- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە وبلىسى قارۋلى ساقشى، اسكەري ورىندار ات سالىسقان ءوڭىر اتتاعان بىرلەسپە اسكەري جاتتىعۋ وتكىزدى
2015.12.21 13:28
ءوز حابارىمىز. جەلتوقساننىڭ 14-كۇنى تۇستەن بۇرىن ىلە وبلىسى 2015-جىلعى قارۋلى ساقشى، اسكەري تاراۋلار ات سالىسقان لاڭكەستىككە قارسى بىرلەسپە جاتتىعۋىن وتكىزدى. حۋاڭ سانپيڭ، مانەن زەينەل ۇلى قاتارلى وبلىس باسشىلارى مەن ىلەدە تۇراتىن اسكەري ورىنداردىڭ، وبلىسقا توتە قاراستى قاتىستى تاراۋلاردىڭ جاۋاپتىلارى جاتتىعۋدى كوردى. سول كۇنى 12 ساعاتتا وبلىستىق پارتكومنىڭ شۋجيى حۋاڭ سانپيڭنىڭ «جاتتىعۋ باستالسىن» دەپ جاريالاسىمەن جاتتىعۋعا قاتىناساتىن ورنىقتىلىقتى قورعاۋ تاراۋلارى مۇزداي قارۋلانىپ، ساقاداي سايلاندى. جاتتىعۋدا بەلگىلى ساقشى بولىمشەسىنىڭ قىزمەت وتەۋ پۋنكتى «لاڭكەستىك شابۋىلعا» تاپ بولادى، «لاڭكەس ەلەمەنتتەر» «تالاي ورىنعا جاسىرىنىپ»، «ءتۇرلى ءبۇلدىرۋ قيمىلىمەن» اينالىسادى. قولباسشىلىق ورتالىعىنىڭ شۇعىل جاعدايعا توتەپ بەرۋ جوباسىن اتقارۋىمەن ورنىقتىلىقتى قورعاۋداعى ءارقايسى اسكەري تاراۋ، قارۋلى ساقشى بولىمشەسى ۇتىمدى شارا قولدانىپ، تىعىز سەلبەسىپ قىسقا ۋاقىت ىشىندە «سازايىن تارتقىزادى». بۇل رەتكى جاتتىعۋدا ءتۇرلى سوعىس جۇرگىزۋ شارالارى، اسكەري تەحنيكا تۇرلەرى، لاڭكەستىككە قارسى تۇرۋداعى قارۋ-جاراقتار قولدانىلىپ، اۆتونوميالى وبلىستاعى قارۋلى ساقشى، اسكەري بولىمدەردىڭ بىرلەسىپ سوعىس جۇرگىزۋ ورەسى مەن لاڭكەستىككە قارسى تۇرۋداعى شۇعىل جاعدايعا توتەپ بەرۋگە قولباسشىلىق ەتۋ جۇيەسى قاتاڭ سىننان وتكىزىلدى.
بۇل رەتكى جاتتىعۋعا قارۋلى ساقشى 8660-ءبولىمى، قارۋلى ساقشى ىلە وبلىستىق بولىمشە اترەتى، قارۋلى ساقشى ىلە وبلىستىق شەكارا قورعانىس بولىمشە اترەتى، ىلە وبلىستىق قوعام حاۋىپسىزدىگى مەكەمەسىنىڭ ورتتەن ساقتانۋ بولىمشە اترەتى، قوعام حاۋىپسىزدىگى ساقشىلارى جانە حالىق جاساقتارىن قامتىعان كوپتەگەن ورنىقتىلىقتى قورعاۋ تاراۋلارى مەن دەنساۋلىق ساقتاۋ سالاسى سىندى قوعامدىق كۇشتەر ات سالىسىپ، جاتتىعۋ اۋماعى قورعاس، شاپشال، قۇلجا اۋداندارى، قۇلجا قالاسى سىندى ورىندارداعى كوپتەگەن جاتتىعۋ ورىندارىندا جۇرگىزىلىپ، جۋىقتاعى بىرنەشە جىلدان بەرى وبلىسقا توتە قاراستى ورىندار ۇيىمداستىرعان اۋماعى ەڭ كەڭ، قاتىناسقان مەكەمە جانە ادام سانى ەڭ كوپ، شارپۋ اۋماعى ەڭ كەڭ ءبىر رەتكى جاتتىعۋ بولدى.
