بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

قورشامالى جايلىمنان پايدالانۋ جونىندە

جەڭىس كەرىمقان ۇلى

2015.11.11 13:46     كەلۋ قاينارى : شينجياڭ گازەتى

  قورشامالى جايلىم قۇرىلىسىن بەكەمدەۋ − جايلىمدى جاقسارتۋ، جايلىمنان ۇيلەسىمدى پايدالانۋ جانە جايلىمدى عىلمي، جۇيەلى باسقارۋ مەن قورعاۋدىڭ نەگىزى. جايلىمدى قورشاۋ ارقىلى بولەكتەرگە ءبولىپ اۋىسپالى مال باعۋعا، جايلىمداعى زياندى جاندىكتەردى جويۋعا، ءشوپ ۇرىعىن ۇيلەسىمدى مەزگىلدە جيناۋعا، ت.ب كوپتەگەن جايلىم قۇرىلىستارىن ۇزدىكسىز بەكەمدەۋگە، جايلىم مەن مالدىڭ تەپە - تەڭدىگىن ساقتاۋعا، تۇياق كەستى بولۋدىڭ الدىن الۋعا بولادى. سونىمەن بىرگە، شارت - جاعدايى ءبىرشاما جاقسى اق وتتىق جەرلەردەن پايدالانىپ شاپپالىق اشۋعا، جاساندى جايلىمدى قورعاپ، مالعا قاجەتتى جەم - ءشوپ قورى بازاسى مەن ءشوپ ۇرىعى بازاسىن قورعاۋعا بولادى. بۇل وسى زامان مال شارۋاشىلىعىن كوركەيتۋدىڭ باستى مازمۇنى. سوندىقتان، تومەندەگى ىستەردى تىڭعىلىقتى ىستەۋ قاجەت.ءبىرىنشى، جايلىمدى قورعاۋ، جايلىم جامىلعىسىن باپتاۋ قىزمەتىن جاقسى ىستەۋ كەرەك. جايلىمدى قورشاۋ قىزمەتى ىستەلىپ بولعان سوڭ، كوكتەمدە كوك شىققاننان كەيىن، مالدى قورشامالى جايلىمعا جوسپارلى تۇردە اۋىسپالى باعىپ، قاتاڭ قورعاۋ ءتۇزىمىن اتقارۋ كەرەك. كوكتەم - قىس مەزگىلىندەگى مال شوپتەن تارىققان كەزدە، قورشامالى جايلىمنىڭ بارلىعىن قورعاۋ مۇمكىن ەمەس، سول مەزگىلدە مال تابىندارىن ۇيلەسىمدى ورنالاستىرىپ، قورشامالى جايلىمدى قورعاعان ءجون. ويتكەنى كوكتەمدە ءشوپ قىلتيىپ ەندى شىققاندا، ءشوپتىڭ ساباعى الاسا ءارى نازىك بولادى دا، ءار نارسەگە توتەپ بەرۋ قۋاتى ءالسىز بولادى. بۇل − ءشوپتى قورعاپ باپتاۋدىڭ ەڭ نەگىزگى كەزى. وسى كەزدە جاس ءشوپ تاپالانىپ كەتسە، قايتالاي ءوسۋى مەن ۇرىق تاستاۋىنا، ءشوپ ونىمىنە اۋىر نۇسقان جەتەدى. ەگەر قورعاۋ ەرتە جۇرىلسە ءشوپ ءونىمىن ءبىر ەسە ارتتىرۋعا بولادى. ءشوپتىڭ بالاۋسا كەزىندە، مال ءشوپتى تاقىرلاپ جەپ كەتسە، جايلىمنىڭ قايتا جەتىلۋىنە نۇقسان جەتكىزۋدەن سىرت، جايلىمنىڭ تۇياق كەستى بولۋىنا اپارىپ سوعادى. سوندىقتان، قىستاۋ، كوكتەۋ، كۇزەۋ جايلىمدارداعى جايلىم جامىلعىسىنا قاراي، كوكتەم مەن كۇزدە مال سانىن ەرەكشە اسىرۋعا جانە جايلىمنان پايدالانۋ شەگىن %60 تەن اسىرۋعا استە بولمايدى.

  ەكىنشى، جايلىمداعى مال شارۋاشىلىق قۇرىلعىلارىن ۇزدىكسىز بەكەمدەپ، جايلىمنان پايدالانۋ قۋاتىن جوعارىلاتۋ ءتيىس. كوپتەگەن جايلىم الىس شالعاي بولعاندىقتان، ۇساق مال كۇنىنە بارىپ - كەلە الماي، جايلىم پايدالانىلمايدى ءارى سۋى تاپشى، مال سۋاتى بولماۋداي كەمشىلىگى بار. سوندىقتان، مۇنداي جايلىمنان تولىق پايدالانۋدا، ءسوز جوق، مالدىڭ سۋات ماسەلەسىن شەشۋ جانە جايلىمعا قار تۇسكەن مەزگىلدەن پايدالانىپ مال باعۋ كەرەك.

  ءۇشىنشى، جايلىمدى باسقارۋ جانە قورعاۋعا ارناۋلى ادام ورنالاستىرىپ، قورشامالى جايلىمنىڭ بۇزىلعان - قۇلاعان جەرلەرىن دەر كەزىندە جوندەپ وتىرۋ قاجەت. ويتپەگەندە قورشامالى جايلىمىنان ءونىمدى پايدالانۋعا بولمايدى.

  ءتورتىنشى، قورشامالى جايلىمدى جاقسى قورعاپ، ونى اپاتتىڭ الدىن الۋدىڭ ارتقى شەپ بازاسى رەتىندە پايدالانۋ كەرەك. قورشامالى جايلىمدى جايلىم تۇرىنە قاراي، ءبىر ءبولىم

  جامىلعىسى شاپپالىققا ۇيلەسەتىندەرىن شاپپالىق ەتىپ پايدالانىپ، مالدىڭ قىس پەن كوكتەمنەن امان وتۋىندە، زاپاس جايلىم بازاسى ەتۋ قاجەت.ءسويتىپ، مال شارۋاشىلىعىنىڭ باياندى، اقاۋسىز دامۋىن جەدەلدەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.