بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

شينجياڭ كوگىلدىر اسپان - قاۋاشاق مەكتەبىنىڭ تىرەكتى وقىتۋشىلارىن تاربيەلەۋ كۋرسىسى وبلىسىمىزدا باستالدى

2015.08.06 13:44    

  ءتىلشىمىز مىڭ شيا حابارلايدى. تامىزدىڭ 4 – كۇنى 8 كۇندىك ۋاقىتپەن اشىلاتىن شينجياڭ كوگىلدىر اسپان - قاۋاشاق مەكتەبىنىڭ تىرەكتى وقىتۋشىلارىن تاربيەلەۋ كۋرسىسى اۆتونوميالى وبلىستىق پارتيا مەكتەپتە باستالدى، بۇل رەتكى كۋرسقا شينجياڭنىڭ جەر – جەرىنەن كەلگەن قاۋاشاق باستاۋىش مەكتەبىنىڭ 91 وقىتۋشىسى قاتىناستى. وبلىستىق پارتكومنىڭ تۇراقتى مۇشەسى، ايەلدەر بىرلەستىگىنىڭ ءتورايىمى تۇرسىنقان سابىر قىزى جانە جۇڭگو بالالار، وسپىرىمدەر قور قوعامىنىڭ، اۋە ارمياسى قوسىنىنىڭ، اۆتونوميالى رايوندىق ايەلدەر بىرلەستىگىنىڭ قاتىستى باسشىلارى باستالۋ سالتىنا قاتىناستى.

  ۇعىسۋىمىزشا، «قاۋاشاق جوسپارى» - مەملەكەتتىك ايەلدەر بىرلەستىگىنىڭ باسشىلىعىندا، جۇڭگو بالالار، وسپىرىمدەر قور قوعامى قۇرعان ءارى ۇيىمداستىرىپ اتقارعان بالالارعا ارنالعان الەۋمەتتىك يگىلىك سيپاتىنداعى نىسان، بۇل نىسان قوعامنان جينالعان جىلۋ، كومەك قاراجاتى ارقىلى كەدەي رايوندارداعى وقۋدان قول ۇزگەن، جالعاستى وقي الماعان پەرزەنتتەردىڭ جالعاستى وقۋىن، كەدەي رايونداردىڭ وقىتۋ شارت – جاعدايىن جاقسارتۋدى، مەملەكەتتىڭ بالالار، وسپىرىمدەر وقۋ – اعارتۋىن دامىتۋعا كومەكتەسۋدى ماقسات ەتكەن. 1995 – جىلى جۇڭگو اۋە ارميا قوسىنى شينجياڭدا «كوگىلدىر اسپان - قاۋاشاق جوسپارىن» اتقارعان بولاتىن، 20 جىلدان بەرى شينجياڭعا قاۋاشاق نىسان قارجىسىنان 31 ميلليون 883 مىڭ 800 يۋان كومەك اتاپ، 11 كوگىلدىر اسپان - قاۋاشاق مەكتەبىن جانە ءبىر «1 – تامىز» حالىقتىق مەكتەبىن قۇرىپ، 10 مىڭ 240 قىز بالانىڭ وقۋىن اياقتاتۋىنا كومەك قاراجاتىن بەرىپ، كاسىپتەنىپ اۋقاتتانۋ تەحنيكاسىن يگەرتكەن. مۇنىڭ ىشىندە وبلىسقا توتە قاراستى ورىندار «كوگىلدىر اسپان - قاۋاشاق جوسپارىنىڭ» «وقۋعا كومەك بەرۋ»، «دارىندى باۋلۋعا كومەكتەسۋ»، «كاسىپتەنۋگە كومەكتەسۋ»، «قورمالسىز قالعان بالالارعا قامقورلىق جاساۋعا ارنالعان ەرەكشە قيمىل» سياقتى قيمىلداردى اتقارۋ ارقىلى وبلىسقا توتە قاراستى ورىنداردان 275 قىز بالانى كومەك قاراجاتىنان يگىلىكتەندىرگەن؛ 6 قاۋاشاق مەكتەبى مەن ءبىر 1 – تامىز حالىقتىق مەكتەبىن، ەكى بالالار كوڭىل اشۋ ورنىن كومەككە سالعان.

