- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە وبلىسى ەكولوگيالىق قۇرىلىسقا باسا ءمان بەرىپ، كورىكتى مەكەن قۇرۋعا كۇش سالدى
2015.11.06 14:20
ىلە وزەنى اڭعارىنىڭ تابيعات كورىنىسى كوركەم بولۋمەن بىرگە جاراتىلىستىق بايلىعى دا مول. جاراتىلىستىق بايلىققا بولا ەكولوگيالىق ورتانى ءبۇلدىرۋ كەرەك پە؟ بۇعان ىلە قازاق اۆتونوميالى وبلىسى قاناعاتتانارلىقتاي جاۋاپ بەردى.
ىلە قازاق اۆتونوميالى وبلىسىنا توتە قاراستى ورىنداردا 2013–جىلدان باستاپ موڭعۇلكۇرە، تەكەس، توعىزتاراۋ اۋداندارى مەملەكەتتىڭ ەكولوگيالىق وركەنيەت جاعىنداعى سىناق ءتۇيىنى اۋدانى كولەمىنە كىردى. ولاردىڭ ەكولوگيالىق ورتانى قورعاۋى مەن وسى جاعىنداعى قۇرىلىسى نەگىزگى ورىنعا قويىلىپ، تەكسەرىپ باعالاناتىن بولدى. توعىزتاراۋ اۋدانىنىڭ كولدەنەڭ جايلاۋىن تىنىقتىرىپ، مال باعۋعا تيىم سالعان جەر اۋماعى 88 مىڭ مۋعا جەتتى، بۇل 2 مىڭنان استام مالشىنى شارپيدى. مالشىلاردىڭ كىرىسىنە كەپىلدىك ەتۋ ءۇشىن، بۇل اۋدان جايىلىم ەكولوگياسىن قورعاۋ سيلىق سوماسىن بەرۋ ءتۇزىمىن اتقارىپ، جايلاۋعا مال جايماعان مالشىلارعا قوسىمشا كومەك قاراجات بەرىپ، شاپپالىق ارقىلى مالدىڭ قىستان كۇيلى وتۋىنە مۇمكىندىك جاسادى. قازىر كولدەنەڭ ساياحات كورىنىس رايونىندا ساياحاتقا قىزمەت وتەۋ كاسىبىمەن شۇعىلداناتىن 45 مالشى وتباسى بار، ولاردىڭ جىلدىق كىرىسى 60 مىڭ يۋاننان اينالۋدا. جىل باسىنان بەرى اۋداننىڭ ساياحات كىرىسى وتكەن جىلداعىدان %47 ارتتى.
قازان ايىندا توعىزتاراۋ اۋدانىنداعى كولدەنەڭ ساياحات كورىنىس رايونىنداعى ساياحاتشىلار باياعىسىنشا كوپ بولدى. مالشى قايراتتىڭ اشقان مالشىلار شاتتىعى ساياجايىنا بارعانىمىزدا ول بىزگە: كولدەنەڭ ساياحات رايونى دۇنيە جۇزىلىك مادەني مۇرا تىزىمدىگىنە ءساتتى ءوتىنىش بەرۋمەن بىرگە، مەملەكەتتىك 4A دارەجەلى كورىنىس رايونى بولىپ بەكىتىلگەننەن كەيىن بۇل اراعا كەلەتىن ساياحاتشى جىلداعىدان نەشە ەسە كوبەيدى. وسىعان بايلانىستى مالشىلاردىڭ كىرىسى دە ەسەلەپ ارتتى. قازىر كولدەنەڭ كورىنىس رايونىنىڭ اتىن ەستىپ كەلۋشىلەردىڭ سانى كوبەيگەندىكتەن، ءبىز كۇنىنە 70 دە 80 ساياحاتشى قابىلداپ وتىرمىز، - دەدى.
