- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق ۇكىمەت 34 – رەتكى ۇنەمىلىك ىستەر ءماجىلىسىن اشتى
2015.11.20 11:09
قاراشانىڭ 17 – كۇنى وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى اۆتونوميالى وبلىستىق 13 – كەزەكتى حالىق ۇكىمەتىنىڭ 34 – رەتكى ۇنەمىلىك ىستەر ءماجىلىسىن باسقارىپ اشتى. ماجىلىستە «ىلە وبلىسىنا توتە قاراستى ورىنداردىڭ ازىق – تۇلىك حاۋىپسىزدىگى شىرعالاڭىنا شۇعىل توتەپ بەرۋ جوباسى»، «ىلە وبلىسىنا توتە قاراستى قالا – قالاشىق تۇرعىندارىنىڭ سالماقتى اۋرۋىن قامسىزداندىرۋ قىزمەتى جونىندەگى اتقارۋ جوباسى (ۋاقىتشا اتقارىلادى)» قارالىپ ماقۇلداندى ءارى باسقا دا قاتىستى ىستەر كەڭەسىلدى جانە حابارلاندىرىلدى.
وبلىسقا توتە قاراستى ورىنداردىڭ ازىق – تۇلىك حاۋىپسىزدىگى شىرعالاڭىنا شۇعىل توتەپ بەرۋ جۇيەسى مەن اتقارۋ مەحانيزمىن قۇرۋ جانە كەمەلدەندىرۋ، شۇعىل توتەپ بەرۋ، ءبىر جاقتى ەتۋ قىزمەتىن جۇيەلىلەندىرۋ جانە وعان جەتەكشىلىك ەتۋ ءۇشىن وبلىستىق حالىق ۇكىمەتى قاتىستى تاراۋلاردى «ىلە وبلىسىنا توتە قاراستى ورىنداردىڭ ازىق – تۇلىك حاۋىپسىزدىگى شىرعالاڭىنا شۇعىل توتەپ بەرۋ جوباسىنا» وزگەرىس ەنگىزۋگە ۇيىمداستىردى. بۇل «جوبا» وبلىسقا توتە قاراستى وڭىرلەردەگى اۋىل شارۋاشىلىعى ازىقتىق ونىمدەرى ەگىمشىلىگى، باعىمشىلىعى، سونداي – اق ازىق – تۇلىك وندىرىسىندەگى مانەرلەۋ، قوراپتاۋ، ساقتاۋ، تاسىمالداۋ، وتكىزۋ جانە اس - سۋ قىزمەت وتەۋ سياقتى بۋىنداردا تۋىلاتىن ازىق – تۇلىك حاۋىپسىزدىگى شىرعالاڭىنا شۇعىل توتەپ بەرۋ قىزمەتىنە قولدانىلادى. بۇل ازىق – تۇلىك حاۋىپسىزدىگى شىرعالاڭىنان ءونىمدى ساقتانۋ، وعان بەلسەنە توتەپ بەرۋ جانە دەركەزىندە تەجەۋ، شۇعىل توتەپ بەرۋ، ءبىر جاقتى ەتۋ قىزمەتىن جوعارى ونىمدىلىكتە ۇيىمداستىرىپ، ازىق – تۇلىك حاۋىپسىزدىگى شىرعالاڭىنىڭ زيانىن بارىنشا ازايتىپ، بۇقارانىڭ دەنساۋلىعى مەن باس اماندىعىنا كەپىلدىك ەتۋ، قالىپتى قوعامدىق، ەكونوميكالىق ءتارتىپتى قورعاۋ جونىنەن پارمەندى جەتەكشىلىك جانە قولدانىلمالىق سيپاتقا يە.
