وقىرمان كىتاپ ساتىپ السا، اقشاسىن قايتارىپ بەرۋ» فورماسى ارقىلى الدىمەن وقىرمان كىتاپ ساتىپ العان قارجى ارقىلى وقىرماندار ءسۇيىپ وقيتىن ادەبيەت-كوركەمونەر، ەمدەۋ، دەنساۋلىق ساقتاۋ، ەگىن شارۋاشىلىق عىلىم-تەحنيكاسى، زاڭنان قىزمەت وتەۋگە قاتىستى سان سالالى كاسىپتى قامتىعان، قازاق، حانزۋ، ۇيعۇر، موڭعۇل تىلدەرىندەگى 800 تۇردەن استام كىتاپتى كىرگىزدىك.
سونداي-اق ءىشىنارا وقىرمانداردىڭ قىزمەت قاربالاستىعىنان كىتاپحاناعا بارۋعا ۋاقىتى جوقتىعىن ەسكەرىپ، مەكەمەمىز بيىل تاعى 60 مىڭ يۋان قارجى اجىراتىپ، اۋدانداعى قاتىستى اكىمشىلىك، ىسورىندارمەن بىرلەسىپ، كىتاپ وقۋ ءۇيىن قۇردىق. قاتىستى اكىمشىلىك، ءىسورىندار اۋداندىق مادەنيەت-دەنەتاربيە-راديو-كينو-تەلەۆيزيا مەكەمەسىنە كىتاپ وقۋ ءۇيىن قۇرۋ جونىندە جازباشا دوكلاد جازىپ بەكىتتىرگەن سوڭ، اۋداندىق كىتاپ دۇكەنىنىڭ كىتاپ تىزىمدىگىنەن وزدەرىنە قاجەتتى كىتاپتى تاڭداپ ساتىپ الادى، ساتىپ العان كىتابىنىڭ قۇنى 20 مىڭ يۋاننان اسسا، اۋداندىق مادەنيەت -دەنەتاربيە -راديو-كينو-تەلەۆيزيا مەكەمەسى 10 مىڭ يۋان ۇستەمە قاراجات بەرىپ، بارلىق كىتاپ سول سەلبەسكەن ورىنعا تاۋەلدى بولادى.
ۇعىسۋىمىزشا «وقىرمان كىتاپ ساتىپ السا، اقشاسىن قايتارىپ بەرۋ» قيمىلى ورىستەتىلگەننەن بەرى قالىڭ وقىرماندار بۇل قيمىلعا بەلسەنە ات سالىسىپ، قازىرگە دەيىن وقىرماندار ساتىپ العان كىتاپتىڭ قۇنى 13 مىڭ 700 يۋانعا جەتكەن. سونىمەن بىرگە، باتىس ءتاڭىرتاۋ ورمان مەكەمەسىنىڭ موڭعۇلكۇرە اۋداندىق بولىمشەسى، اۋداندىق قوعام حاۋىپسىزدىگى مەكەمەسى، قازىنا مەكەمەسى، كۇن نۇرى قوس ءتىل بالالار باقشاسى قاتارلى 6 ورىن سەلبەسىپ كىتاپ وقۋ ءۇيىن قۇرۋدى ءوتىنىش ەتكەن ءارى كىتاپتاردى تاڭداپ ساتىپ العان. اۋداندىق كىتاپحانامەن سەلبەسىپ كىتاپ وقۋ ءۇيىن قۇرعان مەكەمەلەردىڭ كىتاپ وقۋ ءۇيى ءساۋىردىڭ 23-كۇنىنەن باستاپ رەسمي اشىلادى ەكەن.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
