بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

تارباعاتاي ايماعى ساۋداگەر شاقىرىپ، قارجى ەنگىزۋ مىندەتىن ۇقساس مەزگىلدەگىدەن ٪15 ارتتىردى

التاي ايماعىنىڭ اۋىل شارۋاشىلىق ونىمدەرىنىڭ ەكسپورت ەتىلۋ قۇنى 10 ميلليون يۋاننان استى

2015.11.03 11:01    

  قازاننىڭ 19–كۇنى ساۋان اۋدانىنىڭ جينگوۋحى ۋنيۆەرسالدى ونەركاسىپ باقشاسىندا جىلىنا 600 مىڭ ۇرشىق ءجىپ ءيىرۋ نىسانىنىڭ سالىنىپ جاتقاندىعىن كوردىك.

  شينجياڭ شينتاي توقىماشىلىق شەكتى جاۋاپكەرلىك سەرىكتىگىنىڭ جاۋاپتىسى لي يانشين بىلاي دەدى: ءبىز قازىر زاۆود رايونىندا جول جاساپ، جەر استى قۇبىرى سياقتى نەگىزدىك قۇرىلعىلاردى ورناتىپ جاتىرمىز، بۇل مولشەرمەن قاراشانىڭ ورتا شەنىندە ىسكە قوسىلادى.

  ۇعىسۋعا قاراعاندا، شينجياڭ شينتاي توقىماشىلىق شەكتى جاۋاپكەرلىك سەرىكتىگىنىڭ جىلىنا 600 مىڭ ۇرشىق ءجىپ ءيىرۋ نىسانىنا جالپى ءبىر ميلليارد 200 ميلليون يۋان قارجى قوسىلعان، بۇل نىسان ءۇش مەرزىمگە ءبولىنىپ جۇرگىزىلەدى ەكەن، مۇنىڭ 1–مەرزىمدىك 200 مىڭ ۇرشىق ءجىپ ءوندىرۋ لەنياسى بيىل شىلدەدە جۇمىس باستاعان، بۇعان قازىرگە دەيىن 180 ميلليون يۋان قارجى قوسىلىپ، زاۆود رايونى كەڭسەسى، جاتاق سىندى تۇلعالىق ينجەنەريالاردىڭ ىرگەسى قالانىپ، 60 مىڭ ۇرشىقتىق ءوندىرىس اسپابى قۇراستىرىلىپ، زاۆود رايونىنىڭ تۇلعالى قۇرىلعى قۇرىلىستارى سالىنۋ ۇستىندە ەكەن.

  شاۋەشەك قالاسى باقتى لياۋتا جاڭا رايونىندا سالىنىپ جاتقان شىڭدا كەدەننىڭ باقىلاۋىنداعى قامبا نىسانى ءساتتى جۇرگىزىلۋدە. ۋنيۆەرسالدى كەڭسەنىڭ 4 قاباتى كوتەرىلدى، ازىق ساقتاۋ قامباسىنىڭ تاعانى تەگىستەلىپ، جاي قامبالارعا بولات قۇرىلعىلار ورناتىلىپ، بولىمشە ۇيلەردىڭ نەگىزگى قۇرىلىسى سالىنىپ بولدى.

  شاۋەشەك قالالىق ساۋداگەر شاقىرىپ، قارجى ەنگىزۋ مەكەمەسىنىڭ ورىنباسار باستىعى سۇي يوۋچي بىلاي دەپ تانىستىردى: شىڭدا كەدەننىڭ باقىلاۋىنداعى قامباعا جالپى ءبىر ميلليارد 200 ميلليون يۋان قارجى قوسىلىپ، ماۋسىم ايىندا جۇمىس باستادى، قىركۇيەكتىڭ سوڭىنا دەيىن بۇعان 30 ميلليون يۋان قارجى قوسىلىپ بولدى.

  ۇعىسۋعا قاراعاندا، ورايدى مىقتى يگەرىپ، ساۋداگەر شاقىرىپ، قارجى ەنگىزۋ قىزمەتىن جاپپاي ىلگەرىلەتۋ ءۇشىن بيىل قاڭتاردان قىركۇيەككە دەيىن تارباعاتاي ايماعى ۇلكەن اتىراۋ ءوڭىرىنىڭ، ورتا، باتىس بولەك رايونداردىڭ ساۋداگەر شاقىرىپ، قارجى ەنگىزۋ قيمىلىن ۇيىمداستىرىپ وتكىزىپ، جۇڭگو حالىقارالىق كيىم–كەشەك كورمەسى، سولتۇستىك شينجياڭ باتىس بولەك ءوڭىرىنىڭ توعىسپالى دامۋى جونىندەگى زەرتتەۋ–تالقى ءماجىلىسى، «شي–ان ساۋدا كەڭەسى» جانە «جىبەك جولى كورمەسى»، 2015–جىلعى ازيا–ەۆروپا تاۋار ساۋدا كورمەسى سياقتى ءتۇيىندى كورمە قيمىلدارىنا قاتىناسىپ، جياڭسۋ، شاڭحاي، جىجياڭ، حۋنان، فۋجيان سياقتى جەرلەرمەن بايلانىس جاساپ، كومىر حيميا ونەركاسىبى، توقىماشىلىق، كيىم–كەشەك، مۇناي، مۇناي حيميا، اۋىل شارۋاشىلىق ونىمدەرىن مانەرلەۋ، ساۋدا، زات اينالىمى، ەلەكتروندى ساۋدا سياقتى كاسىپتەردى توڭىرەكتەپ، كوپ ساتىلى، جان–جاقتى ساۋداگەر شاقىرىپ، قارجى ەنگىزۋ قيمىلىن ورىستەتتى.

