- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قالا مەن اۋىل ءتىپتى دە كورىكتەنە ءتۇستى
- جەلىجۇزى قالاشىعىنىڭ قالا - قالاشىقتانىپ دامۋى جونىندە
2015.10.21 14:40
قۇلجا اۋدانىنىڭ جەلىجۇزى قالاشىعىنا بارا قالساڭىز وسىزاماندانعان قالا رايونى قۇرىلىسى، جاسىل بەلدەۋلەر، تازا دا رەتتى شارۋالار شاتتىعى كوشەسى، كەڭ دە تەگىس اۋىل – قىستاق جولدارى، جاسىل جەلەككە ورانعان تۇرعىندار اۋلاسى ... اتىراپتاعى كوركەم كورىنىستەر مەن جاڭالىققا تولى «كورىكتى قالا – اۋىل» مەن مۇندالايدى.
«جاڭاشا قالا – قالاشىقتاندىرۋ قۇرىلىسىنىڭ ەمدەۋ، وقۋ – اعارتۋ سياقتى ساپالى قوعامدىق بايلىعى مەن الەۋمەتتىك قىزمەت وتەۋىنەن كوپتەگەن ادام يگىلىكتەنەدى، كورىكتى قالا – اۋىل قۇرىلىسى ارقىلى ەكولوگيا مەن تۇرمىس ورتاسىن جاقسارتۋ، ساياحات كاسىبى مەن 3 – كاسىپتىڭ دامۋىن ىلگەرىلەتۋ – ورتالىق قالا – قالاشىقتى دامىتۋدىڭ باعىتى». سوڭعى جىلداردان بەرى، قۇلجا اۋداندىق پارتكوم مەن ۇكىمەت اۋدان قالاشىعى – جەلىجۇزى قالاشىعىن دامىتۋدا باستان – اياق وسى وي جەلىستى ارقاۋ ەتتى.
دامۋ ستيلگە قاتىستى
جەلىجۇزى قالاشىعىنىڭ جەر اۋماعى 42 شارشى كيلومەتر بولىپ، وعان 6 تۇرعىندار كوميتەتى مەن 6 اكىمشىلىك قىستاق قارايدى، ۇيعۇر، حانزۋ، قازاق، حۇيزۋ سىندى 14 ۇلتتان قۇرالعان 43 مىڭ 761 تۇراقتى جان سانى، 23 مىڭ 822.9 مۋ ەگىستىك جەرى بار، جاراتىلىستىق شارت – جاعدايى مەن جاعراپيالىق ورنى تاماشا، قاتىناسى قولايلى. سوڭعى جىلداردان بەرى جەلىجۇزى قالاشىعى «كورىكتى قالا – اۋىل» قۇرىلىسى اياق الىسىن بەلسەنە جەدەلدەتىپ، قىستاق بەت – بەينەسىن جاقسارتۋدا بولسىن، الدە حالىق تۇرمىسىن قامتاماسىزداندىرۋ، ورنىقتىلىقتى ىلگەرىلەتۋدە بولسىن ءىش پەن سىرتقا تەڭ ءمان بەرىپ، كورىكتى دە باي - باقىتتى جەلىجۇزى قالاشىعىن قۇرۋعا تالپىنۋدا.
پارتيانىڭ بۇقارالىق لۋشيان تاربيەسى مەن امالياتتىق قيمىلى ورىستەتىلگەننەن بەرى قالاشىقتاعى 6 اكىمشىلىك قىستاق پەن 5 الەۋمەتتىك اۋماقتاعى جالپى 15 پارتيا ۇيىمىنان 655 پارتيا مۇشەسى قيمىلعا بەلسەنە قاتىناستى. قالاشىق پارتكومى وبلىستىق پارتكومنىڭ جانە اۋداندىق پارتكومنىڭ ۇيىمداستىرۋ قىزمەتى ءماجىلىسىنىڭ رۋحىن مۇقيات دايەكتى تياناقتاندىرىپ، پارتيا قۇرىلىسى قىزمەتىن ۇزدىكسىز تەرەڭدەتۋدىڭ باياندى مەحانيزمىن قۇرىپ، «ۇشتە جاقسى» پارتيا ياچەيكاسىن، قىزمەت وتەگىش پارتيا ۇيىمىن قۇرۋ قىزمەتىنە بەلسەنە جۇمىلدىرىپ جانە ورنالاستىرۋ جاساپ، نەگىزگى ساتىنىڭ پارتيا قۇرىلىسى قىزمەتىن تىڭعىلىقتى كۇشەيتتى. «22211» سالىستىرماسى بويىنشا قىستاقتاعى ەكى كوميتەتتىڭ باسشىلىق القاسىن سەپتەگەننەن كەيىن ءتۇرلى جوسپار، جوبا، ءتۇزىم سياقتىلار كەمەلدەندى.
