- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
عانيبات سابىكەي ۇلى قاتارلىلار ىلەگە كەلىپ تەكسەرۋ - زەرتتەۋ جۇرگىزگەندە مىنانى تالاپ ەتتى: ەكونوميكانىڭ دامۋىن كوركەم تابيعاتپەن جەبەيىك
2015.12.21 13:10
اۆتونوميالى رايوندىق پارتكومنىڭ تۇراقتى مۇشەسى عانيبات سابىكەي ۇلى قاتارلىلار جەلتوقساننىڭ 17 - كۇنى ىلەگە كەلىپ تەكسەرۋ - زەرتتەۋ جۇرگىزدى، اۆتونوميالى وبلىس ورتانى قورعاۋ قىزمەت جاعدايى جونىندە دوكلاد جاساۋ جيىنىن اشتى. اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى، وبلىستىڭ ورىنباسار باستىعى گاۋ تيانشان، وبلىستىق ساياسي كەڭەستىڭ ورىنباسار ءتوراعاسى ليۋ كىحۋا جانە وبلىستىق ورتانى قورعاۋ مەكەمەسى، دامۋ - رەفورما كوميتەتى سياقتى قاتىستى تاراۋلاردىڭ جاۋاپتىلارى جيىنعا قاتىناستى.
وبلىستىق پارتكوم مەن ۇكىمەت ورتانى قورعاۋ قىزمەتىنە باستان - اياق وسكەلەڭ ءمان بەرىپ، «ەكولوگيالى وبلىس قۇرۋ، ورتانى قورعاۋدى الدىمەن ەسكەرۋ» جانە «ەكى باياندىلىق» ستراتەگياسىن بەلگىلەپ، ەكولوگيالىق وركەنيەتتەن مەملەكەت بويىنشا ۇلگى كورسەتۋ رايونىن قۇرۋدى جەتەكشى ەتۋ ارقىلى بىلعانۋدى تەجەۋ، لاس زاتتاردىڭ ىعىستىرىلۋىن ازايتۋ، ەكولوگيالىق قۇرىلىستى، ورتانى باقىلاۋ - باسقارۋ، ورتا ساپاسىن جاقسارتۋ، ەكونوميكالىق دامۋعا قىزمەت وتەۋ سياقتىلاردى مىقتى يگەرىپ، ورتانى قورعاۋ قىزمەتىندە تاماشا ونىمدىلىككە قول جەتكىزدى.
2013 - جىلدىڭ باسىندا «ىلە وبلىسىنىڭ ەكولوگيالى وبلىستى بىرتىندەپ قۇرۋ نىسانى جونىندەگى ۇسىنىس» مەملەكەتتىك حالىق قۇرىلتايى تۇراقتى كوميتەتى جاعىنان ءتۇيىندى ۇسىنىس بولىپ بەكىتىلدى. سونىمەن بىرگە، مەملەكەتتىك ورتانى قورعاۋ مينيسترلىگى اۆتونوميالى وبلىستى 6 - توپتاعى مەملەكەتتىك ەكولوگيالىق وركەنيەت قۇرىلىسىنداعى سىناق ءتۇيىنى ەتىلگەن رايون قاتارىنا ەنگىزدى. وبلىستىق پارتكوم مەن ۇكىمەت «ەكولوگيالىق وركەنيەتتەن مەملەكەت دارەجەلى ۇلگى كورسەتۋ رايونىن قۇرۋ جونىندەگى اتقارۋ پىكىرى» مەن اتقارۋ جوباسىن شىعارىپ، اۋدان - قالالاردىڭ قىزمەتىن ىلگەرىلەتۋگە جەتەكشىلىك ەتتى.
