بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

اۆتونوميالى وبلىس ءتورت باسشىلىق القانىڭ باسشى كادرلار ءماجىلىسىن اشتى، حۋاڭ سانپيڭ مىنانى تالاپ ەتتى: پارتيا مەن حالىق ءۇمىت كۇتكەن شينجياڭ ەرەكشەلىگىنە يە جاقسى كادر بولايىق

2015.08.10 14:37    

  تامىزدىڭ 6-كۇنى تۇستەن كەيىن اۆتونوميالى وبلىس ءتورت باسشىلىق القانىڭ باسشى كادرلار ءماجىلىسىن اشىپ، پارتيا ستيلى، پاكتىك قۇرىلىسى قىزمەتى جونىندە تاعى دا ورنالاستىرۋ جاسادى.

  وبلىستىق پارتكومنىڭ شۋجيى حۋاڭ سانپيڭ ءماجىلىستى باسقاردى ءارى ءسوز سويلەدى. ول بىلاي دەپ اتاپ كورسەتتى: تۇتاس وبلىستاعى ءار دارەجەلى پارتيا ۇيىمى مەن بارشا پارتيالى كادرلار پارتيا ورتالىق كوميتەتىنىڭ پارتيا ءتارتىبى مەن مەملەكەت زاڭىن قورعاپ، جەمقورلىقتى قاتاڭ جازالاۋ جونىندەگى پوزيتسياسى مەن بەرىك سەنىمىن تەرەڭ ءتۇسىنىپ، يدەيا مەن ارەكەتتى پارتيا ورتالىق كوميتەتىنىڭ شەشىم - ورنالاستىرۋىمەن شىنايى بىرلىككە كەلتىرىپ، پارتيا ءتارتىبى الدىندا ەرەكشە پارتيا مۇشەسى بولمايتىندىعىن، مەملەكەت زاڭى الدىندا ەرەكشە ازامات بولمايتىندىعىن، پارتيا ءتارتىبى مەن مەملەكەت زاڭىنا قارسى كەلۋگە بولمايتىندىعىن، كىم دە كىمنىڭ باق سىناۋ پيعىلىندا بولۋىنا، زاڭ مەن تارتىپكە نەمقۇرايدى قاراۋىنا بولمايتىندىعىن قاي - قاشان دا ەستەن شىعارماۋى كەرەك.

  حۋاڭ سانپيڭ بىلاي دەپ باسا دارىپتەدى: مەملەكەتتى زاڭ بويىنشا جاپپاي وڭاۋ، پارتيانى جاپپاي قاتاڭ باسقارۋ تالابىن باتىل دايەكتىلەندىرىپ، ج ك پ ورتالىق كوميتەتىنىڭ باس شۋجيى شي جينپيڭ العا قويعان جاقسى كادر بولۋدىڭ ولشەمى مەن ءۇش ەرەكشە ولشەم بويىنشا، اۆتونوميالى رايوندىق پارتكوم العا قويعان «ۇشتە قابىلەتتى»، «تورتتە مىعىم بولۋ» تالابىنا ساي، كەزەكتە ورىستەتىلىپ وتىرعان «ۇشتە قاتاڭ، ۇشتە شىنايى بولۋ» ارناۋلى تاربيەسىمەن ۇشتاستىرىپ، شينجياڭ ەرەكشەلىگىنە يە جاقسى كادر بولۋ قيمىلىن ىشكەرىلەي ورىستەتىپ، قاتاڭ ءتارتىپ، پارمەندى شارامەن پارتيالى كادرلاردى تاربيەلەۋ، باسقارۋ جانە باقىلاۋ قىزمەتىن كۇشەيتۋ كەرەك.

  حۋاڭ سانپيڭ مىنانى تالاپ ەتتى: بارشا پارتيالى كادرلار، ءسوز جوق، مۇرات - سەنىمدى بەكەمدەپ، كوممۋنيستەردىڭ ساياسي ءمورالى مەن رۋحاني ىزدەنىسىن باستان - اياق ساقتاۋ، ءسوز جوق، پارتيا تارتىبىنە سانالى بويسۇنىپ، بۇكىل وبلىسىمىزداعى ءار ۇلت كادرلارى اراسىندا پارتيا ءتارتىبى مەن مەملەكەت زاڭىنا سانالى بويسۇناتىن دۇرىس سالت قالىپتاستىرۋ؛ ءسوز جوق، زاڭ كوزقاراسىن بەرىك ورناتىپ، ىلەنىڭ قىزمەتىنىڭ زاڭمەن باسقارىلۋ ورەسىن ۇزدىكسىز جوعارىلاتۋ؛ ءسوز جوق، جەمقورلىققا قارسى تۇرىپ، پاكتىكتى دارىپتەۋدى بار كۇشپەن ىلگەرىلەتىپ، جەمقورلىققا باتىل قارسى تۇرىپ، سۇرقيالىقتى الاستاۋ كەرەك.

  حۋاڭ سانپيڭ بىلاي دەپ باسا دارىپتەدى: پارتيا ستيلى - پارتيانىڭ وبرازى، ول حالىقتىڭ قۇپتاۋ - قۇپتاماۋىنا، پارتيانىڭ ءومىر سۇرە الۋ - الماۋىنا سايادى. ءبىز، ءسوز جوق، «ۇشتە قاتاڭ، ۇشتە شىنايى بولۋ» ارناۋلى تاربيەسى قيمىلىمەن ۇشتاستىرا وتىرىپ، ستيل قۇرىلىسىن ۇزدىكسىز تەرەڭدەتىپ، سانالىلىقپەن تارتىپكە بويسۇنىپ، قاعيدانى دارىپتەپ، پارتيا مەن حالىق ءۇمىت كۇتكەن جاقسى كادر، شينجياڭ ەرەكشەلىگىنە يە جاقسى كادر جانە ۇلتتار ىنتىماعىن نىعايتىپ، قوعام جاراسىمدىلىعىن باستاماشىلىقپەن جەبەيتىن ۇلگىلى كادر بولۋعا قۇلشىنىپ، ىلەنىڭ قوعام ورنىقتىلىعى مەن باياندى تىنىشتىعى ءۇشىن بەلسەندى رول اتقارۋىمىز كەرەك.

  مانەن زەينەل ۇلى، زۇنۇن اكبار، يۇي چيڭشان، لي ميڭحۇي، ءانۋار، تيان حۇڭ، تۇرسىنقان سابىر قىزى، گۇڭ شينباۋ، لۋ شۋجياڭ، جاڭ شينشىڭ، نۇرىم سىمايىلقان ۇلى، ابدۇسالام سادىق، ۋ فىڭجۇن قاتارلى وبلىستىڭ ءتورت باسشىلىق القاسىنىڭ باسشىلارى جانە اۆتونوميالى وبلىستىڭ قاتىستى تاراۋلارىنىڭ جاۋاپتىلارى ماجىلىسكە قاتىناستى.

  كەلۋ قاينارى: «ىلە گازەتى»- ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.