پارتيا ىستەرى ءبىلىمى، ۇلتتار ىنتىماعى، ۇشقارىلىقتى الاستاۋ، جوسپارلى تۋىت، شارۋالارعا ءتيىمدى ساياسات سياقتى بىلىمدەردى نەگىزگى مازمۇن ەتىپ، قالاشىقتاعى، قىستاق كوميتەتىندەگى (تۇرعىندار كوميتەتى) پارتيالى كادرلاردى جان – جاقتى تاربيەلەدى جانە ولارعا ۇگىتتەدى. «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت گرۋپپاسىنىڭ پارمەندى باسشىلىعىندا ءارقايسى قىستاقتاعى كادرلار قوسىنىنىڭ باسقارۋ دەڭگەيى ءونىمدى جوعارىلادى.
«ستيل – كۇش- قۋات». قاجىرلى قايرات، تىنىمسىز ەڭبەكتىڭ ارقاسىندا جەلىجۇزى قالاشىعىنىڭ ەكونوميكاسى مەن قوعامى «دامۋ قۇرىلىسى ەڭ تەز»، «ءىرى نىسانداردىڭ ونىمدىلىگى ايرىقشا مول»، «بۇقارا بارىنشا تيىمدىلىككە كەنەلگەن»، «داڭقى شار تاراپتى شارلاعان» دامۋدىڭ التىن داۋىرىنە قادام تاستادى.
ورنىقتىلىقتا ىنتىماققا سۇيەنەمىز
«جاپپاي دوڭگەلەك داۋلەتتى قوعام قۇرۋدا بىردە ـ ءبىر ۇلتتى قاعىس قالدىرماۋ كەرەك». باس شۋجي شي جينپيڭنىڭ ۇلتتار ىنتىماعىنىڭ نەگىزگى ساتىدان كەلگەن تاڭداۋلى ۋاكىلدەرىمەن كەزدەسكەندە ايتقان وسى ءبىر اۋىز ءسوزىن جەلىجۇزى قالاشىعىنداعى كادرلار مەن جۇرتشىلىق كوكەيلەرىندە بەرىك ساقتادى.
جەلىجۇزى قالاشىعىندا حالىق اراسىنداعى كوركەمونەرشىلەر، ۇلتتار ىنتىماعىنىڭ ۇگىتشىلەر اترەتى، بالالار ادەبيەت -كوركەمونەر اترەتى، جاستار فۋتبول كومانداسى مەن قارتتاردىڭ ءان - ءبي ۇيىرمەسى سياقتى كۇشتەردەن ۇيىمداسقان بۇقارالىق مادەنيەت، دەنەتاربيە قيمىل ۇيىمى بار؛ كولەمى ورتا ەسەپپەن 500 شارشى مەتر كەلەتىن شارۋالار كلوبى قازىر ءارقايسى قىستاقتاردا قۇرىلدى، كولەمى 2 مىڭ شارشى مەتردەن اساتىن جىرعالاڭ وزەنى الەۋمەتتىك اۋماعىنداعى كوپ يقۋاتتى قىزمەت وتەۋ بازاسى تۇگەلدەي «توعىز كەڭسە، ەكى مايدان» يقۋات رايونىنىڭ ولشەمى بويىنشا قۇرىلدى.
