- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي حالىقارالىق قازاق شيپاگەرلىگىن دامىتۋ تالقى ءماجىلىسى اشىلدى
2015.08.18 14:05 كەلۋ قاينارى : ءتاڭىرتاۋ تورابى
قالياكبار ۇسەمقان ۇلى ۇرىمجىدەن حابارلايدى. جىبەك جولى دەنساۋلىق مىنبەرى − تۇڭعىش كەزەكتى حالىقارالىق قازاق شيپاگەرلىگىن دامىتۋ تالقى ءماجىلىسى 12 - تامىز تۇستەن كەيىن ۇرىمجىدە اشىلدى.
التاي تاۋى سىلەمىندەگى 4 ەل 9 جاقتىڭ ۋاكىلدەرى مەديتسينا عىلىمىنىڭ نازاريالىق جانە امالياتتىق نەگىزدەرىن ارقاۋ ەتە وتىرىپ، ەمدەۋ - دەنساۋلىق ساقتاۋ جاعىنداعى سەلبەستىكتى نىعايتۋ، وتە - موتە، قارقىندى دامۋ ۇستىندەگى قازاق شيپاگەرلىگىنىڭ دامۋىنا تاماشا ورتا ازىرلەۋ جونىندە كەلەلى كەڭەس وتكىزدى. جىبەك جولى ەكونوميكالىق بەلدەۋى التاي تاۋ سىلەمى ەكونوميكالىق سەلبەستىگىنىڭ 3 - كەزەكتى حالىقارالىق مىنبەرىنىڭ قوسالقى مىنبەرى سانالاتىن، «عىلمي اۋىس - كۇيىستى، سەلبەستىكتى كۇشەيتىپ، قازاق شيپاگەرلىك، دارىگەرلىك ىستەرىنىڭ اقاۋسىز دامۋىن ورتاق جەبەيىك» تاقىرىبىنداعى بۇل تالقى ءماجىلىسىن التاي ايماقتىق اكىمشىلىك مەكەمەسى، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى، اۆتونوميالى رايوندىق جۇڭگوشا شيپاگەرلىكتى، ۇلتتىق شيپاگەرلىكتى، دارىگەرلىكتى باسقارۋ مەكەمەسى ۇيىمداستىرىپ، التاي ايماقتىق دەنساۋلىق ساقتاۋ مەكەمەسى جاۋاپتى بولىپ وتكىزدى.
تالقى مىنبەرىندە التاي ايماعىنىڭ قاتىستى باسشىلارى، ماماندارى التاي قازاق شيپاگەرلىك ىستەرىنىڭ دامۋ جاعدايىن قىسقاشا تانىستىرىپ، قازاق شيپاگەرلىگىن دامىتۋدىڭ كەلەلى ءمانىن ورتاعا سالسا، رايونىمىز ءىشى - سىرتىنان كەلگەن ماماندار مەديتسينا عىلىمىنىڭ نازاريالىق دارىپتەمەلەرىن نەگىزگە الا وتىرىپ، قازاق شيپاگەرلىگىن دامىتۋدىڭ كەلەلى ءمانى مەن ماڭىزى جونىندەگى ورەلى ويلارىمەن ورتاقتاستى. كورشىلەس ەلدەردەن كەلگەن ماماندار دا جۇڭگوداعى قازاق شيپاگەرلىگىنىڭ دامۋ اياق الىسىنا ءسۇيىنىشىن ءبىلدىرىپ، وڭىرلىك سەلبەستىكتى نىعايتۋمەن قاتار، قازاق شيپاگەرلىگىن دامىتۋعا ورتاق كۇش سالۋ كەرەك دەپ ءتۇيدى.
وتكەن عاسىردىڭ 80 - جىلدارىنا دەيىن، قازاق شيپاگەرلىگى حالىق اراسىنداعى ەمسەكتىك دەڭگەيىندە قارالىپ، ونى دامىتۋعا، عىلمي تۇرعىدان زەرتتەۋگە ءمان بەرىلمەگەن. اسىرەسە، باتىسشا ەمدەۋدىڭ بۇكىل دۇنيە جۇزىندە جالپىلاسۋى اكەسى بالاسىنا ۇيرەتۋ سىندى مۇراگەرلىك ەتۋ جولىمەن عانا جالعاسىن تاۋىپ كەلە جاتقان ءداستۇرلى شيپاگەرلىك ونەرىنىڭ ورنىن شايقالتىپ، ىرىقسىز كۇيگە تۇسىرۋى قازاق شيپاگەرلىگىنىڭ جالعاسۋىنا دا ءوز اسەرىن كورسەتتى. شيپاگەرلىك عىلمي تۇيىندەردىڭ نازاريالىق تۇرعىدان جۇيەلى، عىلمي جيناقتالماۋى، قازاق شيپاگەرلىگىمەن شۇعىلداناتىن شيپاگەرلەردىڭ، تاۋىپتەردىڭ، وتاشىلاردىڭ ەل اراسىنان بارعان سايىن سيرەۋى جانە ولاردىڭ ەڭبەكتەرىنىڭ ەسكەرىلمەۋى ۇلتتىق شيپاگەرلىگىمىزدىڭ شيپاسىن بىتىرۋگە شاق قالعانى دا شىن.
وسى جاعدايدى جەتە تانىعان التاي ايماعى 1985 - جىلى التاي قالاسىنان تۇڭعىش رەت «التاي ايماقتىق قازاق شيپاحاناسىن» قۇرىپ، قازاق شيپاگەرلىگىنىڭ عىلمي تۇرعىدان جۇمىس جۇرگىزۋىنىڭ تىڭ باستاماسىن باستادى. بۇل تەك التاي ايماعىنداعى عانا ەمەس، تۇتاس رايونىمىز، ءتىپتى، دۇنيە ءجۇزى بويىنشا تۇڭعىش رەت شاڭىراق كوتەرگەن قازاق شيپاحاناسى ەدى. سودان بەرى قازاق شيپاگەرلىگىن دامىتۋعا جانە قازاق شيپاگەرلىگىن زەرتتەپ اشۋعا ايرىقشا ءمان بەرگەن التاي ايماعى قازىر قازاق شيپاگەرلىگىن حالىقارالىق دەڭگەيدە دامىتۋعا كۇش سالىپ جاتىر دەسەك، جىبەك جولى دەنساۋلىق مىنبەرى اياسىندا تۇڭعىش كەزەكتى حالىقارالىق قازاق شيپاگەرلىگىن دامىتۋ تالقى ءماجىلىسى اشىلۋى انە سونىڭ ايعاعى.
ءماجىلىس سوڭىندا التاي ايماعى قازاقستان، موڭعۇليا ەلدەرىنىڭ قاتىستى ورىندارىمەن «التاي تاۋى سىلەمى حالىقارالىق ەمدەۋ ورتالىعى جانە دوستىق سەلبەستىك شيپاحانا شارتى» سياقتى ءبىر قىدىرۋ كەلىسىمدەرگە قول قويىستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