  شەكارا وڭىردەگى از ۇلت رايوندارىنىڭ قاۋاشاق مەكتەبىندەگى وقىتۋشىلاردىڭ قابىلەتى مەن ساباق ءوتۋ ورەسىن جوعارىلاتۋ، ءار ۇلت وقىتۋشىلارىن تانىم جاڭالاپ، كوز ايالارىن كەڭەيتىپ، قابىلەتىن جوعارىلاتىپ، ءوزارا تاجىريبە الماستىرىپ ۇيرەنۋ ورايىنا يە ەتۋ ءۇشىن بۇل رەت سانجى حۇيزۋ اۆتونوميالى وبلىسىنىڭ، قاشقار ايماعىنىڭ، بايىنعولين موڭعۇل اۆتونوميالى وبلىسىنىڭ، التاي ايماعىنىڭ جانە ىلە وبلىسىنا توتە قاراستى ورىنداردىڭ قاۋاشاق مەكتەبىنىڭ تىرەكتى وقىتۋشىلارىن ارناۋلى ۇيىمداستىرىپ كۋرس اشىپ وتىر. بۇل 5 – كەزەكتى كۋرس، الدىڭعى 4 كەزەگى بەيجيڭدە وتكىزىلگەن، بيىل تۇڭعىش رەت شەكارا وڭىردەگى ىلەدە وتكىزىلىپ وتىر. استانا پەداگوگيكا ۋنيۆەرسيتەتى وقۋ – اعارتۋ شۋەيۋانىنىڭ دوتسەنتى حۋ يۇيشۋىن جانە تۇتاس شينجياڭداعى وقۋ – اعارتۋ تاراۋى مەن اكىمشىلىك باسقارۋ تاراۋلارىنىڭ ماماندارى 21 – عاسىر وقۋ – اعارتۋىندا يگەرۋگە ءتيىستى تەحنيكا، وقۋشىلاردىڭ باسىمدىعىن جەڭىلدەتۋ جانە كوڭىل كۇيدى باسقارۋ ماشىعى، جىلدىقتار بويىنشا باسقارىلاتىن كوركەمونەر جانە پاراسات، باستاۋىش مەكتەپ وقىتۋشىلارىنىڭ نەگىزدىك ساپاسى، شينجياڭ وقۋ – اعارتۋ تاريحىنىڭ تابىستارى جانە دامۋ مىندەتى، پاراساتتى وقىتۋشى بولۋ سياقتى جاقتاردان كۋرس جاسايدى.

  تۇرسىنقان سابىر قىزى كۋرستىڭ ىلەدە وتكىزىلگەندىگىنە العىس ءبىلدىردى. ول بىلاي دەدى: وبلىسقا توتە قاراستى ورىندارداعى كوپتەگەن قىز بالالار «كوگىلدىر اسپان قاۋاشاق جوسپارىنان» يگىلىكتەنىپ، مەكتەپ قۇشاعىنا قايتادان ورالدى، كەيبىرەۋلەرى مۇعاليما، ايەل شيپاگەر، ايەل تەحنيك قىزمەتكەرى، ءتىپتى، كەيبىرەۋى ايەل وفيتسەر بولدى. «كوگىلدىر اسپان قاۋاشاق جوسپارى» سانسىزداعان كەدەي وتباسىن جىلۋعا بولەپ، وقۋدان قول ۇزگەن سانسىز قىز بالانىڭ ومىرىنە جارىق نۇرىن سيلادى، ادامدار ارا سۇيىسپەنشىلىك وتىن تۇتاتىپ، قالتقىسىز ۇلەس قوسىپ، ۇلتتار ىنتىماعىنىڭ جان تەبىرەنتەرلىك ماداق جىرىن جازدى. ول وسى رەتكى كۋرسقا قاتىناسقان وقىتۋشىلاردى ورايدى قاستەرلەپ، جاقسى ۇيرەنىپ، بۇدان كەيىن قىزمەت ورىندارىندا بالالارعا ءبىلىم ۇيرەتۋمەن بىرگە ولاردى ۇلتتار ىنتىماعىنىڭ، جاراسىمدىلىقتىڭ جول باستاۋشىسى بولۋعا، بالالاردى مەملەكەتكە دەگەن تانىم تىكتەۋگە قۇلشىنىپ، قوعامنىڭ سەنىمىن، بالالاردىڭ ۇلتتار ىنتىماعىن قورعاۋ تانىمىن ارتتىرىپ، قوعام ورنىقتىلىعىن قورعاۋ ءۇشىن ۇلەس قوسۋعا شابىتتاندىردى.

  وسىدان كەيىن اۋە ارميا قوسىنىنىڭ، اۆتونوميالى رايوندىق ايەلدەر بىرلەستىگىنىڭ قاتىستى جاۋاپتىلارى وبلىستىق ايەلدەر بىرلەستىگى باسشىلارىنىڭ سەرىك بولۋىندا قۇلجا قالالىق بالالار كوڭىل اشۋ ورنىن ەكسكۋرسيالادى ءارى بالالارمەن بىرلىكتە ويىن ويناپ، پىكىر الماستىردى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.