- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساۋان اۋدانى تۇڭعىش رەت جولاۋشىلار اۆتوموبيلىنە ارتىق ادام وتىرعىزۋ قىلمىستىق ىستەر دەلوسىن تەكسەرىپ ءبىر جايلى ەتتى
2015.12.15 16:48
جەڭىسحان اسقار ۇلى حابارلايدى.4-جەلتوقساندا ساۋان اۋدانىنداعى ساقشىلار زاڭ بويىنشا جولاۋشىلار اۆتوموبيلىنە ارتىق ادام وتىرعىزۋداي زاڭعا قايشى ارەكەتتى تەكسەرىپ انىقتاپ، اۆتوموبيل يەسى مەن شوفەردى قىلمىستىق ىستەر بويىنشا قولعا الدى. بۇل بيىل 1-قاراشادا « قىلمىستىق ىستەر زاڭىنا وزگەرىس ەنگىزۋ جوباسى (9) » بۇكىل مەملەكەت بويىنشا كۇشكە يە بولعاننان كەيىنگى ساۋان اۋدانى تەكسەرىپ ءبىر جايلى ەتكەن تۇڭعىش رەتكى جولاۋشىلار اۆتوموبيلىنە ارتىق ادام وتىرعىزۋ قىلمىستىق ىستەر دەلوسى سانالادى.
وقيعا تۋىلعان سول كۇنى ساعات 18 دەن 10 مينۋت وتكەن مولشەردە، ساۋان اۋداندىق قوعام حاۋىپسىزدىگى مەكەمەسى شاڭحۋدي ساقشى بولىمشەسىنىڭ حالىق ساقشىلارى قاراستى رايوندارعا كۇندەلىكتى شارلاۋ جۇرگىزۋ بارىسىندا، جەرگىلىكتى ورىنداعى ءبىر جولاۋشىلار اۆتوموبيلىنە لىق تولى ادام وتىرعاندىعىن بايقايدى. حالىق ساقشىلارى جولاۋشىلار اۆتوموبيلىن توقتاتىپ تەكسەرگەندە، بۇل 25 ادامدىق ءىرى تۇرپاتتى جولاۋشىلار اۆتوموبيلىنە 38 ادام وتىرىپ، 13 ادام ارتىق بولىپ، بەلگىلەنگەن ادام سانىنان 52 پايىز اسىپ كەتكەنىن بايقايدى. حالىق ساقشىلارى جولاۋشىلار اۆتوموبيلىندەگى جولاۋشىلاردى دەرەۋ تاراتىپ، قاتىناس ساقشى تاراۋلارىنىڭ تەكسەرۋىنە وتكىزىپ بەرەدى.
تەكسەرۋ بارىسىندا، زاڭعا قايشىلىق جاساعان قىلمىس كۇماندىلارى جي xx پەن لي xx وقيعا تۋىلعان كەزدەگى حالىق ساقشىلارى تۇسىرگەن كەسكىن ماتەريالى الدىندا وزدەرىنىڭ زاڭعا قايشى قىلمىسىن جازباي مويىندايدى.
ۇعىسۋعا قاراعاندا، بۇل جولاۋشىلار اۆتوموبيلى ساۋان اۋدانىنداعى ءمالىم تاسىمال سەرىكتىگىنە تىركەلگەن جەكە جولاۋشىلار اۆتوموبيلى بولىپ، تاسىمال لەنياسى ساۋان اۋدانىنان ليۋماۋۋان قالاشىعىنا دەيىنگى جول بولەگى ەكەن.
4-جەلتوقساندا اۆتوموبيل يەسى جي xx سەنبى كۇندەرى بىرنەشە ادامدى ارتىق وتىرعىزسا ساقشىلار بايقاي قويمايدى دەپ قاراپ، باسى ارتىق پايدانى كوزدەپ، جالعا العان شوفەرمەن اقىلداسىپ، تاۋەكەلگە باسىپ، سول كۇنى تۇستەن كەيىن اۆتوموبيلگە ادام تولتىرىپ العاننان كەيىن، ارناۋلى شاڭحۋدي اۋىلىنا بارىپ، ارتىق 13 ادام وتىرعىزعان. ويلاماعان جەردە شاڭحۋدي اۋىلىنان شىقپاي تۇرىپ قولعا تۇسەدى.
كەزەكتە جي xx پەن لي xx « اۆتوكولىكتى قاتەرلى جۇرگىزۋ قىلمىسىن » وتكىزگەن دەگەن كۇمانمەن ساۋان اۋدانىنداعى ساقشىلار جاعىنان قىلمىستىق ىستەر رەتىندە زاڭ بويىنشا قولعا الىندى.
ەسكەرتۋ: « قىلمىستىق ىستەر زاڭىنا وزگەرىس ەنگىزۋ جوباسىنىڭ (9) » بەلگىلەمەسىنە نەگىزدەلگەندە، جولدا مەكتەپ اۆتوموبيلىن جۇرگىزۋ نەمەسە ساياحاتشىلاردى تاسىمالداۋ كاسىبىمەن شۇعىلداناتىندار بەلگىلەمەگە اۋىر دارەجەدە قايشىلىق جاساپ، ارتىق ادام وتىرعىزسا نەمەسە بەلگىلەنگەن ساعاتتىق جىلدامدىعىنان اسىرىپ ايداسا جانە قاتەرلى حيميالىق زاتتاردى حاۋىپسىز باسقارۋ بەلگىلەمەسىنە قايشىلىق جاساپ، قاتەرلى حيميالىق زاتتاردى تاسىمالداۋ، الەۋمەتتىك حاۋىپسىزدىككە زيان جەتكىزۋ سياقتى قاتىناس حاۋىپسىزدىگىنە اۋىر دارەجەدە زيان جەتكىزەتىن قىلمىستىق ارەكەتتەردى قالىپتاستىرسا، قاتەرلى اۆتوكولىك جۇرگىزۋ قىلمىسى رەتىندە قارالادى ءارى اۆتوكولىكتىڭ يەسى مەن باسقارۋشى دا جوعارىداعىداي قىلمىستىق ارەكەت بولسا، تىكەلەي جاۋاپكەرلىك ارقالاپ، قاتەرلى اۆتوكولىك جۇرگىزۋ قىلمىسى رەتىندە جازالانادى.
كەلۋ قاينارى:ساۋان اۋداندىق مادەنيەت دەنە-تاربيە راديو تەلەۆيزور مەكەمەسى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
