بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ەت پەن ءسۇتتىڭ باعاسى نەلىكتەن تومەندەدى

ءتىلشىمىز ماۋلەن ءسابيت

2015.11.11 14:36     كەلۋ قاينارى : شينجياڭ گازەتى

  وتكەن جىلى كوكتەمنەن بەرى رايونىمىزدا سيىر، قوي ەتىنىڭ باعاسى ءبىرشاما تۇراقتى بولدى، دەسەدە بيىل جىل باسىنان بەرى، سيىر، قوي ەتتەرى باعاسىندا كورنەكتى تولقۋ بولىپ، باعاسى نەداۋىر تومەندەدى. قاتىستى ورىنداردىڭ ساناعىنا قاراعاندا، بيىل 1 - توقساندا اۆتونوميالى رايونىمىز بويىنشا اينالىمعا تۇسكەن سيىر، قوي ەتى 240 مىڭ 800تونناعا جەتىپ، %4.7 ارتقان، مۇنىڭ ىشىندە سيىر ەتى 117 مىڭ تونناعا جەتىپ %3.1، قوي ەتى 124مىڭ تونناعا جەتىپ، %6.2 ارتقان. ءسۇت 341 مىڭ تونناعا جەتىپ، %1.4 ارتقان. اۆتونوميالى رايونىمىزدا سيىر، قوي باعىمشىلىعىنىڭ تۇراقتى دامۋى بازاردى مال شارۋاشىلىق ونىمدەرىمەن قامداۋ ونىمدىلىگىنىڭ جاقسارۋىنا تۇرتكى بولعان. ءبىراق سيىر، قوي باعىمشىلىعىندا بازاردى مالمەن نەمەسە ەت، سۇتپەن قامداۋ جاعدايى جاقسارسا دا سيىر، قوي ەتىن تۇتىنۋدىڭ دەگەندەي بولماي

  وتىرعاندىعى، سيىر، قوي باعاسىنىڭ جالپى بەتتىك تومەن بولۋى سيىر، قوي باعىمشىلىعىنداعى قامداۋ مەن قاجەتسىنۋ اراسىنداعى قاتىناستىڭ وزگەرمەگەندىگىن كورسەتىپ وتىر. سيىر مەن قويدىڭ ساتىلۋ باعاسىنىڭ ۇزدىكسىز تومەندەۋى باقتاشىلارعا ءبىرشاما زياندار الا كەلگەن.

  سيىر، قوي ەتىنىڭ، ءسۇت باعاسىنىڭ تومەندەۋىنىڭ سەبەپتەرى تۋرالى توقتالساق، اۆتونوميالى رايونىمىز بويىنشا سوڭعى 2 جىلدان بەرى بورداقىلانعان سيىر، قوي باعىمشىلىعى بويىنشا ءتۇرلى ءتيىمدى ساياساتتار جولعا قويىلدى ءارى العاشقى ادىمدا ونىمدىلىگى كورىندى. بىرىنشىدەن، سيىر، قوي باعىمشىلىعى بەلگىلى كولەم قالىپتاستىردى. باعىمداعى سيىر مەن قويدىڭ سانى دا كوبەيدى. ماسەلەن، بيىل 1 - توقساندا اۆتونوميالى رايونىمىز بويىنشا وسىمگە قالدىرىلعان سيىر مەن قويدىڭ سانى 46 ميلليون 577 مىڭعا جەتىپ، بىلتىرعى سول تۇستاعىدان %1.3 ارتقان. مۇنىڭ ىشىندە سيىر 4 ميلليون 378 مىڭ 400گە جەتىپ، %1.8كوبەيگەن. قوي 42 ميلليون 199 مىڭعا جەتىپ، %1.2كوبەيگەن. يگىلىككە جۇمسالعان سيىر سانى 696 مىڭ 200گە جەتىپ، %3.1 كوبەيگەن. يگىلىككە جۇمسالعان قوي سانى 8 ميلليون 264 مىڭعا جەتىپ، %4.4 كوبەيگەن. ەكىنشىدەن، اۆتونوميالى رايونىمىز بىرنەشە جىلدان بەرى سيىر، قوي تۇقىمدارىن اسىلداندىرۋعا ءمان بەرىپ، مال تۇقىمىن ساپالىلاندىردى. سيىر، قوي تۇقىمدارىنىڭ %80تەن استامىنىڭ تۇقىمى ساپالىلاندىرىلدى. بۇل قوي، سيىر ەتى مولشەرىنىڭ ارتۋىنا تۇرتكى بولۋمەن بىرگە، ءسۇت مولشەرىنە دە ۇلكەن اسەر جاساعان. ۇشىنشىدەن، اۆتونوميالى رايونىمىز 2 − 3 جىلدان بەرى بازاردى ەتپەن كەڭ كولەمدە قامداپ، باعانى ورنىقتىرىپ، ءار ۇلت حالىق بۇقاراسىنىڭ ەتكە بولعان قاجەتىن قاناعاتتاندىرۋ ءۇشىن سىرتتان سيىر، قوي ەتىن ەنگىزۋ جانە مال اكەلۋ قادامىن جەدەلدەتكەن.