مەملەكەتتىك 5A دارەجەلى نارات جايلاۋىنداعى ۇزىندىعى 26 كيلومەتر كەلەتىن شينجياڭداعى تۇڭعىش ەكولوگيالىق ساياحات تاس جولى ساياحاتشىلاردى ەرەكشە باۋرادى. قۇرىلىسى ءبىر جىلدا بىتكەن، ەكى جىلدا ەكولوگيالىق ورتاسى قالپىنا كەلگەن وسى ەكولوگيا ءداليزى قاز–قالپىن ساقتاپ، وندا ەشقانداي ورتانى ءبۇلدىرۋ جاعدايى بەلەڭ بەرمەدى. نارات كورىنىس رايونىن باسقارۋ كوميتەتىنىڭ ورىنباسار مەڭگەرۋشىسى حاميت جاقىپبەك ۇلى: ءبىز ۇقساماعان جاعدايعا ساي، ءارقايسى جول بولەگىنە ەكولوگيانى قالپىنا كەلتىرۋدىڭ ءتۇرلى شارالارىن اتقاردىق. مىسالى، تاس جول جاعاسىن اعاشپەن توسىپ، وسى اراعا ۇيلەسەتىن وسىمدىك جامىلعىلارىن ەكتىك، مىنە وسىنداي ۇتىمدى شارالار ارقىلى جولدىڭ ەكى جاعاسىنىڭ ەكولوگيالىق ورتاسىن تەز ارادا قالپىنا كەلتىردىك، بۇل شينجياڭ، ءتىپتى، بۇكىل ەل كولەمىندە دە تۇڭعىش رەت ىستەلگەن ءىس بولسا كەرەك،–دەدى.
ىلە وزەنى اڭعارىنىڭ ەكولوگيالىق ورتاسىن جاقسارتىپ، وبلىس ەكونوميكاسىنىڭ باياندى دامۋىن جەبەۋ ءۇشىن، 2012–جىلدان باستاپ، مەملەكەتتىك ورمان شارۋاشىلىعى مەكەمەسى مەن اۆتونوميالى رايون ىلە وزەنى اڭعارىندا ميلليون مۋلىق ەكولوگيالىق، ەكونوميكالىق ورمان ينجەنەرياسىن اتقارۋدى ۇيعاردى. ىلە وبلىستىق ورمان شارۋاشىلىعى مەكەمەسى پارتگرۋپپاسىنىڭ مۇشەسى، اعا ينجەنەر، تەكسەرىپ–زەرتتەۋشى چىن يۇنحۋا بىلاي دەدى: ميلليون مۋلىق ەكولوگيالىق ورمان ءوسىرۋ ينجەنەرياسى اتقارىلعاننان بەرى ءبىز 234 مىڭ 500 مۋ جەرگە جاساندى جولمەن اعاش ەگىپ، ورمان وسىردىك، بۇعان 200 ميلليون يۋاننان استام قارجى جۇمسالدى. بۇل ينجەنەريانىڭ اتقارىلۋىمەن بيىل ورمانمەن كومكەرۋ سالىستىرماسى 0.4 پايىز جوعارىلادى، 288 مىڭ مۋ جەردەگى جابايى جەمىس ورمانى مەن وزەن اڭعارىنداعى قايتا وسەتىن ورماننىڭ قالپىنا كەلۋى تەزدەپ، 110 مىڭ مۋ ءونىمدى سازدىق قورعالدى.
ءسويتىپ، ىلە قازاق اۆتونوميالى وبلىسى ىلە وزەنى اعارىنداعى 30 نەشە سۋ–ەلەكتر اشۋ نىسانىن كۇشىنەن قالدىرىپ، مەملەكەتتىڭ كاسىپ ساياساتىنا ۇيلەسپەيتىن نىسانداردى بەكىتۋدى شەكتەدى. جاسىل ىشكى ءوندىرىس ءونىم قۇنىن جەر جاعدايىنا قاراي باعالاپ، بۇقارانىڭ ەكولوگيالىق ورتانىڭ تيىمدىلىگىنەن يگىلىكتەنۋىنە مۇمكىندىك اپەردى. بايسۇلتان نۇپتەبەك ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
