- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۇلدىرگەن ەگۋ جونىندە
راۋىل سەرىكباي ۇلى
2015.11.19 15:35
بۇلدىرگەن – روزا تۇقىمداس،ءشوپ تەكتەس جاسىل وسىمدىك. ونىڭ جەمىسى ەرتە پىساتىندىقتان ءارى ءتاتتى، شىرىنى دا مول قورەكتىك قۋاتى كۇشتى، ەكونوميكالىق قۇنى جوعارى بولىپ، شارۋالاردىڭ اۋلا شارۋاشىلىعىمەن شۇعىلدانىپ،كىرىس كوزىن تابۋىنا دا وزىندىك رولىن بايقاتىپ وتىر.
بۇلدىرگەننىڭ بيىك وسە الماۋ جانە تامىرى قىسقا تارالۋ سىندى ەرەكشەلىگىنەن پايدالانىپ، ونى الما نەمەسە باسقا تۇردەگى جەمىس اعاشىنىڭ اراسىنداعى بوس جەرلەرگە ەگۋگە بولادى. بۇل ولاردىڭ گۇل توزاڭدارىنىڭ ءوزارا توزاڭدانۋى ءۇشىن ءتىپتى دە پايدالى. بۇلدىرگەننىڭ توپىراقتى قۇنارلاندىرۋ، ورتانى جاسىلداندىرۋ، ەكولوگيالىق ورتانى تازارتۋ رولى دا وتە كورنەكتى. بۇلدىرگەندى تۇقىمى ارقىلى ەگىپ وسىرۋگە دە، مايساسىن كوشىرىپ ەگۋگە دە بولادى. ەگەر تۇقىمى ارقىلى ەگۋگە تۋرا كەلسە كوكتەمدە توپىراق قىزىعان كەزدە تۇقىم سىڭىرىلەدى. تۇقىمدى ەگۋدەن ءبىر كۇن بۇرىن تازا سۋعا شىلاپ، ونى قۇمعا ارالاستىرعان سوڭ جەردى قاشاپ، توپىراعىن ۇساتىپ، ارالىعى 30- 40 سانتيمەتر، تەرەڭدىگى ءبىر سانتيمەتر بولاتىنداي ەتىپ قازىپ، تۇقىمدى ارىقشاعا سەۋىپ بەتىن 0.5 سانتيمەتر قالىڭدىقتا دىم توپىراقپەن جابامىز. ەگەر مايسا كوكتەۋدەن بۇرىن توپىراق قۇرعاسا كۇنىنە 1-2 رەت سۋ بۇركىپ توپىراقتىڭ دىمقىلدىعىن ساقتاپ ،مايسا جەر بەتىنە تولىق شىققان سوڭ سۋارامىز.
مايسا ەسەيىپ2-3 جاپىراق شىعارعان كەزدە باسقا ورىنعا اۋىستىرىپ ەگۋگە، تاقتاعا الماستىرىپ ەگىلگەن مايسالار كوكتەپ 4-6 جاپىراق شىعارعان كەزدە باقشاعا شىعارىپ ەگۋگە دە بولادى. باقشاعا ەگىلگەن بۇلدىرگەن مايساسى ەكىنشى جىلىنان باستاپ گۇل اشىپ جەمىستەيدى. بۇلدىرگەن مايساسىن ەككەندە توپىراق وتە تەرەڭ بولسا دا وتە تاياز بولسادا بولمايدى. مايسانىڭ ءتۇپ بولىمىندەگى وتىرعى جاپىراق قالقانشاسى وتە مورت بولاتىندىقتان وتە تەرەڭ كومىلسە جەر بەتىنە شىعا الماي ،سەنتىرى وڭاي ءشىريدى. ال وتە تاياز بولسا وڭاي قۋرايدى. كەشتە نەمەسە سالقىن كۇنى توپىراعىمەن بىرگە كوشىرىپ ەكسە