- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلجا _ ءدوڭمازار جوعارى قارقىندىق تاس جولىندا ماۋسىمنىڭ 15 - كۇنى اقى الۋ باستالدى
2015.06.18 15:07
ماۋسىمنىڭ 15-كۇنى 12 ساعاتتا قۇلجادان ءدوڭمازارعا دەيىنگى جوعارى قارقىندىق تاس جولدا «اقى الۋ ورنىنا كىرىپ، كارتوچكا الۋ، كارتوچكا بويىنشا اقى تاپسىرۋ ورنىنان ءوتۋ، اقى تاپسىرۋ ورنىنان شىققاندا كارتوچكانى تاپسىرۋ، كارتوچكا بويىنشا اقى تاپسىرۋدى» نەگىز ەتكەن جابىق فورماداعى جولاۋشى كولىكتەرىنىڭ تۇرپاتىنا، جۇك كولىكتەرىندەگى جۇكتىڭ اۋىرلىعىنا قاراي اقى الۋ رەسمي اتقارىلىپ، قۇلجا-ءدوڭمازار جوعارى قارقىندىق تاس جولى ىلەدەگى تۇڭعىش جابىق فورماداعى اقى الاتىن جوعارى قارقىندىق تاس جولعا اينالدى.
قۇلجا-ءدوڭمازار جوعارى قارقىندىق تاس جولى كۇرە قالاشىعىنىڭ شىعىسىنداعى اقى الۋ پۋنكتىنەن باستالىپ، ءدوڭمازار اقى الۋ پۋنكتىندە اياقتايدى. جالپى ۇزىندىعى 113.6 كيلومەتر بۇل تاس جول 66-تۋان الاڭى، بايانداي، داردامتى، ءپانجىم، قۇلجا اۋدانى، قۇلجا اۋدانىنىڭ شىعىسىنداعى ونەركاسىپ باقشا رايونى سىندى 6 ورىنداعى اقى الۋ پۋنكتىن قامتيدى. اقى الۋدا جولاۋشى كولىكتەرىنەن تۇرپاتىنا قاراي، جۇك كولىكتەرىنە تيەگەن جۇگىنىڭ اۋىرلىعىنا (بۇل ەرەكشە كولىكتەر مەن جولاۋشى، جۇك تاسىمالىنا بىردەي پايدالانىلاتىن كولىكتەردى قامتيدى) قاراي اقى الىنادى. اقى الۋ باستالعان كۇنى 新A مەن باستالعان ءنومىر تاقتاسى ورناتىلعان كولىگىمەن دوستارىن الىپ ۇرىمجىدەن ىلەگە ساياحاتتاۋعا كەلگەن تيان چياڭ تۇڭعىش بولىپ كارتوچكا الىپ قۇلجا-ءدوڭمازار جوعارى قارقىندىق تاس جولىنا كىرىپ اقى تاپسىرعان شوفەردىڭ ءبىرى. ول تىلشىگە: اقى تاپسىرۋ تەز ءارى قولايلى ەكەن، ىلەنىڭ جوعارى قارقىندىق تاس جولىندا اقى الىناتىنىن ويلاماعان ەكەنمىن،- دەدى.
ىلە اڭعارىنداعى قۇلجا قالاسى مەن قۇلجا اۋدانىنىڭ ارالىعىنداعى قۇلجا-ءدوڭمازار جوعارى قارقىندىق تاس جولى مەملەكەت تاس جولى 2018-لەنياسىنىڭ، سونداي-اق، بولاشاق جوسپارداعى چيڭشۇيحى-قۇلجا-نارات جوعارى قارقىندىق تاس جولىنىڭ ماڭىزدى قۇرامداس ءبولىمى. ىلە تاس جول باسقارۋ مەكەمەسى پارتكومىنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى ءمۇتالىپ ابدوللانىڭ تانىستىرۋىنشا، جۇك كولىكتەرىنە قاراتا تيەگەن جۇگىنىڭ اۋىرلىعىنا قاراي اقى العاندا ولاردىڭ جۇكتى بەلگىلەمەگە ساي ولشەمدى تيەۋىنە ويداعىداي جەتەكشىلىك ەتىپ، تاس جول تاسىمال بازارىنىڭ ءتارتىبىن قالىپتى ارناعا تۇسىرۋدە ماڭىزدى رول اتقارادى ەكەن.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
