- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇرماش سىرجان ۇلى وبلىسقا توتە قاراستى ورىنداردىڭ عىلىم – تەحنيكا، وقۋ – اعارتۋ قىزمەتىنە تەكسەرۋ – زەرتتەۋ جۇرگىزگەندە مىنانى ءۇمىت ەتتى: عىلىم – تەحنيكا ءتۇزىلىسى رەفورماسىن تەرەڭدەتەيىك شينجياڭ ەرەكشەلىگىنە يە «تورتتە جاقسى» وقىتۋشى بولۋعا قۇلشىنايىق
2016.03.12 11:20
ناۋرىزدىڭ 9 – كۇنى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى وبلىستىڭ ورىنباسار باستىعى جاڭ جۇي قاتارلىلاردى باستاپ، وبلىسقا توتە قاراستى ورىنداردىڭ عىلىم – تەحنيكا، وقۋ – اعارتۋ قىزمەتىنە تەكسەرۋ – زەرتتەۋ جۇرگىزىپ، عىلىم – تەحنيكا، وقۋ – اعارتۋ قىزمەتكەرلەرىمەن اڭگىمەلەسىپ، عىلىم – تەحنيكا، وقۋ – اعارتۋ قىزمەتىنىڭ «13– بەس جىلدىق» جوباسى مەن بيىلعى ءتۇيىندى قىزمەتتەر جونىندەگى دوكلادتى تىڭدادى.
سول كۇنى تۇستەن كەيىن قۇرماش سىرجان ۇلى قاتارلىلار وبلىستىق عىلىم – تەحنيكا مەكەمەسىنە بارىپ تەكسەرۋ – زەرتتەۋ جۇرگىزدى. ۇعىسۋعا قاراعاندا، «12 – بەس جىلدىق» مەزگىلىندە وبلىسقا توتە قاراستى ورىنداردىڭ عىلىم – تەحنيكا تانىمى كورنەكتى ارتىپ، عىلىم – تەحنيكاعا قوسىلىمدى ۇزدىكىسز ارتتىرعان. بەس جىلدان بەرى، وبلىسقا توتە قاراستى ورىنداردىڭ عىلىم – تەحنيكاعا قازىنالىق قوسىلىمى جالپى ءبىر ميلليارد 70 ميلليون يۋانعا جەتىپ، ءتۇرلى عىلىم – تەحنيكالىق نىسانداردان 672 سىن اتقارعان. ىلە مەملەكەتتىك اۋىل شارۋاشىلىق عىلىم – تەحنيكا باقشاسى العاشقى ادىمدا كولەم قالىپتاستىرعان، ىلەنىڭ جىلقى شارۋاشىلىعى، شينجياڭ قوڭىر سيىر شارۋاشىلىعى، قازاق قويى سياقتى ءتۇيىندى نىساندار قۇرىلىسى جەدەل ىلگەرىلەتىلىپ، ءتۇيىندى كاسىپ پەن ەرەكشە كاسىپتىڭ ساپاسى جوعارىلاتىلىپ، ونىمدىلىك ارتتىرىلىپ، دامۋ جەدەلدەتىلگەن. عىلىم – تەحنيكاعا قىزمەت وتەۋ جۇيەسى كۇن سايىن كەمەلدەنىپ، اۆتونوميالى رايون بويىنشا عىلىم – تەحنيكا جاسامپازدىعى دارىندىلارى قوسىنىنان 45 ى تىڭنان ارتتىرىلعان. سىرتپەن اۋىس – كۇيىس، سەلبەستىك كۇشەيتىلىپ، ءبىلىم مەنشىگى ۇقىعى ستراتەگياسى ىشكەرىلەي ىلگەرىلەتىلىپ، عىلىم – تەحنيكادا جاڭالىق جاراتۋ ونىمدىلىگى كورنەكتىلەنگەن.
قۇرماش سىرجان ۇلى مىنانى ءبىلدىردى: كەزەكتە عىلىم – تەحنيكا قىزمەتى «جاڭالىق اشا، سايكەستى، جاسىل، اشىق، تەڭ يگىلىككە كەنەلە» دامۋ كوزقاراسىن ورناتىپ، جاڭالىق اشۋدى – دامۋعا جەتەكشىلىك ەتەتىن ءبىرىنشى قوزعاۋشى كۇش ەتىپ، عىلىم – تەحنيكا قىزمەتىندە جاعدايدى اناعۇرلىم جىعا تانىپ، يدەيانى بىرلىككە كەلتىرىپ، جىبەك جولى ەكونوميكالىق بەلدەۋىندە دامۋعا جەبەۋشى بولاتىن سىناق رايونىن قۇرۋ ورايىن مىقتى يگەرىپ، عىلىم – تەحنيكا ءتۇزىلىسى رەفورماسىن جاپپاي تەرەڭدەتىپ، ءتۇيىندى نىسانداردى ءوتىنىش ەتۋدى، باسقارۋدى، اتقارۋدى جەدەلدەتىپ، جاڭالىق اشۋعا قىزمەت وتەۋ جۇيەسىن ۇزدىكىسز كەمەلدەندىرىپ، كوپشىلىكتىڭ كاسىپ اشۋىن، جاڭالىق جاراتۋىن جەدەلدەتۋ كەرەك.
