بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

قۇرماش سىرجان ۇلى موڭعۇلكۇرە اۋدانىندا تەكسەرۋ – زەرتتەۋ جۇرگىزگەندە مىنانى باسا دارىپتەدى: كادرلاردىڭ قاجىرلى قۇلشىنىسى ارقىلى بۇقارانىڭ باقىت كورسەتكىشىن جوعارىلاتايىق

2016.04.20 15:58    

  ءتىلشىمىز سۇن ۋيشيا موڭعۇلكۇرەدەن حابارلايدى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءساۋىردىڭ 16–كۇنى موڭعۇلكۇرە اۋدانىنا بارىپ، ءار ۇلت كادرلارى مەن بۇقاراسىنان حال سۇرادى ءارى اۋداننىڭ ەكونوميكالىق، قوعامدىق دامۋى، حالىق تۇرمىسى قۇرىلىسى، ەكولوگيالىق قۇرىلىس جانە ەگىن، مال شارۋاشىلىعىنىڭ دامۋى سياقتى جاقتارىنا ىشكەرىلەي تەكسەرۋ–زەرتتەۋ جۇرگىزدى.

  قۇرماش سىرجان ۇلى قاتارلىلار موڭعۇلكۇرە اۋدانى ۇلكەن قوناقاي وزەنىنىڭ كورىنىس رايونى، قاشاجار قالاشىعىنداعى قازاقى سالت–سانا مادەنيەت سارايى، موڭعۇلكۇرە تەكەس وزەنى مەملەكەتتىك شۇرات باقشاسى، تۇلپار مادەنيەت كاسىبى باقشاسى سياقتى ورىنداردى كوزدەن كەشىردى. قۇرماش سىرجان ۇلى بارعان ورىنداردىڭ بارىندە جەرگىلىكتى ورىننىڭ دامۋ وي جەلىسى مەن دامۋ نىساناسىن ەگجەي–تەگجەيلى ۇعىسىپ وتىردى.

  ۇلكەن قوناقاي وزەنىنىڭ كورىنىس رايونى _ موڭعۇلكۇرە اۋدانىنىڭ حالىقتىڭ تۇرمىس ورتاسىن جاقسارتۋ، ساياحات كاسىبىن دامىتۋ ماقساتىمەن اتقارعان ەكولوگيانى جاپپاي جونگە سالۋ نىسانى، بۇعان 150 ميلليون يۋان قارجى قوسۋ جوسپارلاندى. نىسان قۇرىلىسى اياقتاعاننان كەيىن بۇل ارا كوڭىل اشۋ، كورىنىس تاماشالاۋ، ساياحات، ساۋدا ءبىر تۇلعالانعان باقشا رايونىنا اينالادى. قۇرماش سىرجان ۇلى بۇل نىسانعا جوعارى باعا بەردى ءارى موڭعۇلكۇرە اۋدانىنىڭ نىساننىڭ اتقارىلۋىن مىقتى يگەرىپ، قۇرىلىس جۇمىسىن ەرتەرەك اياقتاتىپ، ساياحات كاسىبىنە تىڭ تىنىس باعىشتاپ، بۇقاراعا تاماشا كوڭىل اشۋ ورنىن ازىرلەۋدى ءۇمىت ەتتى.

  قاشاجار قالاشىعىنىڭ قازاقى سالت–سانا مادەنيەت سارايى سالىنسا جەر–جەردەن كەلگەن ساياحاتشىلارعا قازاقتىڭ مادەنيەتىن جانە سالت–ساناسىن ۇعىندىراتىن مادەنيەت الاڭىنا اينالادى. قۇرماش سىرجان ۇلى موڭعۇلكۇرە اۋداندىق پارتكوم مەن ۇكىمەتتەن وسى زامان مادەنيەتىن جەتەكشى ەتىپ، ساياحاتپەن ۇشتاستىرا وتىرىپ، قازاق ۇلتىنىڭ ۇقساماعان تاريحي داۋىردەگى ۇقساماعان سالت–ساناسىن جان–جاقتى ايگىلەپ، ۇزدىك تيپتەر مەن مادەنيەت ارقىلى ۇلتتار ىنتىماعىن كۇشەيتىپ، ۇلتتاردى شىنايى توعىستىرىپ، ىلەنىڭ قوعام ورنىقتىلىعى مەن باياندى تىنىشتىعىنا بەرىك نەگىز قالاۋدى ءۇمىت ەتتى.

