بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

باسماقالا: جاڭا باستامامەن قادام تاستاپ، تىڭ دامۋعا ءورىس اشايىق

ــ وبلىستىق پارتكوم قىزمەت ءماجىلىسىنىڭ جەڭىسپەن اشىلعاندىعىن قىزۋ قۇتتىقتايمىز

2015.12.21 13:30    

  2015–جىلدى اتتاندىرىپ، «13–بەس جىلدىقتىڭ» جەلكەنىن جايعالى وتىرمىز. جاڭا باستامامەن تىڭ جورىققا قادام تاستاۋ ءبىزدىڭ ىلەنىڭ كوركەم، باقىتتى بولاشاعى جونىندەگى سەنىمىمىزدى تاسقىنداتا ءتۇستى. وبلىسىمىزداعى بارشا كادرلار مەن ءار ۇلت بۇقاراسى قۋانا كۇتكەن وبلىستىق پارتكومنىڭ قىزمەت ءماجىلىسى سالتاناتپەن اشىلدى. ءبىز ءماجىلىستىڭ اشىلعاندىعىن قىزۋ قۇتتىقتايمىز.

  بۇل رەتكى ءماجىلىس _ پارتيا 18–كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات دايەكتىلەندىرىپ، ورتالىقتىڭ شينجياڭ قىزمەتى جونىندەگى 2–رەتكى اڭگىمە ءماجىلىسى مەن ج ك پ اۆتونوميالى رايوندىق 8–كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ رۋحىن جان–جاقتى تياناقتاندىرىپ جاتقان ماڭىزدى كەزەڭدە، اۆتونوميالى وبلىسىمىز جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى كەزەڭىنە وتكەن جاعدايدا اشىلعان ءبىر رەتكى ماڭىزدى ءماجىلىس. ءماجىلىس «12–بەس جىلدىق» كەزىندەگى جانە 2015–جىلعى قىزمەتتەرگە شولۋ جاساپ، «13–بەس جىلدىق» كەزىندەگى قىزمەتتەردىڭ وي جەلىسى مەن نىساناسىن عىلمي جوبالاپ، 2016–جىلعى نەگىزگى مىندەتتەردى جان–جاقتى ورنالاستىرىپ، «13–بەس جىلدىق» مەزگىلىندە جاپپاي دوڭگەلەك داۋلەتتى قوعام قۇرىپ شىعۋدى جۇزەگە اسىرۋ ءۇشىن تاماشا باستاما جاراتۋدا توتەنشە ماڭىزدى، رەال جانە تەرەڭ تاريحي مانگە يە بولماق.

  وتكەن ءبىر جىلدا اۆتونوميالى وبلىستىق پارتكوم بۇكىل وبلىستاعى ءار ۇلت كادرلارى مەن بۇقاراسىن ىنتىماقتاستىرا باستاپ، ورنىقتىلىق پەن ەكونوميكا قوس قابات ماڭىزدى ورىندى يەلەگەن، «ءۇش مەزگىل قاباتتاسقان» قاتاڭ جاعدايعا توتەپ بەرىپ، جوعارى ولشەمدى كوزدەپ، «ۇشتە باتىل بولۋدى» ىسكە اسىرىپ، قوعامنىڭ باياندى ورنىقتىلىعىنا؛ جەتى ءتۇرلى 78 رەفورما تولىق جەبەلىپ، التى ءتۇرلى تاجىريبەدەن، سىناقتان وتكىزۋ جانە ۇلگى كورسەتۋ رەفورماسى ۇتىمدى جۇرگىزىلدى؛ ەكونوميكانىڭ باسەڭدەۋىنە توتەپ بەرۋگە قاتىستى 70 تارماقتى شارا بەلگىلەپ جانە ونى تياناقتاندىرىپ، ەكونوميكانىڭ جالپى جاقتان ورنىقتى بولۋىنا، ورنىقتىلىق بارىسىندا ارتۋىنا؛ 26 سالاداعى 98 ءتۇرلى حالىق تۇرمىسى ينجەنەرياسىن جاپپاي ىسكە اسىرىپ، حالىق تۇرمىسىنىڭ جاقسارۋى مەن يگىلىككە كەنەلۋىنە؛ ءتۇرلى بۇقارالىق مادەنيەت قيمىلدارىن جانداندىرىپ، مادەنيەت ارقىلى جەتەكشىلىك ەتۋ تەبىنىنىڭ ارتۋىنا؛ اۆتونوميالى وبلىستى مەملەكەت جاعىنان ەكولوگيالىق مادەنيەتتەگى ۇلگى رايون ەتىپ قۇرۋدى ىشكەرىلەي ورىستەتىپ، «تازا، رەتتى ىلە قۇرۋ» ينجەنەرياسىن كۇنى بۇرىن جۇرگىزىپ، ەكولوگيانىڭ ءتىپتى دە جاراسىمدى، كوركەم بولۋىنا؛ جياڭسۋدىڭ ءبىر ميلليارد 390 ميلليون يۋان شينجياڭعا كومەك بەرۋ قارجىسىنا، شينجياڭعا كومەككە باعىشتاعان 142 نىسانىنىڭ جاپپاي تياناقتانۋىنا قول جەتكىزىپ، بيڭتۋاننىڭ 4–، 7–ديۆيزيالارىنىڭ دامۋىن جەدەلدەتىپ، توعىسپالى دامۋدى كۇشەيتۋگە؛ «ۇشتە قاتاڭ، ۇشتە شىنايى بولۋ» ارناۋلى تاربيەسىن ىشكەرىلەي ورىستەتىپ، بوشالاڭ، ءالسىز، بىتىراڭقى نەگىزگى ساتى پارتيا ۇيىمدارىن رەتتەپ، پارتيا قۇرىلىسىن جاپپاي كۇشەيتۋگە كەپىلدىك ەتتى.

