- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋىل – قىستاق تاس جولى ىركىلىسسىزدەنىپ شارۋالارعا قولايلى بولدى
2015.10.19 10:42
اۆتونوميالى رايون قۇرىلعان 60 جىلدان بەرى، اسىرەسە، ورتالىقتا شينجياڭ قىزمەتى جونىندەگى اڭگىمە ءماجىلىسى اشىلعالى بەرى توعىزتاراۋ اۋدانى نىسانداردى بەكەمدەۋگە، قارجى قوسۋدى جەبەۋگە، ورنىقتى ارتتىرۋعا، حالىق تۇرمىسىنا تيىمدىلىك جاساۋعا تاباندى بولىپ اۋىل – قىستاق تاس جول قۇرىلىسىنىڭ تەبىنىن ارتتىرىپ جانە تاسىمالعا قىزمەت وتەۋ قۋاتىن كورنەكتى جوعارىلاتىپ، قوعامدىق ءوندىرىس پەن حالىقتىڭ تۇرمىس شارت – جاعدايىن كۇش سالا جاقسارتتى. توعىزتاراۋ اۋدانى جىرعالاڭ اۋىلى تاۋلى رايونعا ورنالاسقان بولىپ، بۇرىنعى جولدارى نەشە جىلدار بويى جوندەلمەي بۇقارانىڭ ءجۇرىپ – تۇرۋىنا قولايسىزدىقتار تۋدىرىپ، مال شارۋاشىلىق رايونى ەكونوميكاسىنىڭ دامۋىنا تۇساۋ بولىپ كەلگەن ەدى. بيىل توعىزتاراۋ اۋداندىق قاتىناس تاراۋى 31 ميلليون يۋان نىسان قارجىسىنا قول جەتكىزىپ، جىرعالاڭ اۋىلىنان ءشاشى كورىنىس رايونىنا باراتىن 32 كيلومەتر جولدى قايتادان جاسادى. نىسان ەكى بولەككە ءبولىنىپ اتقارىلدى. ءبىرىنشى بولەگىندە جىرعالاڭ اۋىلىنان اۋىلعا قاراستى ساعا قىستاعىنا دەيىنگى، ەكىنشى بولەگىندە ساعا قىستاعىنان ءشاشى كورىنىس رايونىنا دەيىنگى جول جاسالدى. كەزەكتە بۇل نىسان پايدالانۋعا بەرىلىپ ءشاشى، كولدەنەڭ، ءتالىم سىندى ءۇش ءىرى كورىنىس رايونىنا باراتىن جول تۇتاستىرىلىپ وسى اۋداننىڭ ساياحات كاسىبىنىڭ دامۋىن بارىنشا جەبەدى.
قۇرىلىس جٷرگىزۋشى باقتيار بىلاي دەدى:«ءبىز توقتامنىڭ ءبىرىنشى بولەگىنە جاۋاپتى بولىپ، 15.064 كيلومەتر جولدى جاسادىق. بۇل تاس جولدىڭ كەڭدىگىنە قاراي ءۇش بولەككە بولىنەدى. ءبىرىنشىسى 14 مەتر كەڭدىكتەگى اسفالت جول. ەكىنشىسى 6 مەتر كەڭدىكتەگى اسفالت جول. ءۇشىنشىسى 4 مەتر كەڭدىكتەگى اسفالت جول».
ءشاشى كورىنىس رايونىندا تۇراتىن 91 جاستاعى ابدىبەك اقساقال بۇرىن سىرتقا اتقا ءمىنىپ شىعاتىن. الىس جولدا كەيدە سىرتقا تۇنەپ قاتتى قينالاتىن. شىت جاڭا اسفالت جولدىڭ كيىز ءۇيىنىڭ الدىنا دەيىن تۇتاستىرىلعانىن كورگەن قاريانىڭ قۋانىشىندا شەك جوق.
ابدىبەك قاريا بىلاي دەدى: «1957–جىلى بۇل ارادا مال ايدايتىن تار سوقپاق جول عانا بار بولاتىن. 1984–جىلدان باستاپ جول جاسالدى. ەندى مىنە قاراماي جولعا اينالدى. قازىر سىرتقا شىقساق جول ازابىن كورمەيتىن بولدىق. كولىككە وتىرۋعا دا قولايلى. قايدا بارساق تا الاڭسىز جەتىپ الامىز».
بيىل توعىزتاراۋ اۋدانى سولتۇستىك اينالما جولى، اۋدان قالاشىعىنان جابايى جاڭقاقتى سايعا باراتىن ساياحات جولى، 30 كيلومەترلىك اۋىل–قىستاق جولى، وتباسىلارىنا دەيىن تۇتاساتىن 200 كيلومەترلىك تاس جول، 4 اۋىل–قىستاق جولاۋشىلار بەكەتى، 20 ايالداما سىندى نىسانداردى اتقارىپ، 249.6 كيلومەتر جولدى تىڭنان ارتتىرىپ، قاتىناس قۇرىلىسىنا قوسىلعان قارجىنى 150 ميلليون يۋاننان اسىردى. وسىلايشا اۋداننىڭ «سترولدى» قاتىناس توراپ جۇيەسى بىرتىندەپ كەمەلدەنىپ، ىلە اڭعارىنىڭ شىعىس بولەگىندەگى قاتىناس تورابى بولۋداي ابزالدىق ونان ارى كورنەكتىلەنە ءتۇستى.
توعىزتاراۋ اۋداندىق قاتىناس تاسىمال مەكەمەسىنىڭ باستىعى جۇرات بىلاي دەدى:
«اۋدانىمىز ىلە اڭعارىنداعى نەگىزگى قاتىناس ورتالىعى. مەملەكەت تاس جولىنىڭ 577–لەنياسى مەن 578–لەنياسى جانە ولكە تاس جولىنىڭ 242–لەنياسى بار. 2005–جىلى تاس جولدى جاپپاي تەكسەرگەندە تۇتاس اۋدانىمىزداعى اۋىل–قىستاق تاس جولىنىڭ جالپى ۇزىندىعى 881 كيلومەتر بولعان. ون جىل قۇرىلىس جۇرگىزۋ ارقىلى 12 – بەس جىلدىق جوسپاردىڭ سوڭعى جىلىندا ءبىز 881 كيلومەتر اۋىل–قىستاق تاس جولىن اسفالتتاندىرۋ قۇرىلىسىن ورىنداپ، اۋىل–قىستاق جولدارىندا ىركىلىسسىز قاتىناۋ سالىستىرماسىن ％95.6 كە جەتكىزدىك. بۇل 2005–جىلعى تەكسەرۋدەگى 881 كيلومەتر جولدىڭ تولىق ىركىلىسسىزدەندىرىلگەنىن تۇسىندىرەدى. بيىل 13 – بەس جىلدىق جوسپاردىڭ الدىڭعى مەزگىلدىك قىزمەتتەرىنە جوسپار جاساپ دايىندىق كورۋدەمىز ءارى 356 كيلومەتر ۇزىندىقتاعى اۋىل –قىستاق تاس جولىن قاتىناس تاسىمال تاراۋىنىڭ نىسان جوسپارىنا ەنگىزىپ، ءبىر تۇتاس ىركىلىسسىزدەندىرەمىز».
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
