- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىسقا توتە قاراستى ورىندارداعى جاپون شاپقىنشىلارىنا قارسى سوعىسقا قاتىناسقان 190 ساقا جاۋىنگەرگە جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 70 جىلدىعىن ەسكە ءتۇسىرۋ وردەنى بەرىلدى
جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە وسكەلەڭ قۇرمەت بىلدىرەمىز
2015.09.06 11:07
تاريحتى ەستە بەرىك ساقتاپ، اعا بۋىن قۇربانداردى ساعىنا ەسكە الىپ، بەيبىتشىلىكتى قاستەرلەپ، بولاشاققا بەت الايىق. جۇڭگو حالقىنىڭ جاپون شاپقىنشىلارىنا قارسى سوعىسىنىڭ جانە دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرۋ كۇنى قارساڭىندا ورتالىقتىڭ، اۆتونوميالى رايوننىڭ ءبىر تۇتاس ورنالاستىرۋىنا ساي، اۆتونوميالى وبلىس تامىزدىڭ 31–كۇنى تۇستەن بۇرىن جاپون شاپقىنشىلارىنا قارسى سوعىستىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرۋ وردەنىن بەرۋ سالتىن وتكىزدى، وبلىسقا توتە قاراستى ورىندارداعى جاپون شاپقىنشىلارىنا قارسى سوعىسقا قاتىناسقان 190 ساقا جاۋىنگەر جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 70 جىلدىعىن ەسكە ءتۇسىرۋ وردەنىمەن سيلاندى.
سول كۇنى تۇستەن بۇرىن ىلە قوناق سارايىنىڭ قوناق قابىلداۋ زالىندا جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ ۋاكىلدەرىنەن سۇي كايميڭ، ليۋ زۇڭشياڭ، حۋاڭ لۇنشىڭ، ءماسۇت، جي تيانشوۋ، ۋاڭ ليۋبيڭ كەۋدەلەرىنە وردەن تاعىپ، اسقاق جىگەر تانىتتى.
وبلىستىق پارتكومنىڭ شۋجيى حۋاڭ سانپيڭ جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ ۋاكىلدەرىنە جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 70 جىلدىعىن ەسكە ءتۇسىرۋ وردەنىن بەردى؛ وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى ساقا جاۋىنگەرلەرگە حال سۇراۋ قاراجاتىن تارتۋ ەتتى.
بيىل 88 جاستاعى ساقا جاۋىنگەر ليۋ زۇڭشياڭ 1943–جىلى جاپون شاپقىنشىلارىنا قارسى بىرلەسكەن ارميانىڭ جاۋىنگەرى بولعان، ەكىنشى جىلى 8–ارميا قوسىنىنا كىرگەن، سوڭىنان جياڭسۋدىڭ فىڭشيان، شاندۇڭنىڭ ساۋشيان، حىناننىڭ شينشياڭ سياقتى جەرلەرىندە جاپون شاپقىنشىلارىنا قارسى سوعىسقا قاتىناسقان. 1944–جىلى سوعىستا ونىڭ وڭ قولىنىڭ ەكى ساۋساعىن وق جۇلىپ اكەتكەن. 1945–جىلى ول شانشي، شاندۇڭ، حىبەي، حىنان اسكەري رايونىنىڭ دالا ارمياسى قوسىنىنىڭ قۇرامىندا بولعان.
جاڭا جۇڭگو قۇرىلعاننان كەيىن ليۋ زۇڭشياڭ ىلەگە كەلىپ قىزمەت ىستەپ، دەمالىسقا شىعادى. كەۋدەسىندەگى ەسكە ءتۇسىرۋ وردەنىن سيپاعان قارتتىڭ كوڭىلى قاتتى تولقىدى. سوعىس جىلدارىنداعى ىستەر ونىڭ ەسىندە انىق ەكەن: «مەن كىشكەنتايىمنان بالالار ۇيىرمەسىندە بولىپ، 1943–جىلى اسكەرگە قاتىناستىم، 14 اۋدان–قالادا الباستىلارعا قارسى سوعىسقا قاتىناستىق. ءبىر جولى ءبىز سولتۇستىكتەن العا قاراي جورىققا اتتانعانىمىزدا جاۋدىڭ ءبىر ديۆيزياسىن تالقاندادىق، مەن ءبىر زەڭبىرەك ولجالاپ، ەڭبەك كورسەتتىم»، - دەدى.