  تارباعاتاي ايماعى تاعى جۇڭگو مۇناي حيميا ونەركاسىپ توبى، شانشي كومىر حيميا ونەركاسىپ توبى، جۇڭتاي حيميا جارنالىق شەكتى سەرىكتىگى، گۋاڭحۇي توبى سياقتى ايگىلى كاسىپورىنداردى تارباعاتايدى كوزدەن كەشىرۋگە ۇسىنىس ەتىپ، كەڭەس وتكىزۋ ارقىلى ءبىر توپ كاسىپتىك سەلبەستىك نىساندارىن جەبەدى.

  قاڭتاردان قىركۇيەككە دەيىن تارباعاتاي ايماعى ءتۇرلى نىساننان 220 سىن اتقاردى، بۇعان جالپى قوسىلاتىن قارجى 279 ميلليارد 97 ميلليون يۋان، قازىرگە دەيىن 16 ميلليارد 413 ميلليون يۋان قارجى تياناقتانىپ، ۇقساس مەزگىلدەگىدەن ٪15 ارتىپ، جىلدىق نىسانا –مىندەتتىڭ ٪91.18 ى ورىندالدى. كەزەكتەگى نىساننىڭ ىلگەرىلەۋ جاعدايىنان قاراعاندا، بيىل مەجەمەن 18 ميلليارد يۋاندىق مىندەت ورىندالاتىن كورىنەدى.

  ەرىكتى ءتىلشى دۇڭ فاچياڭ التايدان حابارلايدى. تاياۋدا التاي ايماقتىق شەكارادان كىرۋ–شىعۋدى تەكسەرۋ–كارانتيندەۋ مەكەمەسىنەن ۇعىسۋىمشا قازىرگە دەيىن التاي ايماعىنىڭ اۋىل شارۋاشىلىق ونىمدەرى ەكسپورت ەتىلەتىن مەملەكەت پەن رايون 19 عا جەتىپ، تاۋار قۇنى 10 ميلليون امەريكا دوللارىنان اسقان.

  ءبىر كاسىپورىننىڭ ءونىم قامباسىندا قالتاعا قوراپتالعان قىرتىسسىز اسقاباق تۇقىمى، بۇرشاق، شەكىلدەۋىك رەتتى قويىلعان. كاسىپورىن جاۋاپتىسىنىڭ تانىستىرۋىنشا بۇل ونىمدەر نەگىزىنەن التاي ايماعىنداعى اۋدان–قالالاردان، بەيتۇننىڭ ماڭايىنداعى اۋىل–قالاشىقتاردان، تۋان الاڭداردان ساتىپ الىنعان. ناق مايداندا التاي ايماقتىق شەكارادان كىرۋ–شىعۋدى تەكسەرۋ–كارانتيندەۋ مەكەمەسىنىڭ قىزمەتكەرى تەكسەرۋ ولشەمى بويىنشا ىشىندەگى 25 قالتاداعى ونىمنەن ۇلگى الىپ تەكسەرگەن.

  التاي ايماقتىق شەكارادان كىرۋ–شىعۋدى تەكسەرۋ–كارانتيندەۋ مەكەمەسى ۋنيۆەرسالدى كاسىپ ءبولىمىنىڭ باستىعى چۋ چىڭحاي بىلاي دەدى: بيىل ەكسپورت ەتىلگەن اۋىل شارۋاشىلىق ونىمدەردەن قاراعاندا التاي ايماعىنىڭ گۇل ۇرمە بۇرشاعى، ءسۇت گۇل ۇرمە بۇرشاعى، اسقاباق تۇقىمىنىڭ ساپاسى ەكى جاقتىڭ ساۋدا توقتامى تالابىنا ساي كەلدى.

  بۇل توپتاعى تەكسەرۋگە جولدانعان 72 توننالىق، جالپى 2 مىڭ 880 قالتاداعى قىرتىسسىز اسقاباق تۇقىمى التاي ايماقتىق شەكارادان كىرۋ–شىعۋدى تەكسەرۋ–كارانتيندەۋ مەكەمەسىنىڭ تەكسەرۋ تولىمدىلىعىن العاننان كەيىن تيانجين پورتى ارقىلى گوللانديا بازارىنا جەتكىزىلەدى.

  سەرىكتىكتىڭ ورىنباسار باس ديرەكتورى لو جىچياڭ بىلاي دەدى: قازىر ءبىر مىڭ 700 توننادان استام تاۋار جينادىق، بيىل 3 مىڭ توننا شاماسىندا جيناۋدى مەجەلەپ وتىرمىز، مىنا تىزىمدەگى ونىمنەن قامبادا 200 نەشە تونناسى بار، تەكسەرۋ–كارانتيندەۋ مەكەمەسىنىڭ تەكسەرۋىنەن وتكەننەن كەيىن وتكەلگە جونەلتىلىپ ەكسپورت ەتىلەدى.

  التاي ايماقتىق شەكارادان كىرۋ–شىعۋدى تەكسەرۋ–كارانتيندەۋ مەكەمەسىنىڭ تەكسەرۋ ساندى مالىمەتىنە قاراعاندا، بيىل قاڭتاردان قازانعا دەيىن التاي ايماعىنىڭ اۋىل شارۋاشىلىق ونىمدەرى 93 رەت ەكسپورت ەتىلىپ، سالماعى 45 مىڭ 190 توننا بولىپ، تاۋاردىڭ قۇنى 10 ميلليون 887 مىڭ امەريكا دوللارىنا جەتىپ، ا ق ش، گەرمانيا، گوللانديا، يتاليا، يسپانيا، برازيليا، تۇركيا، يران سياقتى 19 مەملەكەتكە ەكسپورت ەتىلگەن.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.