  موڭعۇلكۇرە اۋدانىنىڭ تەكەس وزەنىندەگى مەملەكەتتىك شۇرات باقشاسىنىڭ كولەمى ءبىر ميلليون 4 مىڭ مۋ، ول بۇكىل وبلىستىڭ شۇراتتى جەرىنىڭ ۇشتەن ءبىر بولەگىن يەلەيدى. اۋداننىڭ بۇل ارانىڭ بۇرىنعى بەينەسىن قالپىنا كەلتىرىپ، ماڭىزدى ساياحات ورنى ەتىپ قۇرماقشى بولعانىن ەستىگەننەن كەيىن قۇرماش سىرجان ۇلى بىلاي دەدى: موڭعۇلكۇرە اۋدانى دۇنيە ءجۇزى دارەجەلى ساياحات سارا ونىمدەرىن جاراتاتىن ورىن قۇرۋدى توڭىرەكتەپ، ساياحات كاسىبىن ەكونوميكانى، كاسىپتەندىرۋدى جەبەپ، حالىقتى اۋقاتتاندىراتىن ۋنيۆەرسالدى كاسىپ رەتىندە دامىتىپ كەلەدى.

  شۇرات ەكولوگياسىن قالپىنا كەلتىرۋدىڭ ءمانى زور، ەكولوگيالىق ۇلگىلى رايون قۇرۋ تالابىنا ساي، بۇل شۇراتتى جەردى ويداعىداي قورعاپ جانە جوندەپ، جابايى حايۋاناتتاردى وسى اراعا ورالتىپ، ادام مەن حايۋاناتتىڭ تابيعاتپەن جاراسىمدى وتەتىن بۇرىنعى تاماشا كۇيىن قالپىنا كەلتىرۋ كەرەك. قۇرماش سىرجان ۇلى تاعى موڭعۇلكۇرە اۋدانىنىڭ تۇلپار كاسىبىن دامىتۋ جانە قوڭىر سيىر باعىمشىلىعى سياقتى مال شارۋاشىلىعىن دامىتۋ قىزمەتىنە جوعارى باعا بەردى، سونىمەن بىرگە، اۋداننىڭ جىلقى شارۋاشىلىعىن ساياحات كاسىبىن دامىتاتىن، شارۋالاردىڭ كىرىسىن ارتتىراتىن ماڭىزدى كاسىپ رەتىندە مىقتى يگەرىپ، موڭعۇلكۇرەنى ەلىمىز بويىنشا ەڭ ماڭىزدى جىلقى شارۋاشىلىعى بازاسى ەتىپ قۇرىپ شىعۋدى ءۇمىت ەتتى.