  «12–بەس جىلدىق» مەزگىلى اۆتونوميالى وبلىسىمىز جونىنەن العاندا، ەرەكشە بەس جىل بولدى. بۇل بارىستا ءبىز قاتاڭ دا كۇردەلى ورنىقتىلىق جاعدايىنا، ۇزدىكسىز قۇلدىراعان ەكونوميكالىق قىسىمعا بەلسەنە توتەپ بەرىپ، تىنباي تۋىنداعان جاڭا ماسەلەلەر مەن قايشىلىقتاردى شەشىپ، جالپى ەكونوميكالىق قۋاتتى تىڭ ءبىر بەلەسكە كوتەرىپ، حالىق تۇرمىسىن كورنەكتى جاقسارتىپ، نەگىزدىك قۇرىلعىلار قۇرىلىسى مەن ەكولوگيالىق قۇرىلىستى بارىنشا كۇشەيتىپ، رەفورما مەن ەسىك اشۋدا زور ىلگەرىلەۋشىلىككە قول جەتكىزدىك. بۇل مەزگىل - وبلىسىمىزدا ەكونوميكا مەن قوعامنىڭ دامۋى ەڭ تاماشا، ەڭ تەز بولعان، ءار ۇلت بۇقاراسى بارىنشا مول يگىلىككە كەنەلگەن مەزگىلدەردىڭ ءبىرى بولدى.

  بەس جىل بارىسىندا اۆتونوميالى وبلىستىق پارتكوم عىلمي دامۋ كوزقاراسىن دايەكتىلەندىرۋ قۋاتىن اناعۇرلىم جوعارىلاتىپ، وبلىس جاعدايى مەن وسى زامانعى قۇرىلىس زاڭدىلىعى جونىندەگى تانىمدى تەرەڭدەتىپ، كۇردەلى شارت – جاعداي استىندا ىنتىماق پەن ورنىقتىلىقتى، رەفورما مەن دامۋدى ىلگەرىلەتەتىن قۇندى تاجىريبەلەر توپتادى ءارى كورنەكتى ناتيجەگە قول جەتكىزدى. وڭاي–وسپاق قولعا كەلمەگەن بۇل مول تابىستار ءار ۇلت كادرلارى مەن بۇقاراسىنىڭ تاباندىلىقپەن ىستەۋىنىڭ، اقىل–پاراساتى مەن قان - تەرىنىڭ ناتيجەسى. وتە – موتە، اتقارۋعا بولاتىن تاجىريبەلەلەردى قورىتىندىلادىق، ايتالىق «باستى نىسانانى» بەكەمدەپ، «باستى كىلتتى» مەڭگەرىپ، «باس قۇلشىنىسعا» تابان تىرەپ، «نەگىزگى تىرەكتى» كۇشەيتىپ جانە «باستى تەتىكتى» مىقتى يگەرىپ، ۇزدىكسىز دامىتۋدى كەمەلدەندىرۋ ارقىلى ىلەنىڭ بۇدان كەيىنگى زور دامۋىن پارمەندى كەپىلمەن قامدادى.

