- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلەنىڭ ۋاكىلدەر ۇيىرمەسى نانجيڭدە تەكسەرۋ - زەرتتەۋ جۇرگىزدى
وزىق تاجىريبەدەن ۇيرەنىپ، دۇرىس باعىت، بەرىك سەنىممەن دامۋدى جەدەلدەتەيىك
2015.09.14 13:28
ءتىلشىمىز حان شاشا حابارلايدى. قىركۇيەكتىڭ 8 - كۇنى وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى ىلەنىڭ ۋاكىلدەر ۇيىرمەسىن باستاپ، نانجيڭدە تەكسەرۋ - زەرتتەۋ جۇرگىزىپ، ۇيرەنۋ جاسادى.
ىلە ۋاكىلدەر ۇيىرمەسىندەگىلەر ىلگەرىندى - كەيىندى نانجيڭ حالىقارالىق جاستار مادەنيەت باقشاسى، جاستار وليمپيادا ورمان باقشاسى، ينتەللەكىتتى نانجيڭ، تۋنيۋ ساياحات تورابى جانە سۋنيڭ توراپ ساۋداسى سياقتى جەرلەرگە بارىپ، نانجيڭنىڭ جوبا قۇرىلىسى، نىساندى ىلگەرىلەتۋ، عىلىم - تەحنيكالىق جاقتا جاڭالىق جاراتۋ سياقتى وزىق ادىستەرىن ۇيرەنىپ، ىلەنىڭ دامۋىنا پايدالى وزىق تاجىريبەلەردى قاراستىردى.
ىلە ۋاكىلدەر ۇيىرمەسىندەگىلەر الدىمەن نانجيڭ حالىقارالىق جاستار مادەنيەت باقشاسىنا كەلدى. بۇل باقشا «T» ءارىبى فورماسىندا بولىپ، جياڭشان داڭعىلىنان جياڭبيانعا دەيىنگى مادەنيەت - دەنەتاربيە باقشاسى كوشەسىنە ورنالاسقان. ۇزىندىعى 1.7 كيلومەتر شاماسىندا.
«جالاۋ باعاناسى تىزبەگى» نانجيڭ جاستار وليمپيادا جينالىسىنا قاتىناساتىن 204 مەملەكەت پەن رايونعا ۋاكىلدىك ەتەدى، كورىنىسى توتەنشە ايباتتى.
وسىدان سوڭ ىلە ۋاكىلدەر ۇيىرمەسىندەگىلەر جاستار وليمپيادا ورمان باقشاسىنا كەلدى. باقشا جياڭشينجوۋ ەكولوگيالىق - تەحنيكالىق ارالىنىڭ شىعىس وڭتۇستىك بولەگىندە بولىپ، نانجيڭ حالىقارالىق جاستار مادەنيەت باقشاسىمەن ىرگەلەس.
ناق مايداندى ەكسكۋرسيالاۋ، كوزدەن كەشىرۋ ارقىلى ىلە ۋاكىلدەر ۇيىرمەسىندەگىلەر نانجيڭنىڭ ەكونوميكاسىنا، عىلىم - تەحنيكاسىنا، قوعامىنىڭ دامۋ جەتىستىكتەرىنە شىن پەيىلدەرىنەن ءسۇيىنىشىن جانە تاڭدانىسىن ءبىلدىردى ءارى ءبىر اۋىزدان مىنانى ءبىلدىردى: ەكى جەردىڭ بارىس - كەلىس، اۋىس - كۇيىسىن ۇزىكسىز كۇشەيتىپ، ارتىقشىلىقتارىن ۇيرەنىپ، كەمشىلىكتى تولىقتاپ، ءوزارا پايدا جەتكىزىپ، سەلبەسىپ، نانجيڭنىڭ جاسىل قالا دامۋ جوباسىنان پايدالانىپ، ىلەنى بىردەن ءبىر از ۇلت مادەنيەتى ەرەكشەلىگىندەگى جاسىل قالاعا اينالدىرۋدى ءۇمىت ەتەمىز.
وسىدان سوڭ ىلە ۋاكىلدەر ۇيىرمەسىندەگىلەر نانجيڭ قالاسى تۋنيۋ ساياحات تورابى مەن سۋنيڭ توراپ ساۋداسىنا كەلىپ، تۋنيۋ ساياحات تورابى بازاسىنىڭ قىزمەت بازاسىن ناق مايداندا كوزدەن كەشىرىپ، ىلە شەكارالىق ساياحات نىسانىن تۋنيۋ ساياحات تورابىمەن سەلبەسۋ ىستەرى جونىندە كەڭەستى. مانەن زەينەل ۇلى بىلاي دەدى: جۋىقتاعى بىرنەشە جىلدا ىلەنىڭ ساياحاتى ايرىقشا دامىدى، اسىرەسە، قورعاس قالاسى مەن دۋلات وتكەلىنىڭ جەدەل دامۋى، ىشكەرى ولكەلەردەگى كوپتەگەن ساياحاتشىلاردى باۋرادى. تۋنيۋ ساياحات تورىنىڭ ىلە شەكارا ساياحاتى ابزالدىعىنان پايدالانىپ، ىلەنىڭ ساياحاتىن تۋنيۋ ساياحات جەلىسىنىڭ دامۋداعى جاڭا جەلىگە اينالدىرۋىن ءۇمىت ەتەمىن.
