- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىسقا توتە قاراستى ورىنداردان 19 وزات ۇلگى اۆتونوميالى رايون قۇرىلعاندىعىنىڭ 60 جىلدىق مەرەي تويىنا قاتىناسۋعا ۇرىمجىگە اتتاندى
حۋاڭ سانپيڭ، مانەن زەينەل ۇلى، سابىر ايتجان ۇلى قاتارلى وبلىس باسشىلارى وزات ۇلگىلەردى اتتاندىردى
2015.09.29 13:32
ىلەدەگى ءار ۇلت حالقى قۇربان ايت، ورتا كۇز مەرەكەسى، جۇڭحۋا حالىق رەسپۋبليكاسى قۇرىلعاندىعىنىڭ 66 جىلدىعى جانە اۆتونوميالى رايون قۇرىلعاندىعىنىڭ 60 جىلدىق مەرەي تويى سىندى 4 مەرەكەنى قاتار قارسى العان ءساليقالى ساتتە، قىركۇيەكتىڭ 27 – كۇنى تۇستەن كەيىن وبلىس باسشىلارى ىلە قوناق سارايىندا وبلىسقا توتە قاراستى ورىندارداعى 3 ميلليون ءار ۇلت بۇقاراسى اتىنان ۇرىمجىگە بارىپ، اۆتونوميالى رايونىمىز قۇرىلعاندىعىنىڭ 60 جىلدىق مەرەي تويىنا قاتىناساتىن وبلىسقا توتە قاراستى ورىندارداعى 19 وزات ۇلگىنى اتتاندىردى.
اۆتونوميالى رايون قۇرىلعاندىعىنىڭ 60 جىلدىق مەرەي تويى تۇتاس شينجياڭدىقتاردىڭ ساياسي تۇرمىسىنداعى كەلەلى ءىس، ءار ۇلت بۇقاراسىن جەلپىندىرەتىن ۇلى قۋانىش، ول شينجياڭنىڭ دامۋ جەتىستىكتەرىن ايگىلەپ، شينجياڭنىڭ دامۋ وزگەرىستەرىن ۇگىتتەۋ، شينجياڭنىڭ وڭ ەنەرگياسىن جانە ءار ۇلت كادر - جۇرتشىلىعىنىڭ تاماشا رۋحاني بەينەسىن كورسەتىپ، شينجياڭنىڭ تۇلعالىق وبرازىن تىكتەۋدە ەرەكشە كەلەلى ماڭىزعا يە.
وسى رەت ۇرىمجىگە بارىپ اۆتونوميالى رايون قۇرىلعاندىعىنىڭ 60 جىلدىق مەرەي تويىنا قاتىناسۋعا وبلىسقا توتە قاراستى ورىنداردان وزات ۇلگىلەردىڭ 19 ۋاكىلى ۇسىنىس ەتىلدى. ولار وبلىسقا توتە قاراستى ورىندارداعى ءار سالا، ءار كاسىپتەن، ءار شەپتەن كەلگەن ءار ۇلت كادر - بۇقاراسىنىڭ ۇلگىلى ۋاكىلدەرى، ولار ءداۋىردىڭ بيىك جەلبىرەگەن تۋى، تۇتاس وبلىسىمىزداعى جوعارى – تومەندەگىلەردىڭ ۇيرەنۋ ونەگەلەرى جانە ۇلگىلەرى. ولار شينجياڭ رۋحىن ءوز بويلارىندا شوعىرلى ايگىلەپ، بار زەيىنىن حالىققا ارناپ، قالتقىسىز ءوزىن ارناۋداي تاڭداۋلى قاسيەتتەرىن كورسەتىپ، جۇڭحۋا ۇلتىنىڭ ءداستۇرلى تاماشا ءمورالىن، ىلەدەگى ءار ۇلت حالقىنىڭ داۋىرلىك كەلبەتىن سومدادى.