بيىل 85 جاستاعى ساقا جاۋىنگەر حۋاڭ لۇنشىڭ 1945–جىلى شاندۇڭدا جاپون شاپقىنشىلارىنا قارسى پارتيزاندار اترەتىنە قاتىناسقان. باستان كەشكەن ىستىق–سۋىقتى ەسكە العان حۋاڭ لۇنشىڭ قارت بىلاي دەدى: «مەن سول كەزدە پارتيزاندار رايونىندا تۇراتىنمىن، كۇرەس جاعدايى اسا كۇردەلى، تۇراتىن ورنىمىزدى ۇنەمى وزگەرتەتىنبىز، كەيدە ءبىر تۇندە 3 جەرگە ورىن اۋىستىرامىز، جاۋعا جولىقساق پارتيزاندىق سوعىس جۇرگىزەتىنبىز. قازىر ءبىز جۇڭگو حالقىنىڭ جاپون شاپقىنشىلارىنا قارسى سوعىسىنىڭ جانە دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرىپ وتىرمىز، ەلىمىز جونىنەن العاندا ۇزاق ۋاقىت دابىل قاعىپ، سوتسياليستىك قۇرىلىس پەن ارميا قۇرىلىسىن ويداعىداي جۇرگىزۋىمىز كەرەك».ەسكە ءتۇسىرۋ وردەنىن بەرۋ سالتىندا حۋاڭ سانپيڭ وبلىستىق پارتكوم مەن ۇكىمەت جانە وبلىسىمىزداعى ءار ۇلت كادرلار مەن جۇرتشىلىق اتىنان وبلىسىمىزداعى جاپون شاپقىنشىلارىنا قارسى سوعىسقا قاتىناسقان قارت جاۋىنگەرلەرگە وسكەلەڭ قۇرمەت ءبىلدىردى. ول بىلاي دەدى: «70 جىلدىڭ الدىندا قارت جاۋىنگەرلەر جاپون شاپقىنشىلارىنا قارسى سوعىستا ەرلىك كورسەتكەن سان–ساناقسىز قاھارماندارمەن تىزە قوسىپ، جاپون شاپقىنشىلارىنا سۇراپىل قايتارما شابۋىل جاساپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسىنە قول جەتكىزدى. جاڭا جۇڭگو قۇرىلعاننان كەيىن تاعى ىلەنىڭ سوتسياليستىك قۇرىلىسى مەن رەفورما، ەسىك اشۋ ىستەرىنە بەلسەنە اتسالىستى. سىزدەر پارتيا مەن حالىققا ەسەلى ەڭبەك سىڭىردىڭىزدەر، پارتيا مەن حالىق سىزدەردى ەسىنەن شىعارمايدى، حالىق سىزدەردى جادىندا ساقتايدى، تاريح، استە، ۇمىتپايدى.
