- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىس باسشىلارى كۇيتۇن قالاسىندا تەكسەرۋ - زەرتتەۋ جۇرگىزگەندە مىنانى تالاپ ەتتى: نەگىزگى ساتىنىڭ نەگىزدىك قىزمەتىن كۇشەيتىپ، قوعامدىق وڭاۋ قۋاتىن جوعارىلاتايىق
2015.11.04 16:33
ەرىكتى ءتىلشى ياڭ ۋىنجاۋ كۇيتۇننەن حابارلايدى. وبلىستىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى ءانۋار قازاننىڭ 24 - كۇنى كۇيتۇن قالاسىنا بارىپ، كۇيتۇن قالاسىنىڭ جاڭاشا ونەركاسىپتەندىرۋ، ساۋدا، زات اينالىمىن وسىزامانداندىرۋ، نەگىزگى ساتىنىڭ ۇيىمدىق قۇرىلىسى جانە كۇيتۇن راديو ستانسياسىنىڭ كاسىپتىك ستيل ىستىق لەنياسى سياقتى قىزمەتتەرىنە تەكسەرۋ - زەرتتەۋ جۇرگىزدى.
وبلىستىق پارتكومنىڭ تۇراقتى مۇشەسى، كۇيتۇن قالالىق پارتكومنىڭ شۋجيى، كۇيتۇن - مايتاۋ ەكونوميكالىق تەحنيكالىق اشۋ رايونى پارتيا قىزمەتى كوميتەتىنىڭ شۋجيى جيا ي - شىڭ قاتارلىلار تەكسەرۋ - زەرتتەۋدە بىرگە بولدى.
ءانۋار قاتارلى باسشىلار كۇيتۇن قالاسى باتىس باقشا الەۋمەتتىك اۋماعى، باجىسى قورعالاتىن زات اينالىمى ورتالىعى، كۇيتۇن حالىق راديو ستانسياسى جانە كۇيتۇن - مايتاۋ ەكونوميكالىق تەحنيكالىق اشۋ رايونىندا تەكسەرۋ - زەرتتەۋ جۇرگىزدى.
باتىس باقشا الەۋمەتتىك اۋماعىندا ءانۋار تۇرعىندار ءۇشىن اقىسىز پىشاق قايراپ جاتقان زەينەتكەر، كوممۋنيست جاڭ گودۇڭدى كورىپ، اسەرلەنگەنىنەن بىلاي دەدى: ساقا پارتيا مۇشەسى بولعان ءسىز زەينەتكە شىقساڭىز دا قايراتىڭىزدان قايتپاپسىز، قارتتىق رولىڭىزدى ساۋلەلەندىرىپ، تۇرعىندار ءۇشىن جاقسى دا ناقتى ءىس ىستەپ جاتىر ەكەنسىز، بارشا پارتيا مۇشەلەرىنىڭ ۇيرەنۋىنە تاتيسىز. ول قىزمەتكەرلەردەن مىنانى تالاپ ەتتى: قارتتاردىڭ العاباسار ىزگى ىستەرىن ۇگىتتەپ، وڭ ەنەرگيانى بارىنشا تاراتىپ، ءتىپتى دە كوپ ادامنىڭ وسى ساقا پارتيا مۇشەسىن ۇلگى تۇتىپ، بۇقاراعا قىزمەت وتەۋىنە مۇمكىندىك جاراتۋ كەرەك. الەۋمەتتىك اۋماقتىق قىزمەت دوكلادىن تىڭداعاننان كەيىن ءانۋار بىلاي دەپ اتاپ كورسەتتى: الەۋمەتتىك اۋماقتىڭ نەگىزگى ساتى سىندى بازاسىنان ويداعىداي پايدالانىپ، جاستار مەن ورەندەردى تاربيەلەۋ مەن باۋلۋدى كۇشەيتىپ، «ۇشقارىلىقتى الاستاۋ» قىزمەتىن ىشكەرىلەي ورىستەتىپ، ءدىني ۇشقارى يدەيانىڭ جالبىزبالاپ كىرۋىنەن قاتاڭ ساقتانۋ كەرەك.