ماجىلىستە مىناۋ اتاپ كورسەتىلدى: مەملەكەتتىك كەڭەس كەڭسە مەڭگەرمەسىنىڭ «اۋىل – قالاشىق تۇرعىندارىنىڭ قاتەرلى ناۋقاسىن قامسىزداندىرۋدى جاپپاي اتقارۋ جونىندەگى پىكىرى» مەن اۆتونوميالى رايوندىق حالىق ۇكىمەتى كەڭسە مەڭگەرمەسىنىڭ «اۆتونوميالى رايوننىڭ اۋىل – قالاشىق تۇرعىندارىنىڭ سالماقتى اۋرۋىن قامسىزداندىرۋ قىزمەتى جونىندەگى اتقارۋ جوباسىن (سىناق رەتىندە اتقارىلادى) باسىپ تاراتۋ» رۋحىنا ساي، بيىل جىل سوڭىنان بۇرىن سالماقتى اۋرۋدى قامسىزداندىرۋ قالا – قالاشىق تۇرعىندارىنىڭ نەگىزدىك ەمدەلۋىن قامسىزداندىرۋعا قاتىناسقان بارلىق بۇقارانى قامتۋى كەرەك. مەملەكەتتىك كەڭەس پەن اۆتونوميالى رايوننىڭ تالابىن دايەكتى تياناقتاندىرىپ، وبلىسقا توتە قاراستى ورىندارداعى قالا – قالاشىق تۇرعىندارىنىڭ نەگىزدىك ەمدەلۋىن قامسىزداندىرۋ ءتۇزىمىن اناعۇرلىم كەمەلدەندىرىپ، كوپ ساتىلى ەمدەۋدى قامتاماسىزداندىرۋ جۇيەسىن قۇرىپ، اۋىر، ەرەكشە سالماقتى اۋرۋدى قامتاماسىزداندىرۋ ورەسىن ءونىمدى جوعارىلاتۋ ءۇشىن وبلىستىق حالىق ۇكىمەتى قاتىستى تاراۋلاردى ۇيىمداستىرىپ «وبلىسقا توتە قاراستى ورىندارداعى قالا – قالاشىق تۇرعىندارىنىڭ سالماقتى اۋرۋىن قامسىزداندىرۋ قىزمەتىن اتقارۋ جوباسىن (ۋاقىتشا اتقارىلادى)» جاسادى. «جوبادا» وبلىسىمىزدىڭ ەمدەۋدى قامتاماسىزداندىرۋ قىزمەتىنىڭ ءىس جۇزىندىگى تياناق ەتىلىپ، وبلىسقا توتە قاراستى قالا - قالاشىق تۇرعىندارىنىڭ سالماقتى اۋرۋىن قامسىزداندىرۋعا قارجى توپتاۋ ولشەمى، قارجى قاينارى، ءبىر تۇتاس جوسپارلاۋ ساتىسى جانە كولەمى ايقىندالىپ، وبلىسقا توتە قاراستى ورىندارداعى قالا - قالاشىق تۇرعىندارىنىڭ ەمدەلۋىن قامسىزداندىرۋعا قاتىناسقان بارلىق ادامدار قامتاماسىزداندىرۋ وبيەكتسى ەتىلىپ، تۇرعىنداردىڭ سالماقتى اۋرۋىن قامسىزداندىرۋ ەمدەۋ قاراجاتىنىڭ العاش تولەگەن ولشەمىنىڭ 30 مىڭ يۋاننان اسقان بولەگى سالماقتى اۋرۋدى قامسىزاندىرۋ قورىنان سالىستىرما بويىنشا تولەنەتىندىگى كورسەتىلگەن. تولەۋ سالىستىرماسى: 30 مىڭ يۋاننان 100 مىڭ يۋان ارالىعىندا بولسا، تولەۋ سالىستىرماسى%65 تى؛ 100 مىڭ يۋاننان 200 مىڭ يۋان ارالىعىندا بولسا، تولەۋ سالىستىرماسى %75 تى؛ 200 مىڭ يۋاننان جوعارى بولسا، تولەۋ سالىستىرماسى %85 تى يەلەيدى. سونىمەن بىرگە وبلىسقا توتە قاراستى ورىندار ساۋدا سيپاتتى قامسىزداندىرۋ قۇرىلىمدارىنىڭ سالماقتى اۋرۋدى قامسىزداندىرۋىن ۇستىنە الۋىن باقىلاۋ - باسقارۋدى، ەمدەۋ قۇرىلىمدارىن باقىلاۋ - باسقارۋدى كۇشەيتىپ، ينفورماتسياسى جاريالى، قوعامنىڭ كوپ سالاسى قاتىسقان باقىلاۋ - باسقارۋ ءتۇزىمىن ورناتىپ، حالىققا ءتيىمدى وسى ساياساتتىڭ ءادىل دە جاريالى بولىپ، ءونىمدى تياناقتانۋىنا كەپىلدىك ەتپەكشى.
