- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەكونوميكا مەن قوعامنىڭ دامۋىن پارمەندى ءتارتىپ كەپىلىنە يە ەتەيىك
2016.04.20 15:58
ءتىلشىمىز سۇن ۋيشيا، پراكتيكانت ءتىلشى ما چىڭلۋ حابارلايدى. وبلىستىق پارتكومنىڭ ءبىر تۇتاس ورنالاستىرۋىنا ساي، وبلىستىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى ءانۋار ابدۇشكۇر ءساۋىردىڭ 15–كۇنى وبلىستىق پارتيا مەكتەبىنە بارىپ، پارتيا ستيلى، پاكتىك قۇرىلىسى مەن جەمورلىققا قارسى تۇرۋ قىزمەتى بارىسىنداعى تانىمىمەن، تۇسىنىگىمەن جانە تالداۋىمەن بىرلەستىرە وتىرىپ، پارتيانى جاپپاي قاتاڭ جونگە سالۋ، تاماشا ساياسي ەكولوگيا قالىپتاستىرۋ جونىندە «ءتورت ءتۇرلى كوزقاراس ورناتىپ، جاۋاپكەرلىكتى باتىل ارقالاپ، جاڭا قالىپتا ەكونوميكا مەن قوعامنىڭ دامۋىن پارمەندى ءتارتىپ كەپىلىنە يە ەتەيىك» دەگەن تاقىرىپتا ماجىلىسكە قاتىناسقاندارعا پارتيا ساباعىن ءوتتى.
ءانۋار ابدۇشكۇر بىلاي دەدى: پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسى جاعدايىن دۇرىس تانۋ كەرەك. قازىر ىلەدەگى باسىم كوپ ساندى پارتيالى كادرلاردىڭ ءتارتىپ–ەرەجەگە بويسۇنۋداعى يدەيالىق، ساياسي، ارەكەت سانالىلىعى كورنەكتى ارتۋدا، الايدا، از ساندى پارتيالى كادرلار ءالى دە ساياسيدا ءالسىز بولىپ، يدەياسى ايقىن، ارەكەتى دۇرىس بولماي، زاڭ–تارتىپكە قايشى دەلولار ءالى دە ءجيى تۋىلىپ، جەمقورلىققا قارسى تۇرۋ كۇرەسىنىڭ مىندەتى ءالى دە جاپالى دا اۋىر بولىپ وتىر. ىلە بۇكىل شينجياڭمەن، مەملەكەتىمىزبەن بىرگە جەمقورلىققا قارسى تۇرۋ كۇرەسىنىڭ شەشۋشى كەزەڭىندە تۇر. سوندىقتان، ءسوزجوق، حاۋىپ–قاتەر تانىمىن كۇشەيتىپ، ساياسي بەكىم جاساۋ قۋاتىن ساقتاپ جانە كۇشەيتىپ، جەمقورلىقتى جازالاۋ تەبىنىنىڭ ءتارتىبىن مىقتى يگەرىپ، ولشەمدى تومەندەتپەي، تالاپتى بوساڭسىتپاي، شارانى ازايتپاي، قاتاڭ كۇيدى ۇزدىكسىز ساقتاپ، جەمقورلىقتىڭ جالعاسۋ جاعدايىن باتىل تەجەپ، پارتيانى قاتاڭ جونگە سالۋ تابىستارىمەن ىلەنىڭ ساياسي ەكولوگياسىنىڭ كىرشىكسىز بولۋىنا كەپىلدىك ەتۋ كەرەك.