  2016–جىل ــ « 13– بەس جىلدىق» جوبا باستالاتىن تۇڭعىش جىل. تىڭ باستامانى نىق قاداممەن باستاۋ توتەنشە ماڭىزدى. وبلىستىق پارتكوم تىڭ دامۋ جوباسىن جاساپ، «13–بەس جىلدىق» مەزگىلىنىڭ جەتەكشى يدەياسى مەن كۇرەس نىساناسىن بەلگىلەدى. بۇل بىزگە زور شابىت، ۇلكەن قايرات باعىشتايدى. مۇنىڭ ءوزى جاپپاي دوڭگەلەك داۋلەتتى قوعام قۇرىپ شىعۋدىڭ اتتانىسقا كەلتىرۋ ۇندەۋى، ىلەنىڭ تاعى ءبىر بەس جىلدىق سىناعى، وبلىستىق پارتكومنىڭ وبلىسىمىزداعى ءار ۇلت حالقىنا بەرگەن بەرىك ۋادەسى، سونداي – اق وبلىسىمىزداعى ءار ۇلت كادرلارى مەن بۇقاراسىنىڭ كوركەم بولاشاققا تىڭ قادام تاستاۋ جونىندەگى كوكىرەك تولى جاۋاپكەرلىگى مەن شىنايى ىقىلاسىنىڭ بەينەسى، وبلىسىمىزدىڭ بولاشاقتاعى اكىمشىلىك اتقارۋ باعىتى. بۇل ءۇشىن وبلىسىمىز جوعارى–تومەن دەمەي قىزۋ ىنتامەن، ۋاقىت كۇتپەي، شىنايى، ۇمتىلا ىستەپ، كۇش ۇستىنە كۇش قوسۋى كەرەك.

  اماليات ۇزاقتى كوزدەپ، جوعارى ولشەم، بيىك نىسانامەن جوبا جاساۋ–ءبىزدىڭ جەڭىسكە جەتۋىنىڭ العى شارتى ەكەندىگىن دالەلدەدى. حالىق مۇددەسى ءۇشىن دامۋ، حالىققا باقىت – بايلىق جاراتۋ – ءبىزدىڭ بارشا قىزمەتتى جاقسى ىستەۋىمىزدىڭ شىعار ءتۇيىنى جانە تابان تىرەر تياناعى.

  دامۋ ىلەنىڭ بارلىق ماسەلەلەرىن شەشەتىن نەگىزگى كىلت، دامۋ فورماسىنىڭ دۇمبىلەز، قۇرىلىمنىڭ ۇيلەسىمسىز بولۋى ەكونوميكانىڭ دامۋىنا تۇساۋ بولاتىن ەڭ ۇلكەن «كىلتەڭ» ماسەلە، مۇنى، ءسوزسىز، تولىقتاۋعا كۇش سالۋ كەرەك، مىنە، بۇل جەر–جەردەن دامۋ فورماسىندا بۇرىلىس جاساپ، قۇرىلىمدى رەتتەۋدە تاباندى بولىپ، ەڭبەككۇشتى، كاسىپتەردى، تەحنيكانى شوعىرلاندىرۋداي جاڭاشا ونەركاسىپتەندىرۋ قۇرىلىسىن ىشكەرىلەي ىلگەرىلەتىپ، ىلە ەكونوميكاسىن دامىتۋدىڭ تىڭ دەڭگەيىن جاراتىپ، الداعى ەكونوميكالىق دامۋ ءۇشىن ونان دا زور قوزعاۋشى كۇشكە يە بولۋىمىز كەرەك. كيىم–كەشەك، ازىق–تۇلىك، تۇرار–جاي، ءۇرىس–تۇرىس، ەمدەۋ–دەنساۋلىق ساقتاۋ، وقۋ–اعارتۋ، كاسىپتەندىرۋ سىندى حالىق تۇرمىسىنا ساياتىن ىستەردى قاشان دا وبلىستىق پارتكوم قىزمەتىنىڭ ماڭداي الدى ورنىنا قويۋىمىز كەرەك، ءبىز يدەيانى اناعۇرلىم ازات ەتىپ، جاڭالىق اشا ناقتى ىستەپ، «بەس ۇلكەن دامۋ ۇستانىمىن» بەرىك ورناتىپ، حالىقتى ارقاۋ ەتۋدى ءارقاشان ەستەن شىعارماي، حالىق تۇرمىسىن ۇزدىكسىز جاقسارتىپ، حالىقتى دامۋدىڭ تابىستارىنان ورتاق يگىلىكتەندىرىپ، كەدەيلىكتەن قامال الۋدىڭ كۇرەسىندە باتىلدىقپەن جەڭىسكە جەتۋىمىز قاجەت.

