بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

جايىلىم تولىقتاما قاراجاتى مالشىلارعا تيىمدىلىك اكەلدى

2015.12.30 15:36    

  جۋىق جىلداردان بەرى مەملەكەتىمىز جايىلىم ەكولوگياسىن قورعاۋ سيلىق تولىقتاما قاراجاتى ساياساتىن اتقارعاننان بەرى، تەكەس اۋدانى جايىلىم ەكولوگياسىن قورعاۋ سيلىق تولىقتاما قاراجاتىن تاراتۋ قىزمەتىن دەن قويا تياناقتاندىرىپ، تۇتاس اۋدان بويىنشا 5 ميلليون 726 مىڭ 200 مۋ جايىلىمدى نىسانعا ەنگىزىپ، مالشىلاردىڭ جايىلىمدى قورعاۋ بەلسەندىلىگىن ارتتىردى.

  تەكەس قالاشىعى اقتاس قىستاعىنىڭ مالشىسى نامازبەك وتباسى 2011 - جىلى قاراشادا جايىلىم ەكولوگياسىن قورعاۋ سيلىق تولىقتاما قاراجاتىن تاراتۋ كولەمىنە ەنگىزىلگەننەن بەرى، ءار جىلى وسى تولىقتاما قاراجاتتان يگىلىكتەنىپ، جايىلىمدا سيىمدىلىق بويىنشا مال باعىپ، وتباسىنىڭ ءوندىرىس شارت - جاعدايىن جاقسارتتى.

  نامازبەك: جايىلىم ەكولوگياسىن قورعاۋ سيلىق تولىقتاما قاراجات تيىمدىلىك ساياساتىنان يگىلىكتەنگەنىمىزگە 5 جىلدان استى، سوندىقتان، ءبىز بۇدان بىلاي دا جايىلىمدى قورعاپ، مال تۇقىمىن اسىلداندىرىپ، تۇرمىسىمىزدى كۇننەن كۇنگە جاقسارتۋعا كۇش سالۋىمىز كەرەك - دەدى.

  نامازبەك سياقتى مەملەكەتىمىزدىڭ ەكولوگيالى ورتانى قورعاۋ تولىقتاما سيلىقتى قاراجاتىنان يگىلىكتەنگەن وتباسىنان اقتاس قىستاعىندا 193 ى بار، وسى سيلىق تولىقتاما قاراجات ساياساتىنىڭ اتقارىلۋى، مالشىلاردىڭ جايىلىمدى قورعاۋ بەلسەندىلىگى ءتىپتى دە ارتىپ، جايىلىم مەن مالدىڭ تەپە - تەڭدىگىن ساقتاپ، جايىلىمدى قورعاۋدا شىنايى رول اتقاردى.

  تەكەس اۋداندىق مال شارۋاشىلىعى – مال شيپاگەرلىگى مەكەمەسى جايىلىمدى باقىلاپ - باسقارۋ بولىمشەسىنىڭ ورىنباسار باستىعى بەيسەنعازى: مەملەكەتىمىزدىڭ ەكولوگيالى ورتانى قورعاۋ تولىقتاما سيلىقتى قاراجاتى اتقارىلعاننان بەرى، ءار جىلى شارۋالارعا سيلىقتى قاراجاتى ۋاعىندا تاراتىلىپ بەرىلىپ كەلەدى. بۇل شارۋالادىڭ كىرىسىن مولايتۋمەن بىرگە، جايىلىم ەكولوگياسىن قورعاۋ تانىمدارىن ءتىپتى دە جوعارىلاتا ءتۇستى- دەدى.

  ۇعىسۋعا قاراعاندا، 2011 - جىلدان 2014 - جىلعا دەيىن تەكەس اۋدانى جيىنى 6 مىڭ 721 مالشى وتباسىنا جايىلىمدى قورعاۋ تولىقتاما سيلىقتى قاراجاتىنان 68 ميلليون 990 مىڭ يۋان تاراتىپ، تۇتاس اۋداننىڭ جايىلىم ەكولوگياسىنىڭ جاقسارۋىنا بەرىك نەگىز قالادى. پانيگۇل اۋقىش قىزى

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.