- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق ۇكىمەت 11 – رەتكى جالپى مۇشەلەر ءماجىلىسىن اشتى
ورنىقتىلىقتى ساقتاپ، ەكونوميكانى تۇراقتى ارتتىرىپ، رەفورمانى جەدەلدەتىپ، حالىق تۇرمىسىنا تيىمدىلىك جاسايىق
2015.08.14 16:58
تامىزدىڭ 12 – كۇنى اۆتونوميالى وبلىس 13 – كەزەكتى حالىق ۇكىمەتىنىڭ 11 – رەتكى جالپى مۇشەلەر ءماجىلىسىن اشىپ، اۆتونوميالى رايوننىڭ سوڭعى جارتى جىلداعى ەكونوميكالىق قىزمەتتى ىلگەرىلەتۋ جونىندەگى تەلەۆيزور – تەلەفون ءماجىلىسىنىڭ رۋحىن دايەكتى تياناقتاندىرىپ، وبلىسقا توتە قاراستى ورىنداردىڭ الدىڭعى جارتى جىلدىق قىزمەت جاعدايىن قورىتىندىلاپ، سوڭعى جارتى جىلداعى ءتۇيىندى مىندەتتەرگە ورنالاستىرۋ جاساپ، وبلىستىق پارتكوم مەن ۇكىمەت بەلگىلەگەن نىسانا – مىندەتتەردى ورىنداۋعا كەپىلدىك ەتتى. وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى، وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىعى مەي يۇي، وبلىستىق ۇكىمەت پارتگرۋپپاسىنىڭ مۇشەسى جاڭ جۇي، وبلىسقا توتە قاراستى اۋدان – قالالاردىڭ جاۋاپتىلارى جانە وبلىستىق دامۋ – رەفورما كوميتەتى، اۋىل شارۋاشىلىق مەكەمەسى، ۇلت - ءدىن ىستەرى كوميتەتى، ورتانى قورعاۋ مەكەمەسى سياقتى قاتىستى تاراۋلاردىڭ جاۋاپتىلارى ماجىلىسكە قاتىناستى. لۋ شۋجياڭ ءماجىلىستى باسقاردى.
الدىڭعى جارتى جىلدا وبلىسقا توتە قاراستى ورىنداردىڭ ءوندىرىس جالپى قۇنى 28 ميلليارد 240 ميلليون يۋانعا جەتىپ، ۇقساس مەزگىلدەگىدەن %8.7 ارتقان. ساياحات كاسىبىنىڭ جاعدايى ادامدى قۋانتارلىقتاي بولىپ، ەل ءىشى – سىرتىنان قابىلدانعان ساياحاتشى مەن ساياحات كىرىسى ۇقساس مەزگىلدەگىدەن %83.5 جانە % 25.6 ارتقان. حالىق تۇرمىسىن قامتاماسىزداندىرۋعا جۇمسالعان قارجى 9 ميلليارد 500 ميلليون يۋانعا جەتىپ، ادەتتەگى الەۋمەتتىك مەجە ەسەپ شىعىسىنىڭ %77 ىن يەلەگەن. 26 ۇلكەن تۇردەگى 98 ءتۇرلى حالىق تۇرمىسىنا ساياتىن ناقتى ينجەنەريا جاپپاي باستالىپ، قالا – قالاشىقتان كاسىپتەنگەن جانە قايتالاي كاسىپتەنگەن ادام سانى 27 مىڭعا جەتىپ، جىلدىق جوسپاردىڭ %67.6 ى ورىندالعان. اۋىل – قىستاقتارداعى بوس ەڭبەككۇشتەردەن رەت سانى بويىنشا 312 مىڭ 500 ى سىرتقا شىعىپ جۇمىس ىستەپ، جىلدىق جوسپاردىڭ% 72.7 ى ورىندالعان.