حۋاڭ سانپيڭ بىلاي دەدى: جاپون شاپقىنشىلارىنا قارسى سوعىس مەزگىلىندە ىلەدەگى ءار ۇلت حالقى وسكەلەڭ وتانشىلدىق سەزىمىمەن، مىعىم مەملەكەت تانىمىمەن، كەڭ كولەمدى اتتانىسقا كەلىپ ىلەدەگى ءار ۇلت حالقىنىڭ وتانشىلدىق رۋحىن، ىنتىماقتى دا بىرلىككە كەلگەن ۇلتتىق رۋحى مەن وتان ءۇشىن ءوزىن ارناعان ۇلەس قوسۋ رۋحىن تولىق ايگىلەدى. وتە–موتە، جاپون شاپقىنشىلارىنا قارسى سوعىسقا قاتىناسقان قارت جاۋىنگەرلەر، قارت جولداستار مەملەكەت پەن ۇلت مۇددەسى ءۇشىن قۇرباندىق بەرىپ، جاۋدىڭ زەڭبىرەك وعىنان تايسالماي العا ۇمتىلىپ، ءولىم حاۋپىنەن جاسقانباي ەرلىكپەن سايىسىپ، «وتانشىلدىق سەزىمىن، ءولىم الدىندا باس يمەيتىن ۇلت نامىسىن، زورلىق–زومبىلىقتان سەسكەنبەيتىن، قان كەشىپ سوڭىنا دەيىن شايقاس جۇرگىزەتىن قاھارماندىق جىگەرىن، العان بەتىنەن قايتپايتىن، جەڭىسكە جەتپەي تىنبايتىن مۇقالماس سەنىمىن» باستى مازمۇن ەتكەن جاپون شاپقىنشىلارىنا قارسى ۇلى رۋحىن تولىق ايگىلەدى، بۇل ءبىزدىڭ قىمباتتى رۋحاني بايلىعىمىز، ءبىزدى ماڭگى ءارقانداي قيىنشىلىق پەن حاۋىپ–قاتەردى جەڭۋگە، قايراتتانا العا ۇمتىلۋعا جىگەرلەندىرەتىن قۇدىرەتتى رۋحاني كۇش.
حۋاڭ سانپيڭ بىلاي دەپ اتاپ كورسەتتى: جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر، ساقا جولداستار پارتيا مەن مەملەكەتتىڭ قىمباتتى بايلىعى. ءبىز ءاربىر ساقا جاۋىنگەردىڭ، ساقا جولداستىڭ دەنساۋلىعىن ايالاپ، تاريحقا مۇراگەرلىك ەتىپ، ۇرپاقتارى مەن اينالاسىنداعى ادامداردى ويداعىداي باۋلىپ، ولاردى جاپون شاپقىنشىلارىنا قارسى تۇرۋ ۇلى رۋحىنا ۇزدىكسىز مۇراگەرلىك ەتۋگە جانە ونى ساۋلەلەندىرۋگە، وڭايلىقپەن قولعا كەلمەگەن باقىتتى تۇرمىستى قاستەرلەۋگە، «ءۇش ءتۇرلى كۇشپەن» باتىلدىقپەن كۇرەس جۇرگىزۋگە، مەملەكەتتىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن مىزعىماستان قورعاۋعا باستاۋىن ءۇمىت ەتەمىز. قاتىستى تاراۋلار جاپون شاپقىنشىلارىنا قارسى سوعىسقا قاتىناسقان قارت جاۋىنگەرلەردىڭ، قارت جولداستاردىڭ تۇرمىسىنا ويداعىداي قامقورلىق جاساۋى، ولارعا مۇمكىندىكتىڭ بارىنشا ويداعىداي قىزمەت وتەپ، ولاردىڭ سوڭعى ءومىرىن الاڭسىز وتكىزۋىنە جايلى جاعداي جاراتۋى ءتيىس.
وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋ فىڭجۇن جۇڭگو حالقىنىڭ جاپون شاپقىنشىلارىنا قارسى سوعىس جەڭىسىنىڭ 70 جىلدىعىن ەسكە ءتۇسىرۋ وردەنى جونىندەگى قاتىستى جاعدايلاردى تانىستىردى.
وبلىس باسشىلارىنان جاڭ شينشىڭ، ان پيڭ، مۇقيات جارمۇقانبەت ۇلى، جاۋ يۇڭلۇڭ قاتارلىلار ەسكە ءتۇسىرۋ وردەنىن بەرۋ سالتىنا قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
