- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۇن نۇرىنان پايدالانىپ ەلەكتر تاراتۋ نىسانى جاڭا ەنەرگيا ءوندىرىسىنىڭ دامۋىن تەزدەتتى
2015.11.05 13:28
كۇن نۇرى، اۋا جانە سۋ ادامزاتتىڭ تۇرمىسىنا تىكە قاتىستى. بۇگىنگى كۇندە كۇن نۇرى كوكتوعاي اۋدانىنىڭ تازا ەنەرگيا ءوندىرىسىن دامىتۋ وبيەكتىسىنە، سۋ كۇشى مەن جەل كۇشىنەن كەيىنگى ەلەكتر وندىرەتىن جاڭا ەنەرگيا كوزىنە اينالدى.
جۋىقتا شاكۇرتى قالاشىعىنان سەگىز كيلومەتر قاشىقتىقتاعى جازىققا ىرگە تەپكەن گوليان كۇن نۇرى ارقىلى ەلەكتر تاراتۋ پۋنكتىندە كۇن نۇرىن قابىلداۋ تاقتاسى قاز–قاتار قويىلعانىن كوردىك.
گوليان كۇن نۇرىنان پايدالانىپ ەلەكتر تاراتۋ پۋنكتىنىڭ جاۋاپتىسى ليۋ ۋي: «پۋنكتىمىز جىل باسىندا ىسكە قوسىلدى، قاڭتاردان قازىرگە دەيىن 30 ميلليون كيلوۆات ەلەكتر تاراتتىق، بۇل نىسانعا 320 ميلليون يۋان قارجى قوسىلعان، جىلىنا مەجەمەن 39 ميلليون كيلوۆات ەلەكتر تاراتامىز ءارى ەلەكتر تاراتۋ نىساناسىن تولىق ورىنداۋعا كۇش سالامىز»،–دەدى.
گوليان كۇن نۇرىنان پايدالانىپ، 30 مەگاۆاتتىق ەلەكتر تاراتۋ ءبىرىنشى مەرزىمدىك قۇرىلىسى مەملەكەت جەر بايلىعى مەكەمەسى، تۇرعىن ءۇي جانە قالا–اۋىل قۇرىلىسى مەكەمەسى، ورتانى قورعاۋ مەكەمەسى سياقتى ورىنداردىڭ بەكىتۋىنەن ءساتتى ءوتىپ، وتكەن جىلى قىركۇيەكتەن باستاپ سالىندى. جياڭسۋ كۋاڭدا كۇن ەلەكترىن دامىتۋ شەكتى سەرىكتىگى جياڭسۋ كۋاڭدا توبى مەن جياڭسۋدىڭ كۇن نۇرىن ەلەكترگە اينالدىرۋ ابزالدىعىنا سۇيەنە وتىرىپ، كوكتوعاي اۋدانىن كۇن نۇرىنان پايدالانىپ، ەلەكتر تاراتۋ نىسانىن دامىتاتىن ءتۇيىندى ءوڭىردىڭ ءبىرى رەتىندە قاراپ، ءبىرىنشى مەرزىمدىك قۇرىلىستا قوندىرعىسىنىڭ سيىمدىلىعى 30MWp لىق كۇن نۇرىن ەلەكترگە اينالدىرۋ پۋنكتىن سالدى. كۇن نۇرىن قابىلداۋ تاقتاسىنىڭ ءاربىرى 240 ۆولتتىق 126 مىڭ دانا كوپ كريستالدى كرەمني باتەرياسىنان قۇرالعان.
ۇعىسۋعا قاراعاندا، بۇل نىسان وندىرىسكە قوسىلعاننان كەيىن جىلىنا 12 مىڭ 244.2 توننا كومىر ۇنەمدەپ، كومىر قىشقىل گازىنىڭ ىعىستىرىلۋىن 36 مىڭ 784.8 توننا ازايتادى ەكەن.
اۋداندىق پارتكوم مەن ۇكىمەت جۋىق جىلداردان بەرى ەكونوميكانىڭ قۇرىلىم ەرەكشەلىگىن تولىق ويلاستىرىپ، كۇن ەنەرگياسىنان ەلەكتر تاراتۋدى جەرگىلىكتى ورىن ەكونوميكاسىنىڭ دامۋىن جەبەيتىن ماڭىزدى شارا ەتىپ، كۇن نۇرىن ەنەرگياعا اينالدىراتىن وزىق ورەدەگى ەلەكتر تاراتۋ پۋنكتىن سالۋعا شىنايى ءمان بەرىپ، ەكونوميكانىڭ ءۇرتىس، اقاۋسىز دامۋىن جەبەدى. مۇقامادي ءشارىپ ۇلى، نۇرداۋلەت بەكەن ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
