- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەكەس اۋدانى بۇقارانى كۇن ىلگەرى جىلۋمەن قامداۋعا كەپىلدىك ەتتى
2015.10.23 13:40
ۇستەگى جىلى تەكەس اۋدانىنىڭ اۋا تەمپەراتۋراسى بىردە جىلىپ، بىردە سۋىپ، اۋارايى توتەنشە قالىپسىز بولدى. ءتىپتى، مۇنىڭ ىقپالى تەكەس اۋدانىنداعى ءار ۇلت حالقىنىڭ ءوندىرىسى مەن تۇرمىسىنا بەلگىلى دارەجەدە كەرى ىقپالىن جەتكىزدى. مىنە وسى جاعدايدى ەرتە ەسكەرگەن تەكەس اۋدانى جىلۋمەن قامداۋ پۋنكتتەرىن ەرتە ىسكە قوسىپ، ءار ۇلت حالقىن كۇن ىلگەرى جىلۋ مەن قامداپ، تۇرمىسىن بارىنشا قامتاماسىز ەتتى. ۇعىسۋىمىزشا، قازاننىڭ 16–كۇنىنەن بۇرىن تۇتاس اۋدان بويىنشا جىلۋمەن قامداۋ جۇيەسى وڭىرلەر بويىنشا تولىق ىسكە قوسىلىپ بولادى ەكەن. قازىرگە دەيىن اۋدان بويىنشا 14 جىلۋمەن قامداۋ پۋنكتى قۇرىلىپ، جىلۋ مەن قامداۋ قۇبىرلارى جاڭادان وتىرىقتانعان تۇرعىندار رايونىنا دەيىن تولىعىمەن تۇتاسىپ، بۇقارانىڭ جىلىنۋ قاجەتى تولىق قامتاماسىزداندىرىلدى. بۇل اۋدان الداعى ەكى جىلدان بەرى 2 ميلليون 600 مىڭ يۋان قارجى بوساتىپ، وسى جىلۋ مەن قامداۋ ورىندارىنىڭ نەگىزدىك قۇرىلعىلارىن تىڭنان جاڭالاپ، تولىق كەمەلدەندىرۋمەن بىرگە، الىس ارالىقتان كورۋ، باقىلاۋ - تەكسەرۋ اسپابى مەن توراپ ارقىلى باسقارۋ اپاراتىن ورناتىپ، جىلۋمەن قامداۋدى وسىزاماندانعان تەحنيكامەن باسقارۋ جۇيەسىن جاپپاي جۇزەگە اسىردى. بۇل جونىندە تەكەس اۋدانى حىحى تۇرعىندار شاعىن رايونىنىڭ تۇرعىنى ۋاڭشىڭ تىلشىگە: قازىر اۋارايى تۇتقيىل وزگەرىپ، كۇن بارعان سايىن سۋىتا باستادى. بيىل اۋدانىمىز جىلۋدى ەرتە تاراتىپ، كوڭىلىمىزدى ورنىقتىردى. ەندى ءبىز ەشتەڭەدەن الاڭدامايتىن بولدىق، پارتيا مەن ۇكىمەتتىڭ بۇل قامقورلىعىنا مىڭ دا ءبىر العىسىمىدى بىلدىرەمىن،- دەدى. سونىمەن بىرگە، بۇل اۋداننىڭ جىلۋمەن قامداۋ ورىندارى باقىلاۋ، تەكسەرۋ، رەمونتتاۋدى نەگىز ەتكەن ءۇش اترەتكە بولىنگەن ارنالى قىزمەت گرۋپپاسىن ىسكە قوسىپ، جىلۋ قۇبىرى مەن سۋ قۇبىرىن ۇنەمى قاداعالاپ تەكسەرىپ، جىلۋ قۇبىرىنىڭ قالىپتى اينالىمعا تۇسۋىنە جەتەكشىلىك ەتۋ مەن بىرگە، ءتۇرلى ءونىمدى شارالار قولدانىپ، 24 ساعاتتىق كەزەكشىلىك ءتۇزىمىن اتقارىپ، توسىن جاعداي تۋىلۋدىڭ الدىن الىپ، دەركەزىندە جىلۋمەن قامداۋعا بارىنشا كەپىلدىك ەتىپتى.
اۋداندىق جىلۋمەن قامداۋ پۋنكتىنىڭ باستىعى شۋە يۋانفىڭ تىلشىگە: ءبىز ەكى جىلدان ارتىق ۋاقىت قۇلشىنىس جاساپ قازىرگە دەيىن ءارقايسى جىلۋ جەتكىزۋ تۇيىندەرىنىڭ نەگىزدىك قۇرىلعىلارىن بارىنشا كەمەلدەندىردىك. بۇرىن نەگىزدىك قۇرىلعىلارىمىز كەمەلسىز بولعاندىقتان قۇبىر جولدارىنان شىققان كىناراتتاردى دەر كەزىندە جوندەۋگە شاراسىز قالاتىنبىز. ال قازىر وسىزاماندانعان باسقارۋ مەن جۇيەگە سالۋ قۇرىلعىلارىن ورناتىپ، باقىلاۋ اسپابى ارقىلى تۋىلعان ماسەلەنى ۋاعىندا انىقتاپ، دەر كەزىندە رەمونتتاپ، جىلۋمەن قامداۋ جۇمىسىنىڭ ءساتتى جۇرگىزىلۋىنە كەپىلدىك ەتىپ كەلەمىز،ـ دەدى. ىرسالى سىلاميا ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