قاتىستى ىستەردى تالقىلاپ، كەڭەسكەننەن كەيىن مانەن زەينەل ۇلى كەزەكتەگى قىزمەتتەردى ويداعىداي ىستەۋ جونىندە ايقىن تالاپتاردى العا قويدى. ءبىرىنشى، «13 - بەس جىلدىق» جوباسىن جاساۋ قىزمەتىنە ايرىقشا ءمان بەرۋ كەرەك. باسشىلىق القا مۇشەلەرى ءوز باسقارۋىنداعى تاراۋلاردىڭ جوبا جاساۋ قىزمەتىنە قايتالاي ورنالاستىرۋ جاساۋى، دامۋ - رەفورما تاراۋلارى قاتىستى تاراۋلار مەن وبلىسقا توتە قاراستى اۋدان - قالالاردىڭ جوبا جاساۋ قىزمەتىنە جەتەكشىلىك ەتىپ، جوبانىڭ قولدانىلمالىلىعىنا كەپىلدىك ەتۋى كەرەك. ەكىنشى، جىل سوڭىنداعى ءتۇرلى قىزمەتتەردى ويداعىداي ىستەۋ كەرەك. باسشىلىق القا مۇشەلەرى جانە ءارقايسى تاراۋلار جىل باسىندا بەلگىلەنگەن ءتۇرلى نىسانا - مىندەتتەر بويىنشا مۇقيات ورنالاستىرۋ جاساپ، ءتۇرلى ءادىس - امالدار ارقىلى ءتۇرلى مىندەتتەردى ساپا مەن ولشەمگە كەپىلدىك ەتە وتىرىپ ورىنداۋى كەرەك. ءۇشىنشى، جىل سوڭىنداعى ءتۇرلى باعالاۋ قىزمەتىن ويداعىداي ىستەۋ كەرەك. باسشىلىق القا مۇشەلەرى مەن تاراۋلار يدەيالىق تانىمدى جوعارىلاتىپ، الدىن الا دايىندىق جاساپ، بەلسەنە سايكەسىپ، ءتۇرلى باعالاۋدان ءساتتى وتۋگە كەپىلدىك ەتۋى كەرەك. ءتورتىنشى، قىس ماۋسىمىنا دايىندالۋ قىزمەتتەرىن ويداعىداي ورىنداۋ كەرەك. تۇرعىن ءۇي جانە قالا - اۋىل قۇرىلىسى، ادام كۇشى بايلىعى جانە قوعامدىق قامتاماسىزداندىرۋ سياقتى تاراۋلاردى بەلسەنە سايكەستىرىپ، قۇرىلىس كاسىپورىندارىنىڭ شارۋا جۇمىسكەرلەرىنىڭ ەڭبەكاقىسىن كەشەۋىلدەتپەۋىنە كەپىلدىك ەتۋ؛ اۋىل شارۋاشىلىعى، مال شارۋاشىلىعى سياقتى تاراۋلار اۋا رايى وزگەرىسىنە باسا نازار اۋدارىپ، قىستىڭ ءتۇرلى دايىندىق قىزمەتتەرىن ويداعىداي ىستەپ، مالدىڭ قىستان امان وتۋىنە كەپىلدىك ەتۋى كەرەك. بەسىنشى، «ۇشتە قاتاڭ، ۇشتە شىنايى بولۋ» ارناۋلى تاربيەسىن جالعاستى تىڭعىلىقتى ورىستەتىپ، وبلىستىق پارتكومنىڭ ءبىر تۇتاس ورنالاستىرۋى بويىنشا «ۇشتە قاتاڭ، ۇشتە شىنايى بولۋ» جونىندەگى ارناۋلى دەموكراتيالىق تۇرمىس جيىنىنىڭ دايىندىق قىزمەتىن ويداعىداي ىستەپ، ارناۋلى تاربيەنىڭ تىڭعىلىقتى دا ءونىمدى ورىستەتىلۋىنە كەپىلدىك ەتىلۋ كەرەك.
وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىقتارى مەي يۇي، جاڭ جۇي، زاكىر زوردۇن، فەي ليميڭ، فىڭ شيننان ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
