بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

سۇرلەم ازىقتان پايدالانۋ تەحنيكاسى جونىندە

تۇركىستان قايىسباي ۇلى

2015.11.19 15:33     كەلۋ قاينارى : شينجياڭ گازەتى

  قازىر مالشىلار سۇرلەم جاساۋدىڭ قىرى مەن سىرىن يگەرىپ، مال بورداقىلاپ بازارعا سالىپ، ەكونوميكالىق كىرىس كوزدەرىن اشۋى تاماشا دەڭگەيگە جەتتى. الايدا ءالى دە تەحنيكالىق جۇمىستاردى

  يگەرمەيتىن جايتتەر ءومىر سۇرۋدە. سوندىقتان ءدال قازىرگى سۇرلەم ازىقتى بەرۋ باستالعالى تۇرعان ءارى سۇرلەم باسىپ جاتقان مالشىلارىمىزدىڭ پايدالانۋى ءۇشىن، تومەندەگى ساۋاتتى ۇسىنىپ وتىرمىز.

  1. سۇرلەم باسۋ. تەحنيكالىق ولشەم بويىنشا جاسالعان سۇرلەم 40كۇن توڭىرەگىندە سۇرىلەنىپ بولادى، وسىدان كەيىن - اق مالعا بەرۋگە كەلەدى. سۇرلەمدى مالعا ولشەم بويىنشا ازدان ۇستىنەن باستاپ بەرەدى، ءۇستىن ءبىراق اشىپ الۋعا مۇلدە بولمايدى، كۇندىك قاجەتكە قاراي ءار كۇنى بەرەتىن ازىقتى الىپ سول كۇنى بەرگەن ءجون. سۇرلەمدى العان سوڭ، ۇرانىڭ بەتىن نەمەسە قالتانىڭ اۋزىن مىقتاپ بەكىتىپ جاۋىپ قويۋ، سول ارقىلى سۇرلەمنىڭ ءشىرىپ - كوگەرۋىنىڭ الدىن الۋ قاجەت.

  2. سۇرلەم بەرۋ ءادىسى. سۇرلەمنىڭ سۇرىلەنۋ بارىسى ءسۇت قىشقىلىنىڭ اشۋ بارىسى بولىپ، سۇرلەم ازىقتىڭ قىشقىلدىعى ءبىرشاما زور بولادى. العاش بەرگەندە مال جاقسى جەمەيدى، وعان بەلگىلى ۇيلەسۋ بارىسى قاجەت. العاش سۇرلەمگە ۇيرەتكەندە سۇرلەمدى ازىراق شوپپەن ارالاستىرىپ بەرۋ نەمەسە سۇرلەمدى ءشوپتىڭ استىنا سالىپ بەرسە مال ازدان جەپ ءدامىن الادى، مىنە بۇل سۇرلەمگە ۇيرەتۋ ءادىسى سانالادى. جوعارىداعى ءادىس بويىنشا بىرنەشە رەت ۇيرەتسە، مال وزدىگىنەن جەيتىن بولادى. سۇرلەمگە ۇيرەتكەننەن كەيىن، سۇرلەم بەرۋ مولشەرىن بىرتىندەپ كوبەيتىپ وتىرۋ قاجەت. كۇندەلىكتى سۇرلەم بەرۋدە، ەڭ جاقسىسى، كوك، قۇرعاق ءشوپ نەمەسە جۇگەرى، كەبەك، كۇنجارا سياقتى قۇنارلى ارالاسپا ازىقپەن قامداپ، سۇرلەم ازىقتان پايدالانۋدىڭ شاماسىن ارتتىرۋ ءتيىس. ءار جىلى سۇرلەم بەرگەندە مينەرالمەن، كاليتسيمەن تولىقتاۋعا ءمان بەرگەن ءجون. وسىلاي بولعاندا، قىشقىلدان ۋلانۋدىڭ الدىن الىپ قانا قويماي، سۇيەكتىڭ قورەگى جەتىسپەۋدىڭ الدىن الۋعا دا بولادى. ءسۇتتى سيىردى ساۋعاننان كەيىن سۇرلەم بەرۋ، سوندا ءسۇتتىڭ ءيىسى مەن ساپاسىن قامتاماسىزداندىرۋعا بولادى. سيىرعا سۇرلەم بەرگەندە شىرىگەن، كوگەرگەن ازىق بەرۋدەن ساقتانۋ كەرەك.

  3. ازىق بەرۋ مولشەرى. جاس سۇرلەم جەڭىل، ءىش ايداعىش رولىنا يە، قىشقىلدىعى ءبىرشاما زور، ازىقتى كوپ جەگەندە مالدىڭ وتتاۋى مەن ازىق قورىتۋىنا اسەرىن تيگىزىپ قانا قالماستان، مالدىڭ ءىش تاستاماۋىنا دا پايدالى. جاس سۇرلەمدى قانشالىق مولشەردە بەرۋ − مالدىڭ تۇرىنە، ۇلكەن - كىشىلىگىنە جانە ىشتىلىگىنە قاراپ بەلگىلەنەدى.

  جايشىلىقتا مالعا بەرەتىن كۇندىك ازىق مولشەرى مىناداي: دەنە جۇمىس كولىگىنە 8 − 15 كيلوگرام؛ بورداقىلاناتىن سيىرعا 8 − 10 كيلوگرام؛ بۇقاعا 1 − 1.5 كيلوگرام؛ ءىشتى سيىرعا 4 − 6 كيلوگرام؛ ءبىر ايلىق بۇزاۋعا 100 − 200 گرام؛ 2 ايلىق بۇزاۋعا 200 − 300 كيلوگرام؛ 3 ايلىق بۇزاۋعا 400 − 500 گرام؛ 5 − 6 ايىل بۇزاۋعا 500 − 800گرام؛ 8 − 12ايلىق بۇزاۋعا 2 − 3 كيلوگرام؛ ءسۇتتى سيىرعا 8 − 10 كيلوگرام؛ ەرەسەك قويعا 4 − 6 كيلوگرام؛ قوزىعا 0.5 كيلوگرام بەرىلەدى.

  ازىق قورىتۋى ناشار، ءىشى وتكەن، تۋۋعا تاياعان ەنەلىك مالعا ازىق بەرۋ مولشەرىن قاتاڭ تىزگىندەۋ كەرەك. وعان از بەرۋ نەمەسە بەرمەۋ ارقىلى اۋرۋدىڭ پايدا بولۋى مەن ءىش تاستاۋدىڭ الدىن الۋ ءتيىس. جاڭا سۇرلەم بەرۋدە ءىش وتكەن مالعا از بەرۋ نەمەسە بەرمەۋ، ءىش ءوتۋى توقتاعان سوڭ از مولشەردە بەرسە بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.