- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق حالىق قۇرىلتايى تۇراقتى كوميتەتى 25 – رەتكى ءماجىلىسىن وتكىزدى
2015.08.28 13:57
اۆتونوميالى وبلىستىق 13 – كەزەكتى حالىق قۇرىلتايى تۇراقتى كوميتەتى تامىزدىڭ 25 – كۇنى 25 – رەتكى ءماجىلىسىن وتكىزدى. وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ شۋجيى جاڭ ميڭلي، وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى زۇنۇن اكبار، ورىنباسار مەڭگەرۋشىلەرى ان پيڭ، گۇلزيرا ءنۇرادىل قىزى، نۇر ىبىرايىم، تۇڭ رۇيچيڭ، ما يانلين، مىڭ چۋانرۇڭ، ءۋاتان ازەز، باس حاتشى قاسەن شايزات ۇلى جانە وبلىستىق حالىق قۇرىلتايى تۇراقتى كوميتەتىنىڭ مۇشەلەرى ماجىلىسكە قاتىناستى. وبلىستىڭ ورىنباسار باستىعى زاكىر زوردۇن جانە وبلىستىق سوتتىڭ، پروكۋراتۋرانىڭ جاۋاپتىلارى ماجىلىسكە سىرتتاي قاتىناستى.
ماجىلىستە وبلىستىق پارتيا مەكتەبىنىڭ پروفەسسورى جوۋ يۇيدىڭ «جىبەك جولى ەكونوميكالىق بەلدەۋى – ىلەنىڭ دامۋى جونىنەن تىڭ وراي» دەگەن تاقىرىپتا جاساعان ارناۋلى لەكسياسى تىڭدالدى.
ماجىلىستە تاعى وبلىستىق ۇكىمەتتىڭ «'‹التىنشى بەس جىلدىق› زاڭ جالپىلاستىرۋ قىزمەتى جاعدايى جونىندەگى دوكلادى»؛ وبلىستىق ۇكىمەتتىڭ «‹ىلە وزەنى، ەرتىس وزەنى الاپتارىنىڭ بالىق شارۋاشىلىعى بايلىعىن قورعاۋ ەرەجەسىنىڭ› اتقارىلۋ جاعدايى جونىندەگى دوكلادى»؛ وبلىستىق ۇكىمەتتىڭ «2013 – جىلعى مەجە ەسەپتىڭ اتقارىلۋىن جانە باسقا دا قازىنالىق كىرىس – شىعىستى تەكسەرۋ قىزمەتىن قاراۋ پىكىرىن رەتتەۋ – وزگەرتۋ، تياناقتاندىرۋ جونىندەگى دوكلادى» تىڭدالدى جانە قارالدى.
ماجىلىستە تاعى كادرلاردى مىندەتكە تاعايىنداۋ، مىندەتىنەن بوساتۋ ءىسى داۋىسقا سالىندى.
زاكىر زوردۇن ماجىلىستە پوزيتسيا ءبىلدىرىپ، ءسوز سويلەدى. ول بىلاي دەدى: وبلىستىق ۇكىمەت جانە قاتىستى تاراۋلار اۆتونوميالى وبلىستىق 13 – كەزەكتى حالىق قۇرىلتايى تۇراقتى كوميتەتىنىڭ 25 – رەتكى ءماجىلىسىنىڭ رۋحىن مۇقيات دايەكتى تياناقتاندىرىپ، وبلىستىق حالىق قۇرىلتايىنىڭ جانە ونىڭ تۇراقتى كوميتەتىنىڭ شەشىمدەرى مەن ۇيعارىمدارىن شىنايى اتقارىپ، حالىق قۇرىلتايى تۇراقتى كوميتەتىنە دەركەزىندە، ىرىقتىلىقپەن قىزمەتتەن دوكلاد جاساپ، حالىق قۇرىلتايى تۇراقتى كوميتەتى قاراعان پىكىردى ويداعىداي تياناقتاندىرىپ، حالىق قۇرىلتايى ۋاكىلدەرىنىڭ ۇسىنىستارىن، پىكىرلەرىن جانە سىندارىن مۇقيات ءبىر جاقتى ەتىپ، حالىق قۇرىلتايىنىڭ جانە ونىڭ تۇراقتى كوميتەتىنىڭ باقىلاۋىن سانالىلىقپەن قابىلداپ، قىزمەتتى ۇزدىكسىز ءونىمدى جاقسارتىپ، اۆتونوميالى وبلىستىڭ قوعام ورنىقتىلىعى مەن باياندى تىنىشتىعى ءۇشىن تالىقپاي قۇلشىنىپ، مۇشەلەردى، حالىق قۇرىلتايى ۋاكىلدەرىن، ءار ۇلت بۇقاراسىن ريزا ەتەمىز.
ماجىلىستە جاڭادان تاعايىندالعان وبلىستىڭ ورىنباسار باستىعى جاڭ جۇي مىندەتكە وتىرۋ ءسوزىن سويلەدى. ول بىلاي دەدى: پارتيا ۇيىمىنىڭ مەنى باۋلىعانىنا جانە ىلەدەگى ءار ۇلت بۇقاراسىنىڭ سەنىم ارتقانىنا العىس ايتامىن. بۇدان كەيىنگى قىزمەتتە بورىشتى ەستە بەرىك ساقتاپ، قىزمەت مىندەتىن زاڭ بويىنشا اتقارىپ، سەنىمدى بەكەمدەۋگە، ەرەجەگە بويسۇنۋعا بارىنشا كۇش سالىپ، ۇيرەنۋدەن جازباي، ساپامدى جوعارىلاتىپ، اكىمشىلىكتى زاڭ بويىنشا جۇرگىزىپ، باقىلاۋدى قابىلداپ، جاۋاپكەرلىكتى باتىلدىقپەن ارقالاپ، قىزمەت مىندەتىن مۇقيات اتقارىپ، باستى ماقساتتى ەسىمدە بەرىك ساقتاپ، تارتىپتە قاتاڭ بولىپ، قىزمەتكە سانالى بويسۇنىپ، اۋىر جۇك ارقالاپ، حالىق جۇكتەگەن بورىشتى ويداعىداي اتقارىپ، ىنتىماقتى، ورنىقتى، حالقى باي، وبلىسى الۋەتتى، ەكولوگياسى كوركەم ىلە قۇرۋ ءۇشىن ءتيىستى ۇلەس قوسامىن.
كەلۋ قاينارى: «ىلە گاەتى»- ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