وسىدان سوڭ قۇرماش سىرجان ۇلى قۇلجا قالاسى قارادوڭ اۋىلى سەنترلى قوس ءتىل بالالار باقشاسىنا، قالالىق 18 – ورتا مەكتەپكە جانە وبلىستىق كاسىپتىك اعارتۋ باقشا رايونىنا بارىپ تەكسەرۋ – زەرتتەۋ جۇرگىزدى. قۇلجا قالالىق 18 – ورتا مەكتەپتە مەكتەپ مەڭگەرۋشىسنەن، پارتيا ياچەيكا شۋجيلارىنىڭ باستاماشىلىقپەن سەرىكتەسىپ ۇلتتار ىنتىماعىنىڭ ۇلگىسى بولعانىن، بۇكىل مەكتەپ كولەمىندە ۇلتتار ىنتىماعىن قول ۇستاسا نىعايتقان، ءوزارا كومەكتەسەتىن تاماشا اۋان قالىپتاسقاندىعىن ەستىگەندە قۇرماش سىرجان ۇلى ريزاشىلىعىن ءبىلدىردى. بۇدان سىرت بۇل مەكتەپتىڭ ءتۇرلى فورماداعى، اقاۋسىز مازمۇنداعى قوعامدىق قيمىلداردى وتكىزۋى، وقۋشىلاردى ويىن بارىسىندا ۇيرەنەتىن، وقۋدى كوڭىلدى ءىس سانايتىن وقىتۋ ۇلگىسى ساپا اعارتۋىن جەبەگەن.
قۇرماش سىرجان ۇلى قاتارلىلار وبلىستىق وقۋ – اعارتۋ مەكەمەسىنە بارىپ، بارشا وقۋ – اعارتۋ قىزمەتكەرلەرىمەن اڭگىمە ءماجىلىسىن وتكىزدى. «12 – بەس جىلدىق» كەزىندە وبلىسقا توتە قاراستى ورىنداردىڭ وقۋ – اعارتۋ ىستەرى تەز قارقىنمەن سايكەستى دامىپ، وقۋعا كىرۋدەن ىلگەرگى بالا - باقشا تاربيەسىنىڭ دامۋى جەدەلدەگەن، مىندەتتى وقۋ – اعارتۋ قالىپتى دامىپ، ءتارتىپتى ىلگەرىلەگەن، ادەتتەگى ورتا مەكتەپ وقىتۋىنىڭ مازمۇنى بايىتىلىپ، كاسىپتىك وقۋ – اعارتۋ تىڭ ورەگە كوتەرىلگەن، ءتۇرلى وقۋ – اعارتۋ ىستەرى باياندى دامىعان. كەزەكتە وبلىسقا توتە قاراستى ورىنداردا ءار دارەجەلى، ءار تۇردەگى مەكتەپتەردەن ءبىر مىڭ 103 ى بار. وندا جالپى 503 مىڭ 559 وقۋشى وقۋدا، 39 مىڭ 185 ارناۋلى وقىتۋشى بار.
قۇرماش سىرجان ۇلى بىلاي دەدى: وبلىسقا توتە قاراستى ورىنداردىڭ وقۋ – اعارتۋى وزىندىك ەرەكشەلىككە يە، «13 – بەس جىلدىق وقىتۋ جوباسى مەن بيىل ورتاعا قويىلعان «نەگىزگى ساتىنىڭ ۇيىمدىق قۇرىلىسىن كۇشەيتۋ، نەگىزگى ساتى دارىندىلارىن تاربيەلەۋ» ينجەنەرسى، وقۋ – اعارتۋدىڭ تەپە – تەڭدىك ينجەنەرياسى، وقىتۋشىلار قوسىنىن ساپالىلاندىرۋ ينجەنەرياسى، وقىتۋ ساپاسىن جوعارىلاتۋ ينجەنەرياسى، وقۋ – اعارتۋ ارقىلى كەدەيلەردى سۇيەمەلدەۋدەن قامال الۋ ينجەنەرياسى سىندى «بەس ءىرى ينجەنەريانىڭ» باعىتتامالىلىعى توتەنشە كۇشتى. وبلىسقا توتە قاراستى ورىنداردىڭ وقۋ – اعارتۋ قىزمەتى قازىرگى نەگىزدە تاعى دا تىڭ بەلەسكە كوتەرىلۋىن ءۇمىت ەتەمىن. سونداي – اق قالىڭ وقۋ – وقىتۋ قىزمەتكەرلەرىنىڭ تاريحي جاۋاپكەرلىك تانىمى بولۋ، ۇستازدىق ونەگەسى بولۋ، ءمورالدى بولۋ، كاسىپتە مىقتى بولۋ سىندى شينجياڭ ەرەكشەلىگىندەگى «تورتتە جاقسى» وقىتۋشى بولۋىن ءۇمىت ەتەمىن.
كەلۋ قاينارى: ىلە گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
