- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلجا قالاسى 31 مەكتەپتى جاڭادان جانە وزگەرتىپ سالماقشى
قوسىلىم تەبىنىن ارتتىرىپ، نىسان قۇرىلىسىن ىلگەرىلەتتى
2015.08.06 13:45
ءتىلشىمىز حۋاڭ جيڭ حابارلايدى. شىلدەنىڭ 27 - كۇنى قۇلجا قالالىق وقۋ - اعارتۋ مەكەمەسىنەن ۇعىسۋىمىزشا، بيىل قۇلجا قالاسى وقۋ - اعارتۋ بايلىعى نىسانىنا قوسىلىم تەبىنىن ۇزدىكسىز ارتتىرىپ، قالا رايونى مەكتەپتەرىن جاڭادان سالۋ، اۋىل - قىستاق مەكتەپتەرىن وزگەرتىپ، كەڭەيتىپ سالۋ قۇرىلىسى قىزمەتىن ىلگەرىلەتەدى ەكەن. قازىر نىسان قۇرىلىستارىنىڭ اياق الىسى ءساتتى ىلگەرىلەتىلۋدە، جازدىق دەمالىس كەزىنەن پايدالانىپ قۇرىلىستى جەدەل جۇرگىزىپ، قۇرىلىستى ۋاعىندا ءبىتىرىپ، كۇزدە وقۋ باستالعاندا وقۋشىلاردىڭ مەكتەپتە قالىپتى وقۋىنا كەپىلدىك ەتپەكشى.
ۇعىسۋىمىزشا، بيىل قۇلجا قالاسى 4 باستاۋىش مەكتەپتى جاڭادان سالۋدى بەلگىلەگەن، قازىر جاڭا قالا رايونىنداعى باستاۋىش مەكتەپتەردىڭ قۇرىلىسى باستالعان، ونىڭ ورنى قۇلجا قالالىق قازىنا مەكەمەسىنىڭ قارسىسىندا، قۇرىلىس جوسپارىنا ساي كەلەر جىلى قىركۇيەكتە پايدالانۋعا بەرىلىپ، وندا ءبىر مىڭ 500 وقۋشى وقي الادى ەكەن. قالانىڭ شىعىس رايون باستاۋىش مەكتەبى، قۇلجا قالالىق شەكارالىق ەكونوميكالىق سەلبەستىك رايونى باستاۋىش مەكتەبى، حۋاگوشان باستاۋىش مەكتەبى العاشقى مەرزىمدىك رەسمياتتارىن بىتىرۋدە، سوڭعى جارتى جىلدا قۇرىلىس جالعاستى جۇرگىزىلەدى.
قۇلجا قالالىق وقۋ - اعارتۋ مەكەمەسى نەگىزگى قۇرىلىس ءبولىمىنىڭ باستىعى چان باۋشيدىڭ تانىستىرۋىنشا، بيىل قۇلجا قالاسىنىڭ وقۋ - اعارتۋ قۇرىلىسى نىسانىنىڭ ءتۇيىنى – مەكتەپتەردى جاڭادان سالۋ جانە اۋىل - قىستاقتاعى ناشار مەكتەپتەردى وزگەرتىپ سالۋ، باستىسى ەگىن، مال شارۋاشىلىق رايوندارىنداعى مەكتەپ ۇيلەرىن جانە وقىتۋ جابدىقتارىن وزگەرتىپ، كەڭەيتىپ سالۋ مەن جاڭالاۋ ەكەن. اۆتونوميالى رايون كەلەر جىلدان باستاپ مىندەتتى وقۋ - اعارتۋ تۇزىمىندەگى مەكتەپتەردى ولشەمدەندىرۋ قۇرىلىسى جوباسىن وتكىزىپ الادى ەكەن، تالاپقا ساي قۇلجا قالاسى جاقىنعى 3 جىل ۋاقىت ىشىندە قوسىلىم تەبىنىن ۇزدىكسىز ارتتىرىپ، مەكتەپتەردى بەلسەنە جاڭادان سالىپ جانە وزگەرتىپ، كەڭەيتىپ سالىپ، ساپانى مىقتى يگەرىپ، قۇرىلىس مەرزىمىن قاتاڭداستىرىپ، «وقۋعا كىرۋ قيىن بولۋ» ماسەلەسىن شەشكەن. بيىل قۇرىلىسى ناشار 27 مەكتەپتى وزگەرتىپ سالۋ نىسانى العا قويىلىپ وتىر. جوسپارعا ساي كەلەر جىلى بۇكىل قالادا قۇرىلىسى ناشار مەكتەپتەردى وزگەرتىپ، كەڭەيتىپ سالۋ قۇرىلىسى تۇتاس اياقتايدى. سول كەزدە اۋىل - قىستاق بالالارى دا جارىق تا ساپالى كلاستان جانە وزىق وقىتۋ جابدىقتارى مەن كوركەم مەكتەپتەن يگىلىكتەنەدى.