پارتيانى جاپپاي قاتاڭ جونگە سالۋدىڭ مازمۇنى مەن تالابىن عىلمي يگەرىپ، پارتيانى جاپپاي قاتاڭ جونگە سالۋ _ پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىنىڭ تىڭ كەزەڭى دەگەندى جەتە تانىپ، پارتيانى جاپپاي قاتاڭ جونگە سالۋدىڭ نازاريالىق مازمۇنى مەن نسانا–مىندەتىن ىشكەرىلەي ءتۇسىنۋ، پارتيانى جاپپاي قاتاڭ جونگە سالۋدىڭ تىڭ نازارياسى ارقىلى جاڭا داۋىردەگى پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن تىڭ باعىتقا باستاپ، ءورىسىن كەڭەيتىپ، ءتىپتى دە كەڭ دامۋ بولاشاعىن جاراتۋ كەرەك.
بورىشتى ارقالاۋدى كۇشەيتىپ، پارتيانى قاتاڭ جونگە سالۋ ءتۇيىندى قىزمەتىن تياناقتاندىرۋدى جەبەۋ كەرەك. پارتيانى قاتاڭ جونگە سالۋدىڭ ۇيىتقىسى _ پارتيا باسىشلىعىن كۇشەيتۋ، نەگىزگى–جان–جاقتى بولۋدا، شەشۋشى ءتۇيىنى _ قاتاڭ بولۋدا، ءتۇيىنى _ جونگە سالۋدا. ءار دارەجەلى باسشى كادرلاردىڭ مەيلى پارتيا، ۇكىمەت ايىرماشىلىعى، قىزمەتى جوعارى–تومەن، قىزمەت تاريحى ۇزىن–قىسقا بولسىن جاڭا جاعدايدى، جاڭا قالىپتى، جاڭا تالاپتى، ءسوزجوق، تەرەڭ تانىپ جانە يگەرىپ، پارتيانى قاتاڭ جونگە سالۋ جاۋاپكەرلىگىن، قىزمەت اتقارۋ جاۋاپكەرلىگىن شىنايى ارقالاپ، قاتاڭ يگەرىپ جانە باسقارىپ، پارتيانى قاتاڭ جونگە سالۋدى مىندەتتى ءىس رەتىندە قاراپ، پارتيا ستيلى، پاكتىك قۇرىلىسىنىڭ جەتەكشىلەرىنەن، اتقارۋشىلارىنان، جەبەۋشىلەرىنەن جانە باقىلاۋشىلارىنان بولىپ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن ۇزدىكسىز تەرەڭدەتۋ كەرەك. ءار دارەجەلى ءتارتىپ تەكسەرۋ كوميتەتتەرى «ءتورت ءتۇرلى كوزقاراستى» بەرىك ورناتىپ، «ءتورت ءتۇرلى اۋقىمدى» امالياتتا ايگىلەپ، ءتارتىپ تەكسەرۋ كوميتەتىنىڭ پارتيانى جاپپاي قاتاڭ جونگە سالۋداعى ساياسي جاۋاپكەرلىگىن شىنايى ارقالاپ، ساياسي جاقتاعى قىراعىلىعى مەن تاباندىلىعىن باستان–اياق ساقتاپ، ءتارتىپ تەكسەرۋ قىزمەتىنە جالپى جاعداي تۇرعىسىنان سانالى وي جۇگىرتىپ، ونى جوسپارلاپ، ورنالاستىرۋ جانە ورىستەتۋ، مايداندا بەرىك تۇرىپ، باعداردى دۇرىس يگەرىپ، پارتيا ۆستاۋىندا جۇكتەلگەن قاسيەتتى جاۋاپكەرلىكتى شىنايى اتقارىپ، ءتارتىپتى باقىلاۋ–اتقارۋ جاۋاپكەرلىگىن قۇزاستىرۋدى كۇشەيتىپ، ورتالىقتىڭ شەشىم–ورنالاستىرۋىن دايەكتى تياناقتاندىرۋعا كەپىلدىك ەتۋ كەرەك.
