بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

چى جۇن ىلە قازاق اۆتونوميالى وبلىسىندا ورنىقتىلىقتى قورعاۋ قىزمەتى جونىندە تەكسەرۋ - زەرتتەۋ جۇرگىزگەندە جاڭا جاعدايدا لاڭكەستىككە قارسى تۇرىپ، ورنىقتىلىقتى قورعاۋ قابىلەتىن جاپپاي جوعارىلاتۋدى باسا دارىپتەدى

2015.12.21 13:14     كەلۋ قاينارى : ءتاڭىرتاۋ تورابى

  اۆتونوميالى رايوننىڭ بىرلىكساپ، ساياسي - زاڭ، قوعام حاۋىپسىزدىگى، قۋزاۋ - جەتەكشىلىك ەتۋ، ت.ب تاراۋلارىنداعى جولداستار اۆتونوميالى رايوندىق پارتكومنىڭ ورىنباسار شۋجيى چى جۇننىڭ باستاۋىمەن 17 -، 18 - جەلتوقسان كۇندەرى ىلە قازاق اۆتونوميالى وبلىسىنىڭ قۇلجا، كۇنەس اۋداندارى مەن شاپشال سىبە اۆتونوميالى اۋدانىنداعى اۋىل - قىستاقتاردى، مالىلەردى، الەۋمەتتىك اۋماقتاردى، مەكتەپتەردى، كاسىپورىنداردى ارالاپ، ورنىقتىلىقتى قورعاۋ قىزمەتىنە تەكسەرۋ جۇرگىزىپ، جەتەكشىلىك ەتتى. چى جۇن مىنانى باسا دارىپتەدى: ەل ءىشى - سىرتىنىڭ لاڭكەستىككە قارسى تۇرۋ كۇرەسىندەگى جاڭا وزگەرىستەردى، جاڭا بەتالىستى مۇقيات زەرتتەپ، يگەرىپ، يدەيالىق تانىم مەن ءىس - ارەكەتتى ورتالىق ساياسي - زاڭ كوميتەتى مەن مەملەكەتتىڭ لاڭكەستىككە قارسى كۇرەس قىزمەتىنە باسشىلىق ەتۋ گرۋپپاسىنىڭ شينجياڭدا اشقان لاڭكەستىككە قارسى تۇرۋ جونىندەگى ارناۋلى ءماجىلىسىنىڭ رۋحىمەن بىرلىككە كەلتىرىپ، اۆتونوميالى رايوندىق پارتكومنىڭ شەشىمدەرى مەن ورنالاستىرۋى جانە جاڭ چۇنشيان شۋجيدىڭ تالابى بويىنشا، نازاردى كوزەۋلى ءتۇيىن، تابان تىرەر تياناق پەن باستى نىساناعا ونان ارى شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋ قىزمەتتەرىن اناعۇرلىم بەلسەندىلىكپەن، ىرىقتىلىقپەن، تىڭعىلىقتى ىستەپ، جاڭا جاعدايدا لاڭكەستىككە قارسى تۇرىپ، ورنىقتىلىقتى قورعاۋ قابىلەتىن جاپپاي جوعارىلاتىپ، قوعامدىق جالپى جاعدايدىڭ ورنىقتىلىعىن باتىل قورعاۋ كەرەك.

  چى جۇن مىنانى اتاپ كورسەتتى: بولشەكتەۋشىلىككە، لاڭكەستىككە، كەۋلەپ كىرۋگە قارسى تۇرۋ كۇرەسىنىڭ كوكەي تەستىلىگىن، كۇردەلىلىگىن، ۇزاق ۋاقىتتىلىعىن جەتە تانىپ، وي - سانانى باستان - اياق سەرگەك ۇستاپ، ماسەلەنى نىشان ەتۋدەن، ەڭ تومەنگى شەكتە ويلاۋدان جازباي، سالعىرتتىقتى، بويكۇيەزدىكتى، كوزسىز ماساتتانۋدى، كەرەناۋ يدەيانى باتىل جەڭىپ، ماسەلەلەر مەن ولقىلىقتاردى يكەمدى شەشىپ جانە تولىقتاپ، قىزمەتتەگى جەتەرسىزدىكتەردى شىنايى تولىقتىرۋ كەرەك. قاتاڭ سوققى بەرۋ ارناۋلى قيمىلىن ىشكەرىلەي ورىستەتىپ، تەگەۋرىندى كۇيدى ۇزدىكسىز ساقتاپ، ىرىقتىلىقپەن شابۋىلداپ، جاۋدى تىرپ ەتكىزبەي، زاڭ بويىنشا ءداپ باسىپ سوققى بەرىپ، زورلىقتى كۇش لاڭكەستىك ارەكەتتەرىن جورگەگىندە جويۋ كەرەك. ارناۋلى سوققى بەرۋ مەن تۋ باستان جونگە سالۋدى بىردەي مىقتى يگەرىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، جالپىلىق شارا قولدانىپ، تاربيەلەۋ، وزگەرتۋ مەن «ۇشقارىلىقتى الاستاۋ» قىزمەتىنىڭ باعىتتامالىلىعىن، ونىمدىلىگىن ۇزدىكسىز كۇشەيتىپ، بۇقارانى مۇمكىندىكتىڭ بارىنشا ىنتىماقتاستىرىپ، جاۋ كۇشتەردى بارىنشا وقشاۋ قالدىرىپ، ولارعا سوققى بەرۋ كەرەك. يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن ونان ارى نىعايتىپ، ساياسي تانىم مەن ساياسي كورەگەندىكتى كۇشەيتىپ، قىلپى بىلىنگەن، بەيىمى كورىنگەن ماسەلەلەردى دەر كەزىندە بايقاۋ جانە شەشۋ؛ ينتەرنەت حاۋىپسىزدىگىنە باسا ءمان بەرىپ، زورلىقتى كۇش پەن لاڭكەستىككە قاتىستى دىبىس، بەينە جازبالارى مەن ءدىني ۇشقارى يدەيانىڭ ينتەرنەت جەلىسى ارقىلى تارالۋىن، كەۋلەپ كىرۋىن باتىل توسىپ، شەكارا ءىشى - سىرتىنداعى «ءۇش ءتۇرلى كۇشتىڭ» استاسۋ جولدارىن باتىل كەسۋ كەرەك.

  چى جۇن مىنانى باسا دارىپتەدى: «قىستا نەگىزدى كۇشەيتۋ» قىزمەتىن مۇقيات ويداعىداي يگەرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ءبىر جىلدان بەرگى قىزمەتتەرىن ىشكەرىلەي قورىتىندىلاپ، قىسقى بوس ۋاقىتتان تولىق پايدالانىپ، قاتاڭ سوققى بەرۋدى كۇشەيتۋ، «كۇلمەتىن اشىپ، پەردە ارتىنداعىلاردى تابۋ»، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى، «ۇشقارىلىقتى الاستاۋ»، نەگىزگى ساتىلاردىڭ ۇيىمدىق قۇرىلىسى، كادرلاردىڭ ستيل قۇرىلىسى سياقتى جاقتارداعى ماسەلەلەر مەن ولقىلىقتاردى تۇزەتىپ جانە وزگەرتىپ، كەلەر جىلعى ورنىقتىلىقتى قورعاۋ قىزمەتىن جاقسى باستاۋعا بەرىك نەگىز قالاۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.