- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىق تەلەۆيزيانىڭ «تىلەكتەس بولۋ» اتىنداعى كوركەمونەر ۇيىرمەسى ىلەگە كەلىپ حال سۇراۋ كونسەرتىن قويماقشى
حۋاڭ سانپيڭ مىنانى تالاپ ەتتى: دايىندىق قىزمەتتەردى بار كۇشپەن ويداعىداي ىستەپ، كونسەرتتىڭ ءساتتى، تابىستى قويىلۋىنا كەپىلدىك ەتەيىك
2015.08.06 13:46
ءتىلشىمىز لي شين – ان حابارلايدى. تامىزدىڭ 3 – كۇنى تۇستەن كەيىن وبلىستىق پارتكومنىڭ شۋجيى حۋاڭ سانپيڭ ارناۋلى ءماجىلىستى باسقارىپ اشىپ، ورتالىق تەلەۆيزيانىڭ «تىلەكتەس بولۋ» اتىنداعى كوركەمونەر ۇيىرمەسىنىڭ تامىزدىڭ 10 – كۇنى ىلەگە حال سۇراۋ كونسەرتىن قوياتىندىعى جونىندەگى ىستەردى كەڭەستى.
ۇعىسۋعا قاراعاندا، اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋداعى ماڭىزدى قيمىلداردىڭ ءبىرى رەتىندە ورتالىق تەلەۆيزيانىڭ «تىلەكتەس بولۋ» اتىنداعى كوركەمونەر ۇيىرمەسى تامىزدىڭ 10 – كۇنى قۇلجا اۋدانىنىڭ تۋراسۋ جايلاۋىندا حال سۇراۋ كونسەرتىن قويماقشى. وسى رەت ورتالىقتان، اۆتونوميالى رايوننان كەلەتىن 300 دەن استام ارتيست وبلىسىمىزداعى ءار ۇلت جۇرتشىلىعىنا تاماشا كونسەرت قويىپ بەرەدى. كەزەكتە دايىندىق قىزمەتى ءتارتىپتى جۇرىلۋدە.
كونسەرتتىڭ قىزمەت جوباسى جونىندەگى دوكلادتى تىڭداعاننان كەيىن حۋاڭ سانپيڭ مىنانى اتاپ كورسەتتى: وسكەلەڭ دارەجەدە ءمان بەرىپ، وسى رەتكى حال سۇراۋ كونسەرتى قىزمەتىنە مۇقيات مامىلە جاساۋىمىز كەرەك. اۆتونوميالى وبلىس، قۇلجا اۋدانى باسشىلىق گرۋپپاسىن قۇرىپ، قۇلجا اۋدانى مىندەتىنە الىپ وتكىزۋشى ورىن رەتىندە ءتۇرلى قىزمەتتىڭ جوباسىن ويداعىداي ىستەۋى كەرەك. اۆتونوميالى وبلىس ءارقايسى جاقتان ىرىقتى قىزمەت وتەۋ، بارىنشا سايكەسىپ قۇلجا اۋدانىنىڭ اۋىرتپالىعىن جەڭىلدەتىپ، ءونىمدى سايكەستىرىپ، تىڭعىلىقتى جەبەپ، كونسەرتتىڭ تابىستى وتكىزىلۋىنە كەپىلدىك ەتۋى كەرەك.