جەلىجۇزى قالاشىعى باستان - اياق وسى زامانعى مادەنيەتتى جەتەكشى ەتۋدەي رۋحاني وركەنيەت قۇرىلىسىن كۇشەيتۋدى پارتكوم مەن ۇكىمەتتىڭ ماڭداي الدى قىزمەتى رەتىندە مىقتى يگەرىپ، اقپارات دانەكەرلەرىنىڭ قوعامدىق ۇگىت پەن جاماعات پىكىرىنە جەتەكشىلىك ەتۋ رولىن تولىق ساۋلەلەندىرىپ، «ۇلتتار ىنتىماعى»، «ۇشقارىلىقتى الاستاۋ» سياقتى تاقىرىپتارداعى تاربيە قيمىلىن بەلسەنە ورىستەتىپ، ءارقايسى سالا، ءارقايسى كاسىپتەردە كوزگە تۇسكەن العا باسار تيپتەردى كۇش سالا ۇگىتتەپ، اۋىل - قالاشىق تۇرعىندارىن اۋدان دارەجەلى ماڭىزدى قيمىلدار مەن دەنەتاربيە جارىستارىنا قاتىناسۋعا ۇيىمداستىرىپ، مادەنيەت، دەنەتاربيە قيمىلدارىمەن بىرلەستىرە وتىرىپ الۋان فورماداعى ۇلتتار ىنتىماعى تاربيەسى قىزمەتىن ورىستەتىپ، ۇلتتار ىنتىماعى العا باسارلىعىنداعى «كلەتكا ينجەنەرياسىن» كۇش سالا اتقاردى؛ «قوس بەستە جاقسى» ورىن قۇرۋ مەن «ءتورت سۇيىسپەنشىلىك» سياقتى قيمىلداردى ىشكەرىلەي ورىستەتتى. كەڭ كولەمدە ۇگىت جۇرگىزۋ ارقىلى بۇقارانىڭ ۇلتتار ىنتىماعى تانىمىن جوعارىلاتىپ، وبلىس، اۋدان ەكى دارەجەلى، مەملەكەت دارەجەلى ۇلتتار ىنتىماعىنداعى ۇلگىلى ورىن قۇرۋ قىزمەتىنە بەلسەنە ۇلەس قوستى.
جەلىجۇزى قالاشىعى قۇلجا اۋدانىنا قارايتىن ماڭىزدى قالاشىق بولىپ، ساقشى ىستەرى كەڭسەسىن نەگىزگى كۇش ەتكەن قىستاقتا (الەۋمەتتىك اۋماق) تۇراتىن قىزمەت گرۋپپاسى، ۋنيۆەرسالدى وڭاۋ قىزمەت گرۋپپاسى، جوسپارلى تۋىت قىزمەت وتەۋ پۋنكتى، كوشە (ءمالى) باستىعى، ءتورت ءتۇرلى قارتتار سياقتى نەگىزگى ساتىداعى توپتىق وڭاۋ، توپتىق ساقتانۋ كۇشتەرى بەلسەنە سايكەسىپ، جىلجىمالى حالىق سانىنا ساپالى قىزمەت وتەدى. «ەكى جاعىن مىقتى يگەرۋ، ەكى جاعىن تەڭ باسقارۋداي» جىلجىمالى جان سانىنا قىزمەت وتەۋ مەن باسقارۋ سايكەستىرىلگەن قىزمەت مەحانيزمىن ورناتتى. «ءتورت دارەجەلى جۇلگە» فورماسىن اتقارۋ ارقىلى «369» شەكتى ۋاقىت قىزمەت زاڭىنىڭ تياناقتانۋىنا شىنايى كەپىلدىك ەتتى.
جاراسىمدىلىق جۇرت جۇرەگىنە ۇيالادى
« تۇرعىنداردى اۋىل قاسىرەتىن ەستە ساقتاپ، تاۋ – وزەندەردى كورە الاتىن ەتۋ»، «نەگىزگى ساتى كادرلارى جاقسى ادام بولۋ، نەگىزگى ساتى ۇيىمى جاقسى ءىس ىستەۋ»، «تۇتىنۋ كومەسكى كۇشىن اشىپ، تۇتىنۋدىڭ ەكونوميكانىڭ دامۋىنداعى نەگىزدىك رولىن ۇزدىكسىز ساۋلەلەندىرۋ» ... ءار رەت راديو – تەلەۆيزيا پروگراممالارىنان ورتالىق پەن اۆتونوميالى رايوننىڭ ءار دارەجەلى پارتكومدارىنىڭ وڭاۋ شارالارىن تىڭداپ، گازەت – جۋرنالداردان پارتيا مەن ۇكىمەتتىڭ حالىققا تيىمدىلىك جاساۋ جاڭا ساياساتىن كورەمىز، جەلىجۇزى قالاشىعىنداعىلار بۇعان سونشاما تانىس، سونشاما جاقىن، ورتالىقتىڭ رۋحى جەلىجۇزى قالاشىعىنداعىلاردىڭ توڭىرەگىندە تۋىلىپ جاتقان وزگەرىستەرمەن سونشاما بىتە قايناسقان.