  اۆتونوميالى رايوندىق ساۋدا مەڭگەرمەسىنىڭ ورىنباسار باستىعى بولات ابدۇقادىردىڭ ايتۋىنشا، اۆتونوميالى رايونىمىزدىڭ سىرتتان ەت، مال ەنگىزۋ مىندەتىن ۇستىنە العان شينجياڭ «ەلشىن» ەگىن، مال شارۋاشىلىعى ونىمدەرىن دامىتۋ شەكتى سەرىكتەستىگى بىلتىر گانسۋ، حىبەي، شانشي، شاندۇڭ، ىشكى موڭعۇل سياقتى جەرلەردەن 3280 توننا قوي ەتىن، 800 توننا سيىر ەتىن، 200مىڭ قوي اكەلگەن. شەتەلدەن 593توننا توڭازىتىلعان قوي ەتىن، 516 توننا سيىر ەتىپ كىرگىزگەن. قازىر وسى سەرىكتەستىك ءۇرىمجى قالاسىنداعى 8 ورىننان قوي، سيىر ەتىن تىكە ساتاتىن ارناۋلى دۇكەن اشىپ، قالا تۇرعىندارىن ارزان باعالى سيىر، قوي ەتىمەن قامداي باستاعان. مۇنان سىرت،

  ءۇرىمجى قالاسىنداعى شينجياڭ «حۋاليڭ» ەگىن، مال شارۋاشىلىق عىلىم - تەحنيكاسىن دامىتۋ شەكتى سەرىكتەستىگى ءۇرىمجى قالاسىنىڭ ساندۇڭبي وڭىرىندەگى سويىسحاناسىن جاڭا حۋاليىڭ بازارىنا كوشىرۋ بارىسىندا ءبىر ميلليون يۋان ارناۋلى قارجى قوسىپ، ساۋداگەرلەردىڭ، تۇتىنۋشىلاردىڭ جاڭا ورىنعا كوندىككەنشە ساۋدانى ىلگەرىلەتەتىن الۋان ءتۇرلى قيمىلداردى وزدىرىپ، ءۇرىمجى وڭىرىندەگى سيىر، قوي ەتى بازارىنىڭ تۇراقتىلىعىن ساقتاۋعا قۇلشىنىس جاساعان. بۇل سەرىكتەستىك بيىل اقپان ايىنىڭ سوڭىندا 1500 دانا ءتيىمدى باعالى ەت بەلەتىن تاراتىپ، 6 ورىندا كۇنىنە 6 توننادان كوبىرەك سيىر، قوي ەتىن ءتيىمدى باعادا ساتقان. تۇرتىنشىدەن، جاقىنعى بىرنەشە جىلدان بەرى اۆتونوميالى رايونىمىزدا سيىر، قوي ەتىن تۇتىنۋ جاعدايى دەگەندەي جاقسى بولماعان. ەت ونىمدەرىن مانەرلەيتىن كاسىپورىندار كولەم قالىپتاستىرماعان، ەتتەن مانەرلەپ جاسالعان قوسالقى ونىمدەر از بولعان. بەسىنشىدەن، اۆتونوميالى رايونىمىزدا سويىلىپ، ساتىلىپ جاتقان سيىر، قوي ەتتەرىن وزىندە تۇتىنىپ تاۋىسا المايتىن جاعداي جارىققا شىققان. ءۇرىمجى قالاسىن مىسالعا الساق، ءۇرىمجى قالاسى ۇلكەن سويىسحانالاردا سويىلعان نەمەسە جەكەلەي سويىلعان مال ەتتەرىن ەسەپكە الماعاندا، قازىر بۇكىل قالا بويىنشا 100ورىندا سيىر، قوي ەتىن ارناۋلى ساتۋ دۇكەنىن اشىپ، بازاردى جەتەرلىك ەتپەن قامداۋعا كەپىلدىك ەتكەندىكتەن ەت قالا تۇرعىندارىنىڭ قازىرگى تۇتىنۋ قاجەتىنەن اسىپ كەتكەن. التىنشىدان، ءۇي قۇستارى باعىمشىلىعى بەلگىلى كولەم قالىپتاستىرعان، ءۇي قۇستارىنىڭ تۇقىمى اسىلدانعان. ۇعىسۋىمىزشا، بيىل 1 - توقساندا اۆتونوميالى رايونىمىز بويىنشا ءۇي قۇستارى ەتى ونىمدەرى 39 مىڭ تونناعا جەتىپ، %12.5 كوبەيگەن. جوعارىداعىلار اۆتونوميالى رايونىمىزدا سيىر، قوي ەتىنىڭ، ءسۇت باعاسىنىڭ تومەندەۋىنە سەبەپ بولعان باستى فاكتورلار، بۇل جاعداي كۇندەلىك ازىق - تۇلىك تۇتىنۋ كورسەتكىشىنىڭ تومەندەۋىنە پايدالى بولسادا، ءبىراق مال باعۋمەن شۇعىلداناتىن مالشىلار وتباسىنىڭ بەلسەندىلىگىنە زور ىقپال جەتكىزەدى.