قامتاماسىزداندىرۋ سيپاتتى بەيقۇت ءۇي ينجەنەرياسىنىڭ جۇمىس باستاۋ سالىستىرماسى %77 كە جەتىپ، 641 كيلومەترلىك اۋىل – قىستاق تاس جولىندا، اۋىل – قىستاق اۋىز سۋ حاۋىپسىزدىگى ينجەنەرياسىنىڭ 17 سىندە، كەدەيلەردى سۇيەمەلدەۋ، كوركەيتۋ نىسانىنىڭ 179 ىندا، حالىقتى اۋقاتتاندىرۋ، «قوس ءجۇز جىلدى» جەبەۋدىڭ 102 ينجەنەرياسىندا جۇمىس باستالعان. ءبىرسىپىرا ءىرى سالالار رەفورماسىندا تاماشا ىلگەرىلەۋشىلىكتەرگە قول جەتكىزىلىپ، رەفورمانىڭ العاشقى ادىمداعى تيىمدىلىگى كورىلىپ، وبلىسقا توتە قاراستى ورىندار رەفورمانى جاپپاي تەرەڭدەتۋ قىزمەتىندە اۆتونوميالى رايوننىڭ قۇپتاۋىنا يە بولعان.
ماجىلىستە مانەن زەينەل ۇلى وبلىسقا توتە قاراستى ورىنداردىڭ الدىڭعى جارتى جىلداعى قىزمەتىندە ورىن تەۋىپ وتىرعان ماسەلەلەرگە تالداۋ جاساپ، سوڭعى جارتى جىلدىق قىزمەتتى ورنالاستىردى. ول بىلاي دەدى: قوعام ورنىقتىلىعى مەن باياندى تىنىشتىق جالپى نىساناسىن تىعىز توڭىرەكتەپ، ورنىقتىلىق بارىسىندا العا ىلگەرىلەۋ، رەفورما بارىسىندا جاڭالىق اشۋ جالپى نىساناسىندا تاباندى بولىپ، ءتورت جاڭا قالىپقا ىرىقتىلىقپەن سايكەسىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «ءۇش مەزگىل قاباتتاسقان» كۇردەلى جاعدايىنا توتەپ بەرىپ، ەكونوميكانىڭ اۋىرتپالىعىن باسەڭدەتۋگە، ورنىقتىلىقتى ساقتاپ، ەكونوميكانى تۇراقتى ارتتىرىپ، رەفورمانى جەدەلدەتىپ، حالىق تۇرمىسىنا تيىمدىلىك جاساۋعا، ءار جاقتىڭ بەلسەندىلىگىن قوزعاپ، قىزمەتتىڭ تياناقتانۋىن مىقتى يگەرىپ، ىلەنىڭ قوعامدىق جالپى جاعداي ورنىقتىلىعىن، ەكونوميكاسى مەن قوعامىنىڭ ءۇرتىس، اقاۋسىز دامۋىن جەبەۋگە كۇش سالۋ كەرەك.
مانەن زەينەل ۇلى مىنانى اتاپ كورسەتتى: سوڭعى جارتى جىلداعى ەكونوميكالىق قىزمەتتى ويداعىداي ىستەۋ ءۇشىن بارىنشا قۇلشىنىپ، اۆتونوميالى رايوننىڭ 50 تارماقتى، اۆتونوميالى وبلىستىڭ 70 تارماقتى شاراسىنىڭ تياناقتانۋىن ءۇرتىس كۇش سالا ىلگەرىلەتىپ، اۆتونوميالى رايوننىڭ جانە اۆتونوميالى وبلىستىڭ سوڭعى جارتى جىلداعى ەكونوميكالىق قىزمەت جونىندەگى ورنالاستىرۋلارىن مۇقيات دايەكتىلەندىرىپ، وبلىسقا توتە قاراستى ورىنداردىڭ ەكونوميكاسىنىڭ دامۋ ساپاسى مەن ونىمدىلىگىن قۇلشىنا ىلگەرىلەتۋ كەرەك.