ورتا تازالىعى جاعدايى بارىنشا جاقساردى. «اۆتونوميالى رايوننىڭ اۋىل – قىستاق ورتاسىن وڭاۋ نىسانىنىڭ» قولداۋىندا، ءارقايسى قىستاق تازارتۋ قۇرىلعىلارى مەن قاجەتتى ماشينالاردى سەپتەپ، قوقىر – قوقسىق جەتكىزۋ ونىمدىلىگىن ونان ارى جوعارىلاتىپ، اۋىل – قىستاق ورتا تازالىعى جاعدايىن شىنايى جاقسارتىپ، قالا – اۋىل قىزمەتىن ۇشتاستىرۋ ءبولىمىنىڭ ورتاسى تازا اۋدان، قالاشىق، قىستاقتارىنىڭ «ءۇش ءتۇرلى ءىستى باسقارماۋ» كونە بەت – بەينەسىن وزگەرتتى.
بيىل جوعارى دارەجەلى ورىننىڭ قارجىسىنا بەلسەنە قول جەتكىزىلۋ جانە قارجى جيۋ ارقىلى 16 كيلومەترلىك جولعا ماي جاتقىزۋ، 72 كيلومەتر جولعا جول شىراعىن ورناتۋ، 16 كيلومەترلىك اۋلانى سۋمەن قامداۋ توعانىن قازۋ، 25 كيلومەتر جەرگە قۇبىر سۋىن جەتكىزۋ، 600 مەترلىك ەگىستىك توعانىن قازۋ جۇمىسى ورىندالدى. استىق ەگۋ قوسىمشا قاراجاتى، اۋىل شارۋاشىلىق ماشينالارىن ساتىپ الۋ قوسىمشا قاراجاتى، شارۋالاردى وتىرىقتاندىرۋ ارقىلى حالىقتى اۋقاتتاندىرۋ سياقتى ءبىر قىدىرۋ حالىققا تيىمدىلىك جاراتۋ ساياساتى تياناقتاندىرىلىپ، قالاشىق پارتكوم حالىق بۇقاراسى اڭىس ەتكەن تولعاقتى، قيىن ماسەلەلەردەن ءار جىلى كەم دەگەندە 8 ءىن شەشۋ جونىندە ۋادە بەردى. ءاربىر قىستاق تا حالىق بۇقاراسى ايرىقشا مۇقتاج ناقتى ىستەن كەم دەگەندە ءبىر ءىس ىستەدى. حالىق بۇقاراسى رازى بولماعان ىستەرى مەن تالاپتارى جونىندە «ەكى دارەجە بويىنشا ورىنداۋ» ۇلگىسى بەلگىلەندى، ياعني اۋداننىڭ حالىق بۇقاراسىنىڭ قىزمەتىن باسقارۋ ورتالىعىندا ارىز – ارمان قىزمەتىنە 2 ارناۋلى كادر سەپتەلىپ، سول رايونعا قاراستى حالىق بۇقاراسىن قابىلداۋعا جاۋاپتى ەتىلىپ، تىزىمگە الدىرۋ، بىتىرۋگە تابىس ەتۋ قىزمەتى ويداعىداي ىستەلدى. قالاشىق ورگاندا ارىز – ارمان قابىلداۋ ءتۇزىمى ورناتىلىپ، باسشىلىق القا مۇشەلەرى ءوزى ارىز – ارمان قابىلداپ، قىستاققا بارىپ ارىز – ارمان ىستەرىن ءبىتىرۋى قالىپتى جاعدايعا اينالدى.