باسشى كادرلار ۇكىمەت ىسىندە پاك ۇلگىلەردەن بولۋ كەرەك. باسشى كادرلار كۇندەلىكتى قىزمەت پەن تۇرمىس بارىسىندا دۇنيەگە كوزقاراستى جاڭالاۋدى بوساڭسىتپاي، قارا باسىنىڭ قامىن كۇيتتەمەۋ، ۇقىق پەن اقشاعا بوي ۇرماي؛ ءوزىن دۇرىس باعالاپ، ۇيىمعا دۇرىس مامىلە جاساپ، كوڭىل كۇيدى ورنىقتىرىپ، اقشاعا قۇنىقپاۋ؛ پرينسيپتەن اۋىتقىماۋ، ۇقىقتان ورىنسىز پايدالانباۋ، ناپسىقۇمارلىقتىڭ قۇلىنا، ساۋداگەردىڭ قۇرالىنا اينالماۋ، جات نيەتتە بولماۋ، باقىلاۋدان باس تارتپاۋ؛ پارتيا مەن حالىقتىڭ جۇكتەگەن ءوزىمىزدىڭ تالانتىمىزدى ايگىلەيتىن ساحنانى ساۋدا ىستەيتىن مىنبەمىزگە، اقشا تاباتىن قۇرالعا اينالدىرماۋ كەرەك. باسشى كادر بولۋ سالاۋاتىمىزبەن بەستە بايسالدى بولىپ، بەس ءتۇرلى ەسەپتى ويداعداي ىستەۋىمىز كەرەك.
ءانۋار ابدۇشكۇر بىلاي دەپ باسا دارىپتەدى: پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسى جولىنان ماڭگى اۋىتقىماۋ، ونى دامىلسىز جۇرگىزۋ كەرەك. پارتيانى جاپپاي قاتاڭ جونگە سالىپ، پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسى جۇرت تىلەگىنىڭ قۇپتاۋ–قۇپتاماۋىنا، پارتيانىڭ ءومىر سۇرە الۋ–الماۋىنا قاتىستى، ول ەڭ زور ساياسي. قازىر پارتيا ستيلى، پاكتىك قۇرىلسى مەن جەمقورلىققا قارسى تۇرۋ كۇرەسى جاعدايى ءالى دە قاتاڭ دا كۇردەلى، پارتيانى جاپپاي قاتاڭ جونگە سالۋ تەك باستاماسى عانا، مىندەتى جاپالى، جولى ۇزاق. ستيل دۇرىستاپ، جەمقورلىققا قارسى تۇرۋدى ۇستىنەن وڭاۋ مەن تۇبىرىنەن وڭاۋدىڭ نەگىزگى ماقساتى–پارتيانىڭ بيلىك جۇرگىزۋ ساياسي نەگىزىن جانە بارشا حالىق بۇقاراسىنىڭ پارتياعا دەگەن سەنىمىن بەكەمدەۋ. حالىق بۇقاراسىنىڭ كوڭىلدى بولۋ–بولماۋىن، ريزا بولۋ–بولماۋىن، قۇپتاۋ–قۇپتاماۋىن قىزمەتتىڭ نەگىزگى ولشەمى ەتىپ، كۇشتى ساياسي بەكىم جاساۋ قۋاتىن، جىگەرىن، تاباندىلىعىن ساقتاپ، قاجىرلى كۇش–قۋاتپەن جانە مويىماس جىگەرمەن پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىن ىشكەرىلەي ورىستەتۋ كەرەك.
وبلىسقا توتە قاراستى ورىنداردىڭ ءتارتىپ تەكسەرۋ گرۋپپاسىنىڭ باستىقتارى، ءتارتىپ تەكسەرۋ كادرلارى، وبلىستىق ءتارتىپ تەكسەرۋ كوميتەتىنىڭ جالپى كادرلارى، وبلىستىق پارتكوم جۋىقتا مىندەتكە تاعايىنداعان باسشى كادرلار جانە پارتيا مەكتەبىنىڭ وقىتۋشى–كۋرسانتتارى بولىپ جالپى 500 دەن ارتىق ادام ساباق تىڭدادى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