ۇعىسۋىمىزشا، بيىل قۇلجا قالاسىنىڭ اۋىل - قىستاقتارداعى قۇرىلىسى ناشار مەكتەپتەردى وزگەرتىپ، كەڭەيتىپ سالۋ قۇرىلىسى نىسانىنان 10 ى قۇرىلىس باستاعان، مۇنىڭ ىشىندە بايانداي قالاشىعى سۋلى الماتى باستاۋىش مەكتەبى، تيەچاڭگوۋ باستاۋىش مەكتەبىنىڭ قۇرىلىسى اياقتاعان، ءپانجىم اۋىلى بىلىكشى باستاۋىش مەكتەبىنىڭ ىشكى جاعى جوندەلۋ ۇستىندە، وڭتۇستىك جاعالاۋ جاڭا رايونى بالالار باقشاسىنىڭ نەگىزگى تۇلعالىق قۇرىلىسى سالىنۋدا، ءپانجىم اۋىلى يىڭاۋات بالالار باقشاسى، جياڭين باستاۋىش مەكتەبى، بايانداي جاڭا قىستاق باستاۋىش مەكتەبى، كەپەكجۇزى اۋىلىنداعى 3 قىستاقتىڭ باستاۋىش مەكتەپ قۇرىلىس نىساندارى باستالعان.
مەكتەپ قۇرىلىسىن ولشەمدەندىرۋ قىزمەتىن ويداعىداي ىستەۋ ءۇشىن قۇلجا قالاسى تاعى وقىتۋ جابدىقتارىن ساتىپ الۋ تەبىنىن ارتتىردى، بۇل جاعىنداعى نىسان قارجىسى جالپى 21 ميلليون 140 مىڭ يۋان بولدى. جابدىقتار نەگىزىنەن 50 مەكتەپتىڭ قوعامدىق، جاراتىلىستىق پاندەر اسپاپتارى، مۋزىكا، دەنەتاربيە، اسەمونەر، دەنساۋلىق ساقتاۋ، ەڭبەك ساباقتارى جابدىقتارى جانە قۇرىلىسى ولشەمدەندىرىلگەن 21 مەكتەپتىڭ وقۋشىلار كومپيۋتەر ءۇيى، جۇيەلى وقۋشىلار تاجىريبەحاناسى، سونداي - اق باستاۋىش مەكتەپتەردىڭ عىلمي زەرتتەۋ تاجىريبە ساندىعى قاتارلىلار ەكەن.
ۇعىسۋىمىزشا، قۇلجا قالاسى تاعى قارجىنىڭ تياناقتانۋىنا بەلسەنە قول جەتكىزگەن جانە قۇرىلىس نىسانىنا بەلسەنە ازىرلىك كورگەن، بيىل قالاعا كىرگەن حالىق جۇمىسكەرلەرىنىڭ بالالارىنا بەرىلەتىن سيلىق قارجىسىن، قۇرىلىسى ناشار مەكتەپتەردى وزگەرتۋ قارجىسىن، شاۋشى قارجىسىن جانە 2014 - جىلعى بالالار باقشاسى ۇيلەرىن جوندەۋ نىسانىنا قاتىستى جالپى 28 ميلليون 640 مىڭ يۋان قارجىنى تياناقتاندىرىپ، نىسان قۇرىلىسىن ءساتتى ىلگەرىلەتكەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