حۋاڭ سانپيڭ بىلاي دەپ باسا دارىپتەدى: كونسەرتتىڭ الدىڭعى دايىندىق جۇمىستارىن تاپتەشتەي قاداعالاپ ىستەۋ، جاتاق، قاتىناس، اماندىق سياقتى ىستەردى ءبىر - بىرلەپ ويداعىداي يگەرىپ، جاۋاپكەرلىكتىڭ تياناقتانۋىنا كەپىلدىك ەتۋ كەرەك. وسى رەتكى كونسەرتتە كورەرمەندى ۇيىمداستىرۋ ماڭىزدى ءتۇيىن، نەگىزگى ساتىنى ماڭداي الدى ورىنعا قويۋ، بۇقارانى ءبىرىنشى ورىنعا قويۋ رۋحىن؛ ستيلدە بۇرىلىس جاساۋ، نەگىزگى ساتىعا قىزمەت وتەۋ كوزقاراسىن ايگىلەۋ كەرەك. ىلەدەگى ءار ۇلت، ءار سالا ۋاكىلدەرىن كونسەرتتى تاماشالاۋعا ۇيىمداستىرىپ، نەگىزگى ساتى ۋاكىلدەرىن، ەڭبەك ۇلگىلەرى ۋاكىلدەرىن، ۇزدىك جەكەلەردىڭ ۋاكىلدەرىن، «ءتورت تۇردەگى قارتتاردىڭ» ۋاكىلدەرىن، پارتيا، ۇكىمەت، ارميا، ساقشى، حالىق جاساقتارى ۋاكىلدەرىن جوعارى ولشەمدەگى مادەنيەتتى قوناعاسىسىنان يگىلىكتەندىرۋ كەرەك. حاۋىپسىزدىك، اماندىق قىزمەتى جاعىندا ءارقانداي ادامعا ەرەكشە مامىلەدە بولۋعا بولمايدى، قاتىستى بەلگىلەمەلەر بويىنشا تەكسەرۋ جۇرگىزىپ، قيمىلدىڭ حاۋىپسىز وتۋىنە كەپىلدىك ەتۋ كەرەك.
حۋاڭ سانپيڭ مىنانى تالاپ ەتتى: جوبا بويىنشا جاتتىعۋدى كۇشەيتىپ، ءتۇرلى جاقتاعى قىزمەت وتەۋگە كەپىلدىك ەتىپ، ويداعىداي قامتاماسىزداندىرۋىمىز كەرەك. ورتالىقتىڭ سەگىز ءتۇرلى بەلگىلەمەسىنە قاتاڭ بويسۇنىپ، استا - توك، ىسىراپشىلدىقتى قاتاڭ شەكتەپ، ەكولوگيالىق ورتانى بارىنشا قورعاپ، جايىلىمنىڭ بۇلىنۋىنەن ساقتانۋ كەرەك. ءارقايسى جاق تىلەكتەس، نيەتتەس بولا وتىرىپ، كونسەرتتىڭ ءساتتى، تابىستى وتكىزىلۋىنە كەپىلدىك ەتۋى كەرەك.
وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى كونسەرتكە قىزمەت وتەۋ قىزمەتىن ويداعىداي ىستەۋ جونىندە ناقتى تالاپتارىن ورتاعا قويدى.
وبلىس باسشىلارىنان گۇڭ شينباۋ، ۋ فىڭجۇن، مۇقيات جارمۇقانبەت ۇلى جانە اۆتونوميالى وبلىستىڭ قاتىستى تاراۋلارىنىڭ جاۋاپتىلارى جانە قۇلجا اۋدانىنىڭ جاۋاپتىلارى دوكلاد جاساۋ ماجىلىسىنە قاتىناستى.
ۇعىسۋعا قاراعاندا، وسى رەتكى كونسەرت كەسكىنگە الىنعاننان كەيىن ورتالىق تەلەۆيزيانىڭ 1 - ، 3 – ارنالارى سياقتى كانالداردىڭ التىن ۋاقىتىندا قويىلادى، بۇل اۆتونوميالى وبلىستىڭ ەكونوميكاسىنىڭ دامۋى، قوعامىنىڭ العاباسۋى، ۇلتتار ىنتىماعى جانە ءار ۇلت حالقىنىڭ تاماشا رۋحاني بەت – بەينەسىن ۇگىتتەپ، ىلەدەگى ءار ۇلت كادرلارى مەن جۇرتشىلىعىنىڭ ىنتىماقتاسا كۇرەس جۇرگىزىپ، ورتاق گۇلدەنىپ، دامۋعا بەت العان تاماشا وبرازىن ايگىلەپ، بۇكىل ەلدەگى ءار ۇلت حالقىنا ىلەنىڭ ورنىقتىلىعىن، دامۋىن، العاباسقان قوعامىنىڭ وڭ ەنەرگياسىن جەتكىزۋدە بەلسەندى رول اتقارادى ەكەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