كۇيتۇن حالىق راديو ستانسياسىندا ءانۋار «كۇيتۇن حالىق راديو ستانسياسىنىڭ يقۋات جانە ارەكەت ستيلى قۇرىلىسى» اتتى باعدارلاماسىنىڭ تارالۋ بارىسىن ەكسكۋرسيالاپ، «ارەكەت ستيلى بەتپە – بەت» ەكران باعدارلاماسىن كورگەننەن كەيىن بىلاي دەدى:«كۇيتۇن حالىق راديو ستانسياسىنىڭ يقۋات جانە ارەكەت ستيلى قۇرىلىسى» باعدارلاماسى - پارتيا مەن ۇكىمەتتىڭ حالىق بۇقاراسىمەن بايلانىس ورناتۋىنداعى كوپىر جانە دانەكەر، ءتىلشى – رەداكتور، دەكتورلارعا زاڭ، زاڭ – ەرەجە جانە ساياسات تاربيەسىن كۇشەيتىپ، ولاردىڭ تۇلعالىق ساپاسى مەن ساياسات ورەسىن ۇزدىكسىز جوعارىلاتىپ، ءار ۇلت بۇقاراسىنا ءتىپتى دە ويداعىداي قىزمەت وتەۋ كەرەك.
كۇيتۇن قالالىق ءتارتىپ تەكسەرۋ كوميتەتىنىڭ باقىلاۋ مەكەمەسىندە ءانۋار بارشا ءتارتىپ تەكسەرۋ كادرلارىنا امانداسىپ، كوپشىلىكتەن وزىندىك ساپا مەن قابىلەت ورەنى اناعۇرلىم جوعارىلاتىپ، كۇيتۇن قالالىق پارتكومنىڭ وزەكتى قىزمەتىن توڭىرەكتەپ، ءتۇرلى قىزمەتتى جاۋاپكەرلىكپەن ورىستەتۋدى ءۇمىت ەتتى. سونىمەن بىرگە ول مىنانى اتاپ كورسەتتى: ءتارتىپ تەكسەرۋ كادرلارى پارتيانىڭ ادال قورعاۋشىلارىنان بولىپ، ادال بولۋ، قىزمەت مىندەتىن اتقارۋ، جاۋاپكەرلىك ارقالاۋ ولشەمىنە ساي، وزىندىك قۇرىلىستى كۇشەيتىپ، قوعامنىڭ ورنىقتىلىعى مەن دامۋى ءۇشىن ۇلەس قوسۋى كەرەك.
اڭگىمە ماجىلىسىندە ءانۋار جيا ي – شىڭنىڭ كۇيتۇن قالاسىنىڭ ەكونوميكاسى مەن قوعامىنىڭ دامۋى، ورنىقتىلىقتى قورعاۋ، پارتيا ستيلى، پاكتىك قۇرىلىسى جاۋاپكەرلىك ءتۇزىمىن تياناقتاندىرۋ جونىندەگى قىزمەت دوكلادىن تىڭداعاننان كەيىن كۇيتۇن قالاسىنىڭ قول جەتكىزگەن ناتيجەلەرىن تولىق تۇراقتاندىردى. ول مىنانى اتاپ كورسەتتى: بۇقارانىڭ مۇددەسى ماڭىزدى ءىس، ءار دارەجەلى پارتكوم مەن ۇكىمەت نەگىزگى ساتىنىڭ نەگىزدىك قىزمەتىن كۇشەيتىپ، پارتيانىڭ بيلىك جۇرگىزۋ نەگىزىن بەكەمدەۋ كەرەك. ەكونوميكالىق قۇرىلىس جاعىندا «ءبىر بەلدەۋ، ءبىر جول» ستراتەگياسىمەن ۇشتاستىرىپ، ەرەكشە كاسىپتەردىڭ دامۋىن جەبەپ، جوعارى قوسىمشا قۇن جاراتىپ، جوعارى ءونىم ءوندىرىپ، جاسىل ءتۇستى، ورتانى قورعايتىن كاسىپتەردى ورنالاستىرىپ، كۇيتۇن قالاسىن قونىستانۋعا، كاسىپتەنۋگە قولايلى وسى زامانعى قالا ەتىپ قۇرۋ كەرەك. سونىمەن بىرگە ول مىنانى باسا دارىپتەدى: قوعام ورنىقتىلىعىن كۇشەيتىپ، ارىز – ارمان قىزمەتىنىڭ ءتيىمدى جولىن قاراستىرىپ، ءتۇرلى قايشىلىق پەن داۋ - شاردى شەشىپ، قوعامدى جونگە سالۋ قۋاتىن ۇزدىكسىز جوعارىلاتىپ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ قىزمەتىن كۇش سالا كۇشەيتۋ كەرەك.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