  اۆتونوميالى رايونىمىزدىڭ جەر - جەرىنىڭ جاعدايلارىنا قاراعاندا، سيىر، قوي ەتىنىڭ، ءسۇتتىڭ باعاسىنىڭ تومەن بولۋى بيىل ەگىنشى - مالشىلار كىرىسىنىڭ جوعارىلاۋىنا ءتيىمسىز بولاتىن كورىنەدى. بيىل 1 - توقسانداعى بازار جاعدايىنا ۇڭىلگەندە، مال بورداقىلاپ وتىرعان وتباسىلارىنىڭ بورداقىلاپ بازارعا سالعان سيىر، قويىنىڭ باعاسى بورداقىلاۋدان بۇرىنعى ساتىپ العان باعاسىنان تومەن بولعان، ال ولاردىڭ جەم - شوپكە جۇمساعان اقشاسىن شىعارىپ تاستاعاننىڭ وزىندە %10اينالاسىندا زيان تارتقان. ءسۇت باعاسىنا كەلسەك، بيىل 1 - توقسانداعى ءسۇت باعاسى بىلتىرعى سول تۇستاعىدان %10 تۇسكەن. تەكسەرۋگە قاراعاندا، بىرنەشە جىلدان بەرى ءسۇت ونىمدەرىن وندىرەتىن كاسىپورىندار، جەكە قوجايىندار ءسۇت باعاسىن ءوز الدارىنا شىعارىپ العان، ءسۇت بازارىن باقىلاپ - باسقارۋ ويداعىداي بولماعان، ساۋىنشىلار باعاعا ارالاسا الماعان، كوپ ساندى ساۋىنشىلار مەن ساۋىن سيىر باعاتىن ورىندار تيجارات بارىسىندا كوپ زيان تارتقان. ورتا، شاعىن كولەمدەگى ساۋىن سيىر باعىپ وتىرعان وتباسىلارى جەم - شوپكە اقشاسى جەتپەۋمەن بىرگە، باقتاشىنىڭ اقىسىن دا وتەي الماي ءسۇتتى ارزانعا ساتۋعا ءماجبۇر بولعان.

  اۆتونوميالى رايونىمىز الۋان ءتۇرلى ءادىس - شارالارمەن مال شارۋاشىلىعىن دامىتۋعا كۇش سالىپ جاتقان جاعدايدا، سىير، قوي ەتى باعاسىن، ءسۇت باعاسىن تۇراقتاندىرۋ، بازاردى ەتپەن، سۇتپەن تولىق قامداۋ، سونداي - اق تۇتىنۋشىلاردىڭ، باقتاشىلاردىڭ مۇددەسىنە كەپىلدىك ەتۋ − قازىرگى جانە مۇنان كەيىنگى ماڭىزدى جۇمىس بولماق. قازىر اۆتونوميالى رايونىمىز كولەمىندە سيىر، قوي باعىمشىلىعىنىڭ كولەمى دەگەندەي كەڭەيە الماي وتىر.