سۋنيڭ توراپ ساۋداسىندا ىلەنىڭ ۋاكىلدەر ۇيىرمەسىندەگىلەر ەلىكتەمەلى دۇكەننىڭ ءاربىر قولدانىلمالى جۇيەسىنىڭ كورسەتپەلى تۇسىندىرمەسىن كورىپ، ينتەللەكىتتى قىزمەت وتەۋ جانە ناقتى ونىمدەر مەن اينالىمدى مەڭگەرۋ ورتالىعىن كوزدەن كەشىرىپ، ينفورماتسيالاندىرۋدىڭ بولشەك ساتۋداعى تىرەكتىك رولىن تىكە سەزىندى. سول مايداندا ەكى جاق ەلەكتروندىق ساۋدا سالاسىندا ىشكەرىلەي سەلبەستىك ورناتۋ جونىندە جان - جاقتى كەڭەس وتكىزدى. مانەن زەينەل ۇلى سۋنيڭمەن سەلبەستىكتى اناعۇرلىم كۇشەيتىپ، ىلە ەرەكشەلىگىندەگى اۋىل شارۋاشىلىق قوسىمشا ونىمدەرىن سۋنيڭ ەلەكتروندىق ساۋدا تەكشەسى ارقىلى ءتىپتى دە كوپ ادامداردىڭ بىلۋىنە جانە ساتىپ الۋىنا مۇمكىندىك جاساپ، ىلەنىڭ ەلەكتروندى ساۋدا كاسىبىنىڭ دامۋىن جەدەلدەتۋدى ءۇمىت ەتتى.
وسىدان سوڭ جياڭسۋ ولكەلىك پارتكومنىڭ تۇراقتى مۇشەسى، نانجيڭ قالالىق پارتكومنىڭ شۋجيى حۋاڭ ليشين ىلە وبلىسىنىڭ ۋاكىلدەر ۇيىرمەسىندەگىلەرمەن ىقىلاستى كەزدەستى. مانەن زەينەل ۇلى بىلاي دەدى: ىلە وبلىسىنىڭ سوڭعى جىلداردان بەرگى كورنەكتى وزگەرىستەرى مەن قول جەتكىزگەن تابىستارىن جياڭسۋ ولكەلىك پارتكوم مەن ولكەلىك ۇكىمەتتىڭ قامقورلىعى مەن ىقىلاسىنان، نانجيڭ قالالىق پارتكومنىڭ، قالالىق ۇكىمەتتىڭ قالتقىسىز كومەگى مەن بارىنشا قولداپ - قۋاتتاۋىنان بولە قاراۋعا بولمايدى، شينجياڭعا كومەكتەسۋشى ءاربىر كادر ىلەنىڭ ەكونوميكاسىنىڭ دامۋى مەن قوعام ورنىقتىلىعى ءۇشىن ماڭىزدى ۇلەستەر قوستى.
مانەن زەينەل ۇلى مىنانى ءبىلدىردى: قازىر ءبارىمىز مەملەكەتتىڭ «ءبىر بەلدەۋ، ءبىر جول» قۇرىلىسى مەن جاڭا كەزەكتى شينجياڭعا كومەك بەرۋ ساياساتىنىڭ ورايلى مەزگىلىندە تۇرمىز. ىلە بايلىق، جاعراپيالىق، كومەسكى قۋات، باتىسقا اشىلعان كەڭ بازار ابزالدىعىنا يە، ال نانجيڭدە ناقتى كۇش، تەحنيكا، دارىندىلار بار، نەگىزى مىعىم، ەكى جەردىڭ ءبىرىن ءبىرى تولىقتاۋ جانە كەڭ كولەمدە سەلبەسىپ دامۋ مۇمكىندىگى زور. نانجيڭ قالالىق پارتكومنىڭ، قالالىق ۇكىمەتتىڭ ىلە وبلىسى مەن قۇلجا قالاسىنىڭ ەكونوميكاسى مەن قوعامىنىڭ دامۋىنا اۋەلگىدەي ءمان بەرىپ، قولداۋ كورسەتۋىن؛ «13 - بەس جىلدىق» جوبا مەزگىلىندەگى شينجياڭعا كومەك بەرۋ قىزمەتى بارىسىندا نىسان، كاسىپ، دارىندى، عىلىم - تەحنيكا، مادەنيەت سياقتى جاقتاردا كومەك بەرۋ تەبىنىن اناعۇرلىم ارتتىرىپ، ەكى جەردىڭ اۋىس - كۇيىسى مەن بارىس - كەلىسىن ۇزدىكسىز كەڭەيتىپ، ەكى جەردىڭ ءوز ابزالدىقتارىمەن ءبىرىن - ءبىرى تولىقتاپ، كاسىپ جاعىنان ءبىرىن ءبىرى جەبەپ، ورتاق دامۋىن ءۇمىت ەتەمىز.
حۋاڭ ليشين مىنانى ءبىلدىردى: بيىل جىل باسىنان بەرى ىلە وبلىستىق پارتكوم مەن ۇكىمەتتىڭ بارىنشا قولداپ - قۋاتتاۋىندا نانجيڭ قالاسىنىڭ شينجياڭعا كومەك بەرۋ قىزمەتىنىڭ اياق الىسى ءساتتى بولدى. الداعى جەردەگى شينجياڭعا كومەك بەرۋ قىزمەتىندە وقۋ - اعارتۋ، دەنساۋلىق ساقتاۋ، دارىندىلاردى جەتىلدىرۋ سياقتى جاقتارداعى قىزمەت تەبىنىن ارتتىرامىز. مۇنان بىلايعى شينجياڭعا كومەك بەرۋ قىزمەتىندە تاعى دا حالىق تۇرمىسىن نەگىز ەتىپ، قوعام ورنىقتىلىعى مەن باياندى تىنىشتىقتى توڭىرەكتەپ، شينجياڭعا كومەك بەرۋ قىزمەتىن شىنايى ءارى ويداعىداي ىستەپ، ىلەنىڭ ەكونوميكاسى مەن قوعامىنىڭ دامۋىن اناعۇرلىم ويداعىداي جەبەيمىز.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