وبلىستىق پارتكومنىڭ شۋجيى حۋاڭ سانپيڭ وزات ۇلگىلەردى اتتاندىرۋ ءسوزىن سويلەپ بىلاي دەدى: كوپشىلىك وسى رەتكى مەرەي تويعا قاتىناسۋدىڭ وراسان ۇلكەن ساياسي داڭق ءارى تەرەڭ ساياسي جاۋاپكەرلىك ەكەنىن، ىلەلىكتەردىڭ تۇلعالىق وبرازىنا ۋاكىلدىك ەتەتىندىكتەرىن تەرەڭ تاني ءبىلۋى كەرەك. مەن كوپشىلىكتىڭ وبلىستىق پارتكوم مەن حالىق ۇكىمەتىنىڭ جانە تۇتاس وبلىستاعى ءار ۇلت كادر، جۇرتشىلىعىنىڭ ءۇمىتى مەن تاپسىرماسىن ەستە بەرىك ساقتاپ، اسقاق رۋحاني بەينە، تاسقىنداعان جىگەرمەن مەرەي تويعا قاتىناسىپ، ىلەنىڭ وبرازىن سونداي – اق ىلەدەگى ءار ۇلت كادر، جۇرتشىلىعىنىڭ وسكەلەڭ مادەنيەتىن، قارىشتاي العا ۇمتىلعان ارىنىن، جاراسىمدى ورتاق العا باسقان تاماشا رۋحاني بەت – بەينەسىن تولىق ايگىلەپ، ىلەنى بەلسەنە ۇگىتتەپ، ىلەنىڭ اسەرلى ىستەرىن اڭگىمەلەپ، ىلەلىكتەردىڭ جۇرەك ءۇنىن جەتكىزۋىن ءۇمىت ەتەمىن.
حۋاڭ سانپيڭ وزات ۇلگىلەردەن قۇتتىقتاۋ قيمىلى اياقتاعاننان كەيىن وزدەرىنىڭ تەرەڭ اسەرىن ماڭايىنداعى قىزمەتتەستەرىنە، دوستارىنا جانە ءار ۇلت بۇقاراسىنا جەتكىزىپ، مەرەي تويدىڭ جەتەكشى اۋەنىن اسقاقتاتىپ، وڭ ەنەرگيانى ساۋلەلەندىرىپ، دۇرىس باعىت ورناتىپ، جاقسى اڭىس قالىپتاستىرىپ، ءبىر نيەت، ءبىر تىلەكپەن ىستەپ، كاسىپ جاراتۋ قىزعىندىلىعىن ءتىپتى دە جەبەۋدىءۇمىت ەتتى. سونىمەن بىرگە، قاي – قاشان دا ۇلگىلىك، جەتەكشىلىك رولدى ساۋلەلەندىرىپ، ونەگە بولىپ، جاقسى رولشى بولىپ، ىنتىماقتى، ورنىقتى، حالقى باي، وبلىسى الۋەتتى، ەكولوگيالى، كوركەم ىلە قۇرۋ اياق الىسىندا جۇڭگو ارمانىنىڭ ىلە تاراۋىن ايشىقتى جازۋ كەرەك.
وزات ۇلگىلەردىڭ ۋاكىلى - كۇنەس اۋداندىق ساياسي كەڭەستىڭ ورىنباسار ءتوراعاسى، باس جۇمىسشى ۇيىمىنىڭ ءتوراعاسى ما يۇي – ان، وزات ۇلگىلەردىڭ ۋاكىلى، قۇلجا اۋدانى قۇديارجۇزى اۋىلى بولەكەي قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى مامەتجان ومەر اتتاندىرۋ سالتىندا ءسوز سويلەدى. ول بىلاي دەدى: بورىشتى ەستە بەرىك ساقتاپ، داڭقتى قاستەرلەپ، بۇكىل وبلىستاعى ءار ۇلت كادرلارى مەن بۇقاراسىنىڭ ءۇمىتىن جەردە قالدىرماي، قۇتتىقتاۋ قيمىلىنا ويداعىداي قاتىناسىپ، ىلەنىڭ وبرازىن ايگىلەپ، ىلەنىڭ دامۋ جەتىستىگىن ويداعىداي ۇگىتتەپ، جۇڭگو ارمانىنىڭ ىلە تاراۋىن ايشىقتى جازامىز.
وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى اتتاندىرۋ سالتىن باسقاردى.
وبلىس باسشىلارىنان زۇنۇن اكبار، سابىر ايتجان ۇلى، تۇرسىنقان سابىر قىزى، ۋ فىڭجۇن جانە اۆتونوميالى وبلىستىڭ قاتىستى تاراۋلارىنىڭ جاۋاپتىلارى اتتاندىرۋ سالتىنا قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