  ءداستۇرلى كوشپەلى مال شارۋاشىلىعى سان قۇبىلىپ وزگەرىپ جاتقان بازارعا سايكەسە الماي، مال باعىمشىلىق

  ءونىمنىڭ تۇراقسىز بولۋى سىندى جاعداي قالىپتاسىپ قالدى. سونىمەن بىرگە، ەت، ءسۇت ونىمدەرى مولايسا دا مالشىلاردىڭ قالتاسى قامپايمايتىن جاعداي كورىلدى. بۇل ماسەلەلەردى شەشۋ ءۇشىن، جوعارىدان تومەنگە دەيىن مال شارۋاشىلىعى ونىمدەرىن ساپالىلاندىرۋعا، كولەمدەندىرۋگە، مال شارۋاشىلىق ونىمدەرىن مانەرلەيتىن كاسىپورىندار قۇرۋعا، مال باعىمشىلىعىمەن شۇعىلداناتىن وتباسىلارىن ۋاق - ۋاق بازاردىڭ وزگەرىسىنە، باعا جاعدايىنا قاتىستى حابار - وشارلارمەن قامداۋعا ەرەكشە كوڭىل ءبولۋ قاجەت. اۆتونوميالى رايونىمىزدا باقتاشىلاردىڭ بازاردى باعامداۋ ورەسى تومەن بولۋ، ءوندىرۋ مەن ساتۋ بارىسىندا بازار زاڭدىلىعىنا نازار اۋدارماۋ سىندى جاعدايدى تۇبىرىنەن وزگەرتپەي بولمايدى. سوندىقتان ۇكىمەت تاراۋلارى وسىزاماندانعان حابار - وشار جۇيەسىن قۇرىپ، باقتاشى وتباسىلارىن، باعىمشىلىق كاسىپورىنداردى مال، ءۇي قۇستارى بازارى جاعدايىنان، باعىمشىلىق جاڭا تەحنيكاسىنان، ەت - ءسۇت ونىمدەرىنىڭ كەزەكتى باعا جاعدايىنان مالىمەت بەرەتىن حابار - وشار، ينفورماتسيالارمەن قامداپ، سيىر، قويلاردى يگىلىككە جاراتۋ ۋاقىتىن لايىقتى ورنالاستىرۋىنا، بازارداعى حاۋىپ - قاتەردەن ساقتانۋىنا جەتەكشىلىك ەتۋ قاجەت. بۇدان باسقا ۇكىمەت تاراۋلارى باقتاشىلاردى سۇيەمەلدەۋ شارالارىن ءوز ۋاقىتىندا اتقارىپ، باقتاشىلاردىڭ ءوندىرىس جۇرگىزۋ ءتاسىلىن وزگەرتۋىنە، وڭىرلىك ءتۇس الدىرۋعا، كولەمدەندىرۋگە، كاسىپ سالالاندىرۋعا جەتەكتەپ، شاعىن كولەمدە مال باعۋدان، مال بورداقىلاۋدان وسىزاماندانعان مال باعىمشىلىعىنا ويىسۋىنا مۇمكىندىك جاساۋ؛ قاتىستى تاراۋلار مال باعىمشىلىعىمەن شۇعىلداناتىنداردى جەرمەن، قارجىمەن قامداۋعا كەپىلدىك ەتۋ؛ ءار دارەجەلى ۇكىمەتتەر مال باعىمشىلىعى حاۋىپ - قاتەرىنىڭ الدىن الۋ ءارى مال شارۋاشىلىعىنا لايىقتى قامسىزداندىرۋ شارالارىن اتقارۋ؛ باقتاشىلاردىڭ مال تۇلىكتەرىن اسىلداندىرۋىن مىقتى يگەرىپ، ءونىمى تومەن سيىر، قويدىڭ تۇقىمىن اسىلداندىرىپ، مال باعىمشىلىعىنداعى شىعىن كوپ، ونىمدىلىك تومەن بولاتىن جاعدايدى وزگەرتۋ كەرەك دەپ قارايمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.