  جاڭا قالىپقا سايكەسۋ، جاڭا قالىپتى مىقتى يگەرۋ، جاڭا قالىپتىڭ باس تالابى بويىنشا ستراتەگيالىق جوبا جاساۋعا باستاماشىلدىق ەتۋىمىز كەرەك، دامۋ بارىسىندا ەكولوگيالىق وبلىس قۇرۋعا تاباندى بولىپ، ەكولوگياسى كوركەم ىلە قۇرۋعا بارىنشا كۇش سالىپ، ۇستانىم ارقىلى، ماسەلە ارقىلى، اماليات ارقىلى جەتەكشىلىك ەتۋگە تاباندى بولىپ، بايتاق ىلە القابىندا ناقتى جۇمىس ىستەۋدەي تاماشا اۋان قالىپتاستىرىپ، ناقتى ىستەۋدىڭ دۇلەي تولقىنىن توعىستىرىپ، سەلبەسە وتىرىپ بىرلىكتە تابىسقا جەتۋدىڭ تىڭ داستانىن جازىپ، ستيلى تاماشا، سالتى سارا ساياسي ەكولوگيا قالىپتاستىرىپ، «13–بەس جىلدىق» دامۋ جوباسىن جۇدىرىقتاي جۇمىلا وتىرىپ كوركەم رەالدىققا اينالدىرۋىمىز كەرەك.

  ىلەدە قوعام ورنىقتىلىعى باستان–اياق ماڭداي الدى قىزمەت بولىپ كەلەدى. قوعام ورنىقتىلىعى مەن باياندى تىنىشتىققا كوز جىبەرگەندە، قاتاڭ سوققى بەرۋدىڭ ىرىقتى شابۋىل كۇيىن ساقتاپ، زورلىقتى كۇش لاڭكەستىك ارەكەتتەرىن جورگەگىندە باتىل جويۋىمىز كەرەك. سوققى بەرۋدى قاتاڭ يگەرۋمەن بىرگە، تاربيە ارقىلى جەتەكشىلىك ەتۋدە دە قاتاڭ بولىپ، «بەس كىلتتى» مىقتى يگەرىپ، دۇرىس سەنىم ورناتىپ، ءدىني ۇشقارى يدەيانى تەجەپ، مادەنيەت ارقىلى توتەپ بەرىپ، زاڭ ارقىلى شاۋجايلاۋ جاعىندا ءدال كۇش سالىپ، ءدىني ۇشقارى يدەيانىڭ جالبىزبالاپ كىرۋىن باتىل تەجەۋ كەرەك.

  ۇلتتار ىنتىماعىن ۇزدىكسىز جەبەپ، ءدىني ىستەردى زاڭ بويىنشا باسقارىپ، قوعام ورنىقتىلىعىن جونگە سالۋدى كۇشەيتىپ، بەرەكەلىلىك فاكتورلاردى بارىنشا ارتتىرىپ، قوعامنىڭ دامۋىنداعى ومىرشەڭ كۇشتەردى جەبەۋىمىز كەرەك. وسى زامانعى مادەنيەت ارقىلى جەتەكشىلىك ەتۋگە تاباندى بولىپ، «ۇشقارىلىقتى الاستاۋدى» ءتۇيىن ەتىپ، مادەنيەت ىستەرىن كوركەيتىپ، مادەنيەت كاسىپتەرىن دامىتىپ، بۇقارانىڭ تۇرمىسىن بايىتىپ، ءار ۇلتتىڭ ورتاق رۋحاني مەكەنىن قۇرۋىمىز كەرەك.

  بۇرىن قول جەتكىزگەن تولاعاي تابىستارىمىزدى ماقتانىش؛ بولاشاقتىق تىڭ جوبا جاساۋدى مۇرات ەتۋىمىز كەرەك. جاڭا جورىق باستالىپ تا كەتتى، وبلىسىمىزداعى ءار دارەجەلى پارتيا ۇيىمدارى مەن بارلىق پارتيالى كادرلار اسقاق جىگەرمەن ارىنداي العا باسىپ كوركەم بولاشاقتى قارسى الۋى، ءار ۇلت بۇقاراسى تىڭ باستامانى تياناق ەتىپ، جاڭا قالىپقا سايكەسىپ، تىڭ ورايدى مىقتى يگەرىپ، كۇشتى بورىشتىلىقپەن، باتىلدىقپەن ۇستىلەرىنە الىپ، «13–بەس جىلدىق» ۇلى جوباسىن باتىل جۇزەگە اسىرىپ، «13–بەس جىلدىقتا» جاپپاي دوڭگەلەك داۋلەتتى قوعام قۇرۋدىڭ تاماشا باستاماسىن جاراتۋ ءۇشىن قۇلشىنا كۇرەس جاسايىق!

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.