جاتتىعۋ اياقتاعاننان كەيىن وبلىستىق پارتكومنىڭ شۋجيى حۋاڭ سانپيڭ قورىتىندى ءسوزىن سويلەپ بىلاي دەدى: بۇل رەتكى جاتتىعۋ اسا تابىستى وتكىزىلىپ، كوزدەگەن نىسانا ورىندالدى. سونداي-اق اسكەري ورىندار، ساقشى بولىمشەلەرىنىڭ قولباسشىلىق ەتۋ قۋاتى جوعارىلاتىلىپ، جاڭا جاعدايدا ىلەدەگى ورنىقتىلىقتى قورعاۋ تاراۋلارىنىڭ «باتىل سوققى بەرۋ، ويسىراتا جەڭۋ، سىلەيتە سوققى بەرۋدەي» نەگىزگى قۋاتىن كۇشەيتىپ، ىلەدەگى كاسىپتىك ورنىقتىلىقتى قورعاۋ تاراۋلارىنىڭ ورنىقتىلىقتى قورعاۋ، شۇعىل جاعدايعا توتەپ بەرۋدى قامتاماسىزداندىرۋ قۋاتىن، قايسار جىگەرىن جانە تاماشا رۋحاني بەينەسىن ايگىلەدى. جاتتىعۋدىڭ اۋماعى كەڭ، ءىس جۇزىندىككە جاناسىمدى بولىپ، جالپى كۇشتى شوعىرلاندىرىپ، جاۋعا سىلەيتە سوققى بەرۋگە جۇمىلدىرۋداي ەرەكشەلىك كورنەكتىلەندىرىلدى. سوندىقتان مەن وبلىستىق پارتكوم اتىنان جاتتىعۋعا قاتىناسقان قارۋلى ساقشى، اسكەري تاراۋلارداعى جولداستاردان شىنايى حال سۇرايمىن ءارى ورنىقىلىقتى قورعاۋداي اۋىر، ماشاقاتتى مىندەتتى ارقالاپ كەلگەن ورنىقتىلىقتى قورعاۋ قىزمەتكەرلەرىنە شىن جۇرەكتەن العىس ايتامىن.
حۋاڭ سانپيڭ بىلاي دەدى: جاڭا جاعداي، جاڭا مىندەت الدىندا ءبىز، ءسوزسىز، سەرگەك ءارى قىراعى بولىپ، تايسالماس جىگەرمەن شارشاپ-شالدىعۋدان قورىقپاي، ۇزدىكسىز شايقاس جاساۋ رۋحىمەن قۇرىش قورعان قالىپتاستىرىپ، لاڭكەستىككە سىلەيتە سوققى بەرۋىمىز، قاتاڭ سوققى بەرۋدەن جازباي، قوعامعا زياندى جاعدايلاردى الاستاۋىمىز، سەلبەستىكتى كۇشەيتىپ، ءونىمدى مەحانيزم قالىپتاستىرۋىمىز، بەرىك قامال ورناتىپ، ورنىقتىلىقتى قورعاپ، لاڭكەستىككە قارسى تۇرۋداعى ىرىقتى كۇرەستى، جالپى تۇلعالىق كۇرەستى ۇزدىكسىز جالعاستىرۋىمىز كەرەك.
وبلىسقا توتە قاراستى اۋدان، قالانىڭ جاۋاپتىلارى ءارقايسى اۋدان، قالاداعى قولباسشىلىق ورتالىعىندا جاتتىعۋدى كوردى.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
