- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءجۇمادىل مامان اتىنداعى «انا مەكتەپ كىتاپ ءۇيى» ەڭسە كوتەردى
2015.10.16 13:10
ايگىلى اقىن، جازۋشى، زەرتتەرمەن، كورنەكتى قوعام قايراتكەرى ءجۇمادىل مامان اتىنداعى «انا مەكتەپ كىتاپ ءۇيىنىڭ» ماڭدايشالىعىن اسۋ سالتى ۇستەگى جىلى قازاننىڭ 10 – كۇنى كۇنەس اۋدانى تۇرگەن اۋىلى تۇرگەن ورتا مەكتەبىندە ءوتتى. بيىل قازاننىڭ 24 – كۇنى وتكىزىلەتىن جۇكەڭنىڭ دۇنيەگە كەلگەندىگىنىڭ 75 جىلدىعىن ەسكە ءتۇسىرۋ تالقى جينالىسى مەن «ۇزىلمەس ءۇمىت» اتتى كىتاپتىڭ تاراتىلۋ سالتىنا قاتىستى قيمىلداردىڭ ءبىرى بولعان بۇل يگى باستاماعا كۇنەس اۋداندىق وقۋ – اعارتۋ مەكەمەسى مەن اۋداندىق مادەنيەت، دەنەتاربيە، راديو – تەلەۆيزيا، كينو مەكەمەسىنىڭ باسشىلارى دا قاتىناسىپ، ايتۋلى قالامگەر ەسىمىمەن اتالعان «كىتاپ ءۇيىنىڭ» شىمىلدىعىن اشتى.
العاشقى ادەبي جاسامپازدىعىن 1958 – جىلى جازعان «قىزىل بينا الدىندا»، «ەمەن سىرى» اتتى ولەڭ، باللاداسىمەن باستاعان جۇكەڭ مەملەكەتتىك «تۇلپار» ادەبي سيلىعىنىڭ يەگەرى، جۇڭگو جازۋشىلار وداعىنىڭ، جۇڭگو از ۇلت ادەبيەت زەرتتەۋ قوعامىنىڭ، قازاقستان جازۋشىلار وداعىنىڭ مۇشەسى، ول ءوزىنىڭ جارتى عاسىرلىق ادەبي جاسامپازدىق ساپارىندا «اقىلباي اتايدىڭ اڭگىمەلەرى»، «ءجۇمادىل داستاندارى»، «اكبار – سەيىت» سىندى وتىزعا تارتا كىتاپ، «ۇكىلى ارۋ»، «قوڭىراۋلى قوزى»، «قىز قۋار» سياقتى وتىزعا جۋىق ءان تەكىسىن، «توپىراق»، «تاۋ»، «ولمەلىك» سياقتى 20 داي تەرمە – تولعاۋ جازىپ قالدىردى. وسىنداي ۇشان – تەڭىز شىعارما جازعان ايگىلى جازۋشىنىڭ كوزى ءتىرى كەزىندە ايتقان «ءوز تۋعان اۋىلىنان كىتاپ ءۇيىن» سالۋ ارمانى دا اقىرى ىسكە استى. جازۋشىنىڭ تىلەگىنە ساي قۇرىلعان بۇل شاعىن كىتاپ ۇيىنە رومان، پوۆەست، اڭگىمە، قولدانىلمالى عىلىم – تەحنيكا سىندى ءار ءتۇرلى مازمۇنداعى كىتاپتان 6 مىڭ نۇسقاسى قويىلدى.
جۇكەڭنىڭ ءبىر تالاي شىعارمالارى حانزۋ، جاپون، ۇيعۇر، قىرعىز تىلدەرىنە اۋدارىلۋدان سىرت، ءوزى كورنەكتى عالىم رەتىندە جاپونيانىڭ توكيو قالاسىندا وتكىزىلگەن «جىبەك جولى بويىنداعى كوشپەندى ۇلتتاردىڭ مادەنيەتى» اتتى الەمدىك عىلمي تالقى ماجىلىسىندە «قازاق ۇلتىنىڭ مادەنيەتى مەن وقۋ – اعارتۋى» جونىندە ارناۋلى عىلمي بايانداما جاساعان ەدى. ونىڭ ەسىمى «دۇنيەدەگى ايگىلى ادامدار»، «20 – عاسىرداعى قازاقستان جازۋشىلارى»، «عاسىر اتتاعان جۇڭگو قازاق جازۋشىلارى»، «جۇڭگو ماماندارى» سىندى ون شاقتى ۇلكەن سوزدىك كىتاپقا التىن ارىپپەن جازىلدى. قارىمدى جازۋشىنىڭ قولجازبا كۇيىندە قالعان «اسقار تاۋلار» تريلوگياسىنىڭ 1 – كىتابى مەن «ءنۇسىپقان پولكوۆنيك» اتتى عۇمىرنامالىق كىتابى ەلىمىز باسپاسىندا باسىلسا، ال، «قارا تۇيعىن» اتتى پوۆەستتەر جيناعى مەن «ەكى بىردەي بوزداعىم» رومانى قازاقستاننىڭ «اتا جۇرت»، «ورحون» باسپالارىنان جارىق كورىپ، وقىرمان قاۋىممەن جۇزدەستى. (اقىلباي مۇقامەتالي ۇلى)
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