اسا ءونىمدى بولادى. العاش ەگىلگەن كەزدە ءار 3-4 كۇندە ءبىر رەت تۇنىق سۋمەن ازداپ سۋارىپ تۇرۋ ءتيىس. ءار جىلى كوكتەمدە بۇلدىرگەن ەگىلەتىن اۋلاداعى قۋراعان جاپىراق پەن شوپتەردى تازالاۋ جانە تىڭايتقىش بەرۋ ،سۋارۋ، ارام شوپتەرىن وتاۋ ،توپىراعىن بوساتۋ جۇمىستارىن ايتارلىقتاي جاقسى ىستەۋگە كوڭىل ءبولۋىمىز كەرەك. مايسا ەگىلىپ كەلەسى جىلى گۇل اشۋ مەزگىلىندە ازوتتى تىڭايتقىشتى نەگىز ەتىپ، بىرنەشە رەت ۇستەمە تىڭايتقىش بەرىلسە، گۇل اشىپ جەمىستەۋ مولشەرى ءتىپتى دە جوعارى بولادى. ءار جولى بەرىلەتىن تىڭايتقىش مولشەرى مۋ باسىنا 20- 25 كيلوگرام بولادى. ۇستەمە تىڭايتقىش بەرگەندە ازوتتى تىڭايتقىشتاردى شاشىپ، فوسفورلى تىڭايتقىشتاردى دابەرسەك ءونىمى ءتىپتى دە جاقسى بولادى.
بۇلدىرگەن ەگىلگەن باقشانى كۇزدە نەمەسە كوكتەمدە مۋ باسىنا 5مىڭ كيلوگرام مولشەرىندە قورا كوڭىن بەرىپ تىڭايتۋ كەرەك. بۇلدىرگەن مايساسى جىلىنا ءنىر رەت،كەيدە 2-4 جىلدا ءبىر رەت ەگىلەدى. جىلىنا ءبىر رەت ەگۋدىڭ جۇمىسى كوپ شىعىمى مول بولادى. سول سەبەپتى 2-4 جىلدا ءبىر رەت ەگۋ ءادىسى ءبىر شاما ۇيلەسىمدى. بۇلدىرگەن مايساسىن كولدەتىپ سۋارۋعا بولمايدى. سۋدى از مولشەرىندە بەرىپ، كوپ رەت سۋارۋ كەرەك. بۇلدىرگەن مايساسى 3-4 جىل عانا ءونىم بەرەدى. سوندىقتان 4-5 جىلدان سوڭ مايسانى جاڭالاۋىمىز كەرەك.
جاڭالاۋدىڭ مىناداي ەكى ءتۇرلى ءادىسى بار: (1) باقشاداعى كونە تۇپتەردى تۇتاس اۋدارىپ باسقا جاڭا مايسا ەگۋ. (2).ءبىر ءبولىم كونەرگەن مايسالاردى الىپ تاستاپ جاڭاسىن قالتىرىپ، كونەرگەن تۇپتەردىڭ ورنىنا جاڭا مايسا ەگۋ ءادىس ارقىلى جاڭالاۋ كەرەك. كونەرگەن مايسانى نەمەسە ساباقتى ۇنەمى جاڭالاپ تۇرماعاندا ساباق قارتايىپ ءونىم ۇزدىكسىز تومەندەيدى. بۇلدىرگەن پىسقاننان كەيىن ۇزاق ۋاقىت ساقتاۋعا كەلمەيتىندىكتەن دەر كەزىندە ءبىر جاقتى ەتۋ كەرەك. ادەتتە0.5 سەلتسي گرادۋستىق سالقىن ورىندا ءبىر شاما ۇزاق ساقتاۋعا بولادى. بۇلدىرگەنگە شاڭ- توزاڭ ، ناسەكومدار كوپ قوناتىندىقتان ونى تازالاپ، سۋىق سۋمەن ابدەن جۋىپ جەۋ كەرەك.
كەلۋ قاينارى: اعاجاي التاي تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