اۋداندىق پارتكوم جەتەكشىلىك ەتكەن جاڭادان جەتىلگەن ەڭبەككۇشتەر مەن جەرى جوق شارۋالاردى قىسقى ەڭبەككۇش تەحنيكاسىن جەتىلدىرۋ كۋرسى مەن يگىلىك جاراتۋ كۋرسىنا ۇزدىكسىز قاتىناستىرۋ ارقىلى، قالاشىقتىڭ وڭتۇستىك قالا كاسىپتەر باقشاسىنا تومەن دارەجەلى جۇمىسشىلاردان 3 مىڭنان استامى ازىرلەنىپ، جەرى جوق شارۋالارعا كاسىپتەنۋ ورايىن ازىرلەدى.
كاسىپتەندىرۋ تولىمدىلىق كۋالىگىنە يە بولعان كۋرسانتتارعا ۇزدىكسىز جەتەكشىلىك ەتىلۋ ارقىلى يگىلىك جاراتۋ قابلەتى مەن يگىلىك جاراتۋ تىلەگى بارلارعا قارجىلاي قولداۋ كورسەتىلىپ، ءوز الدىنا يگىلىك جاراتۋ سالىستىرماسى بارىنشا جوعارىلاتىلدى، جىلىنا 13 ميلليون يۋاننان استام يگىلىك جاراتۋ شاعىن سومالى كەپىلدىكتى قارىز اقشا تاراتىلۋ ارقىلى كاسىپتەنۋ تىلەگى بار 300 دەن استام قيىنشىلىعى بار بۇقارانىڭ يگىلىك جاراتۋىنا كومەك بەرىلدى، كاسىپتەندىرۋگە كومەك بەرۋ قاراجاتىنان بوساتىلعان 400 مىڭ يۋان قاراجات ارقىلى 80 ادامنىڭ جەكەشە تيجارات جۇرگىزىپ يگىلىك جاراتۋ ارمانى ورىندالدى. يگىلىك جاراتۋ ارقىلى كاسىپتەندىرۋدى جەبەۋ ونىمدىلىگى كورنەكتىلەندى، وسى جىلى ءبىرشاما ورنىقتى كاسىپكە ويىسقان ەڭبەككۇش 5 مىڭ 297 ادام – رەتكە جەتىپ، «جاقىن ماڭدا، سول ارادا كاسىپتەندىرۋ» جۇزەگە اسىرىلىپ، ەڭبەككۇشتەردى ويىستىرۋ قالا – قالاشىقتاندىرۋدىڭ دامۋىن جەدەلدەتۋدەگى بەلسەندى ونىمدىلىگى ارتتىرىلدى.
شارۋالار ساياجايى كاسىبىن جەتەكشى ەتكەن ساياحات ىستەرىنە قىزمەت وتەۋ كاسىبىنىڭ دامۋى ايتارلىقتاي بولدى. قازىر 3 جۇلدىز دارەجەلى ولشەمگە جەتكەن 12 شارۋالار ساياجايىنىڭ، 35 ەرەكشەلىككە يە ساياجايدىڭ ساياحاتشى قابىلداۋ قۋاتى مىڭ ادامنان استى.
شارۋالاردىڭ ادال ەڭبەگى ارقىلى كەلگەن اقشا، ولاردىڭ جۇزىنە شاتتىق سيلادى، بۇرىنعى بويكۇيەزدىك پەن توعىشارلىق كەلمەسكە كەتىپ، «ساياسات ويداعىداي تياناقتانىپ، شارۋالار باقىت قۇشاعىنا شومىپ، كۇن كورىس اناعۇرلىم جاقسارا ءتۇستى».
«اۆتونوميالى رايون دارەجەلى ۇزدىك تىنىش قالاشىق» اتاعىنا يە بولۋ نەگىزىندە، جەلىجۇزى قالاشىعىنىڭ 1 – بانىندەگىلەر «مەملەكەت دارەجەلى ەكولوگيالىق قالاشىق» قۇرۋ جولىمەن ءجۇردى، ولار وسى ارىنىنان قايتپاي، تىڭ قامال الۋعا ۋادە بەردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
