بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

كەدەي، قيىنشىلىعى بار 100 وقۋشى كومەك قاراجاتىنا يە بولدى

جياڭسۋ ولكەسىنىڭ 5 – توپتا ىلەگە كومەككە كەلگەن كادرلارى شينجياڭعا كەلگەندىگىنىڭ 10 جىلدىعى بايلانىسىمەن وقۋعا كومەك قاراجاتىن تارتۋ ەتۋ سالتىن وتكىزدى

2015.08.28 13:56    

  جياڭسۋ ولكەسىنىڭ 5 – توپتاعى ىلەگە كومەككە كەلگەن كادرلارى شينجياڭعا كەلگەندىگىنىڭ 10 جىلدىعى بايلانىسىمەن تامىزدىڭ 26 – كۇنى ىلە قوناق سارايىندا وقۋعا كومەك قاراجاتىن تارتۋ ەتۋ سالتىن وتكىزدى. جياڭسۋ ولكەسى ياڭجوۋ قالالىق ساياسي كەڭەستىڭ ءتوراعاسى، جياڭسۋ ولكەسىنىڭ 5 – توپتا ىلەگە كومەك بەرۋ اترەتىنىڭ باس جەتەكشىسى، اۆتونوميالى وبلىستىق پارتكومنىڭ بۇرىنعى ورىنباسار شۋجيى حۇڭ جينحۋا 5 – توپتا شينجياڭعا كومەككە كەلگەن كادرلاردى باستاپ كەلىپ، ىلەگە قۇنى 200 مىڭ يۋاندىق كىتاپ پەن 500 مىڭ يۋان كەدەيلەردى سۇيەمەلدەۋ، وقۋعا كومەك قاراجاتىن تارتۋ ەتتى ءارى ناق مايداندا بيىل داشۋەگە وتكەن كەدەي، قيىنشىلىعى بار 100 وقۋشىعا قاراجات تارتۋ ەتتى. وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋ فىڭجۇن، وبلىستىڭ ورىنباسار باستىعى جاڭ جۇي، وبلىسقا توتە قاراستى اۋدان – قالالاردىڭ وقۋ – اعارتۋ سالاسىنداعىلار، سونداي – اق كومەككە يە بولعان وقۋشىلار سالتقا قاتىناستى.

  1997 – جىلى جياڭسۋ ولكەسى ىلەگە باعىتتامالى كومەك بەرۋ قىزمەتىن ورىستەتكەننەن بەرى شينجياڭعا شىنايى، عىلمي، ءۇرتىس كومەك بەرۋدە تاباندى بولىپ، ۇزدىك كادرلاردى ىلەدە قىزمەت ورىستەتۋگە تاڭداپ جىبەرىپ، ەكونوميكانى دامىتۋ، حالىق تۇرمىسىن جاقسارتۋ، ونىمدىلىكتى جوعارىلاتۋ، سىرتقا ەسىك اشۋ، قوعامدىق ىستەردى العا باستىرۋ، كادرلار مەن دارىندىلاردى باۋلۋ سياقتى جاقتاردا قالتقىسىز كومەك بەردى جانە بار كۇشپەن قولداۋ كورسەتتى. شينجياڭعا كومەككە كەلگەن كادرلار، وتە – موتە، 5 – توپتا شينجياڭعا كومەككە كەلگەن كادرلار ىلەنىڭ رەفورما، دامۋ، ىنتىماق، ورنىقتىلىق ىستەرىنە بۇكىل ىنتا – پەيىلىمەن اتسالىسىپ، شينجياڭعا كومەك بەرۋدىڭ ءتۇرلى مىندەتىن ءساتتى ورىنداپ، ىلەنىڭ ەكونوميكاسىنىڭ دامۋىن جەبەۋ، بۇقارانىڭ تۇرمىسىن جاقسارتۋ، ۇلتتار ىنتىماعىن نىعايتۋ، شەكارانىڭ ورنىقتىلىعىن قورعاۋ جاعىندا ماڭىزدى ۇلەس قوستى. 5 – توپتا شينجياڭعا كومەككە كەلگەن كادرلار جياڭسۋعا قايتىپ بارعاننان كەيىنگى 7 جىلدا ىلەنىڭ رەفورما، دامۋ، ورنىقتىلىق ىستەرى مەن ءار ۇلت بۇقاراسىنىڭ تۇرمىسىنا باياعىسىنداي نازار اۋداردى، ءتىپتى، ىلەدەگى وقۋشىلاردىڭ ەسەيىپ – ەرجەتۋىنە تىلەكتەستىك ءبىلدىرىپ وتىردى. 5 – توپتا شينجياڭعا كومەككە كەلگەن كادرلاردىڭ ەكىنشى مەكەنىنە ورالۋى _ ولاردىڭ ورتالىقتىڭ العا قويعان شينجياڭعا شىنايى، ءۇرتىس كومەك بەرۋ تالابىن اتقارۋىنىڭ ناقتى بەينەسى.