ءتۇيىندى نىسان قۇرىلىسىن مىقتى يگەرۋدى بوساڭسىتپاي وبلىسقا توتە قاراستى ورىنداردىڭ جالعاستى سالىناتىن 6 نىسانىن اۆتونوميالى رايوننىڭ ءتۇيىندى سايكەستىرىپ، نىساندى ىلگەرىلەتەتىن قىزمەت ءبولىسى جوباسىنا ەنگىزۋ، وبلىسقا توتە قاراستى اۋدان – قالالار، تاراۋلار جۇمىس ءبولىسى بويىنشا بەلگىلەنگەن ۋاقىت ىشىندە قاتىستى قىزمەتتەردى ورىنداۋ ءتيىس. اۆتونوميالى وبلىس بيىل ورنالاستىرعان 136 ءتۇيىندى نىساندى مىقتى، قاتاڭ يگەرىپ، جىلدىق جوسپاردىڭ ورىندالۋىنا كەپىلدىك ەتۋ كەرەك. اپات بولعان جاعدايدا دا ەگىن، مال شارۋاشىلىعىنان مول ءونىم الۋعا كەپىلدىك ەتىپ، شارۋالاردىڭ كىرىسىن مىڭ يۋان ارتتىرۋدى جۇزەگە اسىرۋ كەرەك. جىبەك جولى ەكونوميكالىق بەلدەۋىنىڭ وزەكتى قۇرىلىسىن جەدەلدەتىپ، تۇتاس جىلدا يمپورت – ەكسپورت ساۋدا سوماسىن 3 ميلليارد 980 ميلليون يۋانعا جەتكىزۋگە كۇش سالۋ كەرەك. ۇنەمشىلدىكتى دارىپتەۋ جونىندەگى ءتۇرلى بەلگىلەمەلەردى قاتاڭ اتقارىپ، ءتۇرلى امالدار ارقىلى حالىق تۇرمىسىن قامتاماسىزداندىرىپ جانە جاقسارتىپ، ەكولوگيالىق وركەنيەت قۇرىلىسىن ىلگەرىلەتۋدەن اۋىتقىماي، مەملەكەت بويىنشا ۇلتتار ىنتىماعى العاباسارلىعىندا ۇلگى وبلىس قۇرۋدى وتكىزىپ الۋ سىناعىنان سۇرىنبەي وتۋگە كەپىلدىك ەتىپ، شيىنجياڭعا باعىتتامالى كومەك بەرۋ قىزمەتىن تىڭعىلىقتى ورىنداۋ كەرەك.
مانەن زەينەل ۇلى مىنانى باسا دارىپتەدى: وزىندىك قۇرىلىستى اناعۇرلىم كۇشەيتىپ، حالىق ءۇشىن شىنايى قىزمەت وتەيتىن پاك ۇكىمەت قۇرۋعا كۇش سالۋ كەرەك. «اكىمشىلىك قۇرىلىمدى ىقشامداپ ، ۇقىقتى تومەنگە بەرۋدى، ۇقىقتى تومەنگە بەرۋ مەن باسقارۋدى سايكەستىرۋدى، قىزمەت وتەۋدى ساپالىلاندىرۋدى» ىشكەرىلەي ىلگەرىلەتىپ، جۇرەكتىلىكپەن بەكىم جاساپ، قىزمەت ونىمدىلىگى جوعارى شينجياڭ ەرەكشەلىگىنە يە جاقسى كادر باۋلۋ قىزمەتىن مىقتى يگەرۋ كەرەك. اۋدان – قالالار، تاراۋلار «ۇشتە قاتاڭ، ۇشتە شىنايى بولۋ» تالابى بويىنشا ءتۇرلى قىزمەتتىڭ تياناقتانۋىن مىقتى يگەرۋ كەرەك. «ءۇشتى ويداعىداي ىستەپ، ەكىدە قۇلشىنۋعا» تاباندى بولىپ، «كومپىستىك رۋح»، «تۇلپار تەبىنىمەن»، تۇتاس جىلدىق نىسانا – مىندەتتى ورىنداۋعا كەپىلدىك ەتىپ، سۇبەلى ناتيجەلەر ارقىلى اۆتونوميالى رايون قۇرىلعاندىعىنىڭ 60 جىلدىعىن قارسى الايىق.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
