بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

شاۋەشەك قالاسى مال شارۋاشىلىعىن عىلمي دامىتۋ جولىنا ءتۇسىردى

2015.11.11 13:47     كەلۋ قاينارى : شينجياڭ گازەتى

  ءتىلشىمىز كامالبەك بوقان ۇلى حابارلايدى. شاۋەشەك قالاسى سوڭعى جىلداردان بەرى، وسى زامانعى مال شارۋاشىلىعىن وركەندەتۋدە، باعىمشىلىق كاسىبىن دامىتىپ، عىلىم - تەحنيكالىق قۇرامىن ارتتىرۋ وي جەلىسىمەن مال شارۋاشىلىعى قۇرىلعى قۇرىلىستارىن كەمەلدەندىرىپ، سىرتتان اسىل تۇقىمدى مالداردى كوپتەپ ەنگىزۋدى مالشىلاردىڭ كىرىسىن ارتتىرۋدىڭ ۇزاق مەرزىمدىك ءتاسىلى ەتۋمەن بىرگە، ۇسىنىلىمدى بارىنشا ارتتىرىپ، قوماقتى تابىستارعا قول جەتكىزدى.قالا جايلىم ەكولوگيالىق ورتاسىن قورعاۋ، تىنىقتىرۋ، تۇياق كەستى جايلىمدارعا ءتۇرلى ءشوپ تۇقىمىن ەگىپ شۇرايلاندىرۋداي قىرۋار ءونىمدى قىزمەتتەر ىستەپ، جايلىم ەكولوگياسىن قالپىنا كەلتىردى. ايتالىق، تارباعاتاي تاۋى باۋرايىنداعى تۇياق كەستى بولعان 300مىڭ مۋ جايلىمعا جوڭىشقا ەكتى، 250سۇرلەم ۇراسىن قازدى، 12كاسىپتىك ءىرى مال شارۋاشىلىق باعىمشىلىق الاڭىن، 528مال شارۋاشىلىق كاسىپتىك سەلبەستىك كووپەراتيۆىن قۇردى، سونداي - اق ەگىس داقىلدارىن ەگۋ، جيناۋ، مانەرلەۋ، بازارلاندىرۋ ءبىر تۇلعالانعان ۋنيۆەرسال ءوندىرىس جۇرگىزەتىن ءبىر جەم - ءشوپ مانەرلەۋ زاۆودىن قۇرىپ، مال شارۋاشىلىق ءوندىرىسىنىڭ ىركىلىسىز جۇرىلۋىنە مۇمكىندىك جاسادى.

  قالا مال باسىن ارتتىرۋمەن بىرگە، مال تۇقىمىن دا اسىلداندىردى. قازىرگە دەيىن، ويجايلاۋ، ەكىسۋ، اشىلى سياقتى 3 ورىندا اۆتونوميالى رايون دارەجەلى اسىل تۇقىمدى مال جەتىلدىرۋ ورتالىعىن قۇرىپ، 5000اسىل تۇقىمدى مال ەنگىزدى. بيىل تاعى دا 10مىڭنان استام سيىردى توڭازىتىلعان سفەرمامەن ۇرىقتاندىرىپ، ىشتىلىگىن %95كە جەتكىزدى.

  بيىل شاۋەشەك قالاسى مال شارۋاشىلىق قۇرىلعى قۇرىلىستارىن كەمەلدەندىرۋگە 10ميلليون يۋان قارجى ءبولدى جانە مال شارۋاشىلىق باعىمشىلىق الاڭدارىنا، مال شارۋاشىلىق سەلبەستىك كووپەراتيۆتەرىنە، مال باسى ارتىپ مالى اسىلدانعان وتباسىلارىنا 100ميلليون ءوسىمسىز قارىز اقشا تاراتىپ، مال شارۋاشىلىعىنىڭ وركەندەۋىن جەبەدى. ۇعىسۋعا قاراعاندا، قازىرگە دەيىن بۇل قالادا وندىرىلگەن ەت ءونىمى 61 مىڭ 300تونناعا، ءسۇت ءونىمى 29مىڭ تونناعا جەتكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.