- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋاڭ سانپيڭ مەرەكە قارساڭىندا ءوندىرىس حاۋىپسىزدىگىنە تەكسەرۋ جۇرگىزگەندە مىنانى باسا دارىپتەدى:باقىلاۋ – تەكسەرۋ تەبىنىن ارتتىرىپ، مەرەكە كەزىندە ءوندىرىس حاۋىپسىزدىگىنە كەپىلدىك ەتۋ كەرەك
2016.02.05 15:09
شاعان مەرەكەسى قارساڭىندا قۇلجا قالاسىنداعى اۋىل شارۋاشىلىق ونىمدەرى بازارلارىنىڭ، ءتۇرلى بۇيىمدار ەرەن بازارلارىنىڭ ساۋداسى كۇسەت بولىپ، ءار ۇلت بۇقاراسى مەرەكەلىك بۇيىمداردى جابال ساتىپ الۋدا. وبلىستىق پارتكومنىڭ شۋجيى حۋاڭ سانپيڭ، وبلىستىق پارتكومنىڭ ورىنباسار شۋجيى، وبلىستىڭ ۋاقىتتىق باستىعى قۇرماش سىرجان ۇلى، وبلىستىڭ ورىنباسار باستىعى گاۋ تيانشان جانە وبلىستىڭ ءوندىرىس حاۋىپسىزدىگىنە جاۋاپتى تاراۋلاردىڭ جاۋاپتىلارى اقپاننىڭ 3 – كۇنى قۇلجا قالاسىنداعى ءىشىنارا بازارلارعا، ءتۇرلى بۇيىمدار ەرەن بازارلارىنا بارىپ، بازاردىڭ قامداۋ، ءوندىرىس حاۋىپسىزدىگى جاعدايىنا تەكسەرۋ جۇرگىزدى.
حۋاڭ سانپيڭ ءوندىرىس حاۋىپسىزدىگىنە تەكسەرۋ جۇرگىزگەندە مىنانى باسا دارىپتەدى: ءوندىرىس حاۋىپسىزدىگى مەن ورنىقتىلىق قىزمەتى بىردەي ماڭىزدى. ءارقايسى فۋنكتسيالىق تاراۋلار باقىلاۋ قىزمەتىن كۇشەيتىپ، حاۋىپسىزدىك شارالارىن شىنايى تياناقتاندىرىپ، ءار ۇلت بۇقاراسىنىڭ مەرەكەنى تىنىش، بەرەكەلى وتكىزۋىنە كەپىلدىك ەتۋ كەرەك.
وبلىستىق پارتكومنىڭ تۇراقتى مۇشەسى، قۇلجا قالالىق پارتكومنىڭ شۋجيى ليۋ حۇيجۇننىڭ سەرىك بولۋىندا حۋاڭ سانپيڭ، قۇرماش سىرجان ۇلى قاتارلىلار الدىمەن قۇلجا قالاسىنداعى ورتا ازيا بازارىنا بارىپ، مەرەكە كەزىندەگى قامداۋ جاعدايىنا تەكسەرۋ جۇرگىزدى.
قۇلجا قالاسى شىعىس قالا رايونىنىڭ كاسىپتەندىرۋ بازارى ەت، كوكونىس، جەمىس – جيدەك سياقتى ازىق – تۇلىكتەرگە لىق تولىپ، مەرەكەلىك بۇيىمدار ساتىپ الۋعا كەلگەن الارمان يىق تىرەسەدى، بازاردىڭ ساۋداسى كۇسەت ەكەن.
حۋاڭ سانپيڭ قاتارلىلار ارالاي ءجۇرىپ تەكسەرۋ جۇرگىزدى ءارى ساۋداگەرلەرمەن ىقىلاستى تۇردە اڭگىمەلەستى. حۋاڭ سانپيڭ بىلاي دەدى: قوعام ورنىقتىلىعىن قورعاۋ – بارلىعىمىزدىڭ جاۋاپكەرلىگىمىز، كوپشىلىك بىرگە قۇلشىنىپ، ءوندىرىس حاۋىپسىزدىگى تانىمىن جوعارىلاتىپ، بازار باسقارۋ بەلگىلەمەلەرىنە قاتاڭ بويسۇنىپ، بازار ءتارتىبىن، جاراسىمدى، ورنىقتى جالپى جاعدايدى بىرگە ويداعىداي قورعاۋىمىز كەرەك.
حۋاڭ سانپيڭ بازاردىڭ نەگىزدىك قۇرىلعىلار قۇرىلىسىنىڭ العاشقى قادامدا قالىپتاسقاندىعىن، شۇعىل جاعدايعا توتەپ بەرۋ شارالارىنىڭ تاس ءتۇيىن ەكەندىگىن كورگەننەن كەيىن بازار قىزمەتكەرلەرىنە بىلاي دەدى: بۇل بازار كولەمدى ەكەن، بۇدان كەيىن بارعان سايىن كوبەيىپ كەلە جاتقان ساۋداگەرلەر مەن بۇقارانى نەگىز ەتىپ، نەگىزدىك قۇرىلعىلاردى ۇزدىكسىز كەمەلدەندىرۋ ءتيىس. بازاردا اعىلعان جۇرت كوپ، ادام شوعىرلى ەكەن، ءسوزسىز، بازاردىڭ ورتتەن ساقتانۋ ارناسىن ىركىلىسسىزدەندىرىپ، ورتتەن ساقتانۋ حاۋىپسىزدىگى قىزمەتىن ويداعىداي ىستەۋ كەرەك.
ىلە تيانباي حالىقارالىق زات ساتىپ الۋ ورتالىعىندا قىزىل ءتۇستى مەرەكەلىك ۇراندار ەرەن بازارلارعا ىلىنگەن، وبلىسقا توتە قاراستى ورىندارداعى ساقا حاتكەرلەر بۇقاراعا ناق مايداندا مەرەكە بوساعالىلىعىن جازىپ بەرۋدە، جۇرتتىڭ جۇزىنەن كۇلكى ۇيرىلەدى.
حۋاڭ سانپيڭ، قۇرماش سىرجان ۇلى بولمە ىشىندەگى ورتتەن ساقتانۋ قۇرىلعىلارىنىڭ سەپتەلۋ، پايدالانىلۋ جانە ازىق – تۇلىك تازالىعى حاۋىپسىزدىگى جاعدايىنا ەگجەي – تەگجەيلى تەكسەرۋ جۇرگىزدى. حۋاڭ سانپيڭ بىلاي دەدى: تۇتىنۋشىلاردىڭ سەنىمدى كاسىپورنى بولۋ تۇرعىسىنان، ءسوز جوق، وزىنە قاتاڭ تالاپ قويىپ،
ازىق – تۇلىك تازالىعى حاۋىپسىزدىك وتكەلىن مىقتى يگەرىپ، ءار ۇلت بۇقاراسىنىڭ الاڭسىز زات ساتىپ الۋىنا كەپىلدىك ەتۋ، سونىمەن بىرگە، ورتتەن ساقتانۋ حاۋىپسىزدىگىن تەكسەرۋدى كۇشەيتۋ، ورتتەن ساقتانۋ جابدىعىن پايدالانۋ ءۇشىن ورنالاستىرۋ كەرەك.
بيىل قۇلجا قالاسىندا تورسىلداق ساتۋ ورنىنان 55 ى بار. حۋاڭ سانپيڭ تيانشان كوشەسى اۋىل شارۋاشىلىق ونىمدەرى بازارىنىڭ ماڭىنداعى تورسىلداق ساتۋ ورنىندا ساتۋشى قىزمەتكەرلەردىڭ حاۋىپسىزدىك جونىندە تاربيەلەنۋ جانە قىزمەت كۋالىگى بولۋ جاعدايىن تاپتەشتەي ۇعىستى ءارى قىزمەتكەرلەرگە زاڭ بويىنشا جۇيەلى تيجارات جۇرگىزۋدى قاداعالاي تاپسىردى.
حۋاڭ سانپيڭ مىنانى باسا دارىپتەدى: شاعان مەرەكەسى قارساڭى تورسىلداق قاۋىرت ساتىلاتىن مەزگىل. قاتىستى تاراۋلار تورسىلداق حاۋىپسىزدىگىن باسقارۋ قىزمەتىنە ايرىقشا ءمان بەرىپ، حاۋىپسىزدىك جاۋاپكەرلىگىن، باقىلاۋ – باسقارۋدى اناعۇرلىم كۇشەيتىپ، حاۋىپسىزدىك شارالارىن تياناقتاندىرىپ، شىرعالاڭنىڭ تۋىلۋىنان قاتاڭ ساقتانۋ كەرەك.
حۋاڭ سانپيڭ تەكسەرۋ بارىسىندا مىنانى باسا دارىپتەدى: مەرەكە تاياپ قالدى، ءوندىرىس حاۋىپسىزدىگىن باقىلاۋ – تەكسەرۋ قىزمەتىن ورىستەتۋدە كومەسكى حاۋىپ - قاتەردىڭ بايقالۋىنان قورقۋعا بولمايدى، ءسوز جوق، باقىلاۋ – تەكسەرۋ ارقىلى كومەسكى حاۋىپ – قاتەردى بايقاپ، ونى دەركەزىندە وڭاپ، ماسەلەنى قىلپى بىلىنگەن كۇيىندە ءبىر جاقتى ەتۋ كەرەك، وسىلاي بولعاندا عانا بۇقارانىڭ ءومىرى مەن مال – مۇلكىنىڭ حاۋىپسىزدىگىنە، مەرەكەنى تىنىش، بەرەكەلى وتكىزۋىنە كەپىلدىك ەتە الامىز.
حۋاڭ سانپيڭ، قۇرماش سىرجان ۇلى قاتارلىلار تاعى قۇلجا قالاسى تيانشان كوشەسى اۋىل شارۋاشىلىق ونىمدەرى بازارىنىڭ ونىممەن قامداۋ جانە اماندىق قورعاۋ جاعدايىنا تەكسەرۋ جۇرگىزدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