اۆتونوميالى وبلىس ەكونوميكالىق دامۋ مەن ورتانى قورعاۋعا باستان - اياق تەڭ ءمان بەرىپ، ەكونوميكانىڭ دامۋىن ىلگەرىلەتۋ بارىسىندا قۇرىلىس نىسانىنىڭ ورتاعا جاساعان ىقپالىن باعالاۋ ءتۇزىمى مەن «ءۇشتى قاتار اتقارۋ» تۇزىمىنە قاتاڭ تاباندى بولا وتىرىپ، وبلىسقا توتە قاراستى ورىنداردىڭ كاسىپ قۇرىلىمىنىڭ دارەجەسىن جوعارىلاتۋدى جەبەپ، «ەكى ءتۇرلى قاتاڭ ءتارتىپ» بەلگىلەپ، نىسان قۇرىلىسى، سىناق رەتىندە ءوندىرۋ، تەكسەرىپ وتكىزىپ الۋ سىندى بۋىنداردى باقىلاۋ - تەكسەرۋ مەن زاڭعا قايشى ارەكەتتەردى تەكسەرىپ ءبىرجاقتى ەتۋ تەبىنىن ارتتىردى. قۇرىلىس جۇرگىزەتىن ورىنداردىڭ ورتانى قورعاۋ تالابىن تياناقتاندىرۋىنا جەتەكشىلىك ەتۋ جانە ونى قۋزاستىرۋ ارقىلى سوڭعى جىلداردان بەرى ورتانى قورعاۋ تالابىنا ۇيلەسپەيتىن 10 نىساندى كۇشىنەن قالدىردى. 2011 - جىلدان 2014 - جىلعا دەيىن وبلىسقا توتە قاراستى ورىندارداعى 10 نىسان اۆتونوميالى رايوننىڭ جالپى 17 ميلليون 870 مىڭ يۋان ەكولوگيانى قالپىنا كەلتىرۋ ارناۋلى كومەك قاراجاتىنا يە بولدى. بيىل وبلىسقا توتە قاراستى ورىنداردىڭ ورتالىقتىڭ 6 ميلليون 100 مىڭ يۋان نەگىزگى قۇرىلىس مەجە ەسەبى ىشىندەگى قارجىسى بەكىتىلدى، بۇل سازدىقتاردى قورعاۋ ينجەنەرياسىنا ارناۋلى جۇمسالادى. اۋىل - قىستاق ورتاسىن جاپپاي جونگە سالۋدا ۇلگى كورسەتۋ نىسانى جاپپاي اتقارىلدى، بۇل 9 اۋدان - قالا مەن 225 قىستاقتى قامتىدى، جالپى 180 ميلليون يۋان قارجى قوسىلىپ، ەكولوگيالىق ورتا دەركەزىندە قالپىنا كەلدى جانە قورعالدى.
عانيبات سابىكەي ۇلى اۆتونوميالى وبلىستىڭ ورتانى قورعاۋدا قول جەتكىزگەن تابىستارىن تولىق تۇراقتاندىردى. ول بىلاي دەدى: ەكولوگيالىق ورتانى قالپىنا كەلتىرۋ تەبىنىن ارتتىرىپ، دامۋدان ورتاق يگىلىكتەنىپ، ءار ۇلت بۇقاراسىنا كوپتەپ يگىلىك جاراتۋ كەرەك. پارتيا 18 - كەزەكتى ورتالىق كوميتەتى بەسىنشى جالپى ماجىلىسىندە العا قويىلعان «بەس ءىرى دامۋ تانىمىن» ورتانى قورعاۋ قىزمەتىندە باستان - اياق دايەكتىلەندىرىپ، كاسىپتەردىڭ جاسىل دامۋىنا جەتەكشىلىك ەتۋ؛ «ەكولوگيالى ءوڭىر قۇرۋ» كوزقاراسىن كاسىپ سالالارى جوباسىنا ءسىڭىرىپ، العاباسار تانىمدى امالياتتا ايگىلەۋشى بولۋ كەرەك. «ۇشتە قاتاڭ، ۇشتە شىنايى بولۋدى» ناقتى قىزمەت بارىسىندا ايگىلەپ، ورتانى قورعاۋ قىزمەتىن ورتاق قۇلشىنىپ ويداعىداي ىستەپ، كوركەم تابيعات ارقىلى ەكونوميكانىڭ دامۋىن جەبەپ، كەيىنگى ۇرپاققا تاماشا ورتا قالدىرۋ كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