  حۇڭ جينحۋا بىلاي دەدى: وقۋعا كومەك قاراجاتىن بەرۋ _ شينجياڭعا كومەككە كەلگەن كادرلاردىڭ ىستەۋگە ءتيىستى ءىسى. ءار ۇلت كادرلارى مەن بۇقاراسىنىڭ قولداۋى بولعاندىقتان شينجياڭعا كومەك بەرۋ قىزمەتىندە بۇگىنگىدەي ناتيجەگە قول جەتكىزىلىپ وتىر. وقۋ – اعارتۋ قىزمەتى ەكونوميكالىق، قوعامدىق دامۋ مەن شينجياڭعا كومەك بەرۋ قىزمەتىندە ماڭىزدى رول اتقارادى، وقۋ – اعارتۋ قىزمەتىن ويداعىداي ىستەگەندە عانا جەرگىلىكتى ورىننىڭ ەكونوميكاسىن اناعۇرلىم دامىتىپ، شينجياڭعا كومەك بەرۋدىڭ ءتۇرلى قىزمەتىن ويداعىداي ورىستەتۋگە بولادى.

  جاڭ جۇي ارناۋ سوزىندە بىلاي دەدى: 5 – توپتا شينجياڭعا كومەككە كەلگەن كادرلاردىڭ شينجياڭعا كومەككە كەلگەندىگىنىڭ 10 جىلدىعى بايلانىسىمەن وتكىزگەن جەلىلەس قيمىلى 5 – توپتا شينجياڭعا كومەككە كەلگەن كادرلاردىڭ ەكىنشى مەكەنىنىڭ دامۋىنا، ىلەدەگى كەدەي، قيىنشىلىعى بار وقۋشىلارعا ماڭگى سۇيىسپەنشىلىك ورناتقاندىعىن تولىق ايگىلەپ، ىلەنىڭ وقۋ – اعارتۋىنا كومەك بەرەتىن، ىشكى جاقتاعى دامۋ قوزعاۋشى كۇشىن ساۋلەلەندىرەتىن شينجياڭعا عىلمي كومەك بەرۋ ستراتەگياسىن بەينەلەپ، ىلەدەگى ءار ۇلت كادرلارى مەن بۇقاراسىنىڭ جياڭسۋ ولكەسىنىڭ شينجياڭعا كومەككە كەلگەن كادرلارىنىڭ قالتقىسىز كومەگىن ماڭگى ەستە ساقتاۋىنا مۇمكىندىك جاراتۋ بولىپ تابىلادى.

  كومەككە يە بولعان وقۋشىنىڭ ءبىرى، قورعاس اۋداندىق 1 – ورتا مەكتەپتى بيىل بىتىرگەن جۇپار نۇرمۇقامەت قىزى تامىز ايىندا شينجياڭ پەداگوگيكا ينستيتۋتىنىڭ وقۋشى قابىلداۋ ۇقتىرۋىن تاپسىرىپ العان ەدى، الايدا وتباسى شارت – جاعدايى ناشار بولعاندىقتان وقۋ قاراجاتىن تولەۋگە وتباسىنداعىلاردىڭ باسى قاتقان بولاتىن. شينجياڭعا كومەككە كەلگەن كادرلاردىڭ كومەگىنىڭ ارقاسىندا ول وقۋدان الاڭدامايتىن بولدى.

  وقۋعا كومەك قاراجاتىن تاراتۋ سالتىندا كومەككە يە بولعان 100 وقۋشىنىڭ ءاربىرى 3 مىڭ يۋاننان كومەك قاراجاتقا يە بولدى. اۋدان – قالالاردىڭ وقۋ – اعارتۋ سالاسىنىڭ جاۋاپتىلارى ناق مايداندا قۇنى 200 مىڭ يۋاندىق كىتاپتى تاپسىرىپ الدى. ناق مايداندا 100 وقۋشىعا كومەك قاراجاتى تاراتىلۋدان تىس، كەدەيلەردى سۇيەمەلدەۋ كومەك قورىنان اسىپ قالعان 200 مىڭ يۋاندى باسقا تۇردەگى كەدەي، قيىنشىلىعى بار وقۋشىلارعا كومەك رەتىندە بەرۋ ۇيعارىلدى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.