- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭعاقتان مول ءونىم الدى
2015.11.12 11:21 كەلۋ قاينارى : شينجياڭ گازەتى
پانيگۇل اۋقىش قىزى حابارلايدى. سوڭعى كۇندەردەن بەرى، تەكەس اۋدانىنا قاراستى قاراتوعاي اۋىلىنىڭ يەنجار قىستاعىنداعى جاڭعاق ەگۋشى كاسىپتىك شارۋا ۋاڭ حۇڭشىڭ قاربالاستىققا ءتۇستى.
بيىل ۋاڭ حۇڭشىڭ 40مۋداي جەرگە جۇقا قابىقتى جاڭعاق ەككەن بولاتىن، قىركۇيەك ايىنىڭ سوڭىنان باستاپ ونىڭ باقشاسىنداعى جاڭعاقتار پىسا باستادى، ول قولعانات شاقىرىپ، باقشاسىنداعى جاڭعاقتارىن قاعىپ، ءبىر جاعىنان قۇرعاتىپ، ەندى ءبىر جاعىنان الارمان ىزدەپ، مول ءونىمنىڭ شاتتىعىنا شومدى. بيىلعى اۋا رايىنىڭ شارت - جاعدايى ءبىرشاما جاقسى، ونىڭ ۇستىنە عىلمي باپتاپ باسقارعاندىقتان، ونىڭ باقشاسىنداعى جاڭعاقتاردىڭ جەمىس بەرۋى ويداعىداي بولدى. ول تىلشىگە: قازىرگى جاعدايدان الىپ قاراعاندا، مول ءونىم الدىم دەسەم دە بولادى، بىلتىر ءبىر توننا جاڭعاق تۇسكەن بولاتىن. بيىل 3 تونناعا جەتەدى، مەجەمەن ءار كيلوگرامىن 40يۋاننان ەسەپتەسەك 120مىڭ يۋانداي كىرىس كىرەدى. جاڭعاق اعاشىن باپتاعاننان بەرى، جىلدان - جىلعا ءونىمى كورنەكتى بولىپ كەلەدى، بۇدان بىلاي وسى كاسىپتى دامىتۋعا كۇش سالامىن،-دەدى.
ۋاڭ حۇڭشىڭ ءار كۇنى جاڭعاقتارىن جايىپ قۇرعاتىپ، ساپاسىنا كەپىلدىك ەتۋمەن بىرگە، توراپتاعى ساتىلۋ جاعدايىنا دا كوڭىل بولەدى. ەرەكشە ءوندىرىستى بارعان سايىن كولەمدەندىرۋ ءۇشىن ۋاڭ حۇڭشىڭنىڭ باستاۋىندا قىستاقتا جۇقا قابىقتى جاڭعاق ەگۋ كاسىپتىك سەلبەستىك كووپەراتيۆى قۇرىلىپ، تەحنيكالىق جولمەن باپتاۋدىڭ ارقاسىندا ونىمدىلىگى كورىلگەننەن كەيىن، جۇرت سەلبەستىك كووپەراتيۆكە بەرىك سەنىم ارتتى.
ۋاڭ حۇڭشىڭ: قازىر ەلەكتروندى ساۋدا تەكشەسى ارقىلى سىرت ورىنداردىڭ تاپسىرىسىن جونەلتىپ جاتىرمىز، بوس بولا قالعاندا توراپقا شىعىپ جاڭعاقتاردىڭ قوراپتالۋ، ساتىلۋ جاعدايىنا نازار اۋدارامىن، بىلتىر «ي - يۋان» جاڭعاعى دەگەن ماركا ءوتىنىش ەتكەن بولاتىنبىز، بىلتىرعى ساتىلىمى جاقسى بولدى، بيىل دا سول نەگىزىندە قوراپتاپ ساتۋ ارقىلى بازارداعى قۇنىن جوعارىلاتا تۇسپەكشىمىز، قازىر سەلبەستىك كووپەراتيۆىمىزدە 60وتباسى بار، بۇدان كەيىن ءوندىرىس كولەمىن كەڭەيتىپ، سەلبەستىك كووپەراتيۆتىڭ رولىن ونان ارى ساۋلەلەندىرىپ، كووپەراتيۆ مۇشەلەرىن يگىلىككە كەنەلتۋمەن بىرگە، جەرگىلىكتى ورىننىڭ ەكونوميكاسىن دامىتۋعا كۇش سالامىز، - دەدى.
بيىل تەكەس اۋدانى ساباعىندا قۇرعايتىن ورىك مەيىزى مەن جۇقا قابىقتى جاڭعاق ەگۋگە باسا ءمان بەرىپ، كولەمىن 1100مۋعا جەتكىزدى. قازىر يەنجار قىستاعىنداعى جۇقا قابىقتى جاڭعاق باقشاسى ءونىم بەرە باستادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