  تەكسەرۋ–زەرتتەۋدە قۇرماش سىرجان ۇلى بىلاي دەپ اتاپ كورسەتتى: موڭعۇلكۇرە اۋدانى بىرنەشە جىلدىق دامۋ ارقىلى زور ىلگەرىلەۋشىلىككە قول جەتكىزدى. ونەركاسىپ باقشا رايونىن ويداعىداي جوبالاپ، باقشا رايونىنا نىسانداردى ەنگىزگەندە عىلمي دالەل جاساۋ، ونەركاسىپتىڭ ىرگە تەبۋىنەن جاراتىلىستىق ورتانى لاستاۋعا بولمايدى. زات اينالىمى باقشا رايونىن لايىقتى تۇردە دامىتۋ، شەكتەن اسىرىپ جىبەرمەۋ؛ ۇستىرتتەگى اۋىل شارۋاشىلىق عىلىم–تەحنيكا باقشاسى قۇرىلىسىن مۇقيات يگەرۋ ءتيىس، بۇل نىسان موڭعۇلكۇرەنىڭ ءىس جۇزىندىگىنە ۇيلەسەدى، عىلىم–تەحنيكانىڭ اۋىل شارۋاشىلىعىن دامىتۋداعى جەتەكشىلىك رولى مەن ۇلگىلىك رولىن ساۋلەلەندىرىپ، اۋىل شارۋاشىلىعىنىڭ عىلىم–تەحنيكالىق قۇرامىن جوعارىلاتىپ، شارۋالاردىڭ كىرىسىن ارتتىرۋ كەرەك.

  قۇرماش سىرجان ۇلى بىلاي دەپ باسا دارىپتەدى: موڭعۇلكۇرە اۋدانىنىڭ ءار دارەجەلى پارتكومدارى مەن ۇكىمەتتەرى اۆتونوميالى وبلىس ورىستەتكەن «6 ءتۇرلى قيمىل» جىلىن تىعىز توڭىرەكتەپ، بۇقاراعا بەلسەنە قىزمەت وتەپ، ءار دارەجەلى كادرلاردىڭ قاجىرلىلىق كورسەتكىشى ارقىلى ءار ۇلت بۇقاراسىنىڭ باقىت كورسەتكىشىن جوعارىلاتۋ كەرەك. بيىل اتقارىلعان حالىق تۇرمىسى نىساندارىن ۋاعىندا باستاپ، ۋاعىندا اياقتاتۋ، اسىرەسە، كەدەيلەردى سۇيەمەلدەۋ، كەدەيلىكتەن ارىلتۋ قىزمەتىن ساياسي مىندەت رەتىندە مىقتى يگەرىپ، كەدەي وتباسىلارىن كەدەيلىكتەن ارىلتۋ كەرەك. جاڭالىق اشا دامۋ يدەياسىنا ساي، دامۋ تەبىنىن ارتتىرىپ، «ەكىنى ۇيرەنۋ، بىردە تولىمدى بولۋ» سىندى ۇيرەنۋ–تاربيە قيمىلىن ورىستەتىپ، پاكتىك تانىمىن كۇشەيتىپ، جەمقورلىقتى جازالاپ، پارتيا ستيلى، پاكتىك قۇرىلىسىن جەبەۋدە پارتكومنىڭ تۇلعالىق جاۋاپكەرلىگى مەن ءتارتىپ تەكسەرۋ كوميتەتىنىڭ باقىلاۋ جاۋاپكەرلىگىن ءونىمدى تياناقتاندىرىپ، ءتۇرلى ىستەردىڭ دامۋىن پارمەندى يدەيالىق كەپىلمەن قامداۋ كەرەك. وبلىسقا توتە قاراستى ءارقايسى تاراۋلار موڭعۇلكۇرە اۋدانىنىڭ قىزمەت ورىستەتۋىنە سايكەسىپ جانە وعان ويداعىداي قىزمەت وتەپ، ىنتىماقتى، ورنىقتى، حالقى باي، وبلىسى الۋەتتى، ەكولوگياسى كوركەم ىلەنى بىرگە قۇرۋ كەرەك.

  وبلىستىڭ ورىنباسار باستىعى مۇقيات جارمۇقانبەت ۇلى جانە وبلىستىق حالىق ىستەرى، اۋىل شارۋاشىلىعى، سۋ ىستەرى سياقتى تاراۋلاردىڭ جاۋاپتىلارى جانە موڭعۇلكۇرە اۋدانىنىڭ نەگىزگى باسشىلارى تەكسەرۋ–زەرتتەۋدە بىرگە بولدى.

